怡紅墨魁 2021-9-10 12:53:03 終於有50負皮，唔知係咪改錯故仔名，魚師果陣好快過50

:^(

怡紅墨魁 2021-9-10 18:43:04 扮收工推，返屋企都要做返工野

:^(

告別這情感 2021-9-10 22:10:15 魚師嗰時更新得密啲？

嗰時魚師故好好睇

椒鹽蝦米 2021-9-14 01:38:48 推

怡紅墨魁 2021-9-14 22:23:07

（二十五）

其實咪理文殊菩薩剃頭成唔成功，成功的話元神都超度咗，唔成功的話元神都唔會係舊身體啦，我諗諗吓，覺得唔合理，見細蚊仔開始敲客人的額頭，我邏輯有限理解唔到，忍唔住多口：「你師傅咪話文殊師傅幫咗佢剃頭，咁元神都超度咗，你敲嚟做咩呢！」

細路停一停手，答得堅定：「六條魚應承咗會做個好人，做唔到就要還身體俾Mandy，佢自己要做返魚，無得話一句解脫唔洗交功課就走咗去嘅，我地心師話唔準就唔準，超度咗我就還原返個一模一樣嘅元神出嚟要佢還！」

哇，好惡毒！

細蚊仔開始喃嘸佬上身，我又留心聽多了心師咒語前幾句：

「⋯⋯
心思廟藏深思經，拜經心師問心事，
無事不登花徑殿，有問必答蓬門僧。
靈台鎖開見青天，不畏人知畏心師，
平生不做虧心事，半夜敲門也不驚，也不驚！」

我唔識分咩心師定劍俠，究竟咒語啫係點，我拋閻摩降，請佢轉身就飛劍，嚇到屌一聲又飛劍，到頭來會唔會好似佛爺Raydon咁講，不過係想專重傳統？

客人額頭「卟」一聲現出紅漆小門，我睇住細蚊仔手指靈活咁揭開小門，好奇佢手指仍未凍僵，我就開始頂唔順，成身凍到震。

這時一隻青藍色獅子從客人額頭道門跳出來，講做奪門殺出都無誇張，我唔識解釋點解咁細道門可以跳出咁大隻貓出嚟，總之睇到就係睇到，只見獅子一掌打飛細蚊仔手中飛出的銀光，銀光插在我腳前雪地定住，我才見到銀光就是他那支用來敲門的筷子，仲彎埋，跟手獅子就一下咬住細蚊仔，憑空消失。

我那時只是估獅子就是師父把鉸剪，本身唔熟劍，連青獅青絲都唔識叫，更加唔知呢把劍唔念咒就傷唔到人，心中以為係師傅一劍斬死咗細蚊仔，我入行無耐，殺細路劍俠啱唔啱都唔到我講，話唔定細蚊仔咁中意劈人，話係報應都有可能，我邊識做飛劍法官。

然後獅子再出現我面前，我怯佢是獅子，但又唔太驚，因為都估自己友，我莽撞叫一句師兄，點知呢位獅兄唔瞅唔睬，一口咬過來，我生手，未拋得閻摩降來擋住就被咬中，連心諗「死得」的時間都沒有，下一秒就來到一處山谷，與完整無缺的細蚊仔企埋一邊。

我摸摸自己全身上下，被獅子大咬一啖卻不痛不癢，一處傷口都沒有，倒是因為山谷依然寒冷，我關心自己會凍死多點。

唉，其實自己應該都死了，再可以凍得死嗎？

我又想起為客人剃頭一事，文殊菩薩為人剃頭，成功的話元神被超度，舊身體可能會送過來清涼山添，而新身體就去做和尚，但客人係死人，咁死人又做咩和尚？佢做和尚咁邊個訓返去停屍間俾人認？

唉，好煩唔想諗，劍俠其咪係咪要考牌讀書，背吓咩叫因果元神果啲，仲有究竟咩係心師魚師，會唔會有間飛劍大學，做下Quiz同Group project，可能又係油尖旺區，得行內人先見到，痴線，諗起哈利波特。

獅子沒有停留，又原地消失，我覺得師傅這把劍似乎對我好冷漠，自己做自己野，都唔同我多嗲。

「喂，你要送返我上山！」細蚊仔對我講。「我兩把劍都俾你拗彎哂啦，我都係斬你一下啫，一陣你要送我返旺角！」

細蚊仔真係細蚊仔，查實我不會知他有多少把劍在身，老實和對家講自己用盡飛劍，咪俾人有機可乘囉。

我沒有打算解釋自己無心整彎佢筷子，反正有理都說不清，何況我都唔知發生咩事，還是先把細蚊仔帶返上山才算，不過我未試過飛劍載客，所以又問下細蚊仔。

細蚊仔話心諗住一齊飛就得，膊頭都唔洗搭住。

我照做拋刀，叫咗「請寶貝轉身」，點知把刀同獅子一樣自己走咗去，又唔知匿埋係邊。

細蚊仔目定口呆，「你做咩放把劍走？你好多把劍咩？」

前一刻覺得細蚊仔城府唔深，隨便俾我知自己
無劍，呢刻我慌失失，都老實搖頭，真係唔好意思。

「痴線佬，你知唔知呢度距離地球幾多光年啊！你整條太空船俾我啊？」

我上兩章收尾同大家講過飛劍送咗我出太空，但我當時唔知，只以為清涼山係某處深山，最多咪西藏瑞士果啲，無預期拋下劍會出咗好多光年。

劍俠咪著返古裝囉，點解會係拍科幻片！大佬我想學飛髮，收返想學身劍合一句野得唔得！

怡紅墨魁 2021-9-14 23:59:31 有無睇咗魚師嘅朋友估到細蚊仔劍俠係邊個

:^(

Sally同大佬蟹就唔洗估掛

:^(

怡紅墨魁 2021-9-15 08:27:15 返工推

:^(

怡紅墨魁 2021-9-15 12:23:42 臨食飯推，世界上有沒有好工，可唔可以請文殊菩薩剃我頭

:^(

怡紅墨魁 2021-9-15 17:49:49 收工推

:^(

怡紅墨魁 2021-9-15 22:17:49 放學推

:^(

椒鹽蝦米 2021-9-16 00:44:10 推

怡紅墨魁 2021-9-16 08:29:26 再返工推，9月開咗學，打字會再慢啲，對唔住大家

:^(

怡紅墨魁 2021-9-16 19:05:41 唔會收到工推

:^(

椒鹽蝦米 2021-9-16 23:04:03 推到有文

春天的回憶 2021-9-18 01:20:59 輕輕一推已過萬重山

椒鹽蝦米 2021-9-20 01:04:22 一切有為法，如夢幻泡影，如露亦如電，應作如是觀

今田美桜_mio 2021-9-21 10:32:24 此回覆已被刪除

唔好手指指 2021-9-21 15:48:34 出文呀

:^(

:^(

:^(

春天的回憶 2021-9-24 22:41:17 今集夕陽新丁講剃頭

:^(

怡紅墨魁 2021-9-28 12:27:08

（二十六）

細蚊仔沒有再多講太空光年的事，他綁緊鞋帶，原地開始做熱身拉筋，就係小學PE堂你會做果啲。

「你想行返上山？」我問。「都高架喎！」

「唔係點？你打算係度住？」細蚊仔原地彎腰，手指都是掂唔到地面的。

「傻咩，係度住。」我苦笑，「我再企多陣都凍到變雪條啦！你都幾堅啊，短衫短褲都無事咁。」

「你真係唔識㗎喎！」細蚊仔搖搖頭，向我解釋師傅無講明的劍俠知識，「人有三把火，鬼都有三把火，分別係兩邊膊頭同額頭，你唔識得運火啫！」

運火？唔通就係現實世界嘅內功真氣煉內丹咁，終於似返武俠片！

「可唔可以教我點運火，係咪要氣聚丹田，打通任督二脈果啲！」

「哈哈！傻仔！」細蚊仔揞口彎腰笑，十分之咁小學雞。「我地劍俠嚟，你以為練緊呃人氣功！運火方法個個派別都唔同，我唔知你師傅會點教，我師傅Raydon係同拜占庭人學劍嘅，道火叫做Υγρό Πυρ。」

「吓，E Ge Law B？」

「Υγρό Πυρ意思即係液態嘅火，當年穆阿維亞一世暗殺劍俠阿里，毁咗脊槽劍，佢嘅門徒為咗報仇，就幫拜占庭抵擋返阿拉伯人，佢地用壺收集自己嘅血，然投擲去穆阿維亞嘅戰船上面，船就會開始著火，而且唔可以用水撲滅。你知唔知點解我地嘅血會著火？」

「唔好意思，麻煩講快啲！」我中意聽劍俠故，但就快凍死人！

「你諗吓你呢世人最怨恨嘅事，一直諗一直諗，你就會成個身辣起嚟，好似比火燒咁。」

「但我有咩好恨。撞車又係我自己衰，呢世人又無同人有仇。」

「但你係Mandy喎，仲係闔閭果半元神喎，自己鍾意嘅男人唔肯果斷同Sally分手，到你去搵魚師幫手，魚師竟然將你元神一分為二，仲將你身體分比千鬼其中六個，你唔憎魚師同Sally，唔憎果個男人同我咩？」

「我究竟係邊個話？」我一時沒有反應過來。

「In the open part of the states
North wind swooped on The Great Plains
And down come from the sky
A pretty meadowlark sat by her side
And he called her his Wild Prairie Rose
His Wild Prairie Rose」

我係Mandy？

呢時細蚊仔無理我，開始向山上行，然後開始邊行邊唱英文歌，我知道細蚊仔有我疑惑嘅答案，就唔理自己幾凍，一心緊貼腳步。

「Clipped her with his beak
And he held her to his yellow breast
Then up into the clouds
Were she and her meadowlark bound」

細蚊仔好似唱緊鄉村民謠，唱腔又好似唱緊藍調，我好奇一個小朋友識咁樣唱歌，用心去聽，又聽出女人聲音來，像鬼般幽怨。

「And he called her his Wild Prairie Rose
His Wild Prairie Rose
He called her his Wild Prairie Rose
His Wild Prairie Rose

So higher and higher they flew
And they did so for days and days
But without her roots
All her petals were wilted away

So down to the ground they did come
And he laid her in the gritty mud
Her life had seen its last moments
And he flew off for another bud」

當細蚊仔唱到這一句時，眼尾又再望了我一眼，那明明是一個女人怨恨的眼神。歌曲中講到一隻鷚摘下了荒野玫瑰，一邊帶住玫瑰飛入雲際，一邊講出甜言蜜語，當玫瑰枯死，鷚鳥又去摘另一朵花冧了。

細蚊仔唱到呢句睥我，就好似我就係另一朵花冧，搶走咗佢嘅鷚。

「And he called her his Wild Prairie Rose
His Wild Prairie Rose
He called her his Wild Prairie Rose
His Wild Prairie Rose」

我係Mandy？

咁唱歌嘅係？

我的腦海中閃現出一些不屬於我呢世的記憶片段，今晚一直纏繞我嘅迷霧終於變得稀薄，令我見到謎底的一部分，正如細蚊仔所說，有一個叫Mandy的女人，做咗人哋第三者，因為個男仔優柔寡斷唔肯同佢原來個女人分手，Mandy就介紹個男仔去見魚師，魚師精通劏魚，仲識得「解人」，解完人之後，成條屍都會無咗，唔會有手尾跟。

男仔應承會帶佢原來果個女人去魚師開嘅壽司鋪食野，到時魚師就會解開個女人。

個女人叫Sally。

如果魚師唔係偏幫Sally，反口覆舌，Mandy就唔洗變成咁！

「就係你！你係Sally！」我衝口而出，我唔知點解細蚊仔會Sally上身，但我知道佢呢刻就係Sally。

這時細蚊仔用女人聲答我：「就係你呢個害人精。」

我分唔清楚我係替Mandy唔抵，定替自己唔抵，只知道自己全身滾燙，係冰天雪地竟然出汗，令我㷫到想殺人，唔再覺得凍。

我唔係知哂Mandy嘅記憶，但我記得Mandy記住Sally對佢男朋友有幾唔好，我記得Mandy覺得自己無做錯。

呢時細蚊仔變返細蚊仔語氣，說話態度神氣十足：「你係咪覺得好熱呢！呢啲咪運火！我身體入面住咗我師傅Sally一部分元神，而呢部份元神同你有好大仇口⋯⋯」

「叫返Sally出嚟！」我拿出了一直帶住的玻璃片，打斷細蚊仔攞彩。

「哈！你拎塊野出嚟想插我啊？」細蚊仔指住我大笑一聲，眼大嘴開似足演舞台劇：「我有四個師傅，學嘅唔止劍術，你逼我唔到架！」

「試下咪知！」我拋高玻璃片，嗓門發出了不似自己聲音的男人聲：「請寶貝轉身！」

怡紅墨魁 2021-9-28 14:33:10 返緊工唔想返工推

:^(

怡紅墨魁 2021-9-28 17:45:49 收唔到工收唔到工

:^(

怡紅墨魁 2021-9-28 22:39:21 發呆推

:^(

也許真的蜂鳥 2021-9-28 22:53:39 魚師完咗幾個月都冇追你故
明明記得之前有睇過你呢篇新故
嗰陣好似因為太少文所以冇留言
結果而家無聊入故台先見返你個故

:^(

怡紅墨魁 2021-9-29 07:50:55 訓醒推

:^(