Ads
2, 赤壁賦提到月出、窈窕,有人認為嚟自〈陳風.月出〉、〈周南.雎鳩〉
原因在於兩篇都係「求之不得,輾轉反側」,貫通全篇
4, 桂棹句用楚辭典自不待言,望美人意指君主,見仁見智
5, 「舞幽壑之潛蛟,泣孤舟之嫠婦」幾耐人尋味
7, 記得以前用《古文觀止今譯》,譯者認為蘇軾只係強顏歡笑,故作豁達
11, 見道士化鶴,令人諗起丁令威嘅故事,出自搜神後記,「好似」係陶淵明撰寫:
「丁令威,本遼東人,學道於靈虛山。後化鶴歸遼,集城門華表柱。時有少年,舉弓欲射之。鶴乃飛,徘徊空中而言曰:有鳥有鳥丁令威,去家千年今始歸。城郭如故人民非,何不學仙冢壘壘。遂高上沖天。今遼東諸丁雲其先世有升仙者,但不知名字耳。」
南宋吳文英有〈賀新郎〉詞云:華表月明歸夜鶴,嘆當時,花竹今如此。
有意思係,呢度「隱隱然」同蘇軾嘅經歷接近
12, 以賦言之,後赤壁賦入面主客答問唔係主體,
更多寫「自己」
提起寫自己,庾信嘅〈哀江南賦〉係鉅著
好少有賦全篇都屌自己無能
Ads
2,4.
東坡特意用詩經楚辭,真係好值得玩味
雖然好明顯有講忠君之意
但似乎係無意、習慣嘅引用
尤其同下文所講嘅哲理脫開
但扣返入東坡生平,似乎又好合理
提及君主,但君主並唔係東坡呢刻需要諗
即係當時重入朝野嘅意慾唔大,先會下開哲理
又或者從詩經楚辭嘅文學始祖,連接下面講變與不變
美人之後用莊生幾個典故為自己解脫
屈原問題係佢知退而不退,「路修遠以多艱兮,騰眾車使徑待,路不周以左轉兮,指西海以為期。」但最後「國無人莫我知兮,又知懷乎故都,既莫足與為美政兮,吾將從彭咸之所居」,然後寫埋懷沙同惜往日就自殺死咗
有用自用,無用而安於無用
既不為所用,我亦悠然自得
逍遙遊借莊子同惠子之言,講匏樽之事,呢度蘇軾應該有用到
然後秋水講河伯同海神對話
然後用逝者如斯
然後寫自己江月
政治抱負既無法伸展,我亦可自在生活
要咁解解通唔難,當然係唔係蘇軾本意就唔知喇 :^(
留名 曾經好想讀文科讀完四年轉左行
即係絲打讀完文科
但係做緊同文科無關嘅工?
:^(
可以從方位言之,例如蘇軾眼中嘅東西方異同,東方意象,西方意象,我自己覺得更離蘇軾本意,不過幾有趣,同埋好似無咩人講過,或者有不過我唔知
留名 曾經好想讀文科讀完四年轉左行
即係絲打讀完文科
但係做緊同文科無關嘅工?
:^(
我係巴打 由文科轉左讀ENGIN亦都做緊ENGIN野
Year 1既時候仲讀緊古詩十九首詩經 現代語法學個類
之後因為屋企壓力焗住轉科 :^(
皮已正 :^( :^(
會唔會有機會講下陸遊之類既詩人?好淒美 :^(
Ads
留名 曾經好想讀文科讀完四年轉左行
即係絲打讀完文科
但係做緊同文科無關嘅工?
:^(
我係巴打 由文科轉左讀ENGIN亦都做緊ENGIN野
Year 1既時候仲讀緊古詩十九首詩經 現代語法學個類
之後因為屋企壓力焗住轉科 :^(
反而羨慕你可以轉科
哈
:^(
留名 曾經好想讀文科讀完四年轉左行
即係絲打讀完文科
但係做緊同文科無關嘅工?
:^(
我係巴打 由文科轉左讀ENGIN亦都做緊ENGIN野
Year 1既時候仲讀緊古詩十九首詩經 現代語法學個類
之後因為屋企壓力焗住轉科 :^(
反而羨慕你可以轉科
哈
:^(
:^(
巴打咩事咁講?
介唔介意分享吓
睇吓有冇意見比到你
性格問題,因為我鍾意「自由」,唔鍾意受拘束,反而需要讀理科
而且個人都鍾意讀理科嘢,例如數學物理
當年想理科搭科文學,文理兼修,但唔得
最後入咗文科,讀得唔太開心
文學係一定要讀嘅,不論文理
只係有啲人揀到自己想要嘅嘢,亦做到自己想做嘅嘢
我做唔倒咁解
到依家想返返去以前,都唔得
所以讀失意文人嘅作品
自然有另一番感受
尤其係六朝同李煜
赤壁三部曲(三):超曠懷古,冰山之顛
三讀東坡念奴嬌(赤壁懷古)
北宋前期的詞,不論晏殊、歐陽修、柳永或其他詞人,也不論雅詞或俚詞,都沒有突破「詞為艷科」的藩籬,風格始終是柔靡纖弱,內容仍不免依循感時傷情,相思哀怨的舊蹊,蘇軾承應著這種機運,但卻能一洗綺羅香澤之態,擺脫綢繆宛轉之度,逸懷浩氣,超然塵垢之外,打破了詞的狹隘的傳統觀念,而開闢了一個新的境界。
——張夢機
正文第三十七章
東坡 念奴嬌(赤壁懷古)
大江東去,浪淘盡,千古風流人物。 故壘西邊,人道是:三國周郎赤壁。 亂石崩雲,驚濤裂岸,捲起千堆雪。 江山如畫,一時多少豪傑!
遙想公謹當年,小喬初嫁了,雄姿英發。 羽扇綸巾,談笑間、強虜灰飛煙滅。 故國神游,多情應笑我,早生華髮。 人間如夢,一尊還酹江月。
東坡黎到黃州第三年,曾經兩遊黃崗城外嘅赤鼻磯
留下前、後〈赤壁賦〉外,更填下流傳千古嘅念奴嬌(赤壁懷古)
呢首詞嘅流傳之廣,遠超其他兩賦
一黎詞作易流誦讀,口耳相傳
二黎呢首詞係三部曲之中,東坡最個人具體嘅抒發
如果以冰山黎形容嘅話
前後赤壁賦係深埋其中水面嘅冰山
而念奴嬌(赤壁懷古)則係最引人注目嘅冰山之顛
當中嘅光芒,直至今日香港DSE都再列為範文
單論一詞,或者呢首未必係東坡最好嘅詞作
但呢首詞並唔係單獨嘅作品,必須連結前、後赤壁賦
同時連結其他東坡詞嘅元素,如歷史,如夢
順住文字表層,走入內容深意
先會發現,呢首係東坡入面內涵最豐富嘅詞作
詞題「懷古」,即以懷想歷代史事之感慨為題材
「懷古」和「詠古」不同
前者係親臨現場,觸景起興
後者如李商隱〈賈生〉,隨時隨地都可以抒發對歷史嘅感慨
劉少雄「臺大公開課東坡詞」
列出三篇作品嘅特點,可供參考:
《念奴嬌》
詞體─抒情獨白、格律嚴謹,篇幅短小。
主詞:「我」(多情應笑我)
《前赤壁賦》
散文賦─主客對話,敘事議論 形式、篇幅較長。
主詞:「蘇子」與客
《後赤壁賦》
散文賦─仍保持對話,但削弱其議論性,或為具體行動和內在體悟。
主詞:「予」與客與道士
大江東去,浪淘盡,千古風流人物。 故壘西邊,人道是:三國周郎赤壁。 亂石崩雲,驚濤裂岸,捲起千堆雪。 江山如畫,一時多少豪傑!
上半片借長江之實,化成歷史流變之虛
虛實相生,彼此映照
觀詞須辨虛實,東坡以實形載虛意
深入事物嘅質性,如水之象徵
《論語》:
「子在川上曰:逝者如斯夫,不舍晝夜。」
逝者係宇宙人生、大千世界嘅一切
不舍晝夜,變幻無常,人世普遍嘅真理
獨笑書生爭底事,曹公黃祖俱飄忽
不用思量今古,俯仰昔人非!
燕子樓空,佳人何在?
滔滔長江向東崩騰,乃一實景
翻起紛紛白浪,浪如曇花,花如千古各領風雲嘅先人
詞人將長河昇華成歷史之長河,淘盡逝者
風流一詞:
如風之逸,如水之流,名士也。
名士起自魏晉,不受客觀社會教條之限制
非關道德,追求逸興嘅美感
東坡遙想者,正是兩位風流人物
東坡去錯史蹟之地,後人以為其愚
其實係詞入面,東坡都講「人道是」,都係聽人講
文學創作借助傳說,才更有想像之美
適有孤鶴,橫江東來。翅如車輪,玄裳縞衣,戛然長鳴,掠予舟而西也
「亂石崩雲,驚濤裂岸,捲起千堆雪」
由故壘西邊之實,生出幾句極陽剛嘅形容
長江浪濤如酒醉狂人,捲起千年來雪白嘅浪花
千年來嘅拍打衝擊,旋生旋滅,打至侵裂岸上岩石
浪花四濺,濺上岸邊亂堆奇石
迷惑間竟似把白雲刺破,露出藍天數洞
「江山如畫,一時多少豪傑」
江山如畫,客觀之實
一時多少豪傑,人事變遷之虛
歷史長河,唔係正係咁咩?
哀吾生之須臾,羨長江之無窮。
新舊衝突,彼此各展所長
令觀者感到驚心動魄,轉眼間
成為史書人名之一
虛實之間,生出全詞張力所在