史提夫陳 2021-6-15 21:14:05 今晚應該無了 有嘢做
聽日吧

人盡崔可夫 2021-6-16 15:18:53 係咪可以expect歐國盃期間會少D文?

史提夫陳 2021-6-16 15:30:40 應該就唔會有太大影響
不過嚟緊我諗呢個禮拜內會有個壞消息通知大家

:^(

人盡崔可夫 2021-6-16 16:21:40 咁撚大鑊?

白飯刺身 2021-6-16 16:24:51 你要結婚唔得閒寫文呀？

史提夫陳 2021-6-16 16:32:28 咁又唔係

:^(

:^(

:^(

含撚致軟 2021-6-16 19:34:10 之前好消息係出書

壞消息係出書要執一執啲文唔得閒出文住？

史提夫陳 2021-6-16 19:57:36 算啦其實都無乜必要賣關子，我直接講一講啦，雖然個壞消息係同好消息有關

:^(

先講結論先：暫定7月開始呢度會停更或者好似之前咁佛系更到8月31號（有機會會提早）。

其實之前個小說比賽係我喺連登po呢篇故出嚟之前就入咗決賽，仲要都幾耐之前下，但因為我個人拖延症好犀利，入圍之後基本上無寫過，又諗唔到點寫，就一路擺咗喺度。

呢兩年我想出書個慾望係好強烈，但唔係為咗錢（大家都知香港地寫字其實搵唔到幾多錢），原因有幾個，咁唔喺度細講啦，簡單嚟講就係嗰陣我係好逼切咁想出書，但比賽篇嘢又諗唔到點寫，就諗：不如寫啲自己擅長嘅嘢啦，因為之前試過寫大路啲刺激啲嘅題材但完全寫唔出。

咁有晚同兩個由細踢波踢到大嘅fd喺屋邨平台度飲酒，講起細個踢波啲嘢（無錯就係余仁海同李向名嘅原型），我就突然有呢個諗法，既然自己有踢開波，又無乜人寫過呢類型嘅，咁不如我試下啦，所以就抱住一個咁樣嘅心態去寫咗十零二十話，然後又唔知做乜就擺咗上嚟。

然後就係好意外地個故比我想像中多人睇，到我真係想寫返比賽篇小說嗰陣有啲分身乏術，其實唔係時間問題，單純係我狀態轉換唔到。咁當時我喺呢度請假嗰陣，其實係有寫到一個樽頸位寫得好辛苦，當時我有諗過不如專心寫足球嗰篇算，因為我嗰邊無乜信心贏。

咁而家雖然唔知講唔講得住，但我個結果係好意外咁贏咗，收到電話嗰陣我未瞓醒仲以為自己聽錯

:^(

咁我當然好開心啦，但其實我日職篇開始一路寫過嚟，我都係有啲不在狀態嘅，可能有太多嘢影響咗我情緒，同埋我未係太諗好呢個chapter嘅發展方式。

所以我就諗不如再休一次刊，因為有個熟嘅fd都話睇得出我呢個chapter走晒樣，問我第二章開始寫緊啲乜撚。（可能大家都有同感）

其實我一直都知道讀者想睇啲咩，鍾意點嘅劇情，我有諗過為咗搏人氣去刻意做呢啲嘢，但我撳住咗自己，而而家去到呢一步咁我更加可以堅持寫自己想寫嘅嘢。

因為我出書呢個夢想已經達成咗，呢篇小說其實更加唔應該畀壓力同包袱我，我自己係咁去看待佢。

咁停更個契機除咗係我想再諗清楚點寫之外，仲有一樣係我嚟緊想參加一個更大型嘅台灣文學賞。

呢個獎個冠軍有非常豐厚嘅獎金，因為我嚟緊年尾會去日本留學，錢對我嚟講都一個非常重要嘅考慮因素，仲有一點就係其實我一直都好想寫純文學作品，所以呢個比賽對我嚟講意義都係好重大。

咁講到呢度，希望大家可以體諒我再一次停更，講咗咁多其實我係想表達雖然我唔寫住，但唔代表呢篇小說唔係我內心想寫嘅嘢。

我心入面已經諗好咗個結局同埋大致嘅發展脈絡，雖然應該有排都未完到，中間可能有啲位大家會不能接受。

但我相信睇到最尾大家都會鍾意呢部作品的。

丁恩妃飯（頹勢） 2021-6-16 20:01:44 樓主加油

:^(

支持你停更，希望你能捉緊自己嘅夢想

:^(

高智能哈露 2021-6-16 20:41:09 支持追夢 盡力去做

似雨若離 2021-6-16 22:21:39 G持樓豬，我哋會等你返嚟的

:^(

牙朗（戰勝歸來） 2021-6-16 22:35:49 咁今晚會唔會有

:^(

:^(

史提夫陳 2021-6-16 23:14:47 有 寫緊 要晏少少

:^(

史提夫陳 2021-6-17 00:00:04 sorry今日真係唔太在狀態 畀多日時間我
聽日下晝出

:^(

火燒天 2021-6-17 02:17:30 樓主加油，有能力去追夢嘅話就去啦，唔好畀自己後悔

:^(

:^(

不過當然希望唔洗停太耐

:^(

史提夫陳 2021-6-17 02:24:42 多謝支持先（包括上面留言嘅）

:^(

張郎 2021-6-17 02:54:24 g持

我沒有六呎鳩 2021-6-17 07:19:08 此回覆已被刪除

白飯刺身 2021-6-17 09:23:32 唔使特登就某部份讀者去加甜呀，整色整水果d

寫返老簫點爭扎點去進步去克服，點去踢好呢場波就好架喇

加油！

白飯刺身 2021-6-17 09:24:35 唔使太在意

:^(

Becomehuman 2021-6-17 16:04:37 加油

:^(

:^(

當機重啟 2021-6-17 16:17:31 在線等

古惑的劍 2021-6-17 17:55:23 好好睇 加油

單身新人王 2021-6-17 18:33:46 佢一定要搵人同佢拍 同埋好容易封鎖到佢

:^(

單身新人王 2021-6-17 18:37:50 千祈唔好為咗就讀者而改文路同內容

就係因為你寫嘅嘢係講故台冇乜出現過 先至令我更加期待你嘅故 我哋最想睇嘅嘢就係你想寫嘅野

:^(

比賽加油 我地會留到大結局

:^(