Ads
WHI 基本種族簡介
戰鎚世界中最強大嘅人類勢力, 由人類史上最偉大嘅戰士Sigma創立, 以信仰、鋼鐵以及火藥鑄造而成嘅龐大帝國。
帝國以外嘅另一股人類勢力, 文化上與帝國截然不同, 信奉湖中女神並以俠義與榮耀自傲嘅騎士國度。
為人熟悉嘅古老種族, 頑固自大並極之記仇, 逼切喺各種外敵威脅下恢復昔日矮人帝國嘅榮光 。
獸人與哥布林嘅統稱, 極度好戰嘅蠻族, 曾多次入侵人類、矮人甚至精靈國度掠劫。
令人心生恐懼嘅不死一族, 佔據住帝國一個東部省份, 一直覬覦住帝國皇位。
WHI DLC種族簡介
混沌眾神於凡界組成嘅聯軍, 由永世神選帶領住各路混沌邪神信徒侵略文明世界, 秩序一方嘅共同敵人。
北方苦寒之地嘅掠奪者, 以不同崇拜混沌嘅野蠻部落組成, 曾多次經海路南下侵掠帝國領土。
被混沌力量污染扭曲而變異成半人半獸嘅怪物, 以獵殺人類甚至精靈為樂嘅兇殘種族.
遠古時期從精靈一族分裂出去嘅分支, 定居於森林, 熱愛大自然但亦極度排外, 當遇到入侵森林嘅外來者就會化身獵人將其一一獵殺。
WHII 基本種族簡介
與矮人一樣同屬遠古種族, 知曉各種魔法知識, 一直以守護者自居維持世界嘅平衡。
比精靈矮人更悠久, 蜥蜴人嘅歷史可以追溯到古賢者創世時期. 現時蜥蜴人一心只為實現古賢者定下嘅偉大計劃.
從高等精靈分裂出去嘅種族, 崇尚暴力色慾等等被精靈視為墮落嘅慾望, 與高等精靈內戰分裂後互視對方為世仇。
戰錘世界最神秘嘅種族, 潛伏於龐大嘅地底帝國, 生性殘酷卻又極度膽小, 每分每刻都圖謀住將地面世界帶入一片混亂與毁滅之中
WHII DLC種族簡介
曾經人類最強大嘅國度, 於一次邪惡嘅黑魔法儀式之後所有活人於一晚間全部消失, 被埋葬於古墓嘅各代君主及與其陪葬嘅軍隊卻因此而復活, 其所在之處被稱爲死人之地。
由吸血鬼海盗王Luthor Harkon創立嘅不死艦隊, 活躍於Lustria叢林東部海岸, 遊戲中為咗支配海洋而尋找可殺死海龍嘅神器。
WHIII 基本種族簡介
Ads
Ads
《全軍破敵:戰鎚》是一款由Creative Assembly開發,經SEGA公司通過Steam向Microsoft Windows、Linux、Mac OS平台發行的電子遊戲。本作結合了全軍破敵系列的玩法和Games Workshop公司戰鎚系列的背景設定;所以是全軍破敵系列第一款非歷史背景的作品。
Q: 隻Game玩乜?
A: 同其他Total War 系列一樣, 分戰役同戰鬥兩部分, 戰役部分要包括軍事外交同建築等等, 戰鬥部份則是由你親自落場控兵打
Q: Warhammer戰鎚係乜東東?
A: Warhammer Fantasy係Games Workshop 於1983年創作嘅一款桌上遊戲, 以中古魔幻為背景創作出唔同種族同角色. Total War Warhammer 基本都係沿用該系列嘅設定製作呢隻game
Q: 唔熟啲設定玩唔玩得?
A: 完全冇問題, 大路設定基本同現時其他RPG類似, 都係人類獸人精靈之類, 但亦有戰鎚自己獨創嘅種族例如鼠人, 之後慢慢發掘都得
Q: 買咗3使唔使買埋1同2?
A: 一二三集都有各自獨有嘅種族, 而第二集同即將推出嘅第三集都會有一個免費DLC地圖可以俾你以DLC嘅形式玩返前作嘅種族, 簡單啲講即係第一集嘅種族可以疊加落第二集到玩, 而第一第二集嘅種族都可以疊加落第三集到玩。對前作種族有興趣就買, 冇就唔買都得。
Q: 咁多DLC買邊隻好?
A: 優先買晒123本體先, 如果買晒本體, 仲想買DLC嘅話, 比較抵買嘅有1嘅木精靈同諾斯卡, 2嘅海盜同古墓王, 當然其他按喜好亦可以趁特價買, 仲有至緊要down齊所有FLC
Q: 戰役好難玩點搞?
A: Warhammer嘅戰役對比起其他Total war系列的確比較難上手, 建議由最低難度開始玩起, 揀容易起手嘅種族例如: 帝國, 矮人, 高等精靈
Q: 有冇得同人連機打?
A: 有, 有分多人戰役同多人戰鬥, 目前大多數線上玩家都係玩多人戰鬥, 上限4v4, 想搵香港人一齊打可以去下面提到嘅Discord group
其他嘢有人想知再講
新FLC領主-暗精靈馴獸大師拉卡斯
經Total War Access 網站可免費領取
Upcoming news
5月-WH3新情報
6月至7月-WH2 最後一個領主包DLC
8月至12月-WH3預購DLC+WH3正式推出
野獸人:肯重製戰役未呀呀呀呀呀呀呀呀!!!!!!!!