人類智慧的起源 2021-4-20 08:45:18 宜家都好煩惱，有計劃係安心左但好似衍生另外一些問題，例如，你用個本去Uk 租樓，去到個度的目的係咩？幾時先可以置業？

美股二十二號濕鴿 2021-4-20 08:55:02 此回覆已被刪除

睇圖先睇字 2021-4-20 10:19:00 無父幹先要走
香港長線無父幹係輸一世 除非你炒野炒到發達
英國係短線就業 適應難困，但你過到2萬鎊一年結婚 生仔 買屋 安居樂業係無問題 除非你係住大城同人迫

相思無用 2021-4-20 10:55:48 我同意佢個接觸係比較差 已經用哂實體掣
但係我中意睇佢既視覺效果

Badluck 2021-4-20 11:28:58 點解唔用kindle

:^(

我酸故我在 2021-4-20 12:48:02 有無識人 （or 樓主）成功溝到local 囡囡，又或者結埋婚？？

:^(

:^(

:^(

（利申： 單身中坑諗住過到去一係娶英國妹 係單身一世

:^(

）

巴斯達光年 2021-4-20 15:49:19 你幾多歲先
如果去讀書 可能識到嘅

唔係咁易㗎 2021-4-20 16:37:14 首先你要高加大隻

我剛攻擊你的村莊 2021-4-20 17:02:34 最緊要唔好俾佢覺得你怕醜
其他後話

定係你想知喺邊度可以識？

英國短毛喵 2021-4-20 17:10:36 我自己就好反中醫嘅，所以唔好問我

:^(

濕疹除非係好嚴重嘅case，如果唔係應該都係係GP manage，唔駛去皮膚科
同埋英國嘅做法係keep 住保濕，一日用最少四次lotion 或者cream。有時GP 會開啲膏俾你沖涼用。類固醇只係俾你啱啱復發嘅時候用，用到一消左炎（即刻唔再紅）就要停，唔係會有反效果。
不過英國空氣同環境都好過香港，少左致敏源之後我同女友嘅濕疹係英國都好左。

英國短毛喵 2021-4-20 17:13:04 多謝支持

:^(

原本都怕個post 耐左無人睇，會曬左啲心機，好在目前都keep 住有人流

:^(

英國短毛喵 2021-4-20 17:20:13 自己唔鍾意鬼妹，女朋友都係香港人

:^(

Asian 男溝到鬼妹唔係無，少啲咁解啫
我覺得首先英文要好，其次性格要陽光外向，同埋最好就夠高同有操大隻。當然，個年齡差距同埋身家都係因素。

賓周只是裝飾品 2021-4-20 18:09:59 我連港女都溝唔到，鬼妹真係諗都無諗過

:^(

不過keep住一世單身又ok

我酸故我在 2021-4-20 18:18:51 雖然咁諗好PK, 但係最快學好當語言就係溝個當地人做女朋友~

:^(

(其實都係順其自然....

:^(

)

(如果讀返個Master貴唔貴呢?)

英國短毛喵 2021-4-20 19:17:20 [其四] 交通篇

係衣食住行四樣嘢入面，唯獨「行」係貴過又複雜過香港。以下係英國除左揸車以外嘅交通模式，嫌too long didn't read 嘅就只需要重點睇巴士同埋火車。事關我未有車牌，所以揸車方面我無咩嘢可以offer 俾大家，要靠其他巴打幫手啦

:^(

。

一。巴士
二。的士及 Uber
三。Tube （London only）
四。火車
五。Coach
六。內陸機
七。單車
八。行路

英國短毛喵 2021-4-20 19:26:49 [其四。一] 巴士

英國嘅巴士分做短途同長途。短途係指城市內之間嘅路線，長途係指你所在城市同鄰近小鎮同城市嘅路線。由於London 內同London 外嘅巴士模式會有唔同，所以我每樣嘢都會分開London 內同外講。

:^(

:^(

收費方式
收費方式方面，基本上全英國都已經可以用智能手機或者credit/debit 卡係車上俾錢。智能手機就係指Google pay, Apple pay 之類嘅NFC 功能。英國嘅Credit card 同debit 卡可以直接好似八達通咁拍卡俾錢，方便過啲咩支付寶用QR code 慢慢嘟。

:^(

London 內就有佢專用嘅Oyster card，即係香港八達通（Octops card）嘅老竇。Oyster card 同八達通嘅唯一分別就係Oyster 真係只用係交通，唔可以做日常交易。Oyster card 可以係地鐵站嘅自動售賣機買到。

最後一個收費方式就係俾錢買車飛。London 內嘅巴士好似唔收cash，你要買車飛就要去返最近嘅Tube 車站買。London 外嘅巴士就多數上車時向車長買，所以搭巴士上車有時候會大排長龍，就係因為前面啲人係到數大餅

:^(

。如果你夠細心，會留意到我係講「買車飛」唔係「俾車錢」。因為英國搭巴士係會印張車飛俾你。呢張好似收據咁車飛大致上有分single ticket, return ticket 同day ticket。Single ticket 就係單程，張飛落車就可以扔。Return 就係來回，所以你要keep 返張飛，等你回程時嘟返張飛上面嘅QR code，先至可以扔張飛（有時司機會係你回程嘅時候搣爛少少你張飛做record）。Day ticket 就自然係任搭，搭到唔搭就可以扔。


以我所記得，London 內嘅巴士係好似香港咁分段收費，流程上基本上唔駛同司機講嘢，拍完卡就坐底，到站前就禁鐘落車。London 外嘅巴士雖然都係分段收費，但係買車飛係以點到點方式去買。即係你係A 車站上車買車飛時要同車長講「我要買來回飛去B 車站／某地標」，司機就回出張return ticket 俾你，你可以係B 車站或更近嘅車站搭回程巴士返A 車站。回程車同day ticket 唔駛係同一個number 嘅巴士 — day ticket 就只要係同一巴士公司就得，return ticket 嘅話如果係另一個number 嘅巴士（同公司）但係都有B 同A 車站嘅路線都可以上車。

英國嘅巴士車費普遍俾香港貴，我住嘅城市搭返十五分鐘嘅單程車已經要鎊半到兩鎊，所以係幾唔化算。

:^(

共橙黨·萬碎 2021-4-20 19:29:32 希望快d register 到
好撚痕

:^(

連豬好得意 2021-4-20 19:39:39 上網睇資料發現唔少人話英國樓隔音比較差，想問下係咪真？差既話係有幾差？日常傾計都會比隔黎屋聽到？
我見terraced house/semi detached house都有人咁講，flat/apartment既話又如何？
唔該哂大家

:^(

賓周只是裝飾品 2021-4-20 19:40:30 請問如果用debit card俾錢/買車票，咁點買single ticket/return ticket？上車嘟卡之前同司機講？

英國短毛喵 2021-4-20 20:09:34 [其四。一。續]
搵路線同班次
係2021 年嘅英國搭巴士真係方便左好多。以前Google map 未有direction 功能，搭巴士只可以上巴士公司嘅官網或者係巴士站個地圖搵路線。依家Google 係英國大部分城市都有最update 嘅巴士路線，可以教你由邊個站搭到邊個站。呢個功能好重要，因為你上車買飛要同司機講去邊個車站，但係唔係個個車站附近都有地標（例如住宅區），所以知道個站名買車飛會方便好多。除左搵路線，因為英國London 外好多巴士都會有廣播或者螢幕報站，要靠自己肉眼睇（或者上車時問個司機可唔可以做好人提你），所以有時飛左站或者早左落車自己都唔知

:^(

。要知道英國嘅住宅區睇落都一模一樣，又無咩街燈，一入左黑隔左個巴士玻璃係唔會知自己去到邊。依家Google map 直頭會即時提你重有幾多個站同幾時禁鐘落車，真係好方便

:^(

:^(

:^(

。

Google map 雖然係好方便，但係有時都會出錯或者唔準。因為有時巴士會因為唔同原因e.g.大時大節或者整路會改道或者delay，Google map 未必反映到呢啲改變。所以我就要介紹traveline.info/ 呢個網。Google 其實係大城市係已經好準確。但係如果你想要最準確嘅即時timetable，travelline呢個網可以出到實時嘅巴士資訊，係啲近郊成個鐘先一班嘅巴士特別有用。以下係real life example：

:^(

注意：如果要轉車，都係用Google map 最方便，Travelline 都有journey planner 但係Google map 已經夠做。

英國短毛喵 2021-4-20 20:10:17 係，無錯

:^(

英國短毛喵 2021-4-20 20:12:42 [其四。一。續]
注意事項
英國人好講禮貌，如果係London 外嘅城市搭車，上車俾完錢要講thank you/cheers，落車如果會經過車長都要講句thank you/cheers。London 內就無呢個習俗，所以唔駛理。

:^(

[完]

搭巴士就講完啦。巴士同火車係比較複雜，所以篇幅會多啲。其他交通工具都幾self-explanatory 所以可能會一次過講曬。大家請stay tuned 同比返個正皮支持。

:^(

英國短毛喵 2021-4-20 20:18:48 你買著啲cream 搓著先啦。
去藥房自己買啲大牌子e.g. Aveeno, Diprobase 搽，無藥用成份但係保濕已經好好多，可以幫手止痕。
如果啲濕疹（eczema）發緊炎可以去藥房搵藥劑師買hydrocortisone 類固醇藥膏，佢會教埋你點用。
你用住呢啲先，到你register 到先再睇。不過個GP 都係會叫你做返以上嘅嘢

:^(

英國短毛喵 2021-4-20 20:20:09 係，我隔離屋電話響我會聽到

:^(

新起嘅flat 可能會好啲，但係舊樓一定係差，唔駛諗

:^(

HR男 2021-4-20 20:21:23 想問下有無英國勞工法班比較應可？
（除左上網自學）