【互動故】【芒亨】各位獵人,歡迎嚟到神火村!
上一頁
第 7 頁
下一頁
氣炸北姑雞
2021-4-15 19:40:06
X
Ads
支那五毛世界第一
2021-4-15 19:47:11
X, 留名
:^(
神火村村民
2021-4-16 00:23:47
【吹奏狩獵笛】
見到「青熊獸」訓得咁腍,自己就奔波左成日,你無名火起,於是用力吹奏狩獵笛,用最顯眼嘅方式同佢打招呼!
「呼~呼~鎾~呼~」
你慢慢摸索到吹奏嘅技巧,要奏出帶有奇異能量嘅音色唔能夠單靠蠻力,節奏嘅掌控更為重要。配合住笛聲,你用手撥動弦線,身旁嘅翔蟲果然開始綻放光芒。
泰倪揚眉,暗自驚歎。
短短半日時光,你居然可以使役翔蟲,施展獵人嘅鐵絲蟲秘技。要知道,即使係自幼浸淫係獵人村落嘅神火村民,想搵到一個人同翔蟲相性如此高,都唔係咁易。
你身隨意轉,高舉狩獵笛,如箭射岀,傾刻便飛到「青熊獸」面前,迎頭就賞呢隻如夢初醒嘅魔熊一頓暴打。
魔熊吃痛,被你打了個措手不及,竟然退退敗退,想有轉身逃跑嘅諗頭。
「咪係到食花生啦,過黎幫手呀!」
翔蟲光芒開始轉暗,你知道你無敵超人嘅威能就快消失,連忙急呼倪泰助拳。
不過,倪泰卻彷若未聞,神情似笑非笑,若有所思,只係繞住手留在原地。
你就快堅持唔住,「青熊獸」感受到你嘅力量漸漸減弱,隨時反撲。
呢個時候,你:
A:怒罵倪泰 叫佢快啲黎幫拖
B:退回後方
X:繼續與「青熊獸」硬碰
(是次有3個選項)
在乳中漫步
2021-4-16 00:39:49
A
神火村村民
2021-4-16 00:55:24
:^(
神火村村民
2021-4-16 00:55:47
:^(
陽光寧蒙芖
2021-4-16 00:59:17
A
蒼藍命運
2021-4-16 00:59:21
X
:^(
頌讚亦有夢醒時刻
2021-4-16 01:08:48
B 退返去搵佢
:^(
擁抱大地之子
2021-4-16 01:27:47
a
女朋友鍾意毒撚
2021-4-16 02:40:58
X
真男人隻揪隻,叫人幫拖不如返屋企瞓教
Ads
神火村村民
2021-4-16 02:51:09
【怒罵倪泰 叫佢快啲黎幫拖】
你回頭對倪泰破口大罵:
「你再唔過黎,我真係死比你睇!」
「青熊獸」見你中門大開,血盤大口就要把你整個後腦噬去一半!
銀光一閃, 倪泰搖頭失笑,下一秒卻消失於你眼前。
翔蟲嘅細絲將倪泰嘅身影重重包圍,暗紅色嘅鬥氣若隱若現,佢以迅雷之勢飛到上空,抵擋巨熊奪命一擊!
「辛苦你啦,依家等你見識下專業獵人嘅手段啦哈哈⋯⋯」
倪泰嘅聲音忽遠忽近,佢閃避巨熊攻擊嘅身姿竟然有如舞蹈。
一人一獸,你進我退,我攻你躲,有如演練過無數次嘅表演一樣,華麗——
——又致命!
「青熊獸」嘅堅甲利爪被倪泰輕鬆砍飛,鮮血漫天飛舞,係泥土上濺岀一朵朵紅色嘅花。
所有野都只係發生係幾個呼吸之間,你使盡奶力先勉強抵抗到嘅魔物,係倪泰面前有如扯線布偶咁比佢恣意戲弄。
神火村村民
2021-4-16 02:51:39
岀住先
聽早起身再補
:^(
謠言止於當權者
2021-4-16 13:22:15
A
趁倪泰打到興起攞支笛扮幫手, 但「唔小心」鋤落佢後尾枕
:^(
神火村村民
2021-4-16 13:30:29
「青熊獸」遍體鱗傷,左眼初刺瞎,雙耳皆被割去,平日作為兇器嘅雙爪崩成幾截,大大小小的刀傷蓋過全身。筋疲力盡嘅巨熊搖搖欲墜,嘴邊掛住混住血污嘅口水,狼狽嘅樣子甚至令你有啲可憐佢。
「了結佢啦!」你忍唔住衝口而出。
「好!」倪泰壓前突刺,一擊便貫穿巨熊嘅喉嚨。
轟的一聲,「青熊獸」應聲倒地,今日漫長嘅戰鬥總於暫告一段落。
XXXXXXXXXXXXXXXXXXXXXXXXXXXXXXXXXXXXXXX
天色開始變暗,時候都唔早了,你同倪泰收捨好殘局,便旋速起行,返回神火村。
「點呀?今日好無玩呀?」倪泰邊收捨行裝邊問。
好玩?你諗返起今日嘅驚險時刻,差啲命仔都無,周身嘅肌肉痠痛無力,吃力揮動武器重令雙手生左唔少水泡,唔休息返一段日子都補唔返。
不過望住滿袋嘅收獲,你又有啲心動,單單係一日嘅狩獵,可能都夠自己豐衣足食咁過幾個月。同魔物戰鬥嘅過程雖然危險,但充滿住「活著」嘅實感,化險為夷嘅感覺更加令人上癮。
見你粒聲唔岀咁發吽豆,倪泰忍唔住笑左岀黎。
哈哈哈哈~
佢嘅笑聲係山林之間迴蕩不絕,你嘅嘴角都忍唔住上揚。
《新手獵人篇 完》
神火村村民
2021-4-16 13:33:00
對唔住 眼殘 依家睇返先知原來得兩個A
:^(
今晚會岀新一章
:^(
中意睇嘅請正皮
神火村村民
2021-4-16 13:37:15
大家有咩想法都可以分享下
:^(
矢久保美緒
2021-4-16 13:37:22
3個
:^(
154 157 160
神火村村民
2021-4-16 13:38:09
係喎
太眼訓
:^(
光明會會員
2021-4-16 16:39:10
:^(
:^(
陽光寧蒙芖
2021-4-16 23:52:36
:^(
:^(
Ads
神火村村民
2021-4-17 01:29:23
寫緊
等唔切就訓先啦
:^(
唔好意思
神火村村民
2021-4-17 01:36:04
「嘶⋯⋯哈⋯⋯嘶⋯⋯」野獸嘅低吟聲,係伸手不見五指嘅黑暗入面,顯得格外恐怖。
兩隻「精靈鹿」係河邊歇息,渾然不知道後方有無數血紅嘅眼睛,係到暗中觀察自己嘅一舉一動。
時間正值盛夏,蟲鳴嘅叫聲此起彼落,植物吸滿左雨季肥沃土壤嘅養份,平日只及膝嘅雜草現在竟挺拔至腰間,為捕獵者提供左天然嘅掩護。
無辜嘅「精靈鹿」啱啱享用完晚餐,就比隱藏係身後嘅「兇豺龍」撲倒。來不及悲鳴就已經比獵食者緊緊咬牢後頸,破了大洞的氣管只透岀沙沙嘅雜音。
你屏住氣息,靜靜卟係地下,木口木面咁睇住眼前嘅慘劇。
神火村村民
2021-4-17 02:34:59
三個月前。
距離上次狩獵「青熊獸」嘅日子已經差不多有三個月,本來你為左生計打算係神火村當一陣子獵人,以為狩獵野豬、雪鹿易如反掌,只係需要留神避開與大型魔物正面衝突。
誰知道頭個半個月,莫講話野豬,連毛都捉唔到條。之前你好似摸到要領,依家拎住枝狩獵笛卻又吹唔返個感覺。你上次狩獵嘅報酬已經用得七七八八,只好硬住頭皮向倪泰九郎請教。
「關我咩事。」自從九郎返到神火村,得知你之前輕薄過艾草嘅事,就對你愛理不理。
「哈哈~今日我要係茶館表演呀~」倪泰每日不是係到瞎搞一些有的沒的,就是神龍見首不見尾,唔知去左邊。
神火村村民
2021-4-17 02:35:28
無所事事嘅你,只好係村莊流離浪蕩,睇下會唔會接到一啲村民簡單嘅委托:好似係採下藥草蜂蜜,偷下草食龍蛋之類。
「呀啦啦,又見到你啦。」
一把溫柔嘅女性叫停左你,係一個身穿和服,肌膚潔白似雪嘅嬌美女子。
佢叫火芽,係村莊嘅接待員。見你形單影隻,連雇用隨從嘅錢都籌唔到,佢總係係你最失意嘅時候岀現。
你並唔係討厭佢,只係生來比較不擅長同異性相處,所以總係有啲唔自然。
「無呀,咁啱路過炸麻。」你搔搔頭。
「路咩過呀,你邊有野做姐。」艾草厭惡嘅聲音從後響起。
火芽好中意食艾草整嘅「兔兔團子」,每日都會去茶館幫襯,關係十分親密。
係呢個咁尷尬嘅時候,你決定:
A:離開,前往兵器舖
B:離開,前往隨從廣場
X:留底,反駁艾草
Y:留底,扮咩都聽唔到
上一頁
第 7 頁
下一頁