【互動故】【芒亨】各位獵人,歡迎嚟到神火村!
上一頁
第 5 頁
下一頁
@風林火山
2021-4-14 19:40:41
比較想做農夫
Ads
擁抱大地之子
2021-4-14 20:57:55
b
下面好好含
2021-4-14 21:37:48
A
神火村村民
2021-4-14 21:50:44
【上前迎擊】
或者係因為首戰告捷,你狀態大勇,自信可以狩獵返呢群不知好歹嘅「鐮鼬龍」。
你大口吐納,調整內息,然後用狩獵笛用力一吹!
「嗚————」笛聲響徹樹林,鳥兒受驚,四處飛散。
「鐮鼬龍」群彷彿感受到你嘅殺氣,不再戒備,紛紛向你襲來!
敵眾我寡,你深明保持移動先唔會令自己陷入被圍攻嘅窘境。
於是,你借翔蟲之力飛上高空,直接離你最遠個隻「鐮鼬龍」,殺佢地一個措手不及。
轟!可憐嘅「鐮鼬龍」受唔住你嘅重擊,昏倒在地。
一擊得手,你卻唔敢上前追擊,因為你知道魔獸們已經有所提防。
你靠住岩壁,將狩獵笛拉到身後,雙眼緊盯迎面而來的另一隻「鐮鼬龍」,打算睇準時機,故技重施。
可惜,佢察覺到你嘅意圖,側身迴避,尾巴順勢甩開。
你被「鐮鼬龍」嘅尾巴甩到岩壁,鮮血係口中噴出。
你咬牙苦撐,續以腳為軸,以狩獵笛橫揮畫圓,迫開「鐮鼬龍」群。
「吼!!!!!」好境不常,壞事成雙。
一隻體型堪比巨熊的「鐮鼬龍王」受到族群嘅呼喚,岀現係你眼前。
絕境,你腦海只有這兩個字。
但你努力求生,你決定:
A:再次吹奏狩獵笛
B:擒賊先擒王,上前攻擊「鐮鼬龍王」
X:突圍並向山上逃走
Y:突圍並向左邊逃走
神火村村民
2021-4-14 21:52:27
於是,你借翔蟲之力飛上高空,直接瞄準離你最遠個隻「鐮鼬龍」,殺佢地一個措手不及。
Sorry 睇漏眼
:^(
神火村村民
2021-4-14 21:53:01
Mon hun好似無得做種野
:^(
奇諾李維斯老婆
2021-4-14 21:56:46
此回覆已被刪除
神火村村民
2021-4-14 22:04:17
下下都咁勇
:^(
btw中意睇可以比個正皮
支持下小弟
:^(
氣炸北姑雞
2021-4-14 22:06:18
B
:^(
神火村村民
2021-4-14 22:37:02
:^(
麵麵麵麵屌你下面
2021-4-14 22:37:12
此回覆已被刪除
Ads
下面好好含
2021-4-14 22:47:01
B, let’s goooo
擁抱大地之子
2021-4-14 22:52:05
b
但係點解會識用隻翔蟲,冇訓練過應該飛都飛唔起
:^(
神火村村民
2021-4-15 00:30:47
【擒賊先擒王,上前攻擊「鐮鼬龍王」】
絕境求生,唯有放手一搏!
擒賊先擒王,你決定上前攻擊「鐮鼬龍王」,打敗領袖,其剩嘅魔獸自然會樹倒猢猻散。
「鐮鼬龍王」嘅尾巴有寒光閃動,刄尾一捲,你隨時身首異處。
你搶係「鐮鼬龍王」攻擊之前,拉近距離,爭奪先機。
你嘗試撥動狩獵笛上嘅線弦,啱啱戰鬥嘅過程你了解到呢把武器嘅能力,同佢演奏岀嘅音樂息息相關。
你希望自己演奏嘅音樂,可以為自己帶黎些少優勢。
可惜,短兵相接,你再無餘裕嘗試。你用盡全身嘅氣力去「鐮鼬龍王」揮岀狩獵笛,希望能造成一啲傷害。
面對你呢種臨陣磨槍嘅攻擊,「鐮鼬龍王」輕巧避過,側身一撞,你已經飛到半空。
奇蹟!你需要一個奇蹟!
或者係你堅強嘅求生意志,你隻手係你腦空一片空白嘅時候,仍然按住狩獵笛嘅線弦,彈岀左個滑音。
你身邊嘅翔蟲頓時發岀光茫,無數細絲從翔蟲身體射岀,纏繞住你嘅身體,並將你扯回「鐮鼬龍王」嘅面前。
你毫不費力咁做岀有如暴風雨嘅連擊,「鐮鼬龍王」節節敗退!眼看就有勝機!
「嗚~」你嘅狩獵笛發岀低沉嘅巨響,你感覺到身體唔再充滿力量,伴隨而來嘅係肌肉撕裂嘅痛楚!
「鐮鼬龍王」無放過呢個機會,躍上空中,一個轉身,快如風嘅刃尾就要取你性命。
轟!!!!!
你無死到,重物墜地嘅聲音響起,塵土飛揚,睇黎有人救左你一命!
但係你睇唔清佢係邊個,你決定:
A:留係到同佢並肩作戰
B:來者不善,趁機逃走
(是次只有兩個選項)
(狩獵魔物可以剝取素材 令主角變強)
神火村村民
2021-4-15 00:31:48
我啱啱寫個時無諗得太詳細
可能會有啲bug位
多多見諒
呢個位之後會解釋返
:^(
屯門阿伯
2021-4-15 00:33:16
A
陽光寧蒙芖
2021-4-15 00:53:29
A
擁抱大地之子
2021-4-15 00:59:38
a
神火村村民
2021-4-15 02:31:19
【留係到同佢並肩作戰】
沙塵滾滾,你難以睇清果個人係邊個,不過佢嘅外形輪廓唔似倪泰,佢比倪泰更加魁梧壯碩。
「喂,等等你上前分散佢注意力,整造機會比你。」一把好西又好熟悉嘅男人聲。
係大刀男!估唔到危急關頭居然係佢岀手救左你!
你嘗試再用手指撥動狩獵笛嘅弦線,不過已經無左剛才嘅手感,翔蟲暗淡無光,顯得欠缺活力。
奇蹟係唔會連續咁發生,你無灰心,重整好架勢,準備突擊眼前嘅魔物。
「就係依家!上!」大刀男發號施令,你亦同時奔向「鐮鼬龍王」。
你無再好似方才咁魯莽出手,妄想可以一擊得手。反而冷靜咁從正面滾過「鐮鼬龍王」嘅雙足之間,繞到佢背後,同大刀男前後夾擊。
「呀!!!!吼!!!」
「鐮鼬龍王」奮力咆哮,強勁嘅風壓伴隨住腥臭嘅氣味,將漫天塵土吹散。
係前面等待住魔獸嘅,卻係全身閃爍住紅色光芒嘅大刀男。
「真。蓄力斬!」係呢個生死關頭,大刀男居然好中二病咁大嗌招式名,令你有啲想笑。
但你無忘記到佢吩咐你嘅野,用狩獵笛重擊「鐮鼬龍王」嘅尾巴,為佢爭取時間準備。睇佢係威係勢咁,你衷心祈求佢嘅招式名符其實。
「鐮鼬龍王」雖然吃痛,但畢竟前面有個更大嘅威脅,佢無空閒時間應對你,轉身就想奔向大刀男中斷佢嘅絕招。
你見攻擊未起到牽敵之效,連忙撲向魔獸,徒手扯住佢個條危險嘅尾巴。
「呵!!!!!!」大刀男身上嘅光茫慢慢變為橙色,佢筋肉墳張,將巨劍高高舉起。
「鐮鼬龍王」尖聲一叫,用力掙扎,終於將你甩開,以驚人速度跳到大刀男面前。
大刀男目光緊縮,精神極度集中,遲遲未有動靜,招式竟然似是未成。
斬殺魔獸嘅機會千載難逢,你唔想白白錯失,你趕忙撿起剛才掉到地上的狩獵笛,用盡全身力氣一吹————
「鎾————」
笛聲響徹雲霄,「鐮鼬龍王」嘅動作有一絲嘅延滯。
大刀男把握機會,雙眼精光暴射,身體併發岀耀眼嘅白光,大劍將高斬落!
刀光一閃,「鐮鼬龍王」被大劍斬首,其餘嘅魔獸見狀便四散逃逸。
「嘿⋯⋯哈⋯⋯」大難不死,你同大刀男都放盡力氣,軟攤在地。
未幾,你倆都忍唔住笑岀聲,享受劫後餘生嘅快感。
「你啱啱嗌招式名個樣真係勁中二病囉」你挖苦佢。
「你啱啱捉住條龍嘅尾咪一樣鬼殺咁嘈」佢回咀。
你地有講有笑,講下講下,你決定:
A:打聽大刀男嘅身世
B:打聽艾草嘅身世
X:打聽神火村嘅事
Y:打聽獵人嘅心得
女朋友鍾意毒撚
2021-4-15 02:35:17
Y
最強非洲人
2021-4-15 02:44:25
B
Ads
擁抱大地之子
2021-4-15 02:48:16
b
氣炸北姑雞
2021-4-15 04:19:12
B
神火村村民
2021-4-15 13:00:29
寫緊
大家等多一陣
:^(
神火村村民
2021-4-15 13:23:08
【打聽艾草嘅身世】
當初你因為調戲艾草搞到雞毛鴨血,咁啱大刀男又同佢關係匪淺,你決定向佢打聽下艾草嘅事。畢竟來日方長,山水有相逢,知己知彼才可以安穩過日子。
「上次你咪話艾草係你個妹嘅,點解你做獵人,佢就整團子嘅?」你隨口問。
「其實我地唔係親生兄妹黎。」大刀男語岀驚人。
「我本名九郎,同艾草從異國流落他鄉,好彩村長願意收留我地,先叫有瓦遮頭。」佢神情憂傷,似有難言之隱。
「姐係外面重有其他村落?」你好奇心起。
「結雲村、莫伽村、江波村⋯⋯世界各地都有獵人同魔物,我同艾草就係其他村落,經過千辛萬苦,黎到神火村。」九郎見多識廣,徐徐續道。
「山長水遠,咁辛苦過黎做咩?」你不假思索。
微風吹過樹林,樹影婆娑,陽光係樹葉之間射落黎。九郎依坐大樹下,佢嘅身體係陽光折射下,顯得有啲耀眼,但巨大修長嘅影子又令佢有種落寞既感覺。
九郎無應你,只係笑左笑,你知道有啲野當事人無自動提起,你就唔應該問。
你同佢一時之間相對無言,搜刮完魔物嘅素材同附近嘅物資,就準備起行。
「我依家返去神火村,你一唔一齊?」九郎不計前嫌,比你放過飛機,都向你䆁岀善意。
但你諗到樹林嘅另一方,倪泰重同「青熊獸」對持不下,一時之間,有啲兩難。
你會:
A:跟九郎一齊返神火村
B:留下大社遺跡,與倪泰會合
(是次只有兩個選擇)
上一頁
第 5 頁
下一頁