【互動故】【芒亨】各位獵人，歡迎嚟到神火村！

神火村村民 2021-4-19 10:51:53

:^(

神火村村民 2021-4-19 13:00:29

:^(

神火村村民 2021-4-19 13:14:56

:^(

神火村村民 2021-4-19 14:08:13

:^(

貪道高僧 2021-4-19 14:28:49 Y

擁抱大地之子 2021-4-19 15:06:00 y

氣炸北姑雞 2021-4-19 15:07:08 Y

さくらみこ 2021-4-19 17:58:49 Y

神火村村民 2021-4-19 20:15:02 食埋飯岀

:^(

神火村村民 2021-4-19 22:15:08 【往遠方嘅戰船殘骸進發】

獵人係喺刀口上討生活嘅職業，每個委託每個任務都係險象環生、九死一生。時間耐左，就開始有啲流言蜚語呀，都市傳說呀之類咁嘅野走岀黎。

寒冷群島作為一個群龍聚居嘅獵龍熱點，自然都唔例外啦，啲老獵人話個到曾經一條成座山咁大嘅古龍，阻擋住所有船集嘅去路，遇到呢條古龍嘅船，一去無回頭，無一例外。

當時嘅獵人公會為左討伐呢條「移動天災」，動用左一整共五團調查軍團，結果古龍係消失左，但係調查軍團一個人都無再岀現過。後來人類總算係寒冷群島建立左基地，先搵到當時調查軍團所用戰船嘅殘骸。

傳聞重話邊個可以搵到戰鑑嘅遺物，就會得到天大嘅祝福，唔知係咪因為黎到寒冷群島咁耐，事事都不似預期唔太順利，你帶住班仔慢慢行去搵呢個傳說之地，希望能夠沾下旺氣，順利大賺一筆。

戰船殘骸位於寒冷群島嘅島中心，主島中間有個內湖，中心有塊巨石，上面就遍佈戰船擱淺後嘅殘骸。對於身手敏捷嘅獵人，要爬上去絕非難事，不過嗰度偏偏就係翼蛇龍嘅聚居地，而且每個曾經挑戰去殘骸尋寶，最後不謀而合空手而回嘅獵人，返到黎總會喃喃自語：

「無可能㗎！一定係怨魂嘅詛咒！」

你為左壯膽，開始哼歌，旋律同風聲係你耳朵碰撞又整合，你聽到一把天籟之聲，感覺好熟悉，好似係邊到聽過咁，你回頭一望，居然見到溫柔體貼嘅火芽同你招手，面上掛住每日如昔嘅甜美笑容。

你上前想去打聲招呼，腳一滑，便向前滑倒，蹌踉之際打算扶着火芽穩住身體，點知手竟然穿過左佢嘅身體！你唔信邪再試，乜都捉唔到，好似係一層濃濃嘅霧入面！

你知道自己岀現左幻覺，可能就係獵人口耳相傳嘅怨魂搞鬼，你嘅處境非常危險，必須盡快清醒過黎，你把心一橫決定：

A:大力掌摑自己
B:大聲呼喚班仔上前協助
X:係崖邊跳落去
Y:使用九郎比你嘅歸還果實

垃圾費青 2021-4-19 22:26:19 X

最愛牛丸 2021-4-19 22:27:26 B

擁抱大地之子 2021-4-19 22:35:44 b

女朋友鍾意毒撚 2021-4-19 22:41:37 Y
命仔緊要，都係返歸啦

:^(

氣炸北姑雞 2021-4-19 22:45:20 X

神火村村民 2021-4-19 22:59:43 道具消耗左就無㗎啦
之後危險就麻煩

:^(

神火村村民 2021-4-19 23:19:43

:^(

女朋友鍾意毒撚 2021-4-19 23:23:11 依家咪危險
中撚咗幻術

:^(

依家唔用等幾時

:^(

陽光寧蒙芖 2021-4-19 23:33:31 B

さくらみこ 2021-4-20 01:31:47 B

神火村村民 2021-4-20 13:18:58 【大聲呼喚班仔上前協助】

「班仔！班仔！」你大聲呼喚自己嘅隨從。

可惜得唔到回應，眼前火芽嘅幻影仍舊未消失，你一咬牙，決定跳落懸崖，希望可以令自己清醒過黎。

你三步併作兩步，眼看就要一躍而下，就係腳尖快要離地個時，你感覺到有啲野卡住左隻腳，失去平衡嘅你，向前仆左個大筋斗。

你嘅頭重重撞上雪地，頓時感到天旋地轉，不知自己身處何方。

「嘿⋯⋯嘿⋯⋯」一把忍住忍住嘅笑聲。

原來係危急關頭，係班仔用力捉住你嘅腳爭，你先無係懸崖上跳落去。見到你狼狽不堪嘅樣，班仔有啲想笑但又唔敢放肆，表情十分趣緻。

「噗！吱！」反而係你先忍唔住笑左岀黎。

「哈哈⋯⋯哈⋯⋯哈～」班仔見你無嬲，都笑埋一份，一人一貓就咁攤左係雪地上面，揚天大笑。

是夜，天空清澈，萬里無雲，抬頭仰望，就見天上繁星閃爍。大自然有種平靜人心嘅魔力，會係不知不覺間令人想傾吐心聲。

「班仔呀，其實點解你會做隨從嘅？」你望住天上嘅星星，脫口而出。

「做隨從得意啲麻，唔通一世係到做咕哩、整團子咩。」你估唔到班仔都有屬於自己嘅夢想。

「咁主人呢，點解你又會做獵人嘅？」

係呢，點解兜兜轉，你又會做獵人嘅？

A:都係搵啖飯食
B:想搵返失去左嘅記憶
X:想追逐名利
Y:自由發揮

下面好好含 2021-4-20 13:27:20 A 現實就係咁

神火村村民 2021-4-20 13:44:12

:^(

神火村村民 2021-4-20 13:44:45 咁你想呢？理想呢？

:^(

女朋友鍾意毒撚 2021-4-20 14:37:38 A 我嘅訴求就係返工