【南征聯合】《病港II》(2 7)
上一頁
第 28 頁
下一頁
墨說
2021-4-17 22:08:04
上身是格子外套搭配白色短袖圓領衫,下身是黑色寬鬆直筒褲與長筒帆布鞋,這穿搭特顯韓湘的腿長,散發不一樣的清新氣息,又不失她的酷酷的性格。
「最好就放埋頭髮落嚟。」看著長鏡的瓦禮建議。
韓湘照辦,伸手把髻解掉。
一縷自然的秀髮垂下,造就渾然天成的氣質。
「嗯,咁樣嘅話,應該唔會有人懷疑你有不軌企圖,點睇都係一個嚟自貴族區大家閨女。」瓦禮認可了造型。
「你覺得點。」韓湘透過鏡子,看著背後的我。
我出神半秒:「幾好。」
瓦禮負著手,行到我背後輕聲說:「唔好咁吝惜啲讚賞。」
「依到幾多錢?」我身上沒有艾幣,但有些焦糖。
「大家係朋友,無諗過收你錢。」瓦禮微微一笑。
「但你最近生意應該唔係幾好?」我續問。
「咁都無計。」瓦禮望出櫥窗外,來回巡邏的官兵:「喺條街見到咁多士兵,都無人會有閒情出嚟買衫。」
「生活仲頂得住?」
「兩、三個月唔成問題,但我屋企人有啲資產,因為王政府廢除面值嘅政策而變咗廢紙……都唔係太樂觀。」
「你有冇諗過離開艾寶琳。」
「依個時勢走到更係好,但都已經封咗境。」
「我可以帶你出去。」
我之前給瓦禮收留過一段日子,現在就當作報恩,儘管她不是大本營居民。
「你有辦法?」
「嗯。」
「咁緊係好!我喺依個倖存區完全放鬆唔到。」
「你喺到等我通知,走得個陣我會叫你。」
「咁我喺到等你哋。」
「鈴──」我和韓湘推門出店子。
營救行動事不宜遲,每過一日情況越危險。
我只能把韓湘帶到茵怡花園外頭,因為單是屋苑外的看更亭,已經有個犬學派鎮守,讓我無法踏入該區域中。
「之後交俾你同佢哋交涉。」我停在豆漿大王店舖前。
韓湘點一點頭,逕自行入茵怡花園。
果不其然,那名犬學派偷偷瞧了韓湘一眼。
Ads
墨說
2021-4-17 22:08:15
韓湘沒有引起其他人懷疑,直接行到大本營領事館門口,把玻璃製的大門推開。
「你好,請問有咩幫到你?」接待處職員抬起頭。
「我嚟見你哋外交官。」韓湘了當地說。
「請問你係……」
「見到外交官本人先。」韓湘知道她這些低級職員,話不了任何事。
職員見韓湘不肯透露身份,便轉身走入外交官房間,不久一名灰色西裝的中年男子,從裡頭出來迎接韓湘。
「小姐,我係大本營外交官,方邵生。」
「我係大本營派過嚟。」韓湘說。
「外面封咗關應該入唔到嚟……」方邵生臉帶質疑,又問:「又或者,你有冇少佐嘅密函或者信件?」
「今次事態緊急,我無帶到證明嚟。」
方邵生腰子稍為挺直:「咁我好難相信你,小姐。」
「你應該知道,許博文喺艾寶琳?」
「的確係,所有大本營人暫時都喺欣梅閣大廈,你唔係我哋外交官員應該無豁免,唔應該出現喺到,咁違反咗艾寶琳王政府嘅規定……」方邵生回應。
「少佐派我嚟係要救走許博文,我諗你都差唔多要諗定後路?依家兩個倖存區幾乎已經係交戰狀態,只係等宣佈嘅一刻。」
「交、交戰?」外交官沒有想過。
「信不信由你。」韓湘沒想過說服他,更像一路壓迫他相信。
「咁至少你要通過考核先……」方邵生從櫃檯那邊,拿出一張表格:「依張係測試你熟唔熟識大本營當地嘅問題紙,如果你有八十分以上,咁我會容易啲相信你……」
韓湘拿過他手上問題紙,開始拿筆作答。
關於大本營的歷史、文化、法律、生活細節等等,韓湘生活了一段時間自然回答得來,但某些比較敏感機密的問題,諸如不良人一役,雖然我老早跟她分享過不少大本營事情,但我跟大本營有五年空窗期,有不少事情發展都沒跟進到。
韓湘把答案填到一半,見到越多自己不知道的問題,索性把問題紙捏成一團扔到垃圾桶中。
「噫。」方邵生一呆。
「你只係需要協助我,就係咁簡單,明?」韓湘踏前一步,氣勢絲毫不減:「你作為外交官應該識睇艾寶琳嘅局勢,我無咁得閒冒住生命危險偷渡入嚟呃你。」
方邵生抿一抿嘴,話說在前頭:「但未做外交官之前,我真係未喺大本營見過你……」方邵生合上眼睛,苦思良久。
「咁你識得M?」
「M……」方邵生對這名字有印象,兩眼一瞪:「你知道佢?」
「不良人攻陷事件、少佐失蹤康城事件、風暴日,全部都關佢事。」
「佢係大本營最初期嘅間諜,屬於大本營最高機密,得好少人識佢,如果小姐你識佢嘅話……咁我諗你應該真係少佐派嚟。」
方邵生能做到外交官這位置,在大本營地位自然是不低,至少是一名幹部級人物,常人無法知道的資訊,他多少都會知道。
「小姐,啱啱失禮哂。」方邵生微微一躬,為自己的不信任致歉。
「小心係好事。」
沒想到,促使兩人信任的標記,正是一隻英文字母──「M」。
「少佐有咩交低?除咗要救走許博文。」方邵生即問。
「暫時得依個命令。」
「明白,但王政府態度一直好強硬,我哋唔能夠直接要求佢放人。」方邵生低頭一想,腦裡萌生幾個方法:「我可以試下,幫許博文申請保外就醫。」
「順便幫我整張領事館職員證,做到?」
「呢方面應該可以,職位我填文書助理?」
個moon好白
2021-4-17 22:08:21
幸運時間
:^(
墨說
2021-4-17 22:08:25
「家庭醫生,基本醫學知識我都叫有。我可以順便以看病為名,搵到其他營救目標。」韓湘記得尚有個人,叫瑜小六。
「好。」方邵生點頭。
「聽日之前,你同我準備大量冷水同大量熱水。」
「呢層你放心,我哋平時都會提供居民一啲日常用品。」
「你聽住我講嘅做就得。」
「係、明白。」
「就係咁。」
「小姐,咁職員證件我就隨便俾個假名你。」
韓湘揚長而去,讓他照辦。
離開大本營領事館後,韓湘無視了我的存在,於一旁的街道離開。
只因她的身後,正有一名可疑的人士跟隨著。
剛剛她進去跟領事職員交涉時候,我就在外面觀察犬學派數目,發現大本營領事館外面竟有多達十多人監視,當然他們不是每個人都攜帶犬隻。
他們有的裝成保安、有的假裝閒逛、有的高處俯視、有的直接不扮,金睛火眼的注視領事館情況。
幸好,韓湘預料到這個情況,所以沒立即跟我碰頭,而是利用反跟蹤技巧,快速脫離了對方。
我早一步先到酒吧等待,相隔十五分鐘後韓湘都回來了。
「一切順利?」我喝著酒等她。
「順利。」
「咁跟住你嘅痴漢?」
韓湘不經心一笑:「跟甩咗。」
墨說
2021-4-17 22:08:54
補1000正評
:^(
:^(
墨說
2021-4-17 22:09:26
我簽嘅第1453本書
:^(
個moon好白
2021-4-17 22:17:24
365隻 一日一殺
:^(
林明禎男朋友
2021-4-17 22:17:40
文
:^(
森林大火鳥
2021-4-17 22:17:46
文啊
:^(
:^(
:^(
西白莉雅淫
2021-4-17 22:35:15
咁清楚?
譚玉英個仔
2021-4-17 22:41:07
你係唔係韓湘黎
:^(
咁都信
Ads
椒鹽蝦米
2021-4-17 22:42:25
早文
:^(
刁維尼
2021-4-17 22:50:33
:^(
:^(
:^(
白色的雲
2021-4-17 23:01:38
「你到底殺過幾多隻病者?」韓湘無故地問。
「二萬六千三百六十四隻。」我答。
愛。
2021-4-17 23:03:44
又未必,舊政府的政策對病港時期的穩定算係最有效&直接。而且依家夕鯨國的環境咪就似資本主義後期的弊病,仲有係,如果瑪琋講的係真,救埋夕鯨一命,夕鯨都仲要搵破佛監示病獵協會(唔好忘記,當初舊政府支持協會全力南征失敗先有空間俾夕鯨取代)內裡有無其他事情都未知,明顯呢度仲有好多嘢可以深究。條線要拉到內鬼/詭人都得,任墨巴點講都通。當然,本人對西城薈的確無好感。
我反而有興趣係依家開咗艾寶琳條線,仗就一定打硬(除非走去行刺艾康成功),以艾寶琳國力(主要係軍隊)對其餘勢力嚟講算係幾大差距(當然民心輸哂),不過計埋犬學派可以引到病者,係咪諗住秦狩&奎斯兩班人合作?同埋打完仗,無論點都要收拾殘局,而且艾康應該點都會落台,既然艾寶琳會洗牌,係咪仲要艾匡返去?反正另外勢力都唔似艾康咁高壓/咁想統一掌權(除非寫艾康贏咁爆,不過都會國力虛耗喇)唔會打打吓停戰掛
:^(
BTW, 快d返去夕鯨國,我想睇王達尼點企番身&點配合滿天+M去對抗天腦
譚玉英個仔
2021-4-17 23:25:24
@墨說
黑椒牛丸河
2021-4-17 23:30:26
Morning Dew
要聽埋Serrini嘅《不要那清晨露水 / Dew Nay》
:^(
椒鹽蝦米
2021-4-17 23:54:08
Pish
傻豬黎既
2021-4-18 00:29:46
推
澱粉質狂熱分子
2021-4-18 00:35:22
仲有咁多犬學派
:^(
:^(
:^(
澱粉質狂熱分子
2021-4-18 01:03:51
沒想到,促使兩人信任的標記,正是
一個英文字
──「
Monster
」。
Ads
夜行傘
2021-4-18 03:32:14
咩時勢呀 仲保外就醫
:^(
白色的雲
2021-4-18 04:07:27
:^(
白色的雲
2021-4-18 04:09:14
:^(
白色的雲
2021-4-18 04:10:16
墨b心入面見到有得補1000正皮其實係
:^(
:^(
咁樣
上一頁
第 28 頁
下一頁
「最好就放埋頭髮落嚟。」看著長鏡的瓦禮建議。
韓湘照辦,伸手把髻解掉。
一縷自然的秀髮垂下,造就渾然天成的氣質。
「嗯,咁樣嘅話,應該唔會有人懷疑你有不軌企圖,點睇都係一個嚟自貴族區大家閨女。」瓦禮認可了造型。
「你覺得點。」韓湘透過鏡子,看著背後的我。
我出神半秒:「幾好。」
瓦禮負著手,行到我背後輕聲說:「唔好咁吝惜啲讚賞。」
「依到幾多錢?」我身上沒有艾幣,但有些焦糖。
「大家係朋友,無諗過收你錢。」瓦禮微微一笑。
「但你最近生意應該唔係幾好?」我續問。
「咁都無計。」瓦禮望出櫥窗外,來回巡邏的官兵:「喺條街見到咁多士兵,都無人會有閒情出嚟買衫。」
「生活仲頂得住?」
「兩、三個月唔成問題,但我屋企人有啲資產,因為王政府廢除面值嘅政策而變咗廢紙……都唔係太樂觀。」
「你有冇諗過離開艾寶琳。」
「依個時勢走到更係好,但都已經封咗境。」
「我可以帶你出去。」
我之前給瓦禮收留過一段日子,現在就當作報恩,儘管她不是大本營居民。
「你有辦法?」
「嗯。」
「咁緊係好!我喺依個倖存區完全放鬆唔到。」
「你喺到等我通知,走得個陣我會叫你。」
「咁我喺到等你哋。」
「鈴──」我和韓湘推門出店子。
營救行動事不宜遲,每過一日情況越危險。
我只能把韓湘帶到茵怡花園外頭,因為單是屋苑外的看更亭,已經有個犬學派鎮守,讓我無法踏入該區域中。
「之後交俾你同佢哋交涉。」我停在豆漿大王店舖前。
韓湘點一點頭,逕自行入茵怡花園。
果不其然,那名犬學派偷偷瞧了韓湘一眼。