打飛機群組 2021-12-8 12:28:36 想問巴打， 巴西同巴拉圭值唔值得去？ 你又最鍾意南美邊個國家

千奴 2021-12-8 20:25:28 巴拉圭我唔算真正去過，冇咩意見

:^(

但我諗佢算相對少遊客嘢，如果鐘意地道體驗應該會幾正。

巴西一定值得去，只係佢太大，好睇你去咩部份。最出名一定係里約、聖保羅嗰邊，好有活力嘅大城市。都可以去亞馬遜、伊瓜蘇睇動物睇景，東北部巴西嘅文化都好唔同，變化大到玩唔晒

:^(

千奴 2021-12-8 20:27:58 正，實玩到唔捨得走。但疫情下真係要做足功課

:^(

打飛機群組 2021-12-9 10:35:18 thanks 巴打！
想問一下關於onward traveling prove 既問題， 坐飛機多數要有回程機票或其他機票先上得機， 打算用onward ticket嗰d網站book飛黎做prove
請問喺南美陸路過關有無相關既要求？

感謝

:^(

千奴 2021-12-9 10:50:06 南美我嗰時冇，全部都去到再慢慢點走

:^(

而家肺炎唔知

:^(

月光巴記住守規矩 2021-12-11 08:51:00 繼續推

:^(

:^(

:^(

月光巴記住守規矩 2021-12-14 08:27:20 推

:^(

:^(

:^(

利馬皇子 2021-12-14 20:47:28 黎秘魯

:^(

多野玩多野睇又冇其他國家咁危險

:^(

打飛機群組 2021-12-14 21:46:47 秘魯就一定會去啦

:^(

巴打喺Lima?

利馬皇子 2021-12-14 21:51:48 暫時係香港，遲下返去

:^(

秘魯疫情嚴重，好多人冇飯開治安差左，遲下先

利馬皇子 2021-12-14 22:23:32 btw俾個建議你，如果飛利Lima，去隔離Huaral住一兩日，食物方面會有驚喜
eg.
Restaurant Campestre Juanito
Doña Julia
La Huaca Escondida

天竺鼠，豬，牛，都係用炭火即燒即食的

:^(

d傳統菜都特別好食

千奴 2021-12-16 21:36:21
出咗伊泰普水壩之後，我哋即刻衝去下一站，坐巴士去巴西呢邊嘅伊瓜蘇瀑布。自從入咗中南美洲，我哋都過得幾悠閒，甚少有要趕車嘅情況。今次為咗要趕景點，冇辦法之下都要計準啲車嘅班次

:^(

原來去瀑布國家公園啲車去到零晨都仲有。以我所知嗰邊係冇民區，僻到仆街，唔知有咩人會咁夜去嗰邊呢

:^(

相比起阿根廷嗰邊嘅園區，巴西呢邊就細好多，但由入口去到觀景嘅位都有成十公里，所以都係要搭接駁巴士。我哋去到門口嘅時候都比較晏，人唔算多，好容易就上到車直到瀑布盡頭。


落車冇幾耐，就有一條通往瀑布群嘅橋出現喺我哋面前。

:^(

相比起阿根廷嗰邊有幾條路線比你選擇，行足一日都行唔晒，呢度就簡單得多，基本上就係一條路行入觀景台，唔使分咩紅線藍線想睇啲咩。第一眼望落去就覺得呢個全景值回票價，不枉我哋專登趕頭趕命嚟埋呢度。


落到下面，以為自己準備好直殺入橋，點知未開始行就已經畀側邊打埋嚟嘅水整到全身濕撚晒，我哋都不禁後悔點解嚟瀑布都唔識準備定雨褸

:^(

仲諗緊點算之際，發現原來隔離就有雨褸賣

:^(

不過巴西人真係唔太識做生意，入得嚟擺明任劏唔嬲，都夠膽死一件雨褸賣得嗰十蚊八蚊

:^(

唔通真係搞手但求打個和

:^(

準備好就出發，睇吓兩邊究竟有咩唔同

:^(

印象中連埋影相都係一頭半個鐘，好快行完。唔怪得大家都話巴西呢邊規模細好多。比大細就真係冇得比，但如果話呢邊遜色一啲，我就唔太同意。


置身於兩邊嘅瀑布之間喺橋上面漫步，可以話完完全全感受到伊瓜蘇嘅魅力。如果一定要做比較，我會話阿根廷嗰邊嘅園區，係比你走埋去感受每一個瀑布嘅力量，你可以走得更加近，分別接觸到更加多；而喺巴西呢邊，就係去一次過感受呢個瀑布群集體嘅冲擊。即係點？即係一隊天團入面，阿根廷係比你行埋去分別同某幾個人握手，而巴西就係睇佢哋成隊嘅演出。


邊個好睇啲？冇架。如果有時間，就梗係兩邊都去。其實趕少少都係用多半日，我個人認為係非常值得

:^(

阿根廷嘅瀑布一定要企埋去某一兩條到近距離感受先會濕身，但巴西呢邊冇咗雨褸就唔使行。同一個瀑布群嘅兩邊，無論景觀同感覺都幾大分別。呢邊有呢邊獨特嘅全景，不過可以睇到嘅變化同角度就相對少啲，算係美中不足。但呢個下晝嘅風景仍然係旅程中數一數二嘅難忘。


如果下次再嚟，我希望會係晴天，我諗有彩虹嘅伊瓜蘇瀑布應該會更加震撼。

千奴 2021-12-16 21:38:39 點解嗰時唔知道

:^(

利馬皇子 2021-12-16 21:44:29 本地有錢人既飯堂後花園

:^(

點會俾其他人知
不過交通不便係冇遊客唔出名既原因之一

千奴 2021-12-22 00:49:58
離開壯闊嘅伊瓜蘇瀑布，時間尚早，仲未入黑。嚟到伊瓜蘇市之後，Hostel嘅人就同我哋介紹通常嚟呢度嘅人都會睇三樣嘢，頭兩樣水壩同埋瀑布我哋已經去咗，淨返最後一樣。


唔知大家仲記唔記得，喺秘魯阿雷基帕（Arequipa）嗰陣女神唔見咗電話，當時Geogiano有提過巴拉圭有個叫東方市嘅地方買iPhone好平。雖然冇真係等去到先買，但呢個名我就一直念念不忘。

東方市（Ciudad de Este）係巴拉圭同巴西嘅邊境城市，同伊瓜蘇市接壤，一過橋就去得到。之所以會介紹我哋去，係因為東方市係一個購物天堂。原來呢個城市歷史好新，係五十年代憑空起出嚟。嗰時巴拉圭嘅領導人為咗扭轉內陸國喺經濟上嘅劣勢，就決定把握呢個地方同巴西阿根廷兩個南美大國連接嘅地理優勢，起一座邊境城市出嚟做生意。為咗吸引商人，呢座新城嘅進口貨都係免稅，就好似香港一樣，所以東方市又有一個稱號叫做南美洲香港

:^(

去勻晒啲乜乜柒柒南美瑞士南美巴黎，冇理由唔望下呢個南美香港。我哋跟住Hostel比我哋嘅指示，坐車去到伊瓜蘇市嘅盡頭，過橋去巴拉圭。喺秘魯第一次聽東方市嗰陣，我都上網搵過啲資料，知道特區護照入巴拉圭係要簽證，但我哋又冇去整，諗住去唔到就由得佢。直至嚟到伊瓜蘇，呢度啲人同我哋講去東方市唔使過關，唔使擔心啲咩簽證問題。既然大家講到噉，我哋就試吓過去，睇下會唔會比人遣返

:^(

我哋喺邊境附近截咗架的士，司機輕輕鬆鬆就車咗我哋過去，沿途真係唔使落車過關吸印。只見啲疑似入境關員鳩流流噉喺兩國中間嘅橋上面談笑風生，完全冇理過來來回回嘅車龍，似乎呢度真係豁免咗入境限制嘅特殊地帶。


由於呢度啲嘢真係好平，每日都有極多巴西人過嚟買嘢搬返屋企，就好似深圳啲人去香港掃名牌一樣。呢度瘋狂嘅程度以致福布斯將東方市、香港同美國嘅邁亞密並稱為世上三大轉口貿易港。之前喺成個南美一路唔捨得買嘅MacBook叉電線，我哋終於喺度用至抵價買到

:^(

但如果你問我，與其話呢度係南美香港，我覺得佢嘅市容更加似羅湖。海量嘅走私客，加上非常多早期嚟呢度搏殺嘅台灣同中國商人，都令到呢度有種濃郁嘅中國風味。


雖然我哋喺過境嘅時候係抱住一種守法嘅心態，萬一有官員叫我哋做落地簽證或者叫我哋返歸，我哋就會離開，只係冇諗過會如入無人之境。但入咗去之後，都有一種偷渡嘅緊張感

:^(

喺東方市行咗個圈，買完要買嘅嘢都唔敢久留，趁天未黑就行返巴西。


回程嘅時候我哋冇坐車，直接行橋返去，喺橋上面就可以見到分隔兩國，比伊泰普水壩閘住嘅巴拉那河（Parana River）。


而家睇返東方市黃昏嘅景色，真係後悔當初冇將巴拉圭劃入旅程入面。作為世上僅餘無幾嘅台灣邦交國，加上佢係一個相對少遊客踏足嘅南美洲國家，入面一定有好多好少人知又新奇有趣嘅嘢等緊我哋去探索。而家諗返成個旅程，總覺得大路嘅景點、出名嘅地方去得太多，反而失去咗旅行應有嘅探索精神

:^(

用咗一日時間趕完三大行程，好耐冇試過咁攰，充實得嚟又有啲若有所失，都係嗰句，唯有希望可以下次再嚟

:^(

強壯的括約肌 2021-12-22 01:06:32 留名

深山巨蟒(のあ) 2021-12-22 02:24:41 佛系出文

:^(

利馬皇子 2021-12-26 18:03:43 就黎變月經

牙痛不是病 2021-12-26 19:43:21 輕推一下

多即刻駁咀 2021-12-31 02:40:00 真係無乜點聽人講去巴拉圭

天竹鼠車車 2021-12-31 02:52:19 此回覆已被刪除

利馬皇子 2021-12-31 23:07:01 燒完仲可愛

:^(

炸完仲吸引

fatfatwhitewhite 2022-1-10 23:55:09 Happy 2022

千奴 2022-1-11 10:06:19 祝大家有個平安嘅2022

:^(

新一年開頭比較忙，月中會繼續寫，大家得閒就入嚟望吓

:^(

seeyousoon囝 2022-1-11 20:24:43 用左幾錢

:^(