利馬皇子 2021-6-7 11:47:39 唔見左咪去多次買返囉

:^(

千奴 2021-6-7 11:48:48 如果去復活節島就要喺聖地牙哥飛，當時唔想再走返轉頭，冇去到了

:^(

而家比我重新選擇，會想去埋。下次再有機會唔知要幾時了

:^(

千奴 2021-6-7 11:51:32 可以預見就算有香港人有心搞，都會比海外藍絲反對同中國禁止。猶太人可以有力量做到兼排除晒反對勢力真係好犀利。

千奴 2021-6-7 11:54:02 再買再唔見，無限Loop。師兄啲舖頭係咪你開架

:^(

千奴 2021-6-7 13:46:06 我梗係唔會去賊仔市場搵，唔想自己嗰部都唔見埋

:^(

知道女神心理上唔會想陪我日日過嚟問有貨未，每日都受一次由有希望變失望嘅打擊，我就問個職員肯唔肯留低電話同WhatsApp，一旦有消息就通知我。我嘅妙計就係日日都問下佢有未，如果肯定有貨女神想唔嚟到都唔得了

:^(

見女神呢兩日情緒起伏都幾大，男屋住Geogiano同佢女朋友Mel都好識做，成日同我哋傾偈，又分享吓自己生活唔如意嘅事鬥吓慘，等女神都唔好意思成日一臉唔開心。呢日上完堂之後，佢哋就揸車帶我哋去附近行吓。


呢度係佢哋幾鐘意散步嘅郊外。一路上，Geogiano都係咁幫我諗辦法買返部iPhone。佢話佢哋想買平嘢通常會去兩個地方，其中一度就係美國。當時我去美國個Visa仲未到期，有諗過來回一轉去美國買，但機票都抵得上秘魯嘅差價，又問埋上次喺Cancun篇提過嘅朋友T幫手查吓寄過嚟要幾多錢，但運費唔平，而且寄呢啲要報稅嘅物品，捉到分分鐘要罰，計計埋埋都覺得唔係好行得通。


另一個方法就係去巴拉圭嘅東方城，嗰度稅好低，有南美洲香港嘅稱號

:^(

呢個地方好盞鬼，遲吓去到再講多啲。呢一刻仲未想為咗部電話而跳過晒沿途嘅景點，暫時都係去唔到住，唯有等吓職員哥哥嘅消息。不過好開心又知道多一個之前未聽過嘅地方，令我更加唔想旅程咁快就完

:^(

行吓行吓已經入黑，又返到夜晚嘅城市。諗返轉頭都幾慶幸呢段時間遇到Geogiano同Mel呢對情侶。如果我哋只係入住一間普通嘅Hostel，或者全程都冇人同我哋傾偈嘅酒店，可能會捱唔過呢啲日子。衷心感謝每一位出現喺旅程入面嘅人。

:^(

深山巨蟒 2021-6-8 11:00:21

:^(

千奴 2021-6-8 17:16:15
比我日煩夜煩咗一輪，賣iPhone間舖頭嗰個Alex哥哥終於覆返我，話以佢所知部256GB全國都起碼要聖誕後先至有貨（當時係12月4日），就算我肯去利馬買都冇用。如果唔想等咁耐，可以考慮吓嚟緊8號會有得預售嗰陣最新嘅iPhone 10，15號就有得拎。即係話眼前有三個選擇，唔介意等就三星期後搏下買8 Plus 256GB，唔介意貴就直接買最新款，未上完西文堂已經拎得，或者買而家有貨嘅8 Plus 64GB即時享受。


比人偷咗成個星期，女神嘅心情都慢慢平伏，冇再好似頭兩日咁想返歸。呢幾日都肯去吓屋企同學校以外嘅地方，周圍散吓步。


原來秘魯瑪卡仲可以整果汁

:^(

如果成街都賣呢啲，莫講話三孩政策，可能十孩都冇問題

:^(

好多西班牙人建造嘅城市都有一個兵器廣場（Plaza de Armas)。Arequipa都唔例外。兵器廣場就係比軍隊做閱兵儀式嘅地方，通常會有個大少少嘅空地，附近就起啲教堂或者有啲政治含意嘅建築物。而家好多時都變咗遊客景點。


呢度隔離就有教堂同迴廊，同埋啲唔同種類嘅羊駝毛嘅介紹，因為附近有好多羊駝毛製品嘅紀念品店

:^(

但成個Arequipa最令女神開心嘅，應該係Geogiano隻鹹濕狗。


自從我哋嚟第一日，呢隻狗已經好鐘意搵我女神。有時我哋上完堂都會帶佢出嚟痾吓屎尿。呢隻狗唔知係咪食瑪卡食得多，好鐘意對住女神發情。試過有次我喺隔離佢都照撲上大脾起勢噉搖，然後地下就濕撚晒，好撚倡狂

:^(

雖然對呢隻鹹濕狗公冇咩好感，但都多得佢同埋呢兩星期以嚟喺呢度寫意嘅時光，幫我渡過咗呢個手機被偷嘅小危機。中間嗰個就係Geogiano，左一係佢女朋友Mel，左二係佢個妹，成日喺屋企同我哋練西文。

出咗嚟二百幾日，住過咁多間Hostel、Couchsurfing同Airbnb，我諗呢種就係我最鐘意嘅模式。大部份嘅Airbnb都係用酒店形式去營運，拎完鎖匙，嗰間就係你嘅房，屋主通常只會一開始同臨走時交收先會出現，或者由頭到尾都自助式唔出現。Couchsurfing就因為唔涉及金錢，好多時為咗禮貌反而會勉強自己去不停傾偈，陪屋主出去，整嘢比佢哋食，結果搞到自己好攰，有時病咗都唔好意思喺房休息就更加辛苦。今次呢兩個幾禮拜嘅Airbnb，因為比咗錢所以住得心安理得，但同時又不失同當地人嘅交流，大家真係可以用一個好公平嘅方式去相處，更加自在。如果有日可以有間屬於自己嘅屋，我都會幾想做到呢種性質嘅Airbnb

:^(

女神同我一樣都覺得住得好舒服，舒服到終於下定決心，繼續旅程

:^(

佢好似開咗竅，覺得64GB已經好滿足，仲準備好聽日去買，我當然全力支持

:^(

買完之後我哋一齊去馬丘比丘、天空之鏡，一日未到伊瓜蘇瀑布都唔好扔低我，OK？

深山巨蟒 2021-6-8 20:47:16 有文睇

:^(

千奴 2021-6-9 13:25:11 因為有陰影，一路都唔敢再食秘魯壽司。但既然決定咗重新出發，一於邊度跌低就邊度爬返起身，食返餐好嘅當係祈福

:^(

今次已經問清楚咗有貨先去，終於冇再發生問題，順利比我買到部機。最開心嘅係女神啲相全部用iCloud Backup到，好輕鬆就下載返晒落部新機度

:^(

發覺一張相都冇少到，感覺到佢每行一步都由個心到笑出嚟，就好似失而復得一樣咁興奮。而我亦好慶幸一開始冇聽佢講，堅持比貴少少都要買，見到對方笑容更加覺得一切都值得。

同時我亦都決定咗過多兩日就會離開Arequipa，坐車去Cuzco，一個外號馬丘比丘門口嘅印加古城

:^(

但話晒都停咗喺度足足兩星期，喺正式重啟旅程之前，我安排咗個熱身活動，等大家可以適應返旅行嘅節奏。呢個活動就係距離Arequipa兩個幾鐘車嘅Colca Canyon

:^(

報完團返到房，女神已經忙住玩新機同搵佢啲Friend報告。Geogiano同Mel為咗慶祝我哋終於買到機唔使再喊苦喊忽，又再親自下廚比我哋食

:^(

秘魯嘢食相比起哥倫比亞同厄瓜多爾，都離唔開飯同薯條嗰啲，但感覺醬料上較多變化，成日有驚喜。Fusion壽司係美食就更加唔使講。食完呢餐之後我哋好早就瞓咗，凌晨兩點幾就出發去兵器廣場

:^(

咁早出嚟做乜鳩？原來Colca Canyon個團同之前Laguna 69嗰啲一樣，都係鐘意倒屎咁早就出發。三點鐘已經要喺度集合搭車過去

:^(

明明本身去呢個Day Trip係想熱一熱身，唔想太Chur，結果好似仲辛苦過直去Cuzco

:^(

點都好，旅行嘅感覺馬上就返晒嚟。 一於睇吓個Canyon係咪有得睇到安第斯神鷹

:^(

fatfatwhitewhite 2021-6-9 23:15:18 拎得番啲相就好啦

:^(

連登兒子（角仔） 2021-6-10 00:13:01 完全感受到女神嘅心情

:^(

巴打好錫女神呀

:^(

好彩有你响身邊咋

:^(

:^(

Ching識波 2021-6-10 07:16:43 留名

:^(

深山巨蟒 2021-6-10 10:56:45 最近受到好大打擊，睇到樓豬啲旅行相開心返少少

:^(

千奴 2021-6-10 11:02:52 可以繼續玩，開心

:^(

千奴 2021-6-10 11:04:11 唔見晒真慘，嗰次去邊？

:^(

千奴 2021-6-10 11:04:23

:^(

千奴 2021-6-10 11:05:42 受咗咩打擊

:^(

:^(

深山巨蟒 2021-6-10 11:09:13 感覺上有個老朋友離開左咁，今後都唔會再出現

:^(

連登兒子（角仔） 2021-6-10 11:10:39

:^(

千奴 2021-6-10 13:49:59
除咗想熱一熱身，另一個原因要兩點幾起身嚟呢度，就係因為Georgiano同我哋講呢度係必去。可卡峽谷（Colca Canyon）係全美洲第二最深嘅峽谷，比起美國嘅大峽谷仲要深一倍，非常壯觀。加上呢度仲有神鵰出沒，可能神鵰俠侶入面嗰個南海神尼就係講緊呢度

:^(

排第一嗰個峽谷叫Cotahuasi Canyon，都係喺Arequipa附近，但就要坐多幾粒鐘車，冇可能一日來回。我見啲團連埋行山都玩四五日以上，同呢邊比挑戰性會大啲，遊客應該都少好多。鐘意行山又多時間嘅不妨考慮一下

:^(

一日團主要都係坐車喺呢頭兜吓，影吓相。然後車我哋去睇神鵰。



等咗一陣真係見到，呢啲安第斯神鷹通常棲息喺海拔3000至5000米嘅地方，雖然屬於頻危物種，但列入咗保護之後近年嘅數量已經上升返，喺安第斯山脈一帶算係常見。呢隻神鷹喺成個南美西部都有好高嘅地位，喺當地嘅宗教同神話入面老是常出現。其中哥倫比亞、玻利維亞等等當係國鳥供奉，國徽上面都會搵到呢隻鷹。亦有啲集俗係食神鷹嘅器官可以醫病

:^(

係咪以為打開雙臂就可以變神鷹周圍飛？


唔好以為幾好太陽會好熱，始終都係高山地區，基本上都係好寒。唔少人都有性趣喺凍凍哋嘅環境浸吓溫泉暖一暖身。我自己怕咗一冷一熱仲容易病嗰種感覺，就連衫都冇帶冇落去了。


成個可卡峽谷都係因為有呢條Colca River先存在。呢度一帶都好多呢啲河，係Rafting嘅好地方，亦都有唔少呢啲一日團。經過今日又屎忽痕，想喺Arequipa玩埋水先走

:^(

呢個團都去到尾聲，落山時經過嘅地方草泥馬隨處可見。話就話係嚟睇峽谷，結果順便去埋野生動物園，一雞兩味玩足全日

:^(

牙痛不是病 2021-6-10 19:23:36 好抵

千奴 2021-6-12 15:17:14 去完可卡峽谷返到屋企，發覺屋企多咗啲人。


原來係Georgiano老母嚟咗。佢老母原本係住喺啲遠少少嘅山區城鎮，因為臨近聖誕，所以入咗城市一齊準備一齊過節。秘魯同好多歐洲地方一樣，聖誕都係家人團聚嘅節日。雖然距離正日仲有十幾日，但不論屋內同街外已經開始有啲氣氛。可以早十幾日嚟準備過節，我諗佢老母都唔使點返工

:^(

食埋佢老母準備嘅聖誕傳統秘魯料理，就準備過埋喺Arequipa嘅最後一日。但都係決定玩埋Rafting先走

:^(

臨急臨忙衝入啲旅行社隨便問，好容易就報到。首先帶我哋去揀衫着同攞隻艇，然後就出發了。


Arequipa成個城市都係依着一條叫Rio Chill嘅河流而建，喺度玩Rafting好簡單，只要好Chill噉揸去河邊搵個落得水嘅位就可以開波。



都係志在吹下風玩下水，呢啲團價錢平之餘又方便，有幾個鐘頭已經參加得，啱晒我哋最後一日攝時間。可能連個導遊都覺得太輕鬆，臨尾決定加啲刺激，去到一個有高低差嘅位首先叫我哋離一離開隻艇，然後推咗隻艇落去個低位之後再叫我哋跳海。


同南極啲Polar Plunge比當然小兒科，起碼啲水唔凍。但女神就淆底唔跳，揀咗其他方式上返隻艇，到而家都唔明點解跳冰水佢又咁雀躍呢

:^(

玩完返到屋企見到Georgiano個妹買咗一堆聖誕裝飾返嚟，諗住佈置，我哋就一齊玩了。記得以前好細個嗰時每逢聖誕阿媽會砌一棵聖誕樹出嚟再掛少少燈上去，雖然屋企好細但都幾有氣氛，聖誕完咗就拆返開收埋佢留返下年再用。但慢慢大大吓就冇再玩呢啲。而家諗返都幾溫馨，同時覺得大咗之後嘅聖誕好多時都都變咗出去拍拖或者約朋友玩，少咗留喺屋企，久而久之屋企都冇乜佈置，越諗越覺得自己係衰仔

:^(

呢度屋企有兩層，連樓梯都可以裝飾埋。雖然可能係藉口，但如果屋企大啲，留喺屋企嘅時間應該會更加多

:^(

阿妹臨走仲話要焗蛋糕比我哋食。睇得出佢都有啲唔捨得，其實我哋又何嘗唔係呢？唔經唔覺都住咗兩個幾星期，係我哋成個旅程住得最耐嘅一間屋。我相信就算有一日唔記得晒呢個旅行喺咩地方瞓過，呢度都會係最後一間被忘記。


走啦鹹濕狗，希望之後住嘅地方都可以好似呢十幾日咁舒服

:^(

利馬皇子 2021-6-13 00:36:05 Georgiano老母勁野，panettone都識整

:^(

Metro 買親果d都甜到食唔落，好難搵到人識自家製
下一站邊度，好期待

千奴 2021-6-13 16:09:48
出返兵器廣場，等今晚通宵巴去Cuzco，正式離開呢個完全係意料之外，冇特別計劃過要嚟，但變咗旅程中逗留得最耐嘅城市。


兵器廣場呢頭嘅建築係最Arequipa入面最有氣派嘅，不過因應聖誕節，廣場入面擺咗棵超大嘅聖誕樹。


着咗燈之後，個人認為係有啲煞風景

:^(

但似乎幾受大家歡迎

:^(

去咗側邊迴廊上一層嗰啲餐廳，應該算係中高級嘢嚟，喺香港應該係食完銀包會痛嗰啲，但臨走想留個美好回憶比自己

:^(

坐咗一陣已經黃昏，順道欣賞埋Arequipa嘅晚霞。


呢個龍蝦湯啖啖龍蝦肉，食到女神食唔晒比咗半份我，我自己都飽到差啲嘔出嚟。秘魯唔單止壽司好食，海鮮同湯都一樣冇得輸，簡直係南美洲嘅美食天堂

:^(

停留喺一個地方耐咗，再出發竟然有少少緊張。好多人話去Cuzco會有高原反應，始終都係海拔三千幾米嘅地方，係我哋到目前為止最高嘅一站。而Arequipa就大約高二千三百米，屬於啱啱好甚少人有高反嘅地方，喺呢度抖咗咁耐都算係一個唔錯嘅高度適應。正常驚高反應該要早一日食定孳，但我哋兩個都決定相信自己，唔食住，最多到時有需要再抖抖

:^(

千奴 2021-6-13 16:10:47 多謝巴打補充

:^(

真係好食

:^(

下一站去Cuzco