[愚人節驚慄呈獻/有選項] 我被困喺一架去九龍嘅電車上
上一頁
第 7 頁
下一頁
Setsuhime
2021-4-9 19:52:49
14章 - 落車
叮叮。
我同阿偉已經等到謝晒皮，由原本仲會互相問候下，到而家完全唔想講嘢；眼前有阿欣接近浴血嘅睡姿，我同阿偉只係望住地板，對身邊嘅事全無興趣。
阿偉係期待阿芝嘅到來，因為終於可以離開呢度。而我…
咔咔。叮叮。
等咗幾個字，電車第唔知第幾多次停低。
「阿芝！」阿偉對住無盡嘅樓梯大叫，又伸個頭望落去地面。
「…」
但係，仍然冇人應，就只有上上落落嘅鄧麗欣物體。
咯－咯－咯－咯－
阿偉望住啲複製人喺眼前走過，消失，又有新嘅複製人出現，而自己只可以留喺原地，望洋興嘆。
「唉…」阿偉失望而返，又坐喺我旁邊。「阿芝你幾時嚟呀…」
Ads
Setsuhime
2021-4-9 22:34:19
「…」
「阿仁，你冇反應嘅？」留意到我冇任何熱切期待嘅舉止，阿偉問。
「阿芝嚟就自然叫我哋啦，唔係每次停車都係希望出現。」
「阿仁你真係好冷靜，我開始搵到你勁嘅地方。」阿偉正眼望住我雙手撐住大脾嘅坐姿講。「你冷靜到搵到破綻。」
「落到去先再講廢話啦，你估一定得架咩。」
「唔會唔得嘅，如果我留喺下層，大不了跳窗都得啦。」
「跳窗？你而家都可以架。」
「講笑咩！呢度成幾樓高，我未想死住呀。」
…
「阿偉，而家冇咩做，不如我問你一個問題。如果，如果啫，如果你跳落去而你唔會痛，你會唔會跳？」我望住隨住車身震動嘅車窗玻璃講。
「你叫我而家跳窗？」阿偉嘗試揣測我嘅問題用意。
膠力資源冇限公司
2021-4-10 00:36:58
會唔會最後全部都係一場夢嚟㗎
:^(
樓主既然有睇開克蘇魯
有冇睇過夢之階梯之類嘅概念
:^(
Setsuhime
2021-4-10 14:28:06
「唔係，當搵啲嘢講下，冇咁驚。」我好自然咁拍咗兩下阿偉嘅膊頭。
「如果跳落去唔痛呀…」阿偉認真諗咗陣點答。「唔痛，即係唔會死啦。咁高跳落去就係驚死先唔做，死唔去我跳呀。」
「咁其實，我建議你跳落去。」
「反正唔會…阿仁你講咩話？」阿偉講講下嘢突然問。
「咩呀？我有講嘢咩？」我突然抬高頭問。
「明明就好快講咗句！」
「你太緊張啦。」
「真係冇？」
「冇呀，你個痴線佬！」
叮叮。
電車又停低，阿偉又走過去樓梯方向。
「阿芝！到未呀！」
「阿偉算啦，阿芝會叫我哋…」
「喂阿仁…條樓梯…」阿偉一邊望落去下層方向，一邊向我招手。「我見到盡頭呀！」
「吓？！唔係掛？！」我即刻企咗起身。
Setsuhime
2021-4-10 14:33:56
咁可以期待一吓個結局
:^(
我寫嘢條路可能比較難捉
夢之階梯睇過啲人試玩，隻game唔係意粉怪物大集匯咩
:^(
Setsuhime
2021-4-10 14:45:49
感謝各位喺penana俾like，我求先發現我上咗熱門榜，多謝各位支持
:^(
膠力資源冇限公司
2021-4-10 14:58:46
期待
:^(
點會唔期待
:^(
係呀
不過裏面啲選項真係好無厘頭
:^(
淨係計無厘頭嘅程度差唔多拍得上你個故
不過都係你個故正啲
:^(
Setsuhime
2021-4-10 18:35:12
「阿仁阿偉，快啲落車啦！」下面傳嚟阿芝把聲。
「屌，阿仁你係啱架！你真係好撚醒！走啦！」
「先生。」
我企喺身準備衝落樓梯嘅時候，一直趴喺度嘅阿欣終於出聲。
唔通佢同我講「再見」？我唔想同佢再見喎，佢俾人打到不似人形，破咗相啦，同埋自今日起，我諗我對明星樣都有種抗拒。我停低咗腳步，心入面咁諗。
「先生，你錯啦，其實條樓梯並唔係你諗咁樣。」阿欣講。
「但係我哋而家的確走到，咁你點解釋？」
「點解釋？唔需要解釋。你都知道條樓梯並唔係咩分水嶺。」
「我唔理你，我哋而家走！」
「其實你好適合留喺度呀，點解要走？」
Setsuhime
2021-4-10 18:39:26
你講起隻game，我記得啲人玩夢之階梯搵到好多笑話，例如主角上咗鑽石公主號打怪物，又有飲奶茶加香草。啲人覺得個作者好潮
:^(
:^(
:^(
多謝巴打讚賞
:^(
漿糊筆
2021-4-10 19:08:29
Lm
白花油
2021-4-10 22:04:28
:^(
Ads
Setsuhime
2021-4-11 00:12:15
「你想我留喺度陪你哋癲呀？我本來唔屬於呢度，我一直都想走架！」
「你求先都大約知道發生咩事，因為你已經係呢度嘅人。你走咗，你一樣會想番嚟。」
呢個時候，全程冇望過我同阿偉嘅鄧二，擰轉頭望住我。而前座嘅鄧麗欣物體亦都不約而同望過嚟。
我一直坐後座，就係唔想見到呢個畫面…
「此心安處是吾鄉，你求先唔係好安心咩？」成面血嘅阿欣終於抬起頭，對住我莫名奇妙咁笑。
我屌…屌晒你哋…
「阿仁做咩呀！仲唔落嚟！」下層嘅阿偉大叫。
「哈哈…哈哈哈哈哈哈────！！！」
「你哋痴線架！」
Setsuhime
2021-4-11 01:36:22
無線不斷照向我嘅複製人目光，我衝落下層，非法跳過入閘口。三個人嘅驚魂之夜，睇個樣都可以告一段落，除咗異常大霧之外，我終於見到常見嘅九龍塘景色。
「呢度係歌和老街呀！我哋終於落番嚟啦！多謝你呀阿芝！」阿偉仰天長嘯。
同埋…
地上嘅電車軌。
「如果唔係親眼見到，我真係唔信九龍有電車。」望住地上面嘅電車軌坑，阿芝講。
「細節唔重要，快啲番屋企啦！」阿偉拉住我哋兩個講。「好想瞓番覺好嘅！」
「唔係喎，求先嚟嘅時候都一直諗唔明。」仍然留喺原地嘅阿芝，望住路軌講。「點解成條軌會突然出現？」
四月嘅半夜，大霧嘅而家，吹過嘅冷風，份外陰森。
「冇可能出現嘅嘢突然間出現，呢個九龍仲係我哋識嘅九龍咩？」
「阿芝，你肯定條路軌係突然出現？」
「係，我今朝先嚟過，嗰時都未見有路軌。」
我哋三個望住對方，反應唔到。
「咁即係話…」我吞咗個推論。
「條路軌突然爆出嚟，或者…」
或者…
或者…
或者…
膠力資源冇限公司
2021-4-11 09:21:08
:^(
:^(
:^(
:^(
椒鹽蝦米
2021-4-11 10:32:46
白汁有啲雞皇
椒鹽蝦米
2021-4-11 10:34:46
玩謝麥高維治
椒鹽蝦米
2021-4-11 10:39:46
啲對白有少少似魚生故
Setsuhime
2021-4-11 15:55:49
:^(
Setsuhime
2021-4-11 19:08:48
15章 – 消失
「而家幾點…？」
擘大雙眼，眼前冇半點光。我伸手摸咗床頭幾下，望咗眼電話時間。
「吓？原來我瞓咗成十幾個鐘？」
琴日，唔係…正確嚟講都係今日。四月一日清晨，我番到屋企就攤上張床，有少少接受唔到世界變得太快。我望咗一下床邊嘅窗，係我睇咗十幾年嘅高度；打開電話睇咗陣相，見到熟悉嘅臉孔。但係當我喺相簿拉落啲啲…
「…」
映唔出自己嘅自拍照、甚至見唔到輪廓嘅車外風景，仍然留咗喺我部電話裡面。我開著燈，即刻嚟一張自拍，又影下房裡面嘅擺設。
「乜都睇唔到…」我睇住相機功能好似失效嘅電話，放棄影相。
可能，一覺醒番，所有嘢都變番好呢？
再打開眼，天，仍然係漆黑一片。
Setsuhime
2021-4-11 20:56:41
巴打你講邊個魚生故？
椒鹽蝦米
2021-4-11 21:06:09
[短篇/恐怖故] 魚師 （恐怖好睇就俾負評/唔恐怖就比正評）
https://lih.kg/2273887
- 分享自 LIHKG 討論區
Ads
膠力資源冇限公司
2021-4-11 21:56:26
好正
:^(
Setsuhime
2021-4-12 00:01:40
「阿媽？阿爸？」
嚟到父母間房，對住空空如也嘅床，轉過身，走番出去。
人生第一次半夜先起身刷牙洗面，之後又影咗幾張失敗嘅相，猶豫緊好唔好打電話。
「我諗阿芝同阿偉都可以打俾佢哋嘅。」
嗶────
阿芝，打咗三次俾佢，唔通。
嗶────
阿偉，打咗五次俾佢，唔通。
咁打俾其他人？阿穎呢？
「不如…算啦…」
我望住鏡入面嘅自己，眼前嘅世界既熟悉又失真，瞓之前奇怪嘅感覺冇消失過，只係我一直唔覺得驚、個人驚唔起。
我望住電話長長嘅通訊錄，拎唔起勇氣打俾其他任何人。我知道，如果我打俾佢哋，佢哋或者會接電話，然後大概會出嚟見我一次。
「但係之後…」
所以，我猶豫。
嗶嗶嗶嗶───
「咦？」
我唔諗住再打俾人嘅時候，竟然有電話打入。
連絡人︰阿穎。
Setsuhime
2021-4-12 00:02:54
如有雷同，實屬巧合
:^(
Setsuhime
2021-4-12 00:03:37
有讀者欣賞，不枉我諗咗咁耐
:^(
上一頁
第 7 頁
下一頁
叮叮。
我同阿偉已經等到謝晒皮，由原本仲會互相問候下，到而家完全唔想講嘢；眼前有阿欣接近浴血嘅睡姿，我同阿偉只係望住地板，對身邊嘅事全無興趣。
阿偉係期待阿芝嘅到來，因為終於可以離開呢度。而我…
咔咔。叮叮。
等咗幾個字，電車第唔知第幾多次停低。
「阿芝！」阿偉對住無盡嘅樓梯大叫，又伸個頭望落去地面。
「…」
但係，仍然冇人應，就只有上上落落嘅鄧麗欣物體。
咯－咯－咯－咯－
阿偉望住啲複製人喺眼前走過，消失，又有新嘅複製人出現，而自己只可以留喺原地，望洋興嘆。
「唉…」阿偉失望而返，又坐喺我旁邊。「阿芝你幾時嚟呀…」