[愚人節驚慄呈獻/有選項] 我被困喺一架去九龍嘅電車上
上一頁
第 4 頁
下一頁
Setsuhime
2021-4-2 14:22:39
:^(
Ads
Setsuhime
2021-4-2 18:30:01
9章 – 失焦世界
「冇可能」…本來冇可能嘅嘢如果變得有可能,咁點解仲會有「冇可能」?
坐喺後坐嘅我望住眼前嘅鄧麗欣物體,開始接受各種各樣開頭令我毛骨悚然嘅不協調。內心,開始識得平靜落嚟。
原來人嘅適應力係咁強,我覺得我到而家都冇嚇死到,足夠證明我嘅心理質素係意外地強。
我開始好似鄧二咁,呆望窗外冇幾多街燈嘅馬路,夜靜處處嘅街上面,只有唔協調嘅電車聲,一時「轟轟」,一時「叮叮」;比跑步快少少嘅電車,好似由大開嘅車窗,聽到窗外面嘅空曠。好似鄧二咁講︰冇目的咁一個人行下、靜下,原來都幾舒服,特別喺四月已春未到夏嘅呢刻。
所有嘢,如果係夢,你話幾好呢。
夢醒,所有嘢回歸,咁再可怕嘅惡夢都唔係咩一回事。
唯一希望嘅係…
我哋唔係喺一個夢中夢裡面。
「不如影張相留念。」
Setsuhime
2021-4-2 23:46:00
喺一個理應萬二分恐慌嘅時刻,我突然有一個唔合時嘅想法。
可能因為知道自己冇咩嘢做到,試過好多方法都落唔到車,等阿偉嘅時候唯有苦中作樂。
又可能,我已經唔識得驚。再唔正常嘅世界,只要留得耐,就會習慣、麻目、融入,最後完全唔覺得係咩一回事。
我打開手機鏡頭,做埋晒啲人打卡呃Like先會做嘅嘢︰自拍。舉起鏡頭,笑。但係畫面根本對焦唔到,只係見到有一堆白白黑黑嘅嘢,有少少似一個人,又唔係好認到係咩。
「咁不如影下街境?難得搭九龍嘅電車。」
我向車窗外舉機,用手指控制對焦點。
「點解都係咁?」
出面大霧都好,張相係接近全白喎,點解會咁?
「咁不如影下靚女丫?」
我偷影阿欣,張相同我嘅自拍冇分別。
屌…真係唔知可以點算好,個世界咁奇怪嘅?可以打電話,但係影唔到相,落車又落唔到,咁真係冇咩嘢可以做喎,點算。
內心惆悵緊,雙手得閒緊。
白花油
2021-4-3 00:09:18
:^(
Setsuhime
2021-4-3 00:57:02
「點撚算?」
我開始明白,點解有人講︰「唔好盲目」。因為嗰種空虛感同失去嘅動力,就好似唔會蒸發嘅水,會令希望嘅最後一團火種永久熄滅,除非你淋火水喺上面。
就好似而家咁。
咔咔。叮叮。
「我點解要落車?」
阿偉做乜嘢咁慢架,佢耍個太極再出嚟呀?要我等咁撚耐。
我又打個電話搵阿偉,我以為好快會有人聽。
嗶────
然而,「伸手入褲袋去拎電話聽」嘅呢個動作,睇嚟對阿偉相當困難。
嗶────
我打咗兩次電話,每次等咗3分鐘都有,都係冇人聽。
「唔通阿偉跑緊過嚟,所以唔覺有電話響?」
佢對我咁上心?不愧係我好兄弟!
「喂仁渣,走啦仲坐。」
我發吽竇空虛緊嘅時候,有一個著住頹tee波褲嘅人出現,響起一把我好渴望聽到嘅聲。
Setsuhime
2021-4-3 02:17:40
原本想呢邊慢番啲,但係見呢個故嘅反應的確比較好,我盡力量加速
:^(
多謝各位支持
:^(
:^(
Setsuhime
2021-4-3 11:21:06
:^(
Another_dream
2021-4-3 12:40:26
Lm
瓦努阿圖達文西
2021-4-3 15:51:37
呀偉出嚟救人
:^(
:^(
Setsuhime
2021-4-3 17:27:02
佢唔係出嚟還錢
:^(
Anakin
2021-4-3 18:03:36
:^(
Ads
亂入的
2021-4-3 18:06:22
此回覆已被刪除
Setsuhime
2021-4-3 19:25:22
10章 - 要驚就…
「阿偉!我打俾你唔聽,我幾驚你有事呀!」都算高大嘅我見到阿偉出現喺眼前,感動到想噴鼻涕。
「男人老狗唔好咁同我講嘢好冇,陣間俾人聽到有誤會架。」上到嚟嘅阿偉開始周圍望。「估唔到真係有九龍電車,有路軌都唔知,今日真係大開眼界。」
「係呀係呀,個眼界唔開都罷。求先落唔到去嘅時候真係有啲急屎。」
「唔係呀,我咪又係上到嚟,有乜好驚?呢度仲有靚女。」阿偉同我喺後座,阿偉望住阿欣嘅笑容,好似有啲驚奇。「小姐,請問…你係咪姓鄧?」
「唔係呀收皮啦。」就好似見到啱啱上車嘅我,我拉住佢講。「係嘅話我一早上咗啦,仲等你咩。」
「喂,有明星喺度喎,你求先冇講嘅?」
屌,呢條友上到嚟就剩係識睇女,而家搵你救命呀!
「阿偉,我嚟問你︰你見一個女明星,你好興奮,咁你見好多個女明星呢?」
「超級興奮囉,我真係未見過鄧麗欣真人喎!仲有其他咩?」
「屌,唔係你嗰種『好多』呀。」為咗示範俾阿偉睇,我去拍咗一下阿欣後面嘅鄧二膊頭。
Setsuhime
2021-4-3 23:09:26
「你又想做咩呀?」鄧二冇擰轉頭問。
「佢做咩…」阿偉開始感覺到唔妥。
阿偉發現,兩個人嘅衣著、身型,都一模一樣。
「你行去車頭望過嚟就知。」我望住前面其他一模一樣嘅背影講。
咯…咯…咯…咯…咯…
阿偉膽顫心驚咁行咗去車頭,佢行到中間已經忍唔住好奇心回頭望,嚇到心臟病發咁滯。
「嘩!屌!架車咩事呀!」
「阿偉你明咩叫『好多』個明星未?」
「都唔洗一模一樣架!」
所以我先想走呀碌柒!
「屌,走啦,唔好留喺度!」
阿偉一馬當先,用後樓梯極速落樓,我都未起身,已經見佢落咗去。同之前我落樓唔同,佢冇再番嚟同一層。
咦?難道真係落咗去?果然阿偉係救星!太好啦!
「嘩嘩嘩嘩嘩嘩───────!!!」
Setsuhime
2021-4-4 01:41:48
從上層、下層同時傳嚟嘅大叫聲,我唔知應該去上層定下層。
「阿偉做咩事呀?」我留喺原地大聲叫。
咯咯咯咯咯咯咯。
阿偉仲快過消防操體能,沿路極速跑番上嚟,表情比求先更驚恐。
「哈…哈…哈……阿仁,你個仁渣…叫我嚟啲咁嘅地方…」
「屌你唔好鬧住先啦!你見到咩呀!」我一巴車埋去先講。
「我…我見到…下面好撚多個万刀甲呀!」
吓…………咩話…好多個万刀甲…?有冇可能呀…點解一層係鄧麗欣物體,一層係万刀甲物體呀?
唔係好信嘅我,用番阿偉相同嘅路,落咗半層,捐個頭落去裝裝,點知…
「屌!我見到好多男人仲驚呀仆街!」我快步死番上去捉住阿偉講,本來靜咗落嚟嘅心又驚起上嚟。
今次閪啦,兩條友一齊落唔番去,真係要驚就兩份驚。
比詠詠
2021-4-4 04:29:06
:^(
:^(
:^(
白花油
2021-4-4 05:51:35
:^(
亂入的
2021-4-4 10:28:17
此回覆已被刪除
瓦努阿圖達文西
2021-4-4 12:40:40
萬刀甲
:^(
:^(
Setsuhime
2021-4-4 13:57:28
:^(
亂入的
2021-4-4 18:58:36
此回覆已被刪除
Ads
Setsuhime
2021-4-4 19:19:27
11章 – 交點
「而家點算…」
番番去鄧麗欣物體嗰層,我同阿偉坐咗係後坐,完全唔知點算好。
我諗喺呢一刻,絕對唔會有人夠膽坐去前座,因為一回頭真係會嚇破膽。喺後座見唔到樣,個心仲叫定啲。
「『點算』係我問呀,兩條友坐喺度都唔知做乜!」阿偉開始控制唔住自己。
如果我哋再互相指責,只會喺電車上面大打一場無謂交,既然阿偉有義氣半夜出嚟幫手,我都無喟喺呢一刻怪責佢,因為我哋事前都唔知會搞成咁。
「咁阿偉你想要好多個万刀甲定好多個鄧麗欣?」
「屌你老味。」阿偉提高聲線講咗句冇意思嘅句子。「我要一個鄧麗欣得唔得呀!」
仲講呢啲…睇嚟佢一定程度上幾享受留喺度。
「我都想有得揀呀,有得揀我哋就唔會坐喺度啦。」
Setsuhime
2021-4-4 19:21:29
得男人恐怖啲
:^(
亂入的
2021-4-4 19:57:27
此回覆已被刪除
白花油
2021-4-4 21:00:19
:^(
上一頁
第 4 頁
下一頁