怪我過份著迷~ 2021-4-13 19:37:22 miss lui 都叫做 左件違反道德既事
紫盈乜都無做過 只係好單純咁深愛男豬

承影 2021-4-13 21:13:16 我地可以等故仔完左後再探討衣個問題

:^(

在最燦爛時光 2021-4-14 11:29:51 Push

怪我過份著迷~ 2021-4-14 14:33:28 做咩唔出文

:^(

承影 2021-4-14 18:11:53 38. 畢業禮

轉眼間就到放榜的日子，最後李乘風順利考入港大的醫科，而周紫盈則略為失手，入了中大的護理系。不能讀同一間大學，二人當然失望，不過這刻他們對彼此仍十分有信心，深信他們可以跨過一切考驗和障礙。 (這裏為了更貼合之後劇情，故意把兩間U的收生要求倒轉了。網上資料顯示醫科港大收生應比中大高，而Nursing則中大比港大高。)

「BB，Sorry我入唔到港大Nursing呀… 無得同你同一間大學添…」上網知道了結果後，周紫盈立刻失望地打了給李乘風。

「盈盈，唔緊要啦… 我都唔夠分入中大醫科… 或者個天都想比下考驗我地，捱過就可以娶你返屋企架喇~」李乘風也失望，但還是努力鼓勵著周紫盈。

周紫盈:「越黎越口花花啦你! 邊個話嫁比你呀唔知醜~ 你呀，唔准亂咁識D女醫生同護士同學呀! 第日日都要打比我報案!」

李乘風:「你先係呀~ 我女朋友咁靚，實大把人追! 你眼尾都唔准望下佢地呀! 我要睇下有咩方法可以係D狗公面宣示主權先得!」

「咁要睇下你乖唔乖多唔多搵我喇~ 如果你令我太寂寞，無人知發生咩事架~」周紫盈笑著威脅。

李乘風:「嗯... 雖然我知會好忙… 不過我一定會盡量抽時間陪你!」

周紫盈:「傻佬，我講笑咋! 我都會好忙，大家一齊努力啦!」


放榜後不久就是畢業禮，亦代表李乘風踏入了中學生涯的最後一日。

校長的訓話，上台拎畢業証書，禮成後所有畢業生都瘋狂和不同老師，同學談天影相。各人在喜悅的表情下明顯亦充滿著各種不捨。

李乘風望著禮堂的講台，想起了自己在這間學校的點點滴滴。認識各位同學和老師，母親逝世，陸運會，斷手，Musical，和Miss Lui相戀、分手再和周紫盈相戀… 很多回憶彷佛都像昨天才發生一樣。

突然間，一個熟悉又陌生的臉孔出現在他的眼前。

「李乘風，恭喜你入到你想入嘅科呀，第日要做個好醫生呀。最緊要係Missie第日有病搵你你要比折Missie呀。」

「多謝Miss Lui…」

然後二人陷入了沉寂。

「過埋今日，我地可能以後都唔會再見喇…」Miss Lui首先打破了沉默。

李乘風:「未必嘅，黎緊可能會有班聚呢。而且我第日可能都會返黎探下唔同老師嘅…」

Miss Lui:「嗯…乘風，你仲有無嬲我?」

「仲重要咩?」李乘風側了頭望著遠處問。

「我想知道…」

「有，我嬲你無口齒，嬲你唔守信用…」李乘風平靜地說道。

「係我唔岩… 不過衣家嘅你都有人陪唔駛孤單一個啦。」Miss Lui有點心酸地說。

「係呀，我衣家過得好好。」李乘風故意答道。

「咁就好… 同Missie最後自拍張?」

「好…」李乘風想了想後答。


就在李乘風set好鏡頭位置預備按制的時候

「我又影!」

一個女子突然”zip”入了他們中間的位置一手搭張李乘風一手搭張Miss Lui。

“咔嚓”

「Yeah~ Musical Re-U 自拍~」

來者自然是周紫盈同學。早一些時間，她已發現李乘風和Miss Lui二人在單獨閒談，自然特別在意。而當她看見他們準備自拍時，佔有慾越來越強地她沒經思考便自動衝了去”ZIP”鏡。


「好啦，唔阻你地”依泣”，上到大學繼續比心機，得閒就返下黎探下我地啦…之後記住send返張相比我呀。」Miss Lui心裏嘆息了一聲，說完這句便轉身離開。

「Byebye Miss Lui…」

望著Miss Lui的背影，李乘風發現他的心原來還是會有痛和不捨的感覺。

「乘風，我地再一齊周圍行下影下相囉~」不讓他多想，周紫盈便拉著他東奔西走周圍影相。始終這裏對周紫盈亦是充滿了回憶的地方。在這裏，她遇上了他，然後一見傾心，再單戀了四年多的時間，而今天這刻在這裏他終於成為了她的男人。很快，李乘風亦重新投入，和風紫盈一齊在學校裏回味著過往的點點滴滴。



這晚，李乘風在睡前拿起手機回看這天所影的相。掃著掃著便掃到和Miss Lui以及周紫盈的合照。

原本屬於李乘風和Miss Lui二人的相片，中間突然多了一個周紫盈變成了三個人，這張相確實著充滿著諷刺的意味。

李乘風把相片send了給Miss Lui，接著打了一個message。

“你同David一齊過得幸唔幸福?”

不過在臨按send時，卻又猶豫。

(仲重要咩? 佢答你幸福你會開心? 佢答你唔幸福你係咪放棄紫盈追返佢?)

嘆了一口氣，李乘風把message delete掉，然後重新輸入了一句

“多謝你衣幾年嘅陪伴，比左我最珍貴嘅回憶，亦教曉左我好多道理。希望你以後都可以幸福。”


望著李乘風的message，Miss Lui在房內獨自傷心發呆，久久覆不出一個字。突然間一個電話讓她驚醒過來

「Daisy?」

「家寶，成功喇! 我岩岩毀滅晒個人渣所有嘅片喇，你唔駛再比佢威脅以後自由喇!」

承影 2021-4-14 18:14:40 多謝支持有新讀者~

:^(

ikura男朋友 2021-4-14 18:17:05 留名

:^(

承影 2021-4-14 18:17:15 通常閒日都係衣個時間出多，除非果日衣個時間唔得閒
放心, 我會盡量做到一日至少一篇，唔得都一定會同大家講

:^(

承影 2021-4-14 21:00:48 多謝支持 不過點解留名都有負評

:^(

承影 2021-4-14 21:01:48 不過有人追出文其實幾開心

:^(

ikura男朋友 2021-4-14 21:19:18 我都唔知

:^(

我做你女神 2021-4-14 21:27:20 加油呀

:^(

三吋小巨龍 2021-4-14 21:42:49 暂？

十棗 2021-4-15 02:51:25 留名留名

承影 2021-4-15 08:36:00 多謝支持！

承影 2021-4-15 08:38:08 多謝支持~
大家如果覺得故仔ok可以幫手正評幫推一下呀

:^(

:^(

通常每多10個正評都有慶祝加更架

:^(

頹廢人 2021-4-15 11:50:09 平時做開CD-ROM
今次破例留名推下post
其實寫得幾好 唔明點解咁少人追

:^(

樓主唔好爛尾就得

一定要中出 2021-4-15 11:55:20 睇到第4頁miss比人強姦
直接棄故
再見樓主

:^(

承影 2021-4-15 15:03:01 多謝支持
我會繼續努力希望黎緊多d人會追

至於爛尾就一定唔會

:^(

承影 2021-4-15 15:03:50 明白有人會難接受 點都好 多謝你曾經花過時間睇

承影 2021-4-15 15:05:57 多謝大家支持
突破左50大關直逼我上一個故

:^(

:^(

今晚夜d會加更一次過出兩更

:^(

:^(

一定要中出 2021-4-15 15:48:58 我覺得比人姦一次都算
仲要做人隻性奴做年幾兩年
真係接受唔到
同埋同人夾租唔鎖自己房門都好唔合理
變得太快
我尋日開始睇追到2點睇到佢地確認關係
起身返工睇左陣就做左人隻性奴

:^(

承影 2021-4-15 19:21:04 鎖門果度我又覺得如果本身一齊住左咁耐又夠friend，平時真係未必會鎖門
始終果日係個仆街突發話要上Daisy屋企
不過Daisy確實應該之後係要幫家寶鎖門
但佢忽略左衣樣野...
所以佢都好內疚

:^(

:^(

承影 2021-4-15 19:22:00 39. 畢業旅行

放榜成績塵埃落定，中學畢業自然要去返個畢業旅行，而蜜運中的李乘風和周紫盈亦不例外會有這想法。

「乘風! 不如我地一齊去個畢業旅行囉~」

「好呀~ 不過你無其他同學約你去咩?」

「當然有，但對我黎講成個中學生涯最重要就係你，所以我最想同你去呀~」

「其實我地將來大把機會去，中學同學可能就再無咩機會…」

「都係嘅… 做咩啫，你係咪唔想同我去呀!」

「點會呢，我不知幾想日日同你一齊可以見到你~」

「咁一於咁話啦!」

「呀，我諗到另一個idea。你D friend有無話去邊度? 可以我地一齊去一個地方，然後你stay behind再join 佢地，咁咪兩全其美囉!」李乘風突然想到。

「係喎! 佢地好似話去馬來西亞~」

「馬來西亞? 咁我諗到喇，我地早少少去吉隆波stay一日然後再轉機去熱浪島玩兩日，之後返黎你就可以join 佢地係馬來西亞繼續玩，我就返香港，然後再同肥仔佢地去第二個trip!」

不同周紫盈受父母監管，李乘風可以自行決定去多少個畢業旅行。

「好呀，等我同佢地講，然後上網睇下機票同D資料先~」

「衣D野梗係等男仔做啦!你同佢地firm實然後比個日期我就得喇~」

就這樣，兩星期後，周紫盈和李乘風便一起踏足馬來西亞的國土，經歷他們二人首次的甜蜜之旅。


有睇”夏日的摩摩茶”便知熱浪島是馬來西亞一個漂亮的渡假島嶼。整個島主要就是海灘和Resort。美麗的風景，清澈的海洋，一落船二人便已經忍不住歡呼起來。

「BB，好靚呀! 你睇下，好多魚呀，仲要好多唔同顏色! 除左係電視我未見過真係咁清嘅水架! 」周紫盈一臉興奮一手捉著李乘風一手指著海裏說。

「係喎，你睇果度仲有蝦同龜添呀!」李乘風指著另一處說。

「我地快D去酒店check in 再出黎玩啦!」說完周紫盈便挽著李乘風奔到酒店。

到到酒度check完in，換了衫，二人出來走了兩步已經昰海灘。

水清沙幼，望著洋洋大海，二人很快忍不住借了套裝備浮潛去了。五光十色的魚類和不同海洋生物，有時甚至能看見幼年的鯊魚和各式蝦蟹，當把麵包碎灑於自己身邊更是會立即引來無數顏色鮮艷的魚仔圍著自己打轉，二人玩得極度開心。

另外島來每日定期會有船把旅客帶出較遠的大海潛水。就算不是真的揹著氧氣筒那種潛水，遊客還是可以在大海裏盡情暢泳。而由於水深了很多，更多更大的海洋品種能讓人觀賞。李乘風和周紫盈便很幸運碰上了一隻很大的海龜、八爪魚還和小鳍鲨，還和他們拍了很多照片。望著這海洋美景，李乘風不得不慨嘆人類到底對大自然做成了怎樣的破壞。這些人間仙境，地球上到底還剩下多少個? 就算暫時逃過一劫，它們又還可殘存多少年?

「好累呀! 我要係沙灘抖下曬下太陽先呀!」玩了不知多久回到沙灘上，周紫盈嚷著要休息，然後便脫下濕透的T-SHIRT和短褲露出了她的比堅尼泳衣”扒”在沙灘上面曬太陽。

雖然已經不知見過和玩過多少次，但在比堅尼襯托下看見周紫盈那堪稱完美的長腿和修長的身型，李乘風還是有噴鼻血的衝動差點忍受不住要把周紫盈抱回房內然後就地正法。不過太陽開始落山，李乘風也收起邪念就這樣躺在周紫盈旁邊靜靜地休息和欣賞著身邊不同的景色。

有些年青人在沙灘上打沙排，有不同膚色的旅客和當地人在另一邊踢波，有些小孩子在沙灘上互相奔跑追逐，有一對老年夫婦在沙灘上手拖著手在散步，有一家四口的家庭在享受家庭樂。這一切畫面再配上日落的背景，李乘風真心覺得眼前這景象係美，心靈亦彷彿得到了洗滌。這時間他突然想起Miss Lui，很想把眼中所看見的影像和她一起分享，因為他能幻想得到若果她也在這裏看見眼前這美景，她會有多開心和露出一個多寫意的表情。

不過他很快收起了這心思。望向身邊已不知不覺已經睡著了的周紫盈，他心裏同樣有一種暖意和甜蜜的感覺。是的，他能深刻感受到眼前這個女子有多迷戀自己，願意為自己付出所有。因為她，他明白了被寵愛著的感覺是怎樣，而這感覺坦白講是和Miss Lui 一起時所沒有的。他暗地裏決定，以後都一定要好好對她，把她捧在自己手掌心般疼錫，以報答她為自己所付出的一切，永不相負。

晚上，他們在Resort外享受了豐盛的海鮮自助餐。而在飯後的沙灘裏，則舉行了大型的營火會，很多旅客圍著中間的營火，觀看台上各式各樣的表演。之後台上又會播放音樂讓人在這美麗的星空下圍著營火在沙灘上盡情載歌載舞。李乘風和周紫盈當然亦樂於盡情投入於其中，一時一起勁歌熱舞，一時又突然深情擁吻，直至營火熄滅晚會結束，二人才依依不捨回到房間沖涼休息。

不過當周紫盈沖完涼後從溶室出來，卻發現不見了李乘風的踪影。等了數個字仍不見他回來，周紫盈因擔心便披了件外套打算出去找他。誰知一出到戶外沙灘的位罝，便見到李乘風不知從那裏找來了一支結他，正坐在一張長椅上。當他一看見她便開始自彈自唱道

仍難盡信我是這樣地無窮好運 能遇上精彩的你
我缺點勝別人 你竟費盡心神 把我留起

如仍未清楚地說在目前和今後 無論那一天都愛你
我這刻要直言 到滄海或桑田 最深愛的亦只是你

我與你永不可別離 愛你愛到死 因只得你方可使我流露自己
你眼裡那種種傳奇 醉我醉到死 一生使我動情是你

仍難盡清楚地說在目前和今後 無論那一天都愛你
我這刻要直言 到滄海或桑田 最深愛的亦只是你

我與你永不可別離 愛你愛到死 因只得你方可使我流露自己
你眼裡那種種傳奇 醉我醉到死 一生使我動情是你

張學友的真情流露加上李乘風的歌聲，吸引了越來越多人停低欣賞，而當他唱畢全曲後自然亦得到無數的掌聲。

「周紫盈，我好想話你知，正如歌詞所講，能夠遇見你得到你嘅垂青，係我一生中最幸運嘅事，無論去到將來邊一日，我永遠都會愛你，我地永遠都唔可以分離。I Love You~」

雖然部份旅客並不明白李乘風說甚麼，但經過部份香港旅客即時翻譯仍足以引來旁邊無數的叫囂聲和哨子聲。主角的周紫盈當然亦被深深感動哭得Belebala。

「可以識到你得到你嘅愛，我先係全世界最幸福嘅女人。無錯，無論將來點，我地永遠都唔可以分開!」她走到李乘風身前，緊緊抱著他，然後在他耳邊邊哭邊說。

接著二人自然是一個漫長的世紀擁吻。

承影 2021-4-15 19:23:03 40. 紫盈的剖白

「紫盈呀，其實你係幾時開始鍾意我?」長吻後，二人在沙灘漫步了一回便一同坐到沙灘上吹著海風欣賞著滿天星星的夜景。

「如果話由第一眼望見你開始你信唔信?」

「唔信… 我魅力不至於大到咁啦~」李乘風微笑著說。

「真係去到鍾意可能唔係… 但由中一見你第一眼開始就開始留意到有衣個人存在囉…」周紫盈回想著中一時的情怳亦露出甜甜的笑容。

「真係咁誇張?」

「因為我鍾意靚仔嘛~ 不過到到中二同你同班我就發現你原來唔止靚仔咁簡單… 你連讀書，運動，音樂每一樣都無懈可擊。加上你個人叻得黎又無架子，平易近人又熱心助人，根本無人會唔鍾意你…然後係中二果年嘅陸運會見到你田徑場上嘅英姿，我就知我走唔甩，開始比你完全吸引住… 為左咁，我仲專登入左田徑隊希望可以同你接觸多D…」

「竟然係咁!? 我真係唔知你原來係為左我入田徑隊喎…」李乘風一臉驚訝。

「連欣欣都知你竟然唔知，真係遲鈍! 不過之後，我地都只係維持係普通朋友關係…直至你斷手Miss Lui叫我幫手照顧你，我地嘅關係先可以有D突破…」

說起Miss Lui，二人本身溫馨滿滿的心情都有點cool down但又裝作無事。

「果段時間我都真係好感激你架…」李乘風亦回想著。

「之後到到Musical，本身我完全無興趣架，但知你做左男主角後，我就同自己講為左可以同你拉近距離，我一定要做到女主角! 於是我上網一夜晚間睇完果個連登故，努力揣摩Rachel衣個角色，晚晚係咁練習，好彩最後比我搶到! 其實因為咁，我仲開始鍾意左睇唔同嘅連登故添~」

「咁的而且確，果15個候選者我覺得你真係做得最好果個架!實至名歸~」

「咁都係好彩我預先識你同你熟無咁生硬啫~ 你知唔知另外果D參賽者一見到你就個個紅都面晒仲點做得好呀~ 同你一齊綵排果半年真係好開心，日日可以同你近距離接觸同你傾計… 之後我仲乘機爭取做你女朋友，雖然只係扮，但我都已經好開心…每日幻想著有日可以做你真嘅女朋友…」

「原來係咁! 唔怪得果陣Miss… Miss Lui話你立心不良啦~」想起了Miss Lui李乘風又窒了一窒。

察覺到李乘風的停頓，周紫盈幽怨地望了望李乘風，然後又繼續說

「係呀，我係發姣呀~鬼叫我咁鍾意你咩!只要有機會我咩都會試! 不過隨著Musical落幕，我地嘅關係又再疏遠返… 所以我真係好唔捨得musical完… 然後有晚同你食飯，我間接表白比你拒絕左後，我嘅心情簡直跌到落谷底… 果晚係屋企仲喊左好耐…」想起當時情況周紫盈臉上也有點傷感。

「傷害左你對唔住呀…」李乘風內疚說道。

「傻啦，唔可以怪你… 不過果陣知道左你已經有鍾意嘅人，我真係好唔開心，然後就決心要放棄你，於是先開始嘗試同唔同男仔接觸甚至出街，結果就有果晚比人拉入後巷嘅事發生… 而比你救返後我終於接受事實就係咁耐以黎始終無一個人可以好似你咁令我心動…」說到這裏，周紫盈臉上露出了濃濃的愛意。

「原來係咁… 其實果晚，係我咁岩比人飛，唔想返屋企先係街亂咁行…見到你本身其實都無咩心情理你，但最後都係敵唔過良心讉責…」李乘風有點不好意思地坦白。

「衰人! 不過咁咪正正証明我地係有緣份囉~」周紫盈撓著李乘風並把頭放到他的肩膊上。

「咁都係靠你努力爭取啫~」李乘風風亦把頭枕在周紫盈的頭上。

「係呀… 果晚後我就知我放棄唔到你… 之後聽到你話你同Miss..你個ex分左手，我係替你心痛之餘但又有D替自己開心… 你會唔會覺得我好衰?」周紫盈坦白後有點膽怯問道。

「都唔會…有人同我講過愛情係自私，所以都係人之常情…」李乘風搖了搖頭，把手搭上周紫盈的手上以示安慰。

「不過我無諗過果晚你會突然…主動錫我仲…格硬拎走埋人地嘅第一次…」想起那晚，一陣紅暈浮現在周紫盈臉上。

「果晚我真係好失常同失控… 對唔住呀…」李乘風當然尷尬無比。

「果陣真係嚇親，仲好痛! 但同時間比你佔有果一刻，我又覺得自己好幸福… 感覺好似咁多年嘅夢想終於成真咁…」周紫盈回想起亦不自覺有點陶醉。

「你真係傻架...」李乘風感動，把周紫盈抱緊。

「你唔明架喇… 至少果一刻，我同你唔再只係朋友，而係實實在在有左一層最親密嘅關係… 不過到到第二日你個衰人竟然想唔認帳! 果刻我個心好似真係穿左個窿咁…」

「我唔係咁嘅意思… 只係清醒返後覺得好對你唔住…」

「點都好…我知難得有機會係我面前，我一定要好好把握，於是就好厚顏無恥咁逼你比我留係你身邊，因為我知善良嘅你一定唔會忍心拒絕我…結果你亦無令我失望~」這刻周紫盈就像一個小朋友成功做到一件事後臉上露出沾沾自喜的表情。

「原來我一早已經比你睇死食住…」

「一開始我都唔知可唔可以令你忘記Miss.. 你個ex… 但我只可以同自己講只要繼續努力，我相信總有一天我可以感動到你… 乘風，你可唔可以話我聽我做唔做到?」

「我歌都唱埋，到衣刻你仲有懷疑咩?」李乘風吻了吻周紫盈額頭後說道。

「我想親口聽你講多次...」

「周紫盈，我愛你，以後我嘅心都只會有你一個!」

「咁到你話我聽你又係有幾時開始鍾意我?」甜甜地親回李乘風一口，周紫盈笑著問道。

「其實我都唔知…應該係比你一點一點咁感動到…所以真係要講邊個moment開始，我都答唔出添…」李乘風想了想想不出答案。

「唔緊要啦，衣刻你係鍾意我就夠喇…」周紫盈的手撓得更實。

「仲有以後嘅將來~ 我真係好感激你為我一直以黎嘅所有付出架... 係你嘅愛下，我真正感受到咩叫被寵愛同埋幸福嘅甜…多謝你鍾意我，多謝你一直無放棄我…」 這刻李乘風有點想哭的衝動。

「你把口都越黎越甜呀~ 我真係覺得自己好幸福…」周紫盈閉上了眼睛靜靜地享受著這一切。

「紫盈… 其實你係咪知道左邊個係我嘅ex?」靜了一會，李乘風問道。

「嗯…」

「係幾時嘅事?」

「由你同我講你個ex係你最孤獨嘅時候比左溫暖你果陣我就估到…」

「點解嘅?」

「因為我將你講過嘅每一句說話都放係心，所以我知。而你，明顯係從來無將自己對我講過嘅說話放係心，所以你以為我唔知! 証明你講嘅野全部都無心唔可信!」周紫盈說笑地埋怨。

「我應承你以後唔會架喇! 我會記住晒所有我地嘅對話!」比起周紫盈對自己的上心，李乘風有點不好意思。

「哼! 聽住先啦~」

「咁點解你知道左後唔講?」李乘風又好奇。

「有咩好講呢? 而且我知衣個秘密牽連可以有幾大…所以你唔想我知我咪扮唔知囉! 更加不屑用衣樣野去威脅你做D咩… 衣一年我無同過任何人講衣個秘密架…」周紫盈帶點自傲地說。

「多謝你呀紫盈… 我真係無睇錯你! 不過唔怪得果日有人好心急咁要衝過黎我地中間攝鏡啦~」李乘風突然想起畢業禮那日的情境。

「你仲好講! 一唔睇住你就想同人藕斷絲連…哼! 不過我都不得不佩服你，連Missie都溝到，我男朋友嘅魅力真係大到無得頂…」周紫盈對這是真心佩服。

「我同佢… 唔係你諗咁簡單嘅故事黎架…」李乘風帶著點唏噓說。

「我無興趣知，唔駛講我聽! 亦都唔准你再諗，以後都唔准諗!」周紫盈裝作生氣道。

「知道!」

「眼訓喇，抱我返酒店啦~」周紫盈起身邊拍著身上的沙子邊說道。

「眼訓? 你有排都未有得訓喎…」李乘風一副笑淫淫的樣子。

「變態佬!」

剛剛二人的深情對話，早已像吃了不知多少樽的催情劑。這晚，李乘風破了自己的紀錄，來了傳說中的一夜五連發。箇中的纏綿和銷魂，就只有當時人才能明白。