卡雲尼(曼聯7號) 2021-5-26 14:31:35 因為尋日on99食錯野過敏
今日SL 係屋企打文 夜晚補埋下篇

翱翔人間 2021-5-26 15:01:00 聽住先

:^(

btw樓主保重身體

:^(

H. 2021-5-26 15:29:01 right here waiting

大衞迪基亞 2021-5-26 15:41:04 卡狗話出文已成都巿傳說

鬆弛熊王 2021-5-26 16:25:07 此回覆已被刪除

隱居的老哲人 2021-5-26 16:39:34 樓主算係咁，咁耐都重有文出

卡雲尼(曼聯7號) 2021-5-26 16:57:39 係咪熔屍果單
台灣好興影兇案現場同條屍

:^(

卡雲尼(曼聯7號) 2021-5-26 16:57:59 其實keep住想寫下
但奈何時間唔夠

:^(

鬆弛熊王 2021-5-26 17:33:15 此回覆已被刪除

卡雲尼(曼聯7號) 2021-5-26 18:14:16 天網恢恢又一例子—馬鞍山路井頭村劫殺富翁案（下）

處心積慮「扮野」犯案
原來警方係案發現場既雪櫃搵到一個唔屬於來叔既指模，而根據來叔堂弟指出，因為佢係英國做過廚師，所以好注重廚房既衛生經常會進行清潔，呢個指模好大機會就係入侵者無意中留低。

警方憑住指模庫對比，搵出正正係屬於去過銀行既呢位「老人家」—五十三歲既犯吳雅倫，曾經係井頭村居住多年，有四次案底，涉及盜竊、行騙及行使假文件。入境處記錄顯示，吳雅倫早於２００９年６月經羅湖出境後，就無返過香港，但兇案現場雪櫃上既指模就係事發前一個月已經留低，明顯有人係經非法途徑進出香港犯案。無耐係中國公安既協助下，吳雅倫係南昌落網押解回港。

吳雅倫係警誡下作供，不過佢矢口否認自己干犯過相關罪行：
「我識左來叔十幾年，諗起好耐無見過佢，所以果日就去井頭村探佢，來叔招呼完我之後收到個電話要出一出去，叫我係屋企等等佢。」
「我坐左陣無聊又口乾咪走去廚房睇下有咩飲，見到雪櫃上面有封銀行信，打開一睇知道來叔開左個卓越理財戶口連埋張提款卡同密碼；來叔嘅存摺、印章、身份證又擺係附近，我好奇咁再睇多眼，見到來叔有成百幾萬存，咪貪心打算拎去銀行攞錢。」
「我去鴨寮街買左盞紫外光燈，係北河街公廁入面係咁練來叔簽名，覺得都相似喇就去茘枝角滙豐分行攞錢但職員話有問題，我怕比佢識穿就算數走左。」
「我最後諗到不如直接扮來叔拎錢咪得！於是我就去左福華街買扮聖誕老人既道具好似白色假髮、眉毛、拐杖。」
「我由頭到尾剩係貪錢，來叔又對我咁好，根本無諗過要殺佢！」

吳雅倫講既故事版本雖然看似合理，但係探員一早掌握哂佢既犯案過程，明顯係同事實不符—
實際上，吳雅倫係拎到來叔既私人物品之後，就去到馬鞍山海柏花園一間銀行打算提款，入左去之後先省起唔識簽來叔個名，於是先離開。另一方面，吳雅倫明顯係預謀犯案，佢早係１１月６日案發前幾日由桂山島偷渡返港，係女友葵涌邨寓所逗留，仲係購得扮「老人家」道具後返去展示比女友睇。而更重要既係，就連同來叔最為親密既堂弟都表示從來無聽過佢提起吳雅倫，來叔又點會無啦啦招呼一個陌生人入屋坐呢？因此警方就以上證據推斷吳雅倫好有可能係入屋偷竊不果於是殺人滅口。

慣犯的最後表演
係排期審訊期間，警方又揭發吳雅倫同大埔康樂園一單爆竊案有關：
就係２００９年６月１５日，吳雅倫係偷渡返大陸之前，曾經爆竊大埔康樂園一個單位，偷去戶主和黃及電盈紙本股票、勞力士手錶，鑽石頸鏈戒指等財物，價值超過三百萬港元，最後又偷去一輛寶馬私家車作逃走工具。

吳雅倫係庭上面仍然趾高氣昂，繼續佢既狡辯表演：
「我隻耳有問題呀，有人叫我比番條命佢，但根本唔關我事！」
「果日我喺馬鞍山海柏花園落車，去滙豐想拎錢，因為前一日（１１月８日）職員叫我去有搞開戶分行處理。」
「我見咁多人排隊，一時心虛就縮沙。哄住返到荃灣，想買染髮劑將頭髮染白，但買唔到，咪索性去髮型屋將頭髮、眉毛、鬍鬚漂白。」
「佢係我朋友，就算我偷左係銀行嘅錢都無損失架，銀行查完就會賠番俾佢。你話我殺佢拎錢，成件事要策劃咁多嘢，我諗爆頭都諗唔到，係得你地先至策劃到屈我！」

吳雅倫去到呢個時候已經開始緊張，明顯前言不對後理，不過佢仲係唔甘心，當主控官作出結案陳詞時繼續「發爛渣」—

主控官表示：
「被告早有部署，佢先由江西南昌市搭二十多小時巴士到珠海，再花十小時坐船到桂山島，目的就係避過香港入境，秘密係桂山島坐船黎到井頭村犯案。」
「被告殺死事主後，係死雪櫃上留有指模，所以先創作故事，稱自己因打開雪櫃取飲品先留低指模。」
「被告聲稱去井頭村找所謂不見多時既事主朋友，事前竟然無致電對方，係抵達後見無人應門，便馬上離去，又係附近公廁解手，但其實公廁早己關閉多時。」

聽到呢到，吳雅倫突然好激動咁講：「果個公廁無關門呀，我喺井頭村住左成廿年，點會唔知有無閊，你有無去現場睇過呀？你答我呀！」法官見狀大斥被告，然而吳雅倫繼續表達不滿：「佢咁樣問，我覺得真係好過份，問得好無必要，分明想誤導陪審團，對我唔公平，呢度係法庭黎架！」

畏罪自殺
２０１２年７月２３日，吳雅倫在高等法院自辯時只承認偷取來叔鄧路來的存摺，且兩度到銀行提款，但堅決否認殺害鄧路來。全女班七人陪審團退庭商議六小時後，一致裁定被告吳雅倫謀殺罪名成立，法官依例判佢終身監禁，進入小欖精神病院接受無限期治療。來叔堂弟聞判後顯得十分雀躍，係散庭後連忙打電話通知來叔仔女，表示「天網恢恢疏不漏，公義得到彰顯」。

而最後，呢位至不死都唔認錯既惡犯吳雅倫，係２０１３年６月２１日凌晨，於小欖精神病治療中心囚室，用撕爛既牀單捲成布條，綁係囚室鐵欄上面吊頸身亡，結束罪惡既人生。

卡雲尼(曼聯7號) 2021-5-26 18:15:28 有時期研究下呢單點寫
成件事好電影feel

:^(

Btw 文已出

:^(

大衞迪基亞 2021-5-26 18:30:45 樓主我入嚟Post Bam圖了

卡雲尼(曼聯7號) 2021-5-26 19:00:33 屌你講到做到

:^(

勇者哥哥。仁傑 2021-5-26 20:08:25 有貨岀先係架嫲樓主

:^(

卡雲尼(曼聯7號) 2021-5-27 19:05:20 輕輕一推
大家有無咩題材想我寫?
無我就暫定下篇寫周凱亮案
想分析下個犯案過程之類

勇者哥哥。仁傑 2021-5-27 21:09:10 暫時對樓主既期望係有貨交就ok😂

愛你3000 2021-5-27 21:11:12

:^(

留名

卡雲尼(曼聯7號) 2021-5-27 21:12:03 好老實但都係事實😂😂😂

大衞迪基亞 2021-5-27 22:23:35 知就好啦屌你老母

:^(

寂寞的都市人 2021-5-27 22:28:59 推 幾好睇

:^(

卡雲尼(曼聯7號) 2021-5-27 22:37:49 多謝糖狗大佬一直推post

:^(

大衞迪基亞 2021-5-27 23:41:04 你好撚25
拉返

:^(

翱翔人間 2021-5-28 00:50:28 講得好

:^(

大衞迪基亞 2021-5-29 01:29:35

:^(

卡雲尼(曼聯7號) 2021-5-29 01:32:09 糖兄唔幫手屌人

:^(