Crockett ＆ Jones︰英國百年品牌之一，經典男裝鞋業中流砥柱，手工、用料皆不俗，以平均標準去睇的話，Crockett ＆ Jones的水平才能稱為「真正的入門」，自設鞋楦開發部門，設有製楦師，與其他品牌相比為一大優勢，曾贊助007Sky Fall電影用鞋，其中男主角穿著的Chukkas一度賣斷市。亦為Geroge Cleverley等一眾品牌之ready to wear幕後代工廠。
HKD $6,000 以下
Mori Of Shoemakers︰牛巴本人與一些著名bespoke鞋匠一齊搞的一個奇怪企劃，屬於神秘品牌。
精氣神嗌外賣
2021-2-21 16:45:50
HKD $10,000以下
John Lobb Paris︰愛馬仕旗下品旗，由傳奇鞋匠John Lobb創立，bespoke部門設於法國巴黎，Ready To Wear則在北安普頓生產，因愛馬仕幾乎壟斷優質的皮革廠，理所當然地也得到了最好的原料，成鞋業界標桿之一。但自2015年有個女魔頭入主設計總監一職後，鮮黃色招牌包裝被改、招牌鞋爭亦被改，多個經典鞋款被停售，除左屌你老味之外我無野好講。
Edward Green︰英國百年品牌之一，其中一個成鞋最高標準之一，用料上乘，做工精細，楦型多樣化，極受一眾有消費能力、有品味人士歡迎，其中經典款Dover屬於因為情懷需必須要買既鞋款之一，有能力就買。
Gaziano ＆ Girling︰創立於2006年，冒起極快的高端品牌之一。兩位創辦人分別曾於Edward Green（Tony Gaziano）及John Lobb London （Dean Girling，John Lobb Lodon與John Lobb Paris分屬不同家族，無實屬關聯）工作，楦型及設計皆頗為進取、現代，用料方面亦是一流，鞋底更是全球唯一於所有（是所有）皮底皮鞋產品上使用J& FJ Baker Oak Bark Leather Sole的鞋廠。當年性價比極高，然而跟隨著品牌的急速發展，價格也上漲了很多、很多、很多，真的很多所以要說三次，幾乎跑贏香港樓市咁多。
JM Weston︰法國老牌，曾風光一時，深受上流社會歡迎，同時亦曾為皮革名廠De Puy既持有人，其180 Loafers係其中一個經常款式，亦係個人諗為其中一對最有味道、最好睇既Penny Loafers之一。近年經濟狀況似乎一般，將旗下皮廠出銷予愛馬士集團，同時大量結束大中華區業務。但就本身產品而言，不論做工定係用輝都係一流水準，非常好既一個品牌。
HKD $15,000以下
Saint Crispin’s︰東歐製，手工含量高，琴底為木釘結構，換底時只能換半個底，box calf用料非常垃圾，非常、非常垃圾，但其他皮革用料不錯。楦特別好看，適腳性也非常高，選擇也多，MTO可極高度客製化，為了漂亮的楦，咬咬牙可買。
不過係開始討論之前，希望大家可以睇左個post頭先。我地會將一啲基本資訊放響第一頁，有耐性既巴打可以考慮追埋之前既討論。
為了避免不必要既爭執同誤會，希望大家可以本住己所不欲勿施於人既心態參與討論，將心比心，免傷和氣。而以下既一啲規矩亦希望大家可以係討論時遵守。
一、凡事理性討論，和氣為重。涉及技術上既必要討論或者係styling上既意見分歧是必定會有的，但希望大家對事不對人，唔好人身攻擊，以理服人。
二、如討論技術相關較客觀的話題，又或者係一啲比較深入既討論，希望各位盡量附加圖片解說，以便入門未深既巴打可以更容易理解同加入討論。
三、強烈建議有能力既巴打／得閒既巴打可以多貼outfit圖，始終衣飾鞋履係用黎著既，更多穿著圖對於炒熱討論氣氛，亦都可以俾到更多參考俾新入門既巴打們。
四、此post歡迎提供折扣資訊、購買方式等討論，如果買錯左size，係度搵人轉手亦絕無問題。但如果係商家本身，希望各商家自重，如表明身份加入討論，相信大家都是很歡迎的，如有優惠提供，亦歡迎各位係度同各位巴打分享。
五、如在第一頁有提及過的相關資訊，希望各位巴打唔好在post內提問相同問題，如遇見此情況，亦望各位巴打善意勸導，不必過度於日經／月經內容延伸，以免影響討論氣氛。
六、討論商品時或評論商品好壞時，如可以的話請盡量附上一手照片，一圖勝千言，好讓巴打們直接判斷是甚麼情況，也能減少一些「有心人士」的惡意攻擊或刻意胡亂吹捧商店的情況出現，維持健康討論風氣。