Ads
Ads
之後兩、三下手勢，我就用阿宏身體將幾個不良少年打低，令佢哋落荒而逃。醒番嘅阿宏立即問阿敏有冇事，阿敏則叫佢管好自己再講。
「阿敏你有冇事啊！」模糊嘅阿宏醒番。
「我問你先啱啊⋯羽毛球王子喎！即刻走啦！」
「但係你頭先好似⋯⋯」
阿敏笑住答：「走都唔好咁樣衰啊嘛，大佬。但係點都好，多謝你救咗我宏仔！」
「吓⋯！？」阿宏望住逃走嘅不良少年，再望望自己拳頭：「我幾時⋯⋯啊！哈哈哈，洗乜講！」
我讀咗阿宏個心一下：我幾時打走個班人⋯⋯？
之後我哋就分別，阿敏亦都搭小巴獨自離開。喺巴士上，佢先真正咁多謝我一次，多謝我出手。
「死神⋯唔該你，如果啱啱冇你⋯⋯」
「唔係我。」我淡然地答：「要多謝就多謝個條友。」
Ads