Ads
我本來仲覺得死神好可愛:^( 你落返地獄啦!
禁爛F5啦:^(
佢深信不疑咁望住我。 「魔鬼交易」──以某種利益,嚟換取對方嘅靈魂。 原本只有魔鬼會做嘅事,我今次就破例。 「我可以賦予你雙腳自由行走一日。」我凝視住佢,將合約交上:「但代價係,你嘅靈魂。」 「‧‧‧」相比起得知我係死神,詹士佢聽到自己雙腳可以行走個陣表情更為驚訝:「你‧‧‧你話‧‧‧咩話‧‧‧‧‧‧」 「雙腳自由行動,一日。」 詹士難以自信,用手掩住自己個口、雙眼亦漸漸變得通紅‧‧‧‧‧‧
「死神‧‧‧早晨。」阿敏如常起床同我打聲招呼,打個呵欠:「咦,人呢?」
雖然好遺憾,但我會幫你行番正確嘅道路。
本來係應該屬於你嘅道路。
「‧‧‧」沉睡嘅詹士喺我一嚟到後,就好似發到惡夢咁嚇醒咗:「呼‧‧‧‧‧‧好彩只係發夢‧‧‧痴線‧‧‧‧‧‧無啦啦又會發到吊頸夢嘅‧‧‧」
「終於醒咗?」企喺一邊,背靠衣櫃嘅我斜視住佢。
「哇‧‧‧‧‧‧!!你邊個啊!!!」詹士嚇咗一大跳,可惜雙腳殘廢嘅佢唔能夠大跳大跑,只能用上半身爬到床嘅角落。
「唔需要驚,」我望住佢雙眸,內心嘅靈魂:「我嚟只係引領你行番正確嘅道路。」
「你‧‧‧你‧‧‧‧‧‧」
「我係死神。」