話說今晚有個舊同事返黎聚舊 原本都無諗住請果個 90 後去 不過廢時個個同事都去個 90 後咁可憐無得去 唯有勉為其難咁叫埋佢去 見佢成晚傻更更咁坐係度唔知做乜 不過呢個都唔係重點 散水之後難得我有渣車 反正又順路咪兜埋幾個同事一齊走 係葵芳葵興放低咗兩個葵興又放低一個 就淨返果個住上葵涌既 90 後 我望咗幾次後面 個 90 後仲戇居居咁坐係後面篤電話 睇見個 90 後好似當無事發生咁 完全唔知自己做錯啲咩 嬲到我即刻渣架車入油站然後同個 90 後講: 「我突然有啲急事要過荃灣,你唔介意自己搭車架可」 跟手就趕果個 90 後落車然後即刻比油走人 連基本既禮貌都唔識 真係唔好怪我地要標籤果班 90 後 😤
Ads
其實成件事concept好簡單 就係你坐係後面而副駕無人坐, 會令揸車果位覺得好似做左人地司機 老馮接送咁 唔關車程幾耐 你係人地落車既時候跟住落 坐返去前面 有幾難:^( 依個係表達你對人地既尊重 禮多人不怪 唔明點解咁多人會覺得依個禮儀唔合理:^( 利申 90後 坐車禮儀無人教 自己觀察返黎
其實我想知呢個禮貌係香港定世界通用?:^(
如果因為一直坐後座,冇特登上前補位 不過係後座有一直傾下計,而唔係坐係到禁電話呢? 咁樣又接唔接受到?
笑了,又屈鳩90後,係咪即係80後70後都一撚定識?
利申90後,唔知呢個so-called禮儀但會坐車頭,因爲鍾意望車頭風景