於是佢喺1534年頒佈至尊法案(Acts of Supermacy),正式確立佢本人同將來嘅君主,就係英格蘭教會嘅最高領袖(Supreme Governor),英國國教嘅信仰守護者,最高主教都係坎特伯雷大主教,副手就係約克大主教。英格蘭宗教改革名義上完成,從此英格蘭再冇天主教廷,只有英國國教會(Church of England)。由於改革嘅性質同馬丁路德嘅宗教改革唔同,所以英國國教自成一派,稱之為聖公宗(Anglicansim),香港分部就係叫聖公會(Sheng Kung Hui),留意個英文名就係嚟自England嘅舊稱Anglia。