間桐櫻 2017-7-15 16:52:33

樓主上水啦

今晚

:^(

噚晚喺另一個post出咗文

:^(

間桐櫻 2017-7-16 02:50:43 三.A)禪讓象徵--大徽章(上)

仲記唔記得上回提過,大寶章係前朝三勳章之中神秘度最低,點解

:^(

根據好多資料顯示,<清室優待條件>同<宣統帝退位詔書>(第一版)中,溥儀係放棄咗喺遜清小朝廷中,雖保有賞賜之權,但唔包括授勳.咁同時被清廷同中華民國臨時政府授意成為第一任總統,袁世凱完全可以設立一套新勳章系列,但可能多謝舊主載澧不殺之恩(或者係對當初提拔自己嘅光緒帝見死不救嘅悔疚),所以兩個勳章就被繼承,其中一個就係呢篇嘅主角--大勳章.

呢個大徽章英文名稱係The Grand Order,除咗條綬帶由明黃色改為紅色以及綬章後面個"大寶章"改為大勳章之外,其餘都用哂皇帝十二章,所以想睇圖就轆返去大寶章果度啦!(因為清晰好多)

畀時任外籍總統府顧問George Morrison(摩利臣)嘅就職典禮入場劵,中間就係大勳章.

同前身大寶章唔同嘅係後面嘅字體

由黎元洪墓出土嘅大勳章實物,原件被拆散,呢啲相係強國嘅熱心網友用PS砌返佢

:^(

由於佢嘅主人已經由皇帝改為大總統,所以"大寶"呢個字就冇意思,所以改為大勳章.而"大勳章"呢個名,又好神奇咁影響之後國民政府嘅勳章.雖然十二章同帝制關係咁密切,但好神奇咁,同近年來被認為相對上最自由開放嘅(北洋)民國成為等號,亦見於唔少同當代相關嘅事物上:

國徽
北洋民國時代嘅國徽--十二章國徽
源於大寶章大勳章上嘅十二章佈局,經過畀中國共產黨叫捧嘅魯迅用西方紋章佈局,再加上刻上傳統上係吉祥象徵嘅嘉禾圖案(設計來源於漢代《五瑞圖》石刻上嘅圖案)嘅干(中國形式嘅盾牌)design,成為用咗15年嘅民國國徽,直至張學良東北易幟後先至喺歷史上消失.
Designer,周樹人主要係構思同寫inspiration,另外兩位死黨就負責畫同上色;根據後嚟魯迅嘅日記,佢認為呢個版本仲未係完美.以下係周生向肥佬袁介紹文章:

“謹按西國國徽，由來甚久，其勾萌在個人，而曼衍以賅一國。昔者希臘武人，蒙盾赴戰，自擇所好，作繪於盾，以示區別。降至羅馬，相承不絕。迨十字軍興，聚列國之士而成師，懼其雜糅不可辨析，則各以一隊長官之盾徽為識，由此張大，用於一家，更進而用於一族，更進而用於一國。故權輿之象，率為名氏，表個人也；或為十字，重宗教也。及為國徽，亦依史實，因是仍多十字，或摹盾形，復作袞冕旗幟之屬，以為藻飾。雖有新造之國，初制徽識，每不能出其環中，蓋文獻限之矣。
今中華民國，已定嘉禾為國徽，而圖像簡質，宜求輔佐，俾足以方駕他徽，無慮樸素。惟歷史殊特，異乎歐西，彼所尚者，此不能用。自應遠據前史，更立新圖，鎬有本柢，庶幾有當。考諸載籍，源之古者，莫如龍。然已橫受抵排，不容作繪。更思其次，則有十二章。上見於《書》，其源亦遠。漢唐以來，說經者曰：日月星辰，取其照臨也；山，取其鎮也；龍，取其變也；華蟲，取其文也；宗彝，取其孝也；藻，取其潔也；火，取其明也。粉米，取其養也；黼，取其斷也；黻，取其辨也。美德之最，莫不賅備。今即從其說，相度其宜，會合錯綜，擬為中華民國徽識。作繪之法，為嘉禾在幹中，是為中心。嘉禾之狀，取諸漢“五瑞圖”石刻。幹者，所以擬盾也。乾後為黼，上綴粉米。黼上為日，其下為山。然因山作真形，慮無所置，則結縷成篆文，而以黻充其隙際。黼之左右，為龍與華蟲，​​各持宗彝。龍復有火麗其身，月屬於角。華蟲則其咮銜藻，其首戴星。凡此造作改為，皆所以求合度而圖調和。國徽大體，似已略具。復作五穗嘉禾簡徽一枚，於不求繁縟時用之。又曲線式雙穗嘉禾簡徽一枚，於箋紙之屬用之。倘更得深於繪事者，別施釆色，令其像更美且優，則庶幾可以表華國之令德，而弘施於天下已。”

呢個國徽都出現喺袁世凱香咗之後嘅中華民國一蚊銀圓(PS:小弟屋企就有一個"袁大頭"--肥佬袁嘅側面+兩抽嘉禾)

作為參考對象嘅當代西方各國國徽
英國(薩克森-科堡-哥達王朝)
德意志帝國(大國徽)

間桐櫻 2017-7-16 14:32:28 下篇希望今晚搞掂

:^(

間桐櫻 2017-7-18 04:57:53 三.A)禪讓象徵--大徽章(中)

祭服

肥佬上台後,做左一樣今日啲漢膠好想嘅事----恢復漢服.尤其係期間舉行過祭天,就畀大家睇返清前漢服係點(雖然並未有百分百復原到宋明衣冠,仲畀魯迅取笑好鬼怪雞)

喺稱帝前嘅1914年6月，北洋政府政事堂禮制館頒布《祭祀冠服制》、《祭祀冠服圖》,具體規定各式人等的祭祀冠服,分大總統/皇帝、一至五等六種級別。其中有一項同“十二章”有關,呢度出現咗一個新詞“團”,團是由十二章部件組合成嘅圓形圖案,以下係跟據官員嘅品秩制定樣式
大總統/皇帝:以十二章為一團,衣繡十二團
一等特任官:以九章（無日、月、星辰）為一團,衣繡九團
二等簡任官:以七章（宗彝、華蟲、黼、黻、火、粉米、藻）為一團,衣繡七團
三等薦任官:以五章（宗彝、黼、黻、粉米、藻）為一團，衣繡五團
四等委任官:以三章（黼、黻、粉米）為一團，衣繡三團
五等士庶:淨色冇繡章紋

大總統祭服上嘅十二章團,排板同大勳章嘅十二章幾乎一樣,九章、七章、五章、三章不過係遞減嘅十二章。

左圖係袁世凱祭天,右圖係張作霖擔任陸海軍大元帥之後影嘅.張大帥比肥佬fit好多,令我地睇清楚大總統祭服嘅實況:前五團,兩肩各一團,加上背後五團,合計十二章十二團。
件圓領祭服好有龍袍概視感

:^(

呢套十二章祭祀冠服一直用到北洋覆滅才徹底退出歷史舞台,而之前提到嘅喺教育部任僉事嘅魯迅屬薦任官,例行公事參加祭孔去左10幾年,他所著祭服屬為第三等,以宗彝、黼、黻、粉米、藻等五章為一團,肩兩團,背三團,衣繡共五團.三等薦任官祭服,繡章見下圖.

拜左成10幾年神,可能因為頂唔順先寫得出禮教會食人啩

:^(

Hog_Rider 2017-7-18 11:15:08 推

間桐櫻 2017-7-18 16:49:10

推

啲資料堆哂喺大勳章度,勁煩

:^(

特別性措施 2017-7-19 00:09:35 支持樓主繼續寫落去，我一定會睇到最後！

間桐櫻 2017-7-20 19:42:46

支持樓主繼續寫落去，我一定會睇到最後！

唔好嫌棄我出post慢

:^(

我仲有另一個post交替出文

:^(

間桐櫻 2017-7-23 00:41:09 三.A)禪讓象徵--大徽章(下)


政府建築

如同強國同揼區政府d建築物都有logo,北洋時代都有但以十二章做logo嘅,又留存到今日嘅只有一個----袁林.

當肥佬被上帝接上天堂,佢以前d門生雖然喺老細做皇帝時裝佢彈弓,但當以往嘅大sir走左,班o靚都撳荷包令boss可以風光上路
純粹想用呢張gif
根據肥佬嘅遺囑,葬喺佢喺河南省鄉下附近嘅洹上村(因為佢阿媽唔係大婆,當佢媽子過身,因為宗法而畀大佬袁世敦阻止葬喺鄉下項城,而立誓至死都唔返項城,關於肥佬袁同佢大佬嘅恩怨,可睇https://kknews.cc/zh-hk/history/y8vq2xn.html),而個墳就好架勢啦,直逼皇帝嘅陵寢,而陵又有別傳統陵墓,佢仿傚美國第18任總統,美國內戰北軍統帥格蘭特墓,墳墓唔喺地底而喺平台上.
當年遠景
塋宅佔地近9.3萬平方米and採用平地建墓壙
中堂院大門,門板上有七排七列嘅銅門釘,低於帝制的「九橫九縱」級別
武翁仲用北洋時期嘅武官裝束
前中後西style 嘅"林"墓(林同陵國語發音接近,《說文解字》上所載陵與林兩字又可以互相借用)...

格蘭特墓園(留意地台)...雖然

:^(

好啦!其實一張相已經可以list哂十二章出現喺邊...不過我覺得呢座墳拍得住中山陵

:^(

其他

大元帥旗
張大帥打贏直奉戰爭後,成功揸旗加做埋陸海軍大元帥後,終於將北洋政府嘅軍隊正名做"安國軍",而且仲以五色旗為基礎上加上大勳章嘅十二章,就有呢面旗啦

:^(

而嘉禾呢個老是常出現嘅logo,仲出現喺大禮服,最常見係外交場合
當時係駐英國公使嘅顧維均,身穿嘉禾大禮服(count uniform),白色馬褲加三角帽,當時流行嘅舞會裝.值得注意呢套服喺法國整,服上嘉禾可能係當代法國流行style.同年代,英國嘅大禮服用橡葉,日本用桐葉.

好啦,最後要睇下歷任主人戴住佢嘅相:
袁世凱

黎元洪

徐世昌

馮國璋

張作霖

咪住...點解有兩位人兄榜上無名??大家又估下係邊個!

間桐櫻 2017-7-23 12:57:16 請支持小弟另一個post
https://lihkg.com/thread/310404/page/1

雙修導致時間唔夠用

:^(

吉姆 2017-7-23 13:04:09 北洋算係文藝復興同以西學做根本再配上漢學做表皮
成功嘅會好唔同

間桐櫻 2017-7-23 13:41:27

北洋算係文藝復興同以西學做根本再配上漢學做表皮
成功嘅會好唔同

天意

:^(

間桐櫻 2017-7-23 20:15:47 其實之前最尾嗰段應該係寫有4個人冇出現

大家估係邊4個

:^(

我老婆係加賀 2017-7-23 20:48:09 lm

間桐櫻 2017-7-25 20:10:38

其實之前最尾嗰段應該係寫有4個人冇出現

大家估係邊4個

:^(

真係冇人估

:^(

間桐櫻 2017-7-27 00:55:24

其實之前最尾嗰段應該係寫有4個人冇出現

大家估係邊4個

:^(

真係冇人估

:^(

開估算

:^(

段祺瑞(揾唔到佩戴大勳章相片)

曹錕(揾唔到佩戴大勳章相片)

而呢兩位人兄冇拎嘅理由就O哂咀啦


孫文
大大話話都做過大總統(臨時),所以肥佬袁都專登頒贈畀佢,但以已卸任而拒絕,改戴另一個勳章(將於北洋勳章篇最後介紹)


溥儀
好出奇咁,張勳復僻並冇將旁落到民國嘅大勳章(大寶章)拎返畀萬歲爺,所以由始至終都冇戴過

間桐櫻 2017-7-29 03:49:32 三.B)一國兩制,馬照跑舞照跳--蒙回藏爵章

中原一夜變天,由帝國變民國,不過處理邊疆問題就難啃好多啦.點解

:^(

首先由清朝皇帝個title講起...

又要勞煩事頭婆啦
點解要搬陛下出黎

:^(

先睇睇個title: "伊利沙伯二世陛下,蒙上帝恩典,大不列顛,愛爾蘭及英國海外自治領的女皇,信仰的守衛者",其實清朝皇帝嘅情況類似咁,對漢地十八省叫清帝,喺內外扎薩克蒙古(就係大家聽開嘅外蒙古同內蒙古,但清代仲有內屬蒙古呢回事)就叫"博格達汗"(寬溫仁聖的大汗)+"XXXXX汗"(依年號意思變化),而西藏啲統治階層就專佢做"文殊皇帝"...簡單啲講,一直被清粉丁到爆嘅疆域版圖,其實算唔上係全錯,但又唔係值得打哂飛機,只係"共主邦聯"有咩大不了.
值得留意,喺外蒙古西北部嘅科布多同唐努烏梁海係直屬中央政府.

:^(

咁耐,去返正題先!由於班蒙古王公同西藏喇嘛只認清帝做大佬(達賴喇嘛仲兼清帝帝師),依家大佬劈砲唔撈,呢班王公一時三刻就驚被班革命軍革埋自己(例子就有德意志帝國過渡為威瑪共和國後,下面成堆君主國王室都被廢黜),尤其係同滿人貴族關係密切嘅蒙古佬緊係驚啦,家陣孫大炮叫緊"驅逐韃虜,恢復中華!",所以1911年清廷收檔時就推舉時任駐喀爾喀嘅活佛做大佬獨立自保,第一次外蒙古獨立.

依位人兄將會喺呢個post老是常出現

但去到1915年,上天開左個玩笑,話說當年拉隊走人嘅王公發覺冇淡好食...早響北極熊將西伯利亞鐵路起喺今日嘅東三省後,原本喺俄蒙邊境嘅買賣城就收埋皮,油水冇得索之餘連原本每季都有嘅花紅都冇埋;因為咁唯有跪返去搵肥佬收留啦,又算佢地好彩,<清室優待條件>有保障佢地嘅條款,肥佬袁亦需要佢地啲同鄉支持之下,早喺1913年已經設立<蒙回藏王公等爵章條例>等佢地拎返啲強姦金年金咬下
想像圖
KO買賣城,斷班王公米路嘅"東方小巴黎"哈爾濱

至於個正題,蒙回藏爵章,就規定只有喇嘛同蒙古王公先有得拎(話說,西藏好似冇咩王公),而個design就充滿之前提及嘅北洋元素--五色;而因應蒙回藏統治精英嘅宗教信仰,個design分成兩款:1)蒙藏爵章繪三寶紋樣;2)回爵章中繪日月合璧、五聯珠紋樣

而呢套勳章,就分成5等:
第一級:汗/親王爵章,黃色底

第二級:郡王爵章,紅色底(冇實物相存世)

第三級:貝勒爵章,白色底

第四級:貝子爵章,綠色底

第五級:郡王爵章,藍色底(冇實物相存世)

相當可惜嘅係,呢款爵章存世少得好誇張,而回爵章仲...

間桐櫻 2017-7-29 03:53:53 而呢套勳章,就分成5等:
第一級:汗/親王爵章,黃色底

第二級:郡王爵章,紅色底(冇實物相存世)

第三級:貝勒爵章,白色底

第四級:貝子爵章,綠色底

第五級:鎮國公爵章,藍色底(冇實物相存世)

相當可惜嘅係,呢款爵章存世少得好誇張,而回爵章仲...[/quote]

間桐櫻 2017-7-30 11:24:16 係咪我次次出post都係深夜所以沉post

:^(

Hog_Rider 2017-7-30 23:31:09

係咪我次次出post都係深夜所以沉post

:^(

:^(

間桐櫻 2017-7-31 00:42:22

係咪我次次出post都係深夜所以沉post

:^(

:^(

頂咁好灰喎
好畀心機嘗試令篇嘢冇咁齋
但冇人理

:^(

吉姆 2017-7-31 09:27:45

:^(

:^(

:^(

紅秀麗 2017-8-8 16:06:55 好好睇呀 請繼續加油
唔好沉

金庸財盡 2017-8-8 16:21:35

:^(

:^(

:^(