nozstual 2021-1-15 18:24:03 課金有文

:^(

夜行傘 2021-1-15 18:34:06 每日一推

狄易達好有敵意 2021-1-15 19:15:23 原來係同一人!?
死神個故邊度有講啊敏全名

墨說 2021-1-15 19:15:32 我住院的日子，算不上沉悶。

每天大病獵們都會定時定候來到醫院，給我回報不同的事情。

「會長，今日身體覺得點？」今天博海德第一個到，他帶了瓶汽水來。

「無咩大礙，都係等康復。」

「咁關於南區戰線嘅事......」

「所有部隊適應未？」

「我幫你同佢哋協調好，全部人嘅進攻時機，只要等你發號施令，大家就會衝入去黃竹坑車廠救人。」博海德從衣袋中掏出一把紅色的訊號槍，放到我的被子下：「你一向天發射，佢哋見到升上天嘅紅煙霧，所有部隊就會即刻進攻，最好喺病獵協會天台上面發射，嗰到嘅高度射擊，先足夠俾到南區嘅部隊睇。」

「好......到時我會親自落場做指揮官，等多幾日我個傷好返少少先。」話題結束後，我又轉別的談論：「話說，琴日田永和議員搵我。」

「搵你做咩？」

「叫我小心保守派嘅動作。」

「保守派......啱嘅，佢哋都係老奸巨滑，我哋好難預計到佢哋會做咩，所以會長你最好帶實支訊號槍喺身，萬一有咩事都可以即刻發射。」博海德拍拍被子，特意提醒我。

「喀、喀、喀」三下清脆的敲門聲，林楚和百里都來了。

「啊！博海德，俾你搶先一步添。」百里抱著手進來。

「好耐無見，兩位。」博海德站起、問好。

「你唔洗帶隊？」林楚問。

「我負責維修嘅，就最鬼得閒。」博海德說。

「好啦，到我哋同會長相處嘅甜蜜時間。」百里搭著他肩膀，故作低聲地說：「你可能要出一出去。」

「明白、明白，兩位會長身邊嘅當紅炸子雞，唔阻你哋。」博海德步出病房去。

見博海德離去，百里都重拾認真：「無嚴重到啊嘛？」

「無。」我答。

「咁要唔要睇下，我哋盤問羅柴施得到嘅情報？」林楚筆錄了一份給我看。

「問到啲咩。」我把筆錄內容掀開觀看。

「佢哋同叛獵組織嘅一啲交易。」

「重點？」

「大致上就係佢哋舊政府嘅人，同叛獵組織收購病者，嚟進行一啲侵略計劃......包括預計會用病者嚟進攻夕鯨國，咁就可以離補佢哋人員不足嘅弱點。而且叛獵組織同佢哋有互利關係，叛獵會幫佢哋引走大部份南區病者，保持西面領域嘅安全，喺地型上作為西城薈抵禦南區病者嘅絕對防線，西城薈佢哋就會提供返槍支或者補給品俾叛獵。」

「如果係咁嘅話，難怪上次去西面......條街都唔係話好多病者。」因為理論上，我們病獵在西面的活動次數是最少。

我又問：「羅柴施佢咁合作？」

「其他飽經磨練嘅士官唔知，但佢依種上咗年紀，多數負責談兵，多過出去實際作戰嘅軍官，只要對佢軟硬兼施下，就拎到唔少料。」

「咁西城薈嘅詳情？」

「佢無講，因為嗰到有佢嘅家人。」

墨說 2021-1-15 19:15:51 「俾我打甩咗幾隻牙齒，都係咁口硬。」百里無奈地搖頭。

「而且佢有計劃地咁，偏向講更多關於叛獵組織嘅事情我哋知，應該係想我哋將威脅嘅重心，轉移落佢哋到，減低西城薈嘅威脅感。」

「會長，你諗住點處置佢？」百里搔搔眉目。

「繼續留佢喺協會先。」

會員晨早的探訪結束，我又繼續一個人的醫院生活。

大病獵相等於病獵協會的門面，我不想把他們人留在身邊，浪費他們人生寶貴的時間。

除了看雜誌和心戰之外，我會在窗前觀察那座末日堡壘。

堡壘入面的工作人員總是俛拾仰取的，我會觀看他們不同人所負責的崗位，又會看看建築措施的分佈，例如宿舍、農田、水源等等，無意間了解到要營運一個能養活人的地方，是很考功夫。

不知不覺，我連續吃了三天抗生素，每顆價錢達百萬籽以上。

那老土的話句，很適合用於現在，就是沒錢的別生病。

原本我以為今天會平淡地過去，但臨近傍晚也是逢魔之時，那些人終究還是出現了。

黃昏餘輝映照著病房，平靜的巡房時間，有個同樣身穿醫生袍，但名牌職級顯示是院長級的人物，出現到我病房的門口。

「Ｍ會長你好，我係養和醫院嘅霍院長。」霍院長他一入來，就誠懇地跟我握手：「我哋嘅醫療服務，幾好嘛？」

「嗯。」我不知他前來的用意，就避免說太多無謂的說話。

「哈哈，你哋病獵真係辛苦哂，特別你身為會長，仲肯親力親為。」霍院長不會特地前來，給我擦馬屁吧？

「你想講咩。」我直接問。

「呃唔......」霍院的和善的笑容變得生硬，被我揭穿了另有目的：「其實有一位人物，佢係議員嚟，今日想見見你，但佢唔知你願唔願意......所以我就代為出面問下你意願。」

連作為醫院的首長，都要代某人出面邀請，看來對方的來頭不少。

加上對方不想被我當面拒絕，自尊心看來也不輕。

「咩人。」

「我請佢入嚟。」霍院長行出門外，跟某人說了幾句。

接著，一名西裝筆挺，一臉英氣，絲毫不染，打著紅領帶的男人，逕自一人走入。

但往走廊外面望，可見其實他有四名保鑣隨行。

這男人跟肚滿腸肥的議員不同，他天生一副戰鬥格，有令人敬畏的氣場。

「霍院長，請你稍為回避一下。」他聲音沉穩而堅定。

「係，唔阻兩位。」霍院長離開病房。

我和紅領帶男人互相對視著......

他不言，我亦不語。

直到有隻蒼蠅偶然飛過，他才主動開腔：「你就係病獵協會嘅第二任會長？我係夕鯨國嘅議員，保守派副代表──譚國剛。」

「睇嚟我入院嘅事，可能求其問個街上經過嘅阿嬸都知。」

譚國剛微微一笑：「倖存區唔大，有咩事嘅話，我哋好快會就會知。」

「以前有咁多時間，但偏偏到我入院先嚟搵我，貪我夠虛弱？」

「只係以前你周圍奔波，基本上要搵你都唔係一件易事，始終你唔似瑪希咁坐足喺協會全日。」

「你係代表保守派嚟同我交談？」

「係，而我哋要同你傾嘅，只有一件事......收回戰爭嘅號令。」

他的直接，令我反而要思考如何回應，不能再輾轉地說話。

「拒絕。」我都用直接的態度，回應他好了。

「你應該知道，我代表住幾多勢力？」譚國剛反問。

「最主要都不過係天環人。」我說。

「破壞人嘅利益，唔係一件好事。」譚國剛的語氣既像警告，又像提醒：「你仲有時間返轉頭。」

墨說 2021-1-15 19:16:10 「「破壞人嘅利益」你係指......你哋係病者？」我淺笑。

「我哋當然唔係病者，但當中嘅政治複雜，我諗無必要同你加以解釋，你只要聽我哋做就好......病獵會長。」譚國剛如鷹的眼睛，正盯著我注視。

有戴面具的優點，就是別人讀不到你的表情。

無論你是害怕、快樂、生氣還是傷心。

「我拒絕。病獵協會嘅事務，你哋無權過問，亦唔會受任何黨派影響。」

「或者我應該咁講......」譚國剛插著褲袋，走到窗前凝視落幕的餘昏：「假如你哋行動成功，就會激起區內嘅人對外界嘅希望，咁樣佢哋就會變得唔願工作，成為一心盼望住外面救援嘅蛀米大蟲，就同幼稚嘅自由黨一樣，總係希冀住唔存在嘅他國救援。你咁做之後，自由黨支持度都會大增，咁樣係抹殺緊我哋保守派勢力同支持者......喺區內付出嘅一切努力，包括你住嘅醫院、食緊嘅米、飲緊嘅水，都係我哋所建設同維持，你要識得選擇。」

「言下之意，你係唔想民眾得到希望？想佢哋繼續活喺籠入面，替你哋工作，維持住你哋嘅特權？」我反問。

「如果真係有希望，一早就應該出現......」譚國剛稍為停頓，深沉地說：「而唔係八年之後，都仲係得我哋香港人孤軍作戰。」

「但你可能唔清楚我哋病獵協會嘅理念，只係想清除依一片土地嘅所有病者。」

「但你嘅舉動，會引嚟民眾傾向自由派嘅理念。」

「咁唔關我嘅事。」

「你嘅行動會帶嚟思想上嘅影響，就係關你事。」

「咁係民眾自己嘅選擇。」

「我哋唔會容許民眾選擇。」

譚國剛緊皺的眉目稍放，似乎注意到自己把內心的說法道出了。

「即係話，你無論點都唔會收返呢場戰爭命令？」

「我會答你，我唔會放棄任何一個被遺留喺戰場嘅病獵。」

「好，我明白。」譚國剛整理下領帶，再說：「以前你初初上任，幾多新措施、幾多新計劃都好，我哋唔會當你係威脅，但今次......你超越咗我哋底線。」

說罷，譚國剛轉身離去。

白色的雲 2021-1-15 19:19:07 墨b

:^(

:^(

放蕩 2021-1-15 19:19:21

:^(

全因有著你 2021-1-15 19:39:05

:^(

:^(

醉驫 2021-1-15 19:46:12 韓湘看著地板，又略略看向我：「你擔心我？」


得米啦！牙mon！

笑一下 2021-1-15 20:08:56 又兩篇，爽～

我覺得一個星期十篇左右最fit

:^(

:^(

黑椒牛丸河 2021-1-15 20:31:00

:^(

笑一下 2021-1-15 20:39:15

睇門徒咁

紙鶯 2021-1-15 20:39:38

:^(

紙鶯 2021-1-15 20:45:43 歡迎加入

:^(

諗起以前都一口氣追咗大半篇第一季

:^(

毒來毒往 2021-1-15 21:03:35

:^(

:^(

:^(

:^(

On99_hk 2021-1-15 21:28:37

:^(

白色的雲 2021-1-15 21:44:28

:^(

傻豬黎既 2021-1-15 22:05:35 Push

笑一下 2021-1-15 22:27:29 無晒武器又無人幫拖，唔想死咪投降

白色的雲 2021-1-15 22:41:30

:^(

牧羊記 2021-1-15 23:13:09

:^(

中二m 2021-1-15 23:43:35

:^(

寂寞的都市人 2021-1-15 23:54:51

:^(

笑一下 2021-1-16 00:16:22

又開條咁大嘅枝線，唔知攪幾耐