【舉征南方】《病港II》(20)
上一頁
第 13 頁
下一頁
貓西
2021-1-18 12:16:29
收佢遮已經知鬼鬼哋
:^(
Ads
碧水劍
2021-1-18 12:18:48
無錯仲要話保安唔尋常都唔醒水 又唔帶班o靚係樓下
Yesterdae
2021-1-18 13:08:25
推
知道自己不知道
2021-1-18 13:45:08
賭仔心態發作
:^(
明明都知個作者唔會俾佢賭驘架啦
:^(
btw想快啲見返南淵七病獵啊
:^(
m又喺度拖戲
:^(
沙治·羅拔圖
2021-1-18 14:44:52
咁順攤俾把遮人
:^(
:^(
:^(
墨說
2021-1-18 17:19:19
「鰂魚涌管理人。」譚國剛雙手放到腰後,行到王達尼面前:「揀啱邊站係好重要,希望你識得選擇,咁你同伍錦星管理人一樣,都會成為我哋呢一派嘅朋友。第一件事,我想你幫幫手嘅,今日一整日就坐喺依間房到,直至我哋處理好任何門面上嘅事情,你就可以返去鰂魚涌到,其次你要喺傳媒面前沉默,就算其他人問起咩事,我都唔希望你透露詳情,就係咁簡單。」
「......」王達尼吞喉。
譚國剛向自己的助手,下達指示:「派人去南區,通知所有病獵,戰事經已取消,佢哋會長經已被捕。」
伍錦星握起整碗羊菌湯,把湯水倒落我的頭上:「好好品嚐啦,你嘅最後的晚餐啊。」
「再會,伍管理人,王管理人。」譚國剛轉身離開。
再者,席上的來賓都一一步出粵菜廳,到最後把我押送走的保安和伍錦星。
「達尼生!咁你今日就乖乖留喺到先,唔夠餸食就叫侍應加下喇~」伍錦星跟隨保安大隊離開。
廂房中,只剩下發怔的王達尼。
剛才發生的事,好像不過是場夢。
尚未完全回過神來的王達尼,坐回到自己的座位上,心不在焉地喝湯,仍未消化對方突如其來的拘捕行動。
他每喝下一湯匙的羹,都會有三分一從嘴角流出。
直到湯都喝光淨了,王達尼看看碗內的湯渣,想起進入香港會議展覽中心前,在路上的一些對話。
「伍錦星肯定打緊某啲算盤。」
「一定啦,無端端送咁大筆醫療物資。」王達尼抓抓頭。
「但為咗會員嘅安危,我覺得值得一搏。」
「就算明知,可能係伏......?」
「嗯,但點都要留有一層保險。」
「咩保險?」
「就係你。如果到時真係發生啲咩事,我依到有支紅色訊號槍,依家就放喺呢個郵箱入面,你用盡方法走出會展,然後上病獵協會嘅天台發射就可以。」
「會發生咩事,千軍萬馬來相見啊?」
「到時你就知。」
王達尼從回憶的對話中,回神過來。
本來呆若木雞的他,終於知道自己要做什麼。
他要在保守派通知南區戰線上的病獵撤離前,早一步發出開戰的號令。
「喀喀──」
一位伍錦星的男秘書走入廂房,禮貌地問:「請問王生你仲有冇咩菜色想加添?」
王達尼叼一根煙,暗中藏下餐刀:「唔食啦,唔該。」
他略帶急步,想行出廂房。
「唔好意思,我收到嘅指示,王達尼先生你要暫時留喺到先。」男秘書伸手攔下王達尼。
「去個廁所都唔得啊?」王達尼問。
「當然得,但先請保安陪同。」男秘書在外頭招一招手,舉起兩根手指讓兩名保安過來:「你兩個,陪王管理人一齊去廁所,小心王管理人安全,唔好俾佢走失。」
「收到。」保安回答。
如是者,王達尼便在兩名保安陪同下,入到展覽中心的廁所。
走廊沿路上他看了一眼展覽中心的保安情況,數量依舊沒有改變,仍然十分之嚴密。
身上並沒任何武器的王達尼,腦中正想著諸多逃脫的計劃,但所有計劃都有項必須的條件,就是甩掉身邊兩名西服保安。
入到空間不大的廁所,一名保安在門外看守,另一名則在入面看守,而王達尼則坐到廁格中,繼續思考對策。
墨說
2021-1-18 17:19:30
十分鐘過去。
保安見廁格毫無聲氣,不禁詢問:「王管理人,請問有冇發生咩事?」
「我打唔開道門咁......」王達尼說。
「係?」保安扭一扭,發覺門打不開。
那是當然,因為王達尼把門鎖上了。
「你真係打唔開?」保安又問。
「係啊~」王達尼答。
「呯」保安試圖用身子撞開,可惜徒勞無功。
多試幾次都失敗後,他唯有叫門外的保安進來研究一下。
「阿王管理人話打唔開道門,我都推唔開......」
「咁一齊踢開佢,王管理人請你退後少少。」保安決定。
「好。」王達尼正等待他們踢門。
「呯、呯」保安連踢兩下。
到第二下一踢,卻踢著個空,使得他們甚為吃驚,因為是王達尼主動把廁格的門打開。
情況就好像你打算用盡全力推開一道門,但那道門卻被入面的人打開了,力量傾重一邊的流動使人失去平衡,兩名保安的情況相同。
踢空之後,王達尼趁兩名保安仍維持出腳的姿勢,兩手一抓把他們的腳捉住,然後向出力一扯!
「呼哇!」一聲,兩名保安齊齊摔到地面。
王達尼趁著二人未能及時防備,立即乘勝追擊,用手肘落下的攻擊打向二人鼻樑。繼而,跑到廁所的一側,舉起了鐵製垃圾桶,往其中一名保安頭上擲!
「呯噹!」一名保安當場失去意識。
第二名保安溢出鼻血,擺出了格鬥的姿勢,往王達尼身上打了幾拳。
王達尼只管護著頭部,然後抓準個瞬間伸手捉住其西裝的領帶,然後繞到對方的背後用力一扯!意圖把保安勒得窒息。
王達尼憑著扯領帶的招式,迫令保安面向廁所鏡子,然後把他的頭部不斷地撞向鏡子,撞得鏡面冒出裂紋,最後他把保安放開,向後方的廁格跑入並踏到馬桶上,再轉身傾前,雙手捉住廁格的門桿,全身向前飛擺雙腳踢到保安的胸膛。
「嗚哇咳咳......」保安氣都喘不上一口,就痛苦得昏倒。
「咕咚。」王達尼在保安身上吐口唾液,說:「我打開爛仔架,你兩個點夠我玩......」
兩名保安是解決了,但更大的問題是如何踏出整座展覽中心。
要殺出去斷定沒可能,如今比較可行的,只有偽裝。
但考慮到保安們不是智障的問題,沒可能換件西裝,就當作偽裝成功,畢竟連王達尼都騙不了自己。
「點搞......」王達尼看向鏡子。
人的外貌,往往最看重髮型。
一個人,可以因為髮型而變得千變萬化。
可以因為蓋子髮型,變得又呆又土氣。
可以因為曲捲的長髮,變得性感美人。
可以因為平頭,變得簡潔乾淨。
王達尼知道只有改變自己的外在,才有一絲逃出的可能。
於是,他拿出早前藏起的餐刀,還有自己的打火機,對著鏡子開始進行土法的剪髮。
火能讓頭髮變得更脆弱,餐刀則能將髮切掉。
但由於餐刀不夠鋒利,王達尼在切髮時滿是痛楚,充斥在其頭皮中。
墨說
2021-1-18 17:19:45
「嗄啊......」他咬牙切齒,忍受著這等痛苦。
好不容易,他終於擺脫以前凌亂的髮型......變成了接近平頭的樣子。
「嗄......嗄......」王達尼摸一摸自己的頭頂。
有頭髮時他像個紳士流氓,現在平頭則像個痞子流氓。
搞完一大輪後,王達尼從廁所行出。
他以嶄新的面目,於展覽中心的走廊行走。
因為保安數量太多的關係,有些保安們更是互不相識,而讓他成功蒙混過關了。
越接近出口,王達尼就會心跳加快。
身邊的保安除了打量他一眼外,基本上沒什麼大不了。
可是,危急關頭往往留在最後面。
在王達尼踏出會議展覽中心,重回陽光的懷抱時,入面有一名保安把他叫住:「喂,等陣。」
「嗯?」王達尼停下來,不敢出聲回應。
「去邊啊你?」
「出去,伍管理人叫我出去幫你整啲嘢。」
「我無聽到過喎。」
「如果因為你嘅阻攔,而令到伍生要問責,我就為你事問。」王達尼希望他會知難而退。
「我就係依到嘅保安總長,當然係為我事問。」可是,對方來頭也不簡單。
「咳。」
「你轉過身嚟俾我睇下。」保安總長說。
「我唔得閒同你哂時間,總之我要幫伍生做少少嘢。」
「伍咩生啊,我叫你轉過身嚟......」
保安總長還未把話說完,王達尼就立即向前狂奔。
「發現可疑人物!發現可疑人物!!」保安總長通知展覽中心的保安。
膠力資源冇限公司
2021-1-18 17:22:40
咁鬼早嘅
中二m
2021-1-18 17:27:00
:^(
西白莉雅淫
2021-1-18 17:28:02
咁早!
Ads
膠力資源冇限公司
2021-1-18 17:48:11
雖然講故唔好駁故
但係點解搞呢壇嘢之前
唔搵下自由派傾一傾
同埋個廢柴上將
又冇人放佢走
咁咪霜B畀人斬咗都出唔返嚟?
約翰_泰利⚽
2021-1-18 17:57:46
拎左訊號彈未?
全因有著你
2021-1-18 18:14:16
今日好早
:^(
:^(
白色的雲
2021-1-18 19:22:38
5點就出連登文
墨b發生咩事
:^(
:^(
:^(
知道自己不知道
2021-1-18 19:36:55
咁貿貿然又可能搵人帶個人過西城薈嘅
:^(
仲要大戰前夕,係都打埋場仗先啦
知道自己不知道
2021-1-18 19:37:54
既然都要買保險點解唔是但搵個病獵睇住無如期出返黎就射訊號彈算
:^(
:^(
係要王達尼出手
黑絲大隻
2021-1-18 19:41:22
屌好緊張
墨說
2021-1-18 20:51:10
想早啲訓覺
:^(
白色的雲
2021-1-18 21:05:24
:^(
白色的雲
2021-1-18 21:07:52
:^(
Ads
華麗謝幕
2021-1-18 21:08:10
:^(
白色的雲
2021-1-18 21:08:18
抖足精神聽日加更
:^(
In 墨b we trust
:^(
白色的雲
2021-1-18 21:10:40
大家一齊推post
:^(
紙鶯
2021-1-18 21:29:17
:^(
:^(
上一頁
第 13 頁
下一頁