【舉征南方】《病港ＩＩ》（２０）
上一頁
第 11 頁
下一頁
寂寞的都市人
2021-1-17 21:28:08
:^(
Ads
DavidBeckham7
2021-1-17 21:29:16
等緊。。
黑椒牛丸河
2021-1-17 21:59:25
:^(
:^(
:^(
大家正評左未？
:^(
:^(
:^(
Yesterdae
2021-1-17 22:01:30
推
nozstual
2021-1-17 22:10:52
推！
是但求其啦
2021-1-17 22:11:24
My heart will not go on
:^(
:^(
:^(
笑一下
2021-1-17 22:27:41
:^(
白色的雲
2021-1-17 22:39:32
希望今晚加更
:^(
白色的雲
2021-1-17 22:40:03
講故台最多正皮
:^(
:^(
:^(
個moon好白
2021-1-17 23:00:33
:^(
:^(
墮入羅莽
2021-1-17 23:12:07
每日一推
Ads
紙鶯
2021-1-17 23:13:34
:^(
周杰倫杰周
2021-1-17 23:14:04
:^(
:^(
工業用革命口罩
2021-1-17 23:16:07
嗚
墨說
2021-1-17 23:24:31
羈留室。
自回來之後，我都沒有探望過那位來自西城薈的大人物。
「你好。」我放下一片麵包，到冰冷的桌子上。
眼前的羅柴施上將，像狗一般奪起啃咬：「唔......唔唔......」
「餓咗好耐？」
「唔唔唔......」羅柴施上將吃得極為滋味，連麵包皮屑都不放過：「唔嗄、你無死到......」
「話俾我聽，我有咩理由，要放你返西城薈。」
「......」羅柴施上將說不出。
「你可以指控天環人？」我又問。
羅柴施苦笑搖頭：「無可能......」
「我都知你唔會。」
「你哋病獵協會嘅真正敵人係叛獵組織，唔應該介入兩國嘅鬥爭......」
「如果你返唔到去，嗰位救你嘅女上校會有咩下場？」我翹起腿，借故地問。
羅柴施又再苦澀一笑：「我點知？但任務失敗嘅後果，肯定唔好受......你咁問得，即係韓湘上校佢無死到......」
我點點頭，不答他什麼。
「但佢居然無暗算你......將你變成人質同我交換......」羅柴施把臉額貼到桌面，失落地大笑：「哈哈哈哈......你個腦到底諗咩？佢無可能諗唔到咁做......」
我倒是沒代入過韓湘，她能有這樣的選擇去完成任務。
「唔係，佢一定諗得到呢個方法！」羅柴施忽然話風一轉，緩緩抬頭看我：「只不過係因為你，令到佢無咁做......」
「韓湘上校，係個好女仔。」說畢，我離開羈留室。
距離開戰的前幾天，我收到一則電話是伍錦星打來的。
「Ｍ會長！」
「伍生，搵我有事？」
「你收到我送嚟嗰批醫療物資嘛？」
「第二日已經收到，多謝你嘅支持同付出。」我循例都要答謝一句。
「唔知我仲有咩可以幫到你呢？」伍錦星的參與程度，超乎我預期。
「其實你送嗰批物資，都已經好足夠。」
「但你一定唔止需要嗰啲。」
「我嘅醫療人手，係有些少缺乏。」
「如果我話，可以請到一班醫生去幫你手呢？」
「你可以？」
「哈哈，係咁嘅，我同中環嘅「香港醫學會」都有少少交情，我或多或少都可以請佢哋嚟幫下你手嘅，費用當然都係一樣，你需要擔心！哈哈。」
墨說
2021-1-17 23:24:41
「你認真？」
「呢啲人命關天嘅事，我絕對唔會拎嚟講笑。」伍錦星收下笑意。
「咁你安排佢哋......」
我未說完，伍錦星就插口：「Ｍ會長！因為你依件事都算突然，都可能要你出一出席飯局，同佢哋傾句計咁，好簡單嘅啫，但我同醫學會嘅高層好熟，基本上大家打聲招呼就可以，所以你會唔會有時間出現一下？」
「應該都有時間。」
「咁約定你，聽日中午兩點可以？」伍錦星問。
「如果可以，到時我叫埋王達尼嚟。」
「達尼生？哈哈哈，都好都好，到時就香港會議展覽中心見！我哋對住個大海景，傾下點安排醫生同你合作，聽日見！」
我不太擅長飯局應酬的關係，才決定叫王達尼一起到來。
為了飯局的事，我致電轉述給他知道。
「送完醫療物資再幫你請埋中環區嘅醫生！？條友暗戀你啊......」王達尼十分訝異。
「我都唔知佢打緊咩算盤，但如果係幫到前線嘅病獵就無妨。」
「記住啊！如果佢叫你簽咩合約，你唔好亂簽住。」王達尼提醒我。
「我諗住到時帶埋你去。」
「都得嘅，有餐免費飯食下都好。」
為了更多的醫療人員，飯局當天我現身灣仔的倖存區。
我和王達尼約在關口等候，大家都到達後就一起前去會議展覽中心。
一切產業都正在復甦的灣仔倖存區，正逐漸回復些許人流。
香港會議展覽中心外，有不少的治安人員守候，他們不時監視附近情況，又不停地往周圍巡視，生怕被刺客闖入暗殺一樣。
展覽中心的外形猶如雀鳥展翅飛翔，採用大型落地玻璃設計，站在它的腳下有傲然生威的觀感。
未走入建築的範圍，經已有人員前來接待我倆：
「兩位肯定係病獵會長同鰂魚涌管理人。」
「係。」王達尼答。
「伍生經已通知咗我招呼兩位上去，請跟我嚟。」接待人員帶我們進去。
王達尼叼根煙火：「保安功夫做到咁密實嘅。」
「伍生不嬲都係咁。」接待人員說。
「佢得罪咗人啊？嘿。」
「呢層我就答你唔到。」
「咁一陣有冇鮑魚鵝肝食，你答到啦呱。」
「係無嘅。」接待人員又說。
在接待人員帶我們入去的期間，我不停地環視展覽中心的情況。
那些保安人員都有配備無線電等設備聯絡，感覺上保安程度過份小心。
「做咩唔出聲？」王達尼見我一直周圍望。
「好奇怪。」
「嗯？」
「一場普通嘅飯局，但同毫不相稱嘅保安力量。」
墨說
2021-1-17 23:24:52
「可能班醫學會高層都係啲大人物呢。」
「按道理醫學會應該係受天環人掌控，佢哋會肯幫手？」諸多的疑問，浮現我腦中。
「最大嗰啲啫，話唔定前線嘅醫生係好人呢，不過按照正常情況，如果我同人交易嗰陣，對方帶超過三個武裝人員出現......我就會即刻離開。」
「入面就到。」接待人員把我們帶到高樓層的粵菜廳門外。
「推、推門就入得？」王達尼指著門問。
「嗯，醫學會嘅貴賓同伍生都喺入面。」接待人員站在門外守候。
「你覺得古怪嘅，可以即刻離開......」王達尼可能被我影響到，那顆懷疑之心不斷增長：「話唔定一推開門，入面係幾十枝ＡＫ４７指住我哋。」
「佢要暗殺我嘅話一早可以落手，唔需咁戲劇化咁，喺個飯局到落手。」我首先可以排除，自己會死亡的下場。
「其實個伍錦星真係有啲奇怪嘅，突然就咁幫你......」王達尼繼續胡亂猜測，提出其他可能：「佢可能喺自己送嘅醫療用品到落咗毒？」
「無，我搵專人檢驗過哂，全部都係優良品。」
「咁可能佢真係想支持你？因為我真係諗唔出，佢可以點害你，同點解要害你......」
「唔......」
「你賭唔賭一把啊？」王達尼說。
「賭？」
「推門入去，得到嘅可能就係一班醫療人員，令你手下嘅病獵得救。」王達尼舉起食指，繼續說：「但亦有可能，係相反。」
大腦多番交戰之後，我得出一個答案：
「咁我賭可以拎到一班醫療人員。」
「咁快決定好？」王達尼愕然。
我雙臂向前一推，把粵菜廳的大門推開。
迎接我的是群坐在圓桌前，談笑風生的專業人士。
在門打開的瞬間，王達尼還揪著接待人員，擋在自己前面，怕有什麼子彈飛來。
「偉大嘅Ｍ會長！終於嚟啦。」伍錦星舉起紅酒杯子向我致敬。
「原來只係我哋多疑。」王達尼嘆口氣，不禁為剛才疑神疑鬼的行為發笑。
我沒放下戒備地，坐到伍錦星為我留下的座位。
因為我每次賭，
都從來沒贏過。
墨說
2021-1-17 23:25:09
「要收一收你嘅武器先。」一位侍應過來，要把我傘子收走。
「嗯。」我把傘子交他。
「Ｍ會長你好，王管理人你好。」席上的眾人友善地問好。
「各位好。」我點頭。
至於王達尼，他一坐下來就毫不客氣夾了塊東坡肉到嘴中，現在仍然細嚼著那塊軟爛的東坡肉，只能口齒不清地打聲招呼。
東坡肉、烤鱸魚、羊菌湯，簡單三道細火慢燉，說明了一眾來賓尊貴的身份。
我先喝了口湯，然後吃了口魚，味道十分上乘。
我在面具下留意到，這些醫學會的高層一直有意無意地往我瞧上一眼。
「聽伍生講，你想要醫療人員幫助？」來自醫學會的某個高層，突然主動打開話題。
「係。」
「其實派出醫療團隊嗰陣，一直有個宗旨，就係本身傷亡係唔係可以避免。」醫學會高層停頓片刻，語氣少許婉謝：「但根據Ｍ會長你嘅案例......好明顯就係人為嘅傷亡，即係可以完全避免嘅事嚟。」
另一位高層，都開腔表明：「好老實咁講，只要你暫停你嘅出征計劃，你下屬嘅死傷都係無必要，亦都唔會浪費任何醫療資源。」
「即係唔肯？」如果他們不願意，我無謂留在這裡浪費時間。
「嗚唔！咳......」本來還在鯨吞東坡肉的王達尼，馬上舉手想要發言：「等陣先......其實阿Ｍ會長呢個計劃好長遠！依一刻只係需要付出少少醫療資源，就可以換取未來全人類嘅幸福，我哋應該睇長遠啲。」
「長遠？我哋人類捱唔捱得過聽日都未知，無以前社會上嘅生產鏈，稀有嘅藥物用一粒就係少一粒，如果依家就用哂，孤注一擲落病獵到，咁同玩命有咩分別？作為一個醫生，我唔會搵全人類嘅健康同你賭。」醫學會高層又答。
氣氛陷入僵局。
「睇嚟佢哋唔太想提供醫療嘅人員。」我準備站起身離開。
伍錦星卻把我按低：「Ｍ會長你坐喺到先！話唔定佢哋會說服到你呢。」
「說服我？」我怔住。
「無錯啊，說服你停戰。」
「吓，你有冇搞錯咗？係你要幫我哋說服班醫學會提供醫療資源先啱......你仲捐咗筆醫療物資俾病獵協會......」王達尼都感到愣然。
「啊哈。」伍錦星拍拍自己腦瓜，裝傻賣笑地說：「少少甜頭就引到你真係......」
王達尼察覺到危險，開始靜觀其變。
「哈哈！放心，我哋斯文人嚟嘅，咩都講規矩、講法律。」伍錦星拍拍掌，外面一名精裝律師步入。
「Ｍ會長趁自己仲可以飲多幾口咁滋味嘅湯，就多飲幾啖。」伍錦星一邊說，一邊在律師所攜帶的文件上簽名。
「你打緊咩注意......」我盯著他。
「啊，你好快就知。」伍錦星對我微微一笑。
律師收到簽名後，馬上朗聲閱讀文件內容：「根據灣仔管理人伍錦星先生同天環教達成嘅協議，將香港會議展覽中心嘅土地用途，列為宗教用途，並且灣仔管理人願意以一籽價錢，轉讓給天環教管轄，由依一秒開始，本行律師見證下，香港會議展覽中心將會變成「天環教」教會重地。現在，有請兩位代表簽署文件。」
律師閱讀完畢後，那個紅領帶的譚國剛又徐徐地出現：「早喺醫院嗰陣，你唔應該拒絕我嘅建議，令到我要諗方法點將你伏法。」
「你係保守派嗰個副長......」我不自覺站起。
與此同時，數十名醫學會高層同時站立，嘴角勾起邪惡的弧度。他們悠然自得的，有些人整理手袖、有些人輕抹眼鏡、有些人咬著牙籤，彷彿一切都在他們的預計之內。
墨說
2021-1-17 23:25:19
「Ｍ會長啊......」伍錦星又以嘲諷的口吻，繼續譏笑：「你以為你係邊個？可以同到一班醫生食飯？你好快就連狗都不如。」
「做得好伍錦星。」、「嚟緊嘅政策，會有唔少係利惠灣仔倖存區。」、「以後繼續合作合作。」、「演咗場好戲啊。」、「多謝你餐飯～」、「大快人心。」那些來賓娓娓而談。
「你哋係......」我開始意識到，這群醫學會高層都不是真的。
「係時候結束依件事。」譚國剛快手在文件上簽名。
「文件正式生效，Ｍ會長，你已經觸犯咗當日法庭判你嘅限制令。」律師目無表情地，說出中立法庭當日設下的限制：「當中內容係，未來三十年，禁止出入中、上、西環倖存區，各地屬於天環教嘅教堂，否則當地司法管理人，有權將你拘捕並定罪，而香港會議展覽中心正正屬於天環教範圍，請你唔好作出多餘反抗。」
伍錦星往外面高呼：「保安入嚟！將呢個犯人押住，準備將佢送到合和監獄入面。」
要馬上就逃出去？
不，如果保安人員的數量，跟我入來的時候沒太大分別......
如無意外，
我是逃不了。
我視線又移到桌上的餐刀，腦中快速描繪了一個殺人計劃。
如果我立即動手的話，至少能殺掉這飯局裡的一半人以上......
但我這樣做的話，就是帶同協會一起自毀......
病獵協會的聲譽，會一落千丈。
他們殺不得。
我合上眼睛，腦內飛快轉動，只得出一個最好的結論。
一動不動。
「呢個就係法律賦予我哋嘅武器。」神色保持嚴肅譚國剛走上前，眼神銳利不已：「同你嘅南征美夢講再見吧。」
其後，一群保安衝入到粵菜廳中。
「睇嚟之後病獵協會要群龍無首囉。」伍錦星說得輕輕鬆鬆，臉上笑意不斷溢出：「至少都判你坐足二、三十年，反正定罪行由我決定。」
「喂。」我望向伍錦星。
「係係係？有咩廢話想講呢？」伍錦星刻意把耳朵湊近。
「至少，依一刻我可以打你一拳。」我揮出一拳，打向伍錦星的臉龐。
「呯！」
「嗚啊啊啊──」伍錦星整個人摔倒後方。
「唔好郁啊──！」那些保安不敢完全接近我。
「哈哈哈嘿我諗法有變......」被打的伍錦星痛吟幾聲，然後仰著天花大笑：「我要將你判死刑！！！」
「今後，你就會係我哋嘅一員，歡迎你嘅加入同合作。」譚國剛伸手把伍錦星扶起。
「我多謝你就真譚議員，能夠幫助你係我嘅榮幸......記住喺班天環人面前......多讚我幾句，多啲搵我合作，最緊要有錢齊齊搵，我灣仔倖存區任何時候都歡迎你哋。」
「就算係咁，你哋都無辦法阻止病獵南征。」
「......仲喺到逞強。」伍錦星僵硬地展笑。
「你會殺咗我？希望你真係做到。」我淡淡一笑。
我看似狂妄的說話，惹得他們都大笑起來，只有王達尼仍然暗自緊張。
「捉住佢！」伍錦星喊。
那些包圍住我的保安，小心翼翼地靠近我：「噫......」
「捉啊！你哋咁多人，有幾難啊！」見保安們婆婆媽媽的，伍錦星不禁責罵。
「上啊各位伙記！！」保安們一湧而上。
他們把毫無反抗的我，活活地捉拿。
墨說
2021-1-17 23:25:29
補200正評
:^(
陽光寧蒙芖
2021-1-17 23:26:13
推
:^(
:^(
:^(
Ads
傻豬黎既
2021-1-17 23:26:28
Push
白色的雲
2021-1-17 23:29:08
:^(
:^(
:^(
白色的雲
2021-1-17 23:29:43
「唔係，佢一定諗得到呢個方法！」羅柴施忽然話風一轉，緩緩抬頭看我：「只不過係因為你，令到佢無咁做......」
「韓湘上校，係個好女仔。」說畢，我離開羈留室。
:^(
:^(
:^(
傻豬黎既
2021-1-17 23:31:46
Push
上一頁
第 11 頁
下一頁