《我的MK妹同桌》第二季
上一頁
第 38 頁
下一頁
趕故書生
2021-5-19 19:21:13
聽到咁樣,我只好返返埋位,跟住Gigi同我講,話前面有兩個人邀請我哋,問一唔一組喎。
選擇唔多嘅我哋,加上識嘅人唔多,就應承咗,點知⋯⋯呢個先係惡夢嘅開始。
下晏嗰堂都係咁樣過,好似脫離咗中學嘅功課就係需要同其他人一組完成咁,當然有啲係自己一個嘅功課,但多數都係又有分組又有自己嘅功課要做,真係忙到仆街。
呀詩同我講,佢上完堂之後就去打工,香港人讀大學好多都係一邊讀一邊返part time,就連Gigi都話佢最近搵到份part time。
我暑假嗰份臨時工已經收咗皮,睇嚟我都要搵返份part time先得,但苦無頭緒,唔知點搵好。
基本上,開咗學之後,我同呀詩嘅生活就慢慢變得單調。
香港地拍拖好似都係咁,嚟嚟去去都係行街睇戲食飯,我哋都會成日去行下朗豪坊,畢竟中學嗰陣,呢度對我哋嚟講,好有意義。
但我依家對於行朗豪坊,已經無乜感覺,行嘅鋪頭,都係嗰啲。
我同呀詩一齊買手繩嗰間店,已經換咗一間女裝店,有啲回憶只可以留係心入面。
「我哋買手繩嗰間店已經無咗啦,原來時間過得咁快。」我拖住呀詩,忽然感慨咁講。
「係啊,呢度都好似少咗MK仔MK妹啦。」呀詩講。
「你以前都係MK妹嚟喎!」我反諷。
「唔準你咁講啊!」呀詩笑住咁惡我,呢啲事佢似乎都唔想再提起,但拎起舊年事嘅嘢笑佢都係一大樂事嚟。
「你大學有無人知你以前都係個MK妹啊?」我依舊唔識死。
「我封曬fb啲嘢唔俾人睇㗎啦!所以,無!人!會!知!」佢用力咁扭我手臂。
「得啦得啦,呢啲嘢我哋知咪好囉。」我氹返佢。
「算你啦!」我有啲好奇,我同呀詩嘅拍拖節目成日都係咁,佢唔會覺得悶㗎咩?
其實,呀詩嘅轉變係慢慢一步一步咁變緊,只係我當時仲未察覺。我哋係慢慢由一個階段,行到去另一個階段,人係每個階段,都會變。
係開咗學無幾耐,香港發生咗一件大事。
呢一場運動嘅爆發,我哋好多都仲懵懵地咁,唔太清楚發生緊咩事,但幾年後香港再爆發一件大事,之後可以話係影響我哋呢一代一世人。
雨傘運動開始嗰陣,我哋班有啲同學都有上去幫手,因為係媒體到見到場面係好震撼,好難想像呢啲畫面會係香港呢個俾人印象治安好好嘅地方發生。
係大眾嘅宣染下,我都有上去幫手派下水咁,呀詩亦都有同佢啲同學去幫手,但大家都係唔同場地,我哋都覺得無必要咁樣都要一齊,始終呢場運動唔係拍拖。
老實講一句,嗰陣時我唔係好知發生咗啲咩事,但知道我哋係想爭取一路以嚟香港都實現唔到嘅自由。
嗰一排,我哋生活嘅聚焦都係呢一場運動度,而見識到香港嘅警察係幾咁仆街,本來身邊仲有啲朋友係受以前皇家警察電影嘅熏陶,話之後大家想做警察,都已經紛紛話唔做。
「哇,原來催淚彈陣味咁難頂㗎?」呀詩嗰晚打俾我訴苦。
Ads
至愚至樂
2021-5-19 23:45:13
推
:^(
猛虎傳球
2021-5-20 00:28:33
有文
:^(
香港民主陣線
2021-5-20 00:56:01
此回覆已被刪除
趕故書生
2021-5-20 02:39:10
「你中過招啊?」我一臉驚訝,擔心呀詩走去前線,好危險啊。
「咁啱係附近,嗰陣味真係好難受,情況混亂到你會注意唔到其他事,更加想像唔到香港地會變成咁。」我都覺得係,我淨係喺後面睇都覺得呢度好陌生,有生之年估唔到會見證到呢樣嘢。
但我根本唔知事情背後嘅種種因由,只係按住自己心入面認為啱嘅就去咗,而且仲有眾人嘅宣染。
「你無咩事啊?聽講前面好亂㗎喎。」
「我唔係喺前線啊,我一樣都係後面支援,但係走撤嗰陣食中過,唔知係唔好彩定點⋯⋯」
「咁你點啊?你如果依家仲係覺得難頂嘅話去醫院睇下啦。」我語氣有啲焦急。
「我無事喎,我哋有簡單處理吓,無咩事呢。」呀詩平淡地安撫返我。
「行得出街嘅,就隨時預咗呢啲心理準備㗎啦。」佢又講得幾啱。
「講到好似你要去死咁,為港捐軀啊?!」
「會啊,自己嘅地方,緊係要自己守護。」係仲未真正爆發香港同大陸之間嘅對立時,呀詩已經做好呢個覺悟。
「咁你就咁留低我啦?由得我自己一個啦?」我問道。
「我唔捨得㗎,我最想嘅,就係同你有個家,但呢度就係我家,唔係咩?」我都有啲俾佢搞唔清佢想講啲咩,但最簡單而又直接嘅意思就係,如果連自己地方都守唔住,更唔好講自己將來。
「做咩啊?依家同我求婚啊?」我無辦法嚴肅咁回應呀詩嘅問題,我知佢做得無錯,而我自己都會咁,只係如果萬一呀詩有咩冬瓜豆腐,我唔會我會點樣面對⋯⋯
所以先用呢種半開玩笑嘅方法回應呀詩。
「你就想啊!你想個女仔同你求婚啊?你仲係咪男人啊?」佢串返我,睇嚟呀詩真係無乜事,只要佢平安就得。
「講到我唔會同你求婚咁,驚唔切要嫁俾我啊?咁嫁唔切?」唔經唔覺,我同呀詩都一齊咗2年幾3年,對呢個年紀嘅人嚟講,已經好長一段時間啦。
但我哋一齊得越耐,相處就越係平淡而熟悉。好似依家呢種打打鬧鬧嘅方式,前前後後已經上演咗就快3年。
山區兒童窩巴
2021-5-20 18:24:40
推推
雨下得漂亮嗎
2021-5-22 18:44:07
此回覆已被刪除
無知也好
2021-5-22 19:34:26
有冇人覺得冇第一季咁好睇
:^(
趕故書生
2021-5-22 21:09:04
今晚更新
:^(
趕故書生
2021-5-22 21:12:56
我知嘅
:^(
睇人流都知
唔介意你哋講下啲問題係邊
:^(
有虎之夫
2021-5-22 21:15:42
唔係好想睇三角戀
Ads
nicetomeetyous
2021-5-22 21:26:29
此回覆已被刪除
無痕模式
2021-5-22 22:51:51
出文太慢
:^(
:^(
:^(
無知也好
2021-5-23 00:00:21
出文太慢,可能有啲位當下好想睇埋之後嘅發展,但係擺多幾日已經冇咁期待喇,對個故開始冇乜熱情
:^(
趕故書生
2021-5-23 01:06:03
原來我同呀詩不知不覺已經一齊咗2年幾3年,扣除返我哋之前分手嘅時間,大約2年到。
好似隨住畢業之後,就個個都向前衝咁,時間過得好快,仲好忙碌。
我係開學無幾耐,就搵到份part time,係賣電話卡嘅,專係賣俾啲菲傭啊,印傭,主要都係返禮拜六日,有底薪,賣到卡就有佣金,除咗要出去日曬雨淋之外,其實呢份part time幾好,全部都係靠手機whatsapp報到,自己都會出去行吓,又唔會chur你數。
禮拜一到五就上堂,但我太低估Asso嘅壓力,原來好辛苦,除咗啲嘢多之外,嚟呢到嘅人目的都係為咗想搏返U。
只不過,總有人係例外,咁啱我哋組就有一個⋯⋯
「我哋今晚幾點傾下份功課點做啊?」我想早啲搞掂呢一份功課佢,雖然大家係輪住present,我哋組嘅日子就係中間,但係其他份功課都堆曬係後面,唔早啲搞嘅話,之後就係忙到仆街。
「吓?但係我今晚唔得閒喎。」呢個組員叫阿Sam。
「你今晚幾點完啊?」Gigi都係呢組度,佢加入討論。
「我唔知㗎,應該都好夜㗎啦。」淨係睇文字都已經令我躁躁地底,一開始大多數都係選擇,忍。
「我哋之前已經約好曬時間啦喎,你依家先嚟話有嘢做?」姐係又要再約過時間,諗吓都覺得麻煩。
「我臨時有急事啊嘛,一唔係你哋傾住先囉,傾完再話我知。」佢咁樣講,我都唔知點好。
最怕就係之後同佢講返,佢又話呢樣嗰樣,頓時搞到躁躁地。
係我思索緊點好嘅時候,呀詩打電話嚟,見到佢打嚟,我煩躁嘅心情得到一點緩和。
「喂?強b,你一陣可唔可以嚟接我啊?」呀詩係電話裡頭問。
「吓?點解嘅?」我一頭霧水。
「我今日ReU啊,想你過嚟接我。」呀詩柔聲地問。
係喎,我都唔記得咗呀詩今日佢Re U添,佢之前有同我講過。
我再諗多層,我明點解呀詩叫我去接佢啦。
「好啊,係邊度啊?」
既然條撚樣都話有嘢做,咁就另外有約日子,雖然我都有私心,但咁啱得咁橋姐。
趕故書生
2021-5-23 01:10:27
明嘅
:^(
其實我自己寫都覺得好似無上一季寫得咁好,所以想問吓可能會係咩原因
點知原來都係出得慢事
:^(
呢排ot太忙,偷唔到時間打吓文,等忙埋下個禮拜,應該完到(?),就會得閒返啲
我都諗住下個po照樣用返正評嚟加速,不過就週未加速,會有返啲動力
傻瓜青娃
2021-5-23 02:52:36
Lm
山區兒童窩巴
2021-5-23 03:48:09
推推推
至愚至樂
2021-5-23 11:04:25
推
:^(
黎培基(愉園)
2021-5-23 14:19:06
其實係咪同佢哋拍拖耐左一樣 冇左激情
:^(
瓦努阿圖達文西
2021-5-23 14:24:23
推
Ads
M巴就MBra
2021-5-23 14:41:49
會唔會係因為「阿詩」已經唔係一個MK妹?
趕故書生
2021-5-23 18:22:33
呀詩俾咗個地址我,我自己預時間過去。
一路上,我哋又係電話傾功課啲嘢,一刻都無得停。
去到餐廳樓下,我一路停,無俾催呀詩,等佢差唔多完,同我講,問我係邊先算。
我都有啲想知佢大學身邊嘅人係啲咩人,雖然心入面係相信呀詩,但對於佢身邊嘅人同事都一無所知,就有種莫名嘅不安。
呀詩:我哋仲傾緊啊,你到邊啊?
我:到樓下啦
呀詩:佢哋一陣話去party room喎,你去唔去啊?
有預感呢啲飯局完咗之後,多數都會有下場,之後一去就通頂。
我:啲人我都唔係幾識,會唔會唔係咁好啊?
呀詩:識下就熟㗎啦,你咁放心㗎啦?
佢個Emoji都幾嬲打,的確如佢所講,唔係幾放心。
終於佢哋齊哇哇咁落曬嚟,我見到呀詩打扮得幾靚,仲著咗條短裙,化咗個淡妝,如果唔識佢嘅話,目光會係佢身上停留幾秒,幾靚女。
呀詩見到我,主動過嚟撓住我,後面一陣嘩聲,「男朋友喎!!」
我睇唔清有邊幾個,淨係覺得呢一刻好唔自在。
「呢個係我男朋友,呀John。」呀詩笑住咁同其他人介紹我。
我靦腆咁阿笑,揮吓手,say個hi。
然後大家嘅注意力就唔會係我哋度,就傾緊點去嗰個party room度,一路上,我同呀詩就跟係後面,我先有時間打量下佢哋。
有男有女,有好幾個都好靚仔添,就咁睇都覺得佢哋似啲playboy,唔知佢哋點樣同呀詩傾偈呢?
呀詩拖住我,好似隱隱約約猜測到我嘅心思。
「唔慣啊?」佢貼住我問。
「唔係咁鍾意呢啲場合姐。」我老實講。
「我都唔係咁鍾意先叫你嚟。」呀詩探個頭出嚟望我。
「頭先做咩要講我英文名嘅?」其實我明,只係我仲未慣,之後好多場合,甚至乎出嚟打工,都係會用英文名。
咁樣反而少咗種細細個嘅親切感,為成個人加添份成熟嘅包裝。
「咁樣自然啲啊嘛。」呀詩佢自己都起咗個英名,Sarah。
我忽然間懷念佢以前facebook嗰啲MK名,好似呢個先係我熟悉嘅呀詩咁。
去到Party room,大家已經各自玩起上嚟,我唔知佢哋係咪所有人都識曬,淨係知好熱鬧,個場又大,雪櫃入面全部都係酒,啲人已經自己去拎酒飲。
山區兒童窩巴
2021-5-24 03:13:32
推
赤冥子龍
2021-5-24 12:47:25
推
上一頁
第 38 頁
下一頁
選擇唔多嘅我哋,加上識嘅人唔多,就應承咗,點知⋯⋯呢個先係惡夢嘅開始。
下晏嗰堂都係咁樣過,好似脫離咗中學嘅功課就係需要同其他人一組完成咁,當然有啲係自己一個嘅功課,但多數都係又有分組又有自己嘅功課要做,真係忙到仆街。
呀詩同我講,佢上完堂之後就去打工,香港人讀大學好多都係一邊讀一邊返part time,就連Gigi都話佢最近搵到份part time。
我暑假嗰份臨時工已經收咗皮,睇嚟我都要搵返份part time先得,但苦無頭緒,唔知點搵好。
基本上,開咗學之後,我同呀詩嘅生活就慢慢變得單調。
香港地拍拖好似都係咁,嚟嚟去去都係行街睇戲食飯,我哋都會成日去行下朗豪坊,畢竟中學嗰陣,呢度對我哋嚟講,好有意義。
但我依家對於行朗豪坊,已經無乜感覺,行嘅鋪頭,都係嗰啲。
我同呀詩一齊買手繩嗰間店,已經換咗一間女裝店,有啲回憶只可以留係心入面。
「我哋買手繩嗰間店已經無咗啦,原來時間過得咁快。」我拖住呀詩,忽然感慨咁講。
「係啊,呢度都好似少咗MK仔MK妹啦。」呀詩講。
「你以前都係MK妹嚟喎!」我反諷。
「唔準你咁講啊!」呀詩笑住咁惡我,呢啲事佢似乎都唔想再提起,但拎起舊年事嘅嘢笑佢都係一大樂事嚟。
「你大學有無人知你以前都係個MK妹啊?」我依舊唔識死。
「我封曬fb啲嘢唔俾人睇㗎啦!所以,無!人!會!知!」佢用力咁扭我手臂。
「得啦得啦,呢啲嘢我哋知咪好囉。」我氹返佢。
「算你啦!」我有啲好奇,我同呀詩嘅拍拖節目成日都係咁,佢唔會覺得悶㗎咩?
其實,呀詩嘅轉變係慢慢一步一步咁變緊,只係我當時仲未察覺。我哋係慢慢由一個階段,行到去另一個階段,人係每個階段,都會變。
係開咗學無幾耐,香港發生咗一件大事。
呢一場運動嘅爆發,我哋好多都仲懵懵地咁,唔太清楚發生緊咩事,但幾年後香港再爆發一件大事,之後可以話係影響我哋呢一代一世人。
雨傘運動開始嗰陣,我哋班有啲同學都有上去幫手,因為係媒體到見到場面係好震撼,好難想像呢啲畫面會係香港呢個俾人印象治安好好嘅地方發生。
係大眾嘅宣染下,我都有上去幫手派下水咁,呀詩亦都有同佢啲同學去幫手,但大家都係唔同場地,我哋都覺得無必要咁樣都要一齊,始終呢場運動唔係拍拖。
老實講一句,嗰陣時我唔係好知發生咗啲咩事,但知道我哋係想爭取一路以嚟香港都實現唔到嘅自由。
嗰一排,我哋生活嘅聚焦都係呢一場運動度,而見識到香港嘅警察係幾咁仆街,本來身邊仲有啲朋友係受以前皇家警察電影嘅熏陶,話之後大家想做警察,都已經紛紛話唔做。
「哇,原來催淚彈陣味咁難頂㗎?」呀詩嗰晚打俾我訴苦。