《我的MK妹同桌》第二季
上一頁
第 34 頁
下一頁
攻情詩
2021-5-4 15:05:08
此回覆已被刪除
Ads
琴秀畢儒
2021-5-4 15:07:02
香港地文科係慘d
:^(
攻情詩
2021-5-4 15:08:01
此回覆已被刪除
琴秀畢儒
2021-5-4 15:09:13
加油,我都由science狗轉it狗搏移民
:^(
攻情詩
2021-5-4 15:12:55
此回覆已被刪除
琴秀畢儒
2021-5-4 15:17:34
:^(
咁你無外國passport?
琴秀畢儒
2021-5-4 15:17:59
屌明了,咁唔算移民啦
:^(
攻情詩
2021-5-4 15:18:03
此回覆已被刪除
攻情詩
2021-5-4 15:19:24
此回覆已被刪除
迪甘斯
2021-5-4 16:05:54
快上Gigi
:^(
趕故書生
2021-5-4 16:37:22
「得!我唔會再咁做。」我頓時覺得好多嘅愧疚,呀詩嘅感受就咁俾我忽略,雖然佢都會有啲小脾氣,但佢會同我溝通,佢教識我一啲本來男仔唔會知嘅事。
佢陪住我成長,亦俾咗成個青春我。
「你係先好講⋯⋯」佢嗰個無我咁好氣,嫌棄嘅表情,估唔到都可以咁可愛。
呀詩嘅可愛,係源自佢嘅性格。
「你唔好成日以為咁就可以氹返我啊!你又無都敏俊咁靚仔,又無人咁細心,又無人哋咁溫柔⋯⋯」佢數臭我個樣幾咁得戚。
「你唔好掛住睇韓劇啦,上曬腦啦你。」
「你講咩啊?」呀詩兇返我。
「無⋯⋯無講咩啊。」我死狗咁。
「唔理!我要食糖水。」佢傲嬌咁講,好明顯佢係要我請佢食甜水先唔嬲我啦。
「好好好,你話食咩咪食咩囉,但依家好早咋喎。」我望一望個手錶。
「係咪唔得啊?」奉勸各位,無咩事真係唔好激嬲女朋友,盞攞屎上身。
「得,得⋯⋯」
「揹我。」呀詩盪住個韆鞦,輕盈嘅佢盪起上嚟成個蕩婦咁。
「你啊,顧下自己形象啦,咁無儀態⋯⋯」
「係你面前先咁咋嘛。」佢停落嚟,好似個細路女咁向我伸開雙手。
我蹲係佢前面,我甘願為呀詩做多啲嘢,只希望佢係我面前可以無憂無慮咁做個小女孩,俾佢任性吓,見到佢開心嘅樣,亦會因為咁滿足而開心。
我企係佢前面蹲低咗,無為意條友用個韆鞦向後抽多下,助跑咁款衝埋嚟,跳上我背脊度。
「哇⋯⋯你⋯」我向前仆咗幾吓。
「你個痴線佬!」
「無啊,無事發生。」佢直頭捱埋落我膊頭度,失驚無神係我塊面度錫咗我一啖。
無事就好,唔嬲就好了。
Ads
不如我地重頭黎過
2021-5-4 17:05:53
可以係另一半面前做返個小朋友好幸福
:^(
香港民主陣線
2021-5-4 17:50:25
此回覆已被刪除
琴秀畢儒
2021-5-4 18:59:24
咁易氹得番
:^(
至愚至樂
2021-5-5 17:53:26
推
:^(
至愚至樂
2021-5-5 21:30:50
推
:^(
趕故書生
2021-5-5 22:03:42
晏啲更新
:^(
趕故書生
2021-5-6 01:11:49
請呀詩食個甜水本來就應份嘅,見到佢開心返,無事就掂當,之後要氹返,就唔係咁容易嘅事了。
日子,又回復平淡,係人生呢一條直線上面,唔係好多樣嘢都會有個記憶點,大部分嘅時間都係無聊到淡無味。
呀詩又繼續返工啦,同時間又就快開學,中間嘅時間其實過得好快,短短嘅暑假,有史以嚟覺得好快就完咗咁。
而臨近開學,知道有啲朋友要離開香港,去其他地方讀書,有熟有唔熟,唔熟嗰啲就會大班咁約出嚟食個飯,比較熟嘅就會圍內幾個約出嚟食飯。
有個男仔同我哋都幾fd嘅,同我仲有蕃薯仔都fd,中學小息無聊嘅時候都會一齊圍埋吹水。
傾下打機、傾下囡、傾下頭先小測點樣,咩都傾一餐。
點知8月頭嘅時候同我哋講,佢要去加拿大到讀書,我聽到之後sad咗一嘢,因為始終未預料到佢會離開香港。
有個同子晴都幾fd嘅女仔都話要去英國,隔離班有人去台灣,有人去澳洲,返大陸嘅都有⋯⋯
有個仲走去西班牙添。
忽然間覺得好唏噓,認咗咁耐嘅fd,一齊係同一個班房3年嘅人,一畢業就四散,聽講入面有人拍緊拖,姐係之後都long d啦喎?
定會分手呢?真係唔知⋯⋯
我哋幾個男仔約出嚟食餐farewell飯,嗰個主角係笑得最開懷,屌佢老母,搞到我仲傷心咗一陣。
「你下次幾時返啊?」蕃薯仔問道,話時話,我都好耐無見過蕃薯仔,自從放咗榜之後就無再約出嚟。
「唔知㗎,我諗暑假先會返嚟,聖誕放得又短,返嚟機票又貴。」呢個男仔叫呀俊,係邊撚度俊,呢個名已經俾我哋笑咗好多年。
每個人身邊都有個朋友叫呀俊,通街都係,再大個啲,呢啲名就得返啲舊朋友先叫,你會用英名嚟掩蓋你自己叫呀俊嘅事實。
「哇,姐係一年先見你一次咋喎。」蕃薯仔數一數手指,其實咁樣計,計計吓,一個大學好快就完咁。
「你懵咗啊?我返嚟成兩個月,見好多次都得啦,你淨係想見我一次啊???」我哋幾個考完DSE之後,都有返下part time,唔再好似以前咁,就算出嚟食都要揀啲平少少嘅。
呢餐我哋食放題,話要臨走前食豪啲,食盡佢!
「屌你!話唔定你溝咗個鬼妹之後就唔返嚟呢,係嗰邊逍遙快活。」我講笑咁講。
「溝到實唔返㗎。」佢笑住咁答我,派下膠。
我哋幾個都係度笑,嘻嘻哈哈咁,男仔嘅快樂就係建基係屌嚟屌去,串嚟串去嘅基礎上。
「咁你幾時走啊?」在場除咗我、蕃薯仔、呀俊,仲有個男仔嘅,不過佢有一樣比較特別,就係佢好似會講自己嘢,但平時相處又無咩問題。
「我,過幾日就走啦。」呀俊咁快就走?真係出乎我意料之外。
「吓?咁快?!」我同蕃薯仔一齊講。
「要早啲過去執吓嘢,熟習吓環境啊嘛。」
山區兒童窩巴
2021-5-6 02:57:47
推
注定一人
2021-5-6 03:06:11
樓主係咪打錯 佢好似會講自己嘢?
趕故書生
2021-5-6 09:48:43
啊
:^(
係...
係好少會講自己嘢
:^(
如果有得編輯原文就好
Ads
琴秀畢儒
2021-5-6 10:26:56
:^(
食豪d就係食放題呢種諗法真係好young...
趕故書生
2021-5-6 12:52:16
依家我都好耐無食放題啦...
:^(
以前覺得食放題已經好貴,要百幾二百
:^(
btw晏啲更新
我是智障仔
2021-5-6 14:13:27
加油
琴秀畢儒
2021-5-6 16:02:16
以前食個放題都覺得好開心
:^(
而家快樂很難
上一頁
第 34 頁
下一頁