《我的MK妹同桌》第二季
上一頁
第 33 頁
下一頁
至愚至樂
2021-5-1 15:18:23
:^(
:^(
:^(
Ads
琴秀畢儒
2021-5-1 16:17:23
唔明咪講到明囉
:^(
好好講唔得既
黎培基(愉園)
2021-5-1 20:14:35
有冇咁on9呀
香港民主陣線
2021-5-1 20:29:07
此回覆已被刪除
瓦努阿圖達文西
2021-5-1 22:20:48
男主角做咩自殺
:^(
:^(
香港民主陣線
2021-5-2 14:18:45
此回覆已被刪除
我係金智秀老公
2021-5-2 18:16:43
主角rip
:^(
至愚至樂
2021-5-2 18:23:41
如果咁就rip 書生唔使寫第二季啦
:^(
趕故書生
2021-5-2 20:39:52
今晚更新
想追返啲進度，呢排又監考又幫朋友慶生，拖咗唔少
:^(
趕故書生
2021-5-3 01:53:04
我坐係樓下已經好耐，我甘願等，呢種戰戰兢兢嘅感覺係幾年前先感受完，但今次莫名地，無之前感覺得咁不安，係嗰種會失去佢嘅不安感。
經歷咗咁多，我有信心唔會再咁容易散，呢個係我此刻嘅諗法。
我每隔一段時間，我就打一次電話俾呀詩，打得太密又驚chur住佢，太疏又會俾佢覺得我唔重視佢。
有時做人真係好難做⋯⋯
終於，唔知第幾次，佢聽咗。
「你終於聽電話啦？」我打到攰。
「點啊？」呀詩講得呢句，證明仲未下火。
「我係你屋企樓下啦，落嚟俾我氹返啦好無？」我冷靜而不失溫柔咁講。
「唔要啊！」佢好決斷。
「咁我衝上嚟㗎啦！我又唔係唔知你住邊。」我出絕招。
「你試下！？」呀詩似乎估唔到我玩呢招，開始失曬方寸。
「有咩唔敢啊？都夠薑激嬲你囉。」我自嘲。
「你真係好煩啊，又要人落街！」
其實佢住得唔高，佢住嘅公屋雖然唔係舊式公屋，但都唔算住得高，10幾樓左右啦，記得有一次係佢間房度講話：「咦，你間房都望到樓下喎，咁我之前係下面等你，你咪睇到曬囉？」
「我望唔到你喎，可能你之前係等另外嗰面掛？」呀詩不以為然。
然後繼續講：「咁你之後識得係邊度等我啦？」
我依家就企係佢可以望到我嘅位置，我知佢確實嘅樓層，估下佢嘅單位大約會係咩位置，然後慢慢數上去。
係嗰個窗口，佢個窗口有個好繁複嘅窗花，幾乎所有公屋都係呢啲窗花咁制。
我見到呀詩係窗邊，隱隱約約咁，最後咪又係俾我見到。
「做咩偷睇啊？以為我唔知啊？」我係電話裡頭同佢講。
「睇吓你係咪真係係樓下咋嘛。」今次，佢語氣好明顯放軟咗好多。
其實如果當時分手嗰陣，我肯厚面皮啲，可能呀詩就會心軟⋯⋯我依家先意識到呢個問題，我自己無再多嘗試幾次，因為要面；因為見到面都再無面對嘅勇氣。
「我記得㗎，我點會唔知姐？」
「咁你繼續係樓下等陣啦！」呀詩偷笑，然後係窗口度向住我舉中指。
個八婆⋯⋯
「咁我上嚟啦？反正公屋啲看更揮下手就會開門。」個看更就係公屋嘅通用密碼。
趕故書生
2021-5-3 01:54:57
「你係下面等我啦，咁長氣。」說罷，就收咗我線，然後消失係窗口度。
我以為會好快落嚟啦，點知我都要等成15分鐘⋯⋯落個街都要15分鐘？
呀詩佢著住條真理褲，鬆身衫，踢對拖，下半身失蹤咁落嚟，將個頭髮紮起咗個髻，素顏咁落嚟，呀詩真係素顏都咁靚，臉色足夠紅潤，唔會覺得佢無化妝就成個人暗淡咗咁。
「哇，你落個街洗唔洗用成15分鐘啊？」
「我睇埋愛回家先落嚟。」佢好招積。
「好⋯好，你點話點好。」
「叫我落嚟做咩啊？我趕住返上去煲來自星星的你啊，阻住曬！」落個樓姐，態度可以完全唔同曬。
「咁就梗係要氹返你啦。」我正打算過去拖住呀詩隻手，點知俾佢一嘢縮開咗。
「唔俾啊！」佢扭曬計咁。
「我同Gigi真係無嘢㗎，我已經del咗個post啦。」我show埋出嚟俾佢睇。
「我唔係嬲你呢樣啊⋯⋯你同佢有無嘢，我自己都有眼睇得出。」
「咁你嬲啲咩喎。」我諗唔明啊真係。
「我就係唔知你嬲緊啲咩，先過嚟搵你，我知係電話實傾唔掂，而且隔住個電話我係睇唔到你表情，感受唔到你嘅體溫㗎。」我終於捉返住呀詩嘅手，一邊行一邊安撫佢。
我哋行遠少少，到佢屋企附近嘅公園度，搵咗個韆鞦，俾呀詩坐落去。
公屋附近係好多公園，以前呢啲公園好多MK仔女出未，坐係個瀡滑梯度食煙飲酒。
近排少咗好多，難得個韆鞦位空咗出嚟。
「我係覺得唔公平姐，我都已經無post㗎，你仲要post其他女仔嘅合照，你話你自己大唔大膽？？？」呀詩指責我，又幾有道理。
「咁你都可以post其他嘅合照姐，我又無話唔俾⋯⋯」我第一個反應毫無保留咁講出嚟，點知激到呀詩死死吓。
「你真係，屌你啦！我就係唔想你唔開心、會呷醋我先唔post，我係著緊你感受先咁做，依家你同我講我都可以post㗎⋯⋯！！！」呀詩激到停低個韆鞦，想走人。
我即刻攔係前面。
「OK⋯OK！！我明曬啦，我真係明曬，我知我衰啦，我只不過係想講，其實我無諗到公唔公平嘅問題，因為我會覺得你去得Ocamp，呢啲嘢我都預咗，要呷醋嘅一早都呷咗，當我見到你個post嘅時候，已經無太大感覺，就算你post其他人嘅合照，都一早做定心理準備，所以先咁講姐⋯⋯」
我講咗一大輪，想去解釋啲嘢，喺好後來聽子晴佢講，其實女仔最想要嘅唔係一個解釋，而係一個擁抱。
「我同Gigi真係無嘢。」我再強調。
「我知你同Gigi係無嘢㗎。」佢咁樣講，我唔明。
「你知我同佢無嘢，但你又呷醋？」
「唔呷得㗎咩？」呀詩反問我。
「Er⋯⋯」我當堂無言以對。
「我知你同佢無乜嘢，但當見到幅相嘅時候，都係會介意。我信你份人唔會對唔住我，但如果你要我見到幅張唔介意嘅話，只有得我唔再鍾意你嗰陣先會囉。」
呀詩講完，我明白曬。
Ads
山區兒童窩巴
2021-5-3 02:49:58
推推推
人臉似糖果.
2021-5-3 03:08:58
諗起自己以前都試過
:^(
香港民主陣線
2021-5-3 03:17:23
此回覆已被刪除
琴秀畢儒
2021-5-3 05:58:27
:^(
咁青春
拍戲
2021-5-3 09:59:28
嗰個唔知佢嬲乜嘢嘅感覺 原來大家都經歷過
琴秀畢儒
2021-5-3 10:02:13
唔知佢嬲乜又講得出「都唔知你嬲乜」既個種感覺同勇氣
:^(
老左已經做唔到
拍戲
2021-5-3 10:04:03
細個唔識死冇諗咁多 仲可以會有嗰句講嗰句
wtfcfw1030
2021-5-3 21:28:37
推
終國朱溫
2021-5-4 12:29:35
樓主成日失蹤
:^(
我半年後再返嚟
趕故書生
2021-5-4 14:42:14
無計，你出文嘅密度等同於人哋對你關注嘅程度，唔係要催你出密啲，只係等到攰了。
樓主又失蹤again
:^(
出得好慢
:^(
:^(
樓主成日失蹤
:^(
我半年後再返嚟
原諒我呢個社蓄
:^(
我明白嘅，放心我唔會棄，隔一排返嚟一次追會爽好多
:^(
到時候完故我都會係ig通知聲，依家咁樣真係有排寫
:^(
Ads
趕故書生
2021-5-4 14:43:29
真係要同女仔相處過先知個地雷位係邊
:^(
趕故書生
2021-5-4 14:46:28
少不更事
:^(
趕故書生
2021-5-4 14:53:55
其實無
:^(
監緊嗰陣都要打醒精神望住啲同學，有人舉手你就會過去幫手，中間嗰段時間無所事事你又要集中精神，唯有時不時巡吓，望吓佢哋做緊啲咩，等自己無咁眼瞓
:^(
跟住仲要有陣時返學校做嘢
:^(
得一兩日可以早放多啲時間
聽日又要監考啦
:^(
所以晏啲出文，盡可能出一兩篇俾大家
:^(
趕故書生
2021-5-4 14:57:52
我都會寫隱藏
:^(
我見好多同學仔都揀隱藏
:^(
其餘兩條係簡單到好似寫完都唔會高分咁
:^(
btw仲有其他科㗎！加油啊！
撐埋佢，考完之追故啦
:^(
上一頁
第 33 頁
下一頁