《我的MK妹同桌》第二季
上一頁
第 22 頁
下一頁
無痕模式
2021-3-28 22:47:57
第一季讀者表示慚愧,今日先發現到呢個post
:^(
:^(
:^(
Ads
至愚至樂
2021-3-29 01:41:08
:^(
趕故書生
2021-3-29 08:44:38
去到食糖水,其實一齊耐咗,話題嚟嚟去去都係嗰啲,講嘅會越嚟越少,主要都係分享自己身邊嘅事情多。
多咗一份平淡,少咗一份激情。
我哋唔需要再好似以前咁,互相了解大家有咩興趣,性格係點,捉摸佢嘅喜好,身邊嘅朋友同埋感情狀態。
諗下要重新識一個女仔,就覺得麻煩。
「頭先好多靚女啦?食得咁開心。」食糖水食到一半,呀詩忽然間彈咗呢一句,搞到我飆咗個冷汗。
「有就實有嘅,靚仔都好多添。」後面嗰句我望住佢,暗示佢聽日都會見到唔少靚仔。
「啲女大唔大波啊?索唔索啊?」女仔小氣起上嚟,真係可以好小氣,仲酸酸地。
「你大波啲,聽日你最索啦。」我都反擊。
「哼!俾我知你溝女就知死。」
「俾我知有狗公溝你,條狗公就知死!」我有樣學樣。
終於,呀詩笑咗。
「你係先好啊!」
「不過我食完就返去執嘢啦,你幾時要Ocamp啊?」呀詩問。
「我下個禮拜先啊,不過我都認真唔太鍾意Ocamp,亦唔鍾意啲人。」於是我將今日發生嘅事同呀詩講。
「始終依家讀上去,就唔同中學咁樣㗎啦,但我唔會排除任何可能嘅。」又啱嘅,睇定啲都好。
送埋呀詩返,最後佢係樓下主動咁攬住我。
都幾用力。
都好似好耐,呀詩無咁樣主動用力咁攬實我,對上一次我記得係中學分開前嘅時候。
呀詩鬆開手之後,咬咬下唇,無講啲咩,眼神卻透露出不捨,深遂嘅眼珠無離開過我。
我明。
呀詩佢總係會令我安心,甚至乎依家,有啲嘢有默契到唔需要再講出口。
赤冥子龍
2021-3-29 09:40:41
:^(
起身有文
雨下得漂亮嗎
2021-3-29 19:43:10
此回覆已被刪除
山區兒童窩巴
2021-3-30 02:03:14
推
趕故書生
2021-3-30 10:33:17
但原來知情同在乎,係可以分開。
姐係你知道另一半其實無乜嘢,同其他出去玩都放心嘅,至少係等待嘅嗰段時間唔會提心吊膽。
但當你見到某一啲位嘅時候,都一樣會呷醋,個心都會酸酸地。
呀詩去Ocamp嗰陣,都會時不時sd whatsapp俾我,同我講做緊啲咩,又會打下電話俾我。
老實講,我真係放心到不得了。
但係當完咗Ocamp,就實會成堆人打一大篇千字文,講述一下呢短短幾日幾咁難忘,熱血,要多謝邊個邊個,最後附上一張大合照作為收尾,堪稱一個完美嘅句號。
呢篇文可以媲美日後從事保險行業嘅人所打嘅千字文。
當我見到呀詩都打呢篇文,係ig上面可以攞到百幾二百like,同時間follower不斷急升。
我就不是味兒。
然後好仔細咁睇佢po出嚟嘅合照,嗰陣時ig仲未有得放大睇,我專登去facebook開嚟睇,本來想𥄫下有無靚女,但變咗金睛火眼咁睇曬所有男仔,有無邊幾個同呀詩特別close。
啊⋯⋯因為呀詩ig同facebook都有po出嚟,用於公告天下。
我明知呀詩俾足安全感我,但我都控制唔到自己咁呷醋,我就察覺到,兩樣嘢其實係可以分開,無直接關係。
見住佢係相入面玩到好癲嘅笑容,我可以想像到佢係入面同成班人玩幾咁開心,有男有女。
以佢咁開朗,又善良嘅性格,實一定好多男仔慢慢一步步想接近佢,當我見到啲相,我就會不自然咁諗起呢樣嘢。
我對呀詩有信心⋯⋯
但我對相入面嘅男仔無。
至愚至樂
2021-3-30 10:34:25
live
:^(
琴秀畢儒
2021-3-30 10:50:24
:^(
有文
趕故書生
2021-3-30 16:14:11
唔緊要
:^(
:^(
有join就得啦
:^(
甚至完故再嚟追都無問題
:^(
個故點都係度等你
山區兒童窩巴
2021-3-30 18:57:22
推
Ads
赤冥子龍
2021-3-30 19:15:42
再推
公平的木
2021-3-31 16:16:51
lived
:^(
:^(
尋晚睇晒第一季 依家live 埋第二季
啱啱開頭諗住當甜故睇 點知睇睇下原來嗰故有故 睇到我都眼濕濕
:^(
:^(
今季開頭去旅行嗰陣阿強啲表現都好似出出哋事 啲伏筆又真係伏伏哋 去到放榜嗰陣先叫做得返好少少 而家叫做識諗返啲 希望阿強爭氣啲 唔好又行返條掘頭路
:^(
:^(
樓豬加油 唔覺得個故太拖 其實唔洗下下都加甜先好睇 睇佢地兩個日常放閃仲正
:^(
最後 樓豬出得慢都唔緊要 最多我半年先入返嚟
:^(
唔好到時失左踪爛尾就得喇 已經受夠係連登睇個頭開得靚 但睇到一半爛尾嘅故
:^(
:^(
至愚至樂
2021-3-31 16:19:56
我、琴秀巴仲有另一位巴打睇最尾嗰段好有感覺
:^(
公平的木
2021-3-31 16:35:05
睇到後半分手已經眼濕濕 最尾阿詩要話過去只能過去 幾驚真係sad end 做fd 就算
:^(
:^(
至愚至樂
2021-3-31 16:50:16
少少搭錯綫
:^(
:^(
:^(
嫂子是我的
2021-3-31 22:12:31
今日由第一季一次過追到live
:^(
覺得樓主寫得好寫實 代入感好強,都勾起左好多以前既回憶
:^(
睇到佢地分手嗰度個心真係好酸差啲睇唔到落去.....加油啊樓主
:^(
山區兒童窩巴
2021-3-31 22:35:24
推
至愚至樂
2021-4-1 00:11:46
推
:^(
終國朱溫
2021-4-1 01:46:20
仲以為會講喺ocamp呀詩被人溝
趕故書生
2021-4-1 09:22:53
而且因為Ocamp,呀詩多咗好多Msg覆,個人都開朗咗好多,唔係話佢之前唔開朗⋯⋯
而係比之前,更加多咗,呢啲微細嘅分別,一齊耐咗都係會察覺到,只係睇你自己會唔會視而不見姐。
「好多仔仔搵啊?」我帶點酸味咁問佢,我用半玩笑嘅語氣嚟掩飾我嘅在乎,顯得自己無咁小氣。
「有個男仔好似想溝我咁。」呀詩放低手機,抬起頭,毫無保留。
「係啊?邊個咁大膽!」即使心入面再不安,都要面對呢個事實。
「有個同組嘅男仔,成日借定啲意靠到勁埋,而且啲game真係好似出面啲人話咁,好多都咸濕game嚟。」佢仲一臉唔在乎、無乜嘢嘅模樣。
「下!?」我醋意越嚟越勁。
「點樣淫賤法啊?」
「等你去完Ocamp再話你知!」佢假笑,然後吐一吐舌頭。
「點解喎?」
「因為咁樣先公平囉,睇下你係咪都係玩呢啲淫賤game囉。」呀詩咁樣回答。
「咁我想知你係咪喺入面俾人咸濕你啊嘛。」我裝出一副無辜樣。
「你話呢?對你女朋友咁無信心?」
「對佢哋無!」我俾人鏈住塊臉,不似人形。
「我哋啱啱中學畢業上嚟,實好多人爭食嘅,有啲餓咗成6年咁款⋯⋯我又唔係未見識過有幾猖狂。」
換呀詩沉默起上嚟。
「其實我哋係對等,你擔心我俾人撩,俾人溝走,只要我唔受,佢哋唔會有咁嘅機會。但同樣地,我都會擔心你唔知會同邊個女仔點樣⋯⋯我知你唔係會主動同人攀談,走去R fd嗰種人,我都係會擔心,唔關邊個受歡迎事,你明唔明?」
「係因為我愛你。」
呀詩情深款款望住我,原來俾愛自己嘅人望住係會咁,原來真係可以係對眼度睇到對方有幾愛你。
呀詩同其他女仔唔同嘅地方係,好多對情侶入面,女仔都成日將「我愛你」掛係嘴邊,想透過講嘅方式表達出嚟,而男仔係好少講出口,但行動會話俾你知,佢愛你。
呀詩係好少講出口,拍拖咁耐,好少聽到佢講。
幾多人將「愛」掛係嘴邊,但就做啲與「愛」相違背嘅事,然後打住「愛你」嘅旗號招遙撞騙。
「所以我先想你去完Ocamp,真係體驗一次先。」
Ads
琴秀畢儒
2021-4-1 11:30:29
咁撚純樸既愛出到社會真係好少見
:^(
不過都可能只係未遇到足夠既誘惑
光頭警長劉澤基
2021-4-1 12:05:43
一定買啦
追到唔想瞓
:^(
:^(
:^(
光頭警長劉澤基
2021-4-1 12:28:04
樓主
:^(
如果出書
封面可唔可以係啊詩唉住啊強個膊頭睇住日落?
:^(
:^(
:^(
講感情傷感情
2021-4-1 12:50:50
現實中真係有18,19歲讀完中學就已經咁成熟咁識諗嘅女仔
:^(
上一頁
第 22 頁
下一頁