《我的MK妹同桌》第二季
上一頁
第 10 頁
下一頁
香港民主陣線
2021-2-15 18:20:37
此回覆已被刪除
Ads
小你牙爸正碌閪
2021-2-15 21:07:38
:^(
至愚至樂
2021-2-15 22:44:03
:^(
:^(
趕故書生
2021-2-16 02:23:33
照咁落去仲有排寫
:^(
到目前為止你哋覺得點啊
:^(
多謝你哋仲一路咁追緊,出到咁慢仲有人睇緊,我真係好感恩。
就算係寫故,都一樣有競爭,題材、速度、節奏、情節等等,我都慢慢比下去了。雖然一開始都唔係好好
:^(
我知道你哋都明,我淨係返工同屋企嘅嘢已經筋皮力盡,有時真係再提唔起精神構思同寫文,但我知你哋仲等緊
:^(
我用言語已經講唔出對你哋嘅感激了,亦有啲內疚,對唔住班一路等緊嘅巴打,所以都係堅持寫,我亦都有慢慢咁寫緊其他故,試下帶啲新嘢俾大家,同時挑戰下自己,呢一年我俾咗個目標自己,希望出到實體書,唔知會唔會係呢個故,想喺一個我又滿意,你哋都鍾意嘅故。
:^(
趕故書生
2021-2-16 16:27:43
放榜前一晚,呀Ken叫曬全班男仔去網吧打通宵機,打完就返學校拎DSE成績。
呀Ken呢個世界仔係幾有號召力嘅,去邊都會識到朋友,今日之後大家都唔知會行咩路⋯⋯
我問呀詩放榜前有咩搞,佢答我返工囉,的確佢依家成日返工,都搵唔少,中學生用嘅又唔多,搵到幾千蚊一個月已經好夠。
「你驚唔驚聽日放榜啊?!」喺去網吧打機前,我同呀詩打咗通電話。
「點會唔驚啊,驚嘅唔係自己無盡力,而係都多變數,隨時撻Q都唔定㗎。」
「你一陣又返工啊?」我問。
「係啊,今日返晏晝到收夜。」呀詩跟住靜咗。
「你收幾點啊?」
「喂⋯⋯?」
「hi?」
「死啦!」呀詩返咗嚟,「唔講住啦,原來我今日返早咗,同個fd調前咗時間。」然後就勿勿收咗線。
喺收線嗰一刻,我突然想見佢,再諗諗下,好似佢返工咁耐,都無去幫襯過佢添!
接佢收工就成日接,但呀詩都未幫過我落單。
於是諗住去搵呀詩食個嘢,再去join呀Ken佢哋。
我遠遠望去,呀詩著住制服個look幾誘人,但最吸引我嘅,係佢認真做嘢嘅樣。
佢係KFC度忙完櫃檯然後去準備啲餐點,中間不停咁來回,睇嚟好似已經熟手,駕輕就熟咁。
反而係套制服令呀詩綁返個馬尾,我係一旁睇得津津有味,終於等到無乜人嘅時候,我走過去⋯⋯
呀詩咁啱係度執緊個收銀櫃,我喊聲:「唔該。」
但佢無認出係我。
「先生,請問需要啲咩?」呀詩專心咁望住個螢光幕,無留意到我。
「我要個1號餐啊。」我忍住笑。
「飲咩啊?」呀詩換咗個樣,第一次見,反而增添一點緊張。
終於,呀詩抬頭望一望我。
「咦⋯⋯」愕然,然後咧嘴而笑。
「玩我啊依家?」佢輕輕打一打我手背。
「又會嚟搵我嘅?」佢撓一撓頭髮。
「想你服務下我囉,哈哈哈!」我笑道。
「你晏啲先買啦,我都就放飯啦。」
「咁有無員工價啊?」我不知廉恥咁問。
「唔好食KFC啦,我食到想嘔。」
「咁食咩啊?」我問。
「麥當勞?」呀詩答,我聽完之想呆咗,唔係啊?
「乜男仔唔係都想搵個陪佢捱麥記嘅女仔咩?」最近呢篇潮文好紅,呀詩讀懂我個心思。
山區兒童窩巴
2021-2-16 22:03:03
推
懷恨在金
2021-2-17 01:17:56
推推推,更更更
至愚至樂
2021-2-17 20:41:39
推
:^(
至愚至樂
2021-2-17 20:44:12
咁仲好啦,長寫長有
:^(
放心跟自己嘅節奏寫
:^(
,我一定會等嘅
:^(
山區兒童窩巴
2021-2-17 20:47:52
推
白安
2021-2-18 00:10:00
長寫長有啦
:^(
只要你堅持,一定會有人睇落去
有時太辛苦出唔到文嘅,上嚟呻下吹下水都可以㗎
:^(
Ads
至愚至樂
2021-2-18 10:28:57
推
:^(
至愚至樂
2021-2-19 00:42:53
推
:^(
趕故書生
2021-2-19 11:23:42
今晚先出到文
:^(
就嚟復課好多嘢要搞
:^(
至愚至樂
2021-2-19 21:50:54
:^(
至愚至樂
2021-2-19 21:51:05
推
:^(
あかLAM
2021-2-19 22:10:14
好青春呀
:^(
我愛樓主
:^(
小你牙爸正碌閪
2021-2-20 19:04:02
推
:^(
:^(
至愚至樂
2021-2-20 20:17:42
推
:^(
趕故書生
2021-2-21 16:26:09
「梗係想啦,但係你做KFC,走去食麥當勞,呢下好笑姐。」
我真希望我哋可以就咁簡簡單單,走落去。
佢換件衫,就同我去食老麥,學篇文咁講,男仔真係想要一個識得知足嘅女仔陪係自己身邊⋯⋯
但無辦法改變嘅係,我哋會想生活慢慢變好,對金錢個概念都會慢慢轉變。
以前一餐50蚊已經好貴,但再出去食開啲100up嘅,相比之下就好明顯。
呀詩開始有返工,有搵到錢之後,享受嘅嘢多咗,雖然唔係幾大富大貴,但見嘅世界闊咗,想法上面難免會變⋯⋯
所以初心更顯得重要。
呀詩自動自覺咁睇啱食咩,就去俾錢。
無諗住要我俾,我覺得呢下,已經感受到佢無意間嘅體貼。
佢從來都無要求過要我俾錢,即使佢屋企家境麻麻地。
20蚊餐出咗之後,佢就淨係食20蚊餐,麥樂雞餐都食到佢舔舔脷。
我真係好鍾意睇到佢咁樣就滿足嘅樣,一邊食,一邊吹下水,搞到我都完全唔記得聽日就係放榜。
可以全心投入一段感情度,先係最幸福嘅事,可以毫無保留咁傾注自己嘅愛。
「聽日見啦!放鬆啲啦。」呀詩同我講,我先醒起,係啵!
「你驚唔驚㗎?」我哋就咁企係佢返工嘅門口度。
呀詩望一望手錶,然後同得我講道:「頭先咪問咗囉!仲問?」佢輕笑。
「驚就點都會驚嘅,但驚嚟有無用先?驚極都會等到聽日㗎啦,所以我唔想諗呢樣嘢⋯⋯」
「你都唔好諗咁多啦,你去同呀Ken佢哋打下機,好好享受下仲好啦!」
我留意到呀詩眼神閃過一絲失落。
佢眼神飄咗去第二度,我哋都一齊咗一段時間,有時有啲感覺會變得敏銳,對方嘅情緒變化,你會知。
「好啦,你放工打俾我啦咁。」
我去搵呀ken嘅路上,我一直反覆係度諗,頭先呀詩失落嘅表情同原因。
諗下諗下,呀詩放咗工之後其實都係無人陪⋯⋯
而我就同班朋友打通宵,會唔會佢其實係想我放榜前一日陪佢?但佢收收埋埋?
再諗諗下,係喎!啱喎!有可能喎!
趕故書生
2021-2-21 16:27:39
幾合邏輯啊!
於是同呀Ken佢哋會合之後,都唔少人㗎,無10個都有9個。
「我打三個鐘咋。」我同呀Ken佢哋講。
「下?你打三個鐘咁你嚟做咩?」健三係一旁講。
「我晏啲有嘢做⋯⋯」
呀Ken過嚟搭住我膊頭,陰陰嘴咁笑:「搵女咋掛?」
「你理得我啊!」我無佢咁好氣,決定咗就做㗎啦。
三個鐘,打完去接呀詩收收啱啱好。
「難得成班人講好打通頂,之後返去拎成績表㗎嘛,你要陪女,之後有排你陪啦!」呀Ken講。
「Sorry啦,我唔嚟你度,你哋仲有咁多人,我唔去嘅話,就淨係得佢一個。」
講完之後,呀Ken無出聲,只係靜靜地咁拍一拍我膊頭。
不過就算佢之後講啲咩都好,都唔會改變到我心思,咁大個人,佢都明嘅。
呢三個鐘,開心嘅,同一大班朋友出嚟打機,其實往後嘅日子,去網吧嘅機會越嚟越少,市面上嘅網吧都收曬皮咁制。
I-one都無曬蹤影⋯⋯
玩開嘅game都無乜⋯⋯
重點係,大家都默默接受呢種轉變,無人再講話去網吧,亦都無乜講話掛住以前嘅game,game越出越多,型式唔同曬,但我都係掛住以前一大班人打機嘅樂趣。
就算依家電視機頂盒嘅畫質再精緻,模擬度再高都好,都硬喺覺得差咁啲。
三個鐘,我知唔夠皮,但我都係同佢哋講我走先。
此刻,雖然佢哋之前都叫我做乜走,為條女走,乜乜乜,但到走嗰陣,個個都好通氣。
「打得咁開心走!」難免有呢啲說話。
「阻人扑嘢燒春袋啊!!」
「仆街仔,割和青啊依家?」
啊⋯⋯我哋係玩緊cs1.6,佢哋有啲輸俾我呢隊唔甘心,哈哈哈!
行出網吧後,我就跑去呀詩返工嗰度,因為佢好似差唔多時間收工。
好彩⋯⋯
趕得切。
我往常係同一個位置等佢。
佢換好衫,面無表情咁行緊過嚟,無幾耐,呀詩同我對到眼。
「咦⋯!!!點⋯點解?你唔係話去打機咩?!」佢由震驚,嘴角慢慢上揚,到笑顏全開嘅時候,我內心同佢一樣。
「唔打啦,嚟陪你。」我拖住佢。
我終於了解佢失落嘅原因,其實就係呢一回事咋嘛。
「下??點點點解嘅?」佢痴到勁埋,好想知個答案。
Ads
趕故書生
2021-2-21 17:40:51
多謝你
:^(
趕故書生
2021-2-21 17:41:59
:^(
不如我地重頭黎過
2021-2-21 17:46:56
呢下真係好sweet
:^(
山區兒童窩巴
2021-2-21 20:17:36
推
上一頁
第 10 頁
下一頁