【科幻冒險多甜】《一場末日危機，令患上中二病的我變成救世者》

古潮兒 2021-3-13 10:59:46 第四十一章：逃亡(上)

收到杜子奇電話通知的杜曉彤得悉洛不凡正進行不道德勾當的時候，決定暫時搬離住家，前往辛梓玲家暫住。

杜曉彤此舉沒有對離家獨居的辛梓玲帶來不便，對方反為居所增添年齡相若的朋友而高興。

「我識子奇咁耐，佢個妹咪即係我個妹，不如妳日後叫我家姐啦。」辛梓玲說畢，把汽水遞給杜曉彤。

「唔好意思，我第日出嚟做野賺到錢會搬走。」杜曉彤一時想起哥哥，不禁傷心流淚。

「妳唔好咁諗啦，我呢度夠兩個人住嘛，況且妳嘅親人當中仲有妳媽媽，話時話，點解妳冇搵埋佢出嚟？」

「佢去咗返工，我又唔知點同佢講呢件事。」

琉璃異色貓 2021-3-13 17:23:39 古兄加油

:^(

古潮兒 2021-3-13 18:27:51 多謝貓貓

:^(

古潮兒 2021-3-13 20:20:37 「不如妳接埋佢出嚟住啦，妳話妳哎呀阿哥幫緊黑社會做販賣人口嘅野，專門負責喺街邊綁架年輕女仔就得。」

結果，杜曉彤以辛梓玲的故事為藍本向母親說出洛不凡的身份，兩母女並且計劃前往約定的地方會面。

那邊廂，當杜媽媽在家執拾行李之際，冷不防被洛不凡從背後碰個正著。

「細媽，到底咩事急住要走呢？」

「係咁嘅........我約咗你爸爸出外面旅行兼且住幾日，做咩，你搵我有事？」杜媽媽神色慌張地說。

「冇，我啱先喺爸爸間公司返嚟，冇聽過佢話去旅行囉........妳駛唔駛我打去問下佢？」

「唔駛啦，我啱啱先決定去旅行，我會約你爸爸嘅，唔駛麻煩你.......」

「細媽，睇唔出妳講野都幾風趣喎。禮尚往來，輪到我俾返啲好野過妳睇啦。妳係咪為咗呢樣野要走呀？」洛不凡向杜媽媽展示杜曉彤早前在他房間收藏起來的微型裝置。

「不凡，我乜都唔知道，求你放過我啦......」

「細媽，既然妳乜都唔知，留妳喺度都冇乜用啦，不如我幫妳進化，等妳變得聰明啲。」說畢，洛不凡突然從口袋內取出一支綠色藥水針筒，並往杜媽媽腰際的皮膚注射下去。

古潮兒 2021-3-14 11:21:54 第四十二章：逃亡(下)

杜曉彤跟母親的約定地點為行人天橋底一個偏僻的位置，母女二人原本決定一起到辛梓玲家暫住，可惜過了約定時間良久，仍未見其蹤影，杜曉彤一時間心急如焚。

「點呀？搵唔搵到妳媽咪？」辛梓玲向不斷致電母親尋找其下落的杜曉彤問道。

「打極都仲係電話未能接通呀！佢好少會遲到，會唔會有意外？」

「咪亂諗，我相信妳媽咪冇事。」

就在此際，洛不凡帶同杜媽媽一起在街角出現，並且一同衝上前欲向杜曉彤二人理論。

「妳係邊個？做乜拐帶我個女？」杜媽媽忽然黑面向辛梓玲問話。

路人只是路過 2021-3-14 15:36:32 早呀古兄

:^(

古潮兒 2021-3-14 16:06:04 午安路人兄！

:^(

琉璃異色貓 2021-3-14 20:18:47

:^(

古潮兒 2021-3-15 12:41:42 「原來就係妳個飛女教唆我妹離家出走。」眼見杜媽媽嚴詞譴責，洛不凡立即附和。

「妳唔好冤枉好人，要怪就怪呢個人身有屎！」辛梓玲將矛頭指向洛不凡。

「妳做咩鬧我個仔？佢係我親生嘅，依度冇妳呢個外人嘅事，走開！」

「妳唔係我媽咪........妳究竟係邊個？」杜曉彤突然意識到母親不對勁的地方。

「睇嚟你個惡靈手下搞唔清楚你同你個妹之間嘅關係，曉彤我哋走！」在關鍵時刻，辛梓玲立即踢爆洛不凡。

「想走？」洛不凡說畢，受惡靈操控的杜媽媽突然發難，企圖以綠色藥水針筒打入杜曉彤體內，幸好二人反應快，及時避過一劫逃走。

「妳兩個死八妹，咪駛旨意走！」洛不凡惱羞成怒地說。

由於辛梓玲二人逃走的速度及不上洛不凡，雙方之間的距離開始收窄。在黑夜的街道中，三人互相追逐，辛梓玲眼看杜曉彤即將被逮住之際，一名女子突然從遠處走出並且踢向洛不凡要害，那人是夏娃！

路人只是路過 2021-3-15 13:50:23

:^(

古潮兒 2021-3-15 16:25:24 多謝路人兄支持！

:^(

古潮兒 2021-3-15 21:37:59

:^(

古潮兒 2021-3-16 11:24:07 第四十三章：陷阱

洛不凡被夏娃踢至倒地後，杜子奇隨即出現，原來杜子奇與夏娃二人一直離遠監視杜曉彤，當他們察覺到洛不凡追截對方時，立即奔前替她解圍。幾乎同一時間，落後的杜媽媽亦慢慢從後趕至。

「我對付洛不凡，你去攔截你媽媽！」夏娃向杜子奇說。由於蘿莉被彼得打至入廠維修，這段時間由夏娃協助杜子奇執行任務。

「又嚟一件死妹釘！有本事就過嚟捉我！」杜子奇回答後拋下煙幕彈，隨即轉身拔足逃跑。

「咪走！」夏娃因忌憚煙霧帶有毒性，測試空氣時腳步略為放緩，以致被對方稍為拋離。

夏娃得悉空氣無毒後，便沿著杜子奇的身影發力追蹤，進入煙霧地帶同時腳下加速，走了一大段路，方發現對方平空消失，而她身處的位置卻人跡杳然，如同入了無人之境一般，

更離奇的是周圍的景觀比較之前大相逕庭。夏娃此時內心大驚，欲轉身離開之際，赫然發覺背後站了一個手持權仗的陌生男子。

古潮兒 2021-3-16 14:24:34

:^(

琉璃異色貓 2021-3-16 20:18:17

:^(

古潮兒 2021-3-16 23:19:42 多謝貓貓支持！

:^(

古潮兒 2021-3-17 11:46:10 另一邊廂，杜子奇面對自己親生母親，竟不知對方已被惡靈附身。

「你係邊個？」杜媽媽扮作不認識對方。

「媽咪！我係子奇呀，妳試下再認真睇下我個樣！」

「子奇.......子奇........你真係子奇？」杜媽媽逐漸走近對方。就在彼此拉近了距離之際，她的手突然攤開，亮起一早隱藏起來的利刀，企圖撲上前。

「大哥，佢唔係媽咪嚟，你唔好中計呀！」杜曉彤在緊張關頭高聲呼叫，這下叫聲驚醒了杜子奇，令他及時避開被惡靈偷襲的時機。

「妳唔係我媽咪！妳哋捉咗我媽個靈魂去咗邊度？」

「哈哈.......你估下啦........CATCH ME IF YOU CAN!」被惡靈附身的杜媽媽露出猙獰面目後咧嘴而笑，竟在眾目睽睽之下手持利刀割頸自殺，刀口所到之處，鮮血從她的頸上如泉噴出！

「媽咪！」親身目睹母親自殺的杜曉彤高聲呼叫，接著眼前一黑，隨即暈倒地上。

琉璃異色貓 2021-3-17 13:17:14

:^(

午安呀古兄

比空氣更透明 2021-3-17 14:03:10 樓主呢度應該係洛不凡？杜子奇應該唔係同夏娃對

:^(

古潮兒 2021-3-17 14:06:49 更正：夏娃得悉空氣無毒後，便沿著洛不凡~~杜子奇~~的身影發力追蹤，進入煙霧地帶同時腳下加速，走了一大段路，方發現對方平空消失，而她身處的位置卻人跡杳然，如同入了無人之境一般，

唔好意思，透明兄指正得啱，打錯要更正

:^(

古潮兒 2021-3-17 21:37:29 晚安貓貓～

:^(

琉璃異色貓 2021-3-18 11:14:01

:^(

古潮兒 2021-3-18 11:17:59 第四十四章：天倫劫

熟識急救嘅辛梓玲第一時間衝前檢查我媽情況，然後講咗句令人絕望嘅說話：「你媽鎅頸後失血過多，佢冇晒心跳同呼吸，已經走咗！」

目擊我媽自殺，我無法相信自己眼前所見，腦海變得一片空白，如同被點穴一樣。與此同時，遠方有警車鳴笛聲音傳嚟.........

辛梓玲驚覺一切事態不尋常，佢起勢搖我，叫我抱起曉彤然後跟佢離開。

「我媽咪依家出咗事，我要去救佢！」對於我媽突然自殺，我一時接受唔到，故此立即拒絕。

「你冇身份證，又冇入境紀錄！萬一警察查起上嚟，佢哋會以為你媽嘅命案同你有關而拉你。」

嚮冇選擇之下，我唯有抱起曉彤，然後同辛梓玲一齊走，就喺呢個時候，夏娃個機械信差正太揸咗佢部車出嚟接應，架車一停低，我哋立即跳上車離開現場。

喺架車入面，我個腦完全癱瘓諗唔到野，只係不斷LOOP返起以往我同我媽之間嘅生活片段。

我媽好地地去咗，我覺得好內疚同自責，如果我唔復活，如果我唔再出現喺佢面前，如果我唔係潛伏者嘅話..........佢可能唔會有咁嘅下場。

古潮兒 2021-3-18 21:20:03

:^(

抽水專家 2021-3-19 07:49:24 留名支持

:^(