meowmeowgwai 2020-12-28 14:31:00 https://m.facebook.com/story.php?story_fbid=10157949224220544&id=561600543

庸蠢愚笨 2020-12-28 14:33:27 一睇就知毒撚嚟

神農氏RJ 2020-12-28 14:54:51 書界收賣佬

風雪不等人 2020-12-28 14:57:40 問題響邊

:^(

失落的港女 2020-12-28 16:13:13 又一年

:^(

失落的港女 2020-12-28 16:15:22 首先FYI 條友本身開二手書店

:^(

第二 你明唔明漂書活動/換書/自由定價活動嘅意義係咩？

meowmeowgwai 2020-12-28 16:45:37 有咩野爆

Piiikachu 2020-12-28 16:47:52 出晒名啦一早

霍新 2020-12-28 16:48:15 都唔係爆出架啦，條友俾人話好多年，
以往九龍地書節年年見到佢兩日都拖喼去攞d漂書賣，仲未計其他衰野...
都係個句啦，咁樣唔犯法，不過「食相十分難看」，
但佢多人幫襯到可以開分店，好心唔好再幫襯佢，佢d書又唔係特別平同特別齊

國際難民 2020-12-28 16:50:21

:^(

獨立時代 2020-12-28 16:51:54 舊聞啦

meowmeowgwai 2020-12-29 13:43:18 https://www.facebook.com/mybookroom/posts/3730466173663239

有些事不吐不快，可能講錯 ，請見諒， 希望所有在網絡上嘅傳言一次過清 理。
致偏見范生及每一位仍然選擇留下的你，
今日facebook少咗100個like， 昨日在偏見買書， 原本揀咗幾十本，但越揀越多，最後揀了152本，繁體簡體英文都有，付款3000元。 事後他們出post， 寫到我用很低價錢買書, 自問價格不算低。應該說是第一次去其他書店買咁多書。給了你3000元是否令你蝕了很多錢， 如果你真的覺得蝕了很多錢，請你給回3000元給我，立即來我舖頭搬走你的書。 我做了五年，收了無數書，主要收文史哲人文社科的書， 雖不敢說我收書價全港最高，但應合理。 如果那個物主拿700本文史哲人文學科的 書到我店出售， 我給六七千元也絕對沒有問題， 應說可以更高。 不要說我賤價買書 。第一次去其他鋪頭買書買到咁唔開心。范生，認識你四五年， 這四五年來平時你來我店買書也買不少，你轉售賺錢時我有沒有開post講你？ 近期每次到我書店買書都見你在 whatsapp群組或wechat群組問過你的客要不要才買，有人覆實你才買 。這幾年來你也買了不少初版董橋和黃碧雲 ， 相信他們大部分也已經在大陸了。真的很後悔賣了黃碧雲揚眉女子初版給你轉售給大陸人( 從老總書房得知)， 有時我情願本書賣給香港人留返本書喺香港。
我從來都唔會賣書上大陸， 因為我覺得只要本書仍然在香港，10年20年30年之後我哋喺香港嘅書店都可能收得返這本書， 這本在香港嘅絕版書仍會在香港流通 ，但係你賣咗上大陸的話， 香港就少一本絕版書 。這五年來我一本書也沒有寄上大陸。其他行家來我店買書後賣上大陸我無權過問， 但我一本也未賣過上大陸， 我也懶得去郵局秤。 你買黃碧雲之後， 事隔兩三四日一樣有香港客願意出更高價錢買。 不要以為那些絕版書我要靠你才賣得出。 不要以為你出的價是最高的價 。就算你不來買書， 最多我賺少啲 ， 或者買遲些才賣得出 。 有時諗我情願畀佣金蘇生賺，攞去新亞拍賣都不想再賣給你攞去炒上大陸。 我下星期都有兩三包舊版武俠小說 ， 既然你買得咁不滿意，請你也不要再來， 最怕人買書買到黑口黑面，又要入貨又唔想畀錢我賺。 你來我店買書也一樣次次講價。
回想開店五年來，每年也收幾萬本書，這五年來出售的書也總共超過十萬本。 自問收書價格合理， 否則冇人拿書來給我 ，送贈的除外。你出post說我價格低 , 令所有人都覺得我賤價買書欺騙你一樣 ，我留言說給了你三千元，你立即刪除我嘅留言， 令所有人覺得我真的用很低賤嘅價錢同你買。
我店收書， 值錢的書自然會用高價收 ，普通小說不要怪我不收， 因為真的賣不出。 賈生的清版民國版的線裝書我也是幾千蚊一套向他買， 我幫他賣曬他手上嘅線裝書， 七三分帳後幫他收返十幾廿萬 ，雖然他說用幾十萬買回來 ， 但我少客買亦冇能力幫佢炒高一倍。 幫收返十幾萬都算係有交代。 英文哲學書我入貨價都平均60蚊一本同賈生買. 這兩三年我也向賈生買了近二三千本的英文哲學書. 賈生會睇留言，以上所講他可做證。
小弟有書本囤積症以及購物狂， 明明已有的書都忍唔住買多一本，有時明知少客人買，但自己欣賞嘅作者都會忍不住手買多本。 開店五年來，收書已變成為習慣 ，只要有一日冇書收周身囉囉攣。 就算眼前有很多書但我仍覺得冇書睇。 我諗就算我明天結業今日也照樣會去收書。我只趁著假期冇人約上門收書我才會去其他書店買書， 估唔到會發生啲咁嘅事。
經常收到顧客投訴書店太迫，但書店租高昂， 三間舖加埋月租十五萬， 經常有客人叫我開第四間舖放好d書但實在沒有能力租第四間舖。 我也想我的書店可以像誠品一樣放得整整齊齊。 回想求學過程，自己文理工商的科目都讀過 。我心目中嘅理想書店，是一間包羅萬有的書店，人無論要找什麼書都可以找到，所以我才四出收書。
不要怪我炒書，我做零售小生意都是低買高賣賺個差價。有時靠售出高價書才能cover低價書及賣不出嘅書嘅成本。 我們不像慈善團體一樣沒有租金負擔。 我請的員工也不是義工，我也一樣有出糧嘅負擔。
睇返啲留言，覺得最好笑是連steve lo 都批評我炒書，冇錯你真的有資格批評我，因為我放上群組賣的書真的不夠你多。steve lo 你唔使開心住, 我知道你睇我仆街最開心， 少隻香爐少隻鬼 ， 我都佩服你因為你係少數能快手過我嘅人 ,但佢遲早一日知道你炒賣香港文化歷史嘅書，佢一樣都會出post講你影埋你相添呀(記得帶口罩)， 你去到佢度買書記得比多d錢唔好好似來我度買書咁樣逐本講價,。(行內人明嘅自然明我講緊咩). 香港史香港文化的書你都不用再來我度買， 要入貨請去其他書店 ，我也最怕人逐本講價 ，本本都要平十蚊廿蚊 ，亦明知你能夠在群組中雙倍賣出。 那些香港史香港文化的書我也是要成本買入，我亦不是一定要靠你買才賣得出。 不要再說幫朋友搵書，我也幫近兩萬人找書。
經過此事，我已決定繼續努力打造自己理想中的書店 。 我希望將來能夠將有能力租一間特大舖位 ，將三間店結合返做一間 ， 不用客人走嚟走去。 不過到時真的無法想像搬運工程會是何等艱巨。
在此，真心多謝曾經免費送書，買書和賣書給我店的客人。 衷心多謝每一位仍然選擇留低的你。

較剪腳愛德華 2020-12-29 13:48:21 此回覆已被刪除

呢你老母加 2020-12-29 13:50:49 唔幫襯佢可以幫襯邊間?(最好黃)

:^(

呢你老母加 2020-12-29 13:53:40 其實定價再俾個收銀決定收幾錢會唔會ok 啲

:^(

三文小説 2020-12-29 13:54:20 係自由定價
但人地租金人工都係錢
不過我相信有人喺依啲場合
真係會1蚊買一本書

:^(

好時高運 2020-12-29 13:54:21 憑自己實力真金白銀買再憑自己實力賣

:^(

:^(

三文小説 2020-12-29 13:56:05 咁其實仲係唔係自由定價

:^(

雖然我都唔會想個機制比人濫用
但咁樣又好似違反原意
使到咁不如乾脆定價出售好啲

呢你老母加 2020-12-29 13:56:21 大把啦
書展有啲書斷斤計咁濟
年年都有家長成喼買返去睇得哂兩三本都偷笑

呢你老母加 2020-12-29 13:58:02 根本香港唔岩玩自由定價

:^(

同理心 2020-12-29 13:59:00 係華人地區都唔適合

不留戀到八時 2020-12-29 13:59:32 其實已經比人唱咗好多年
所有舊書義賣活動都會見到佢拖喼掃書
但你有你唱
佢有佢繼續發大財開分店
因為做舊書義賣嘅好多都係大集團（太古，宣明會）唔會理你舊書界點運作
而好多幫襯我的書房嘅人又唔知老闆啲事蹟

哇哇哇打到黎 2020-12-29 14:00:04 唔講以為佢$1買左十本書

呢你老母加 2020-12-29 14:02:03 呢句真
台灣都應該會俾人玩爛

夜間遊人 2020-12-29 14:04:55 其實自由定價/免費贈書等加多句，每人限最多十本/廿本，咁咪可以防止有d人太倡狂
又可以達至其他人都有足夠機會買到