卡雲尼(炒粉王) 2020-12-24 19:13:42 呢個真係唔知 有都唔奇

:^(

因為佢連分屍都咁淡定而且廚房佢話事
溝埋比人食邊個知

689X777 2020-12-24 20:35:50 www.youtube.com/watch?v=bEeaqTBEWlY
呢單案都幾傳奇好似電影情節，1958年前廣洲黑社會龍頭李卓逃避中國共產黨淪落香港生活潦倒，聯同一班舊手下持鎗綁架九巴老闆事敗，導致全港大圍捕仲發生鎗戰，警方負責此案的是後來被踢爆是中國間諜的曾昭科。

689X777 2020-12-24 20:43:09 www.youtube.com/watch?v=VQsDDJRdquc
第一部影視版三狼案，桂神老竇黃應求被綁架撕票。

卡雲尼(炒粉王) 2020-12-25 00:26:02 三狼案係上一代都幾出名
唔該哂巴打 得閒會睇下

:^(

卡雲尼(炒粉王) 2020-12-25 18:41:11 推一推 今晚再出

思想走了光 2020-12-25 21:11:22 此回覆已被刪除

何紅伸唔到懶腰 2020-12-25 23:12:54 高質post
聖誕留名

:^(

卡雲尼(炒粉王) 2020-12-26 00:06:17 今晚會出篇港版黑色大理花謀殺案
雖然受害人無被腰斬分屍
但係佢五官被刀割下死狀淒慘
最神奇嘅係當年報紙竟然大尺度到可以照登埋死者出殯照
為免嚇親大家 相我就唔貼
有興趣想睇嘅巴絲可以禁條LINK
事先聲明雖然係黑白相同遠鏡但都有些少恐怖

誠逸樹喜 2020-12-26 02:13:17 高質post留名，樓主加油

:^(

:^(

卡雲尼(炒粉王) 2020-12-26 02:29:19 港版黑色大理花謀殺案

做酒店相關嘅巴絲打可以想像一下，如果有日某房租客過哂鐘都無check-out，打極電話都無人聽，你開門入去，見到有具人形物體攤左係床上面，你夠唔夠膽揭開去睇下咩黎呢？

係１９７５年８月１５號星期四早上，係旺角西洋菜街嘅長城別墅，因為某房女租客過哂鐘都無退房，管房用匙開門入去竟然見到有條用被鋪蓋住嘅女屍，據當年查案嘅時任警司陳欣健就講過：「我入去見到張白色床單，有些污穢但不是血，不知是什麼，我揭起它，見到一個好瘦小的人型...她的眉毛、鼻、胸口，全部也是一片片白色的。」，唔單止上面所講，女死者嘅乳房、性器官都被割去，身體各部分都充滿傷痕，頭髮又被亂剪一通，更什者因為佢嘅嘴唇被切開露出牙齒，成條屍就好似萬聖節打扮咁，一個𠵱起棚牙笑嘅稻草人。

根據管房講法，死者經常同一個男人黎開房，而係事發朝早個男人拎住兩個膠袋，仲面露笑容同佢講話１點先好叫醒佢。但警方都係無從入手查唔到死者身分，除左當時登記房間多數都係用假姓名，更多係因為死者五官被割，佢地根本做唔到死者嘅拼圖出黎去比人辦認，只能夠靠房東記憶去刻畫返果個疑兇嘅容貌，希望搵到佢查清當晚發生乜事。雖然警方收過報館通知話有個女人聲稱一名楊姓男子同果個男人嘅樣一模一樣，但係相距唔遠嘅洗衣街搵到楊男之後，最尾都證實與案件無關。

正當警方愁眉不展之際，兇手串到寫信去報館自稱係「長城殺手黑野狼」，仲笑佢地咁耐都未捉到佢，然而正正係兇手接下來嘅一個挑釁性嘅舉動打破案情膠著。係８月２０號夜晚，旺角警署收到個電話話想搵上面提到負責呢件案嘅警司陳欣健，叫佢返去案發地點睇一睇部冷氣機：「見到一塊塊好似碎了的陳皮，放了在冷氣機頂。再看清楚，原來是從死者身上割出來的。」陳欣健後來係咁樣形容。其實呢堆「碎片」就係死者嘅乳房、耳珠、鼻、咀唇等部分，當重新將佢地放係死者五官之後，好快警方就查出遇害人係３４歲劉姓女子，有兩個仔女嘅單親媽媽，表面上做美容院，但實際係一名妓女，而案發房間正正係佢當時提供性服務嘅地方。

而係確認到死者身分之後，根據劉姓女子屋企儲物櫃搵到嘅卡片同埋佢大女形容疑兇樣貌嘅線索，警方鎖定犯人係一名姓梁名兆平，年約４０歲嘅中國籍男子，據報係深水埗元州街同佢大叔一齊住。陳欣健立即帶隊上去搜查，但係果度好簡陋而且家徙四壁，根本收埋唔到乜野。或者冥冥中自有主宰，係陳欣健想離開之際，佢留意到係小朋友訓嘅碌架床上層有個啡色皮製行李箱，撬開個箱一睇，入面裝左女死者嘅衣物、身分證、一張劉女與梁男合照。而係呢個時候，一個電話打黎，話筒傳黎嘅正正係梁姓男子把聲，但係因為大叔故意通風報信話「快啲走，差佬喺度！」，警方就咁錯失左可以借機設局捉到佢嘅機會。

而呢單案件神奇嘅位係，搵到疑犯行蹤過程係同靈異有關，係死者頭七果晚，梁兆平係深水埗基隆街一條後巷好似酒醉咁左搖右擺，口鼻受傷流血，自言自語話佢係被個紅衣女人推落樓，又問周圍嘅人有無見過一個年約３０歲尖面女人跟住佢後面，而係佢身上又有張相寫住「金鈴 代為削肉」。

梁兆平係被捕之後將案件和盤托出：佢係美容院嘅常客，經常搵劉女按摩同陪坐，後來仲成日去開房，久而久之就沉左船什至係帶過佢去見大叔，去到談婚嫁地步。不過劉女以仲差人錢結唔到婚為理由，哄佢借萬幾蚊還債，點知係拎到錢之後就失蹤。而當晚同劉女係長城別墅見面，女死者唔單止話自己已經有左新男友想悔婚，仲想問佢借多幾千蚊，結果梁兆平因愛成恨怒火中燒殺死劉女。最終，梁兆平被全男陪審團以５對２裁定謀殺罪名不成，但誤殺罪名成立，最終被判監禁十年。

係案發無耐，長城別墅改名換姓易手繼續營業，但係果橦大廈就繼續發生多宗命案包括１９８０年裸屍懸案：一名李姓女子被勒死；２００５年４月管房被劫殺案：一名年約五十歲姓張女子，手腳被膠索反綁，口鼻封有膠布被倒斃屋內。其實與其話呢單案係港版黑色大理花謀殺案，不如話橦大廈係翻版塞西爾酒店...

卡雲尼(炒粉王) 2020-12-26 02:31:20 原諒我放content farm link

:^(

因為原圖有D恐怖怕直接睇嚇親大家

:^(

總之有心理準備先好睇
其實就係女死者條屍砌返好眼耳口鼻訓係棺到

卡雲尼(炒粉王) 2020-12-26 02:34:09 原文維基參考
案發日期：1974年8月15日
案件：旺角長城公寓裸屍案
案情： 妓女劉富敏（34歲，原名劉金鈴）於旺角洗衣街137-139號國際大樓13樓長城別寓5號房被嫖客梁兆平（38歲）殺死，被殺害後，五官、五臟六腑、乳房、性器官等全遭割去。劉富敏出殯前夕，梁兆平稱被一名紅衣女子推落樓，警方在梁身上找到一張寫上「金鈴 代為削肉」的相片，盤問後證實為案中疑犯。1975年4月，梁兆平被裁定謀殺罪不成立，誤殺罪成，入獄10年。

卡雲尼(炒粉王) 2020-12-26 02:36:17 我盡量每篇文寫既手法都有少少唔同
費事大家睇同一個pattern睇到厭
希望中意既巴絲可以留言正皮

:^(

你既一小個動作對我黎講都係好大支持

:^(

只要有人睇我都會繼續寫落去

:^(

係到祝大家聖誕快樂先

:^(

manson老婆 2020-12-26 03:00:21 好中意睇呢d命案故事
樓豬寫得好好睇呀

:^(

:^(

:^(

:^(

會唔會寫下懸案？
好似好少見人寫香港嘅懸案

卡雲尼(炒粉王) 2020-12-26 03:12:45 好

:^(

呢幾晚搵資料都有搵到唔少懸案
預告下一篇寫鑽石山隧道女屍懸案
發現死者嘅正正係佢父親

:^(

仲癲過上一篇講長城別墅

毛毛(藍) 2020-12-26 03:26:51 加油

:^(

:^(

:^(

:^(

manson老婆 2020-12-26 03:27:02 我有睇過呢單呀

:^(

:^(

好慘

卡雲尼(炒粉王) 2020-12-26 03:31:25 真係想像唔到爸爸有幾崩潰
見到自己個女慘死 但又搵唔到兇手

:^(

卡雲尼(炒粉王) 2020-12-26 09:13:27

:^(

譚哥四仔 2020-12-26 09:48:42 樓主加油

:^(

何紅伸唔到懶腰 2020-12-26 10:24:16 寫法好好

:^(

有趣之餘又唔會改寫事實

:^(

Merry Christmas!

國務院總理李克強 2020-12-26 10:53:44 lm

星之肥脾 2020-12-26 10:56:37 幫推

星之肥脾 2020-12-26 11:04:09 終於有個無改判終身

磨練 2020-12-26 11:34:29

:^(

:^(