DarthJarJar 2021-1-24 00:09:06 即係星期日啦

你欺騙我

:^(

:^(

:^(

在乳中漫步 2021-1-24 00:35:43 啫係遲咗

:^(

三思然後含 2021-1-24 03:37:07 又話星期六。。。

卡雲尼(炒粉王) 2021-1-24 04:11:49 愛你愛到殺死你真人版 2

對比起上一單聖誕節命案，今次講呢單謀殺案女受害人阿怡嘅遭遇明顯更可怕，佢同樣因為一時心軟而遭毒手，好彩嘅係佢死唔去執返條命，行兇者司徒鈞昂最後亦都得到應得嘅下場，事情同樣由一段中學情緣而起—

現代苦肉計

話說司徒鈞昂同劉女係中學相識發展拍拖，但去到２００７年年頭感情生變，最終分手收場。無耐阿怡就識左新男友，司徒鈞昂對此好唔甘心，佢用各種方法不斷苦纏騷擾前女友。係同年１０月佢仲以死相逼話「唔肯見面就開石油氣自殺」，心軟嘅阿怡因為擔心司徒鈞昂真係走去做傻事就上門「自投羅網」。禽獸不如嘅司徒鈞昂唔單止係屋企兩度強姦阿怡，又威脅將裸照放上網公諸於世，籍此勒索佢新男友。

阿怡好唔容易逃出魔掌後就同新男友一齊去報警，司徒鈞昂被落案起訴控強姦以及勒索罪，係九龍城法院提堂，雖然控方表明佢有自殺傾向而且有滋擾前科，但審呢件案嘅法官就不以為意，容許司徒鈞昂保釋候審，殊不知就係慘劇嘅開始...

「蜘蛛狂魔」

十一月七號凌晨，本身熟悉攀石技巧嘅司徒鈞昂帶齊裝備黎到藍田安田邨安麗樓—阿怡屋企所在。司徒鈞昂熟能手巧咁係２５樓電梯大堂、面向前女友２４樓單位嘅氣窗外「Set好架步」，將連住身體嘅安全帶紮係窗框， 捉住外牆水渠同其他單位嘅窗邊，就好似蜘蛛俠咁橫向爬左大約８米，進入劉女無裝窗花無鎖好窗門嘅大廳。

司徒鈞昂係設置好「退路」後就手執利刀步步逼近睡房，一打開門就豪不猶豫咁狂桶熟睡中嘅阿怡。阿怡因痛驚慌大叫「救命」嗌醒左媽媽同阿妹，司徒鈞昂見事敗即刻奪門而逃，攀出客廳窗外，用一個「８」字扣扣住綁係窗框嘅攀山繩游繩直下，又以鐘擺方式盪鞦韆咁盪向１７樓外牆水渠，跟住徒手沿水渠降落至一樓平台逃脫。

阿怡頸胸共中九刀，其中四刀直中喉嚨、什至將喉嚨貫穿，可見司徒鈞昂刀刀攞命。可幸嘅係阿怡經搶救後意識清醒，除左因為喉嚨受傷無辨法講野外，仲可以係紙上寫低擔心男友會受傷害等字句。得知司徒鈞昂有機會再行兇後，警方唔敢怠慢，隨即搵黎「鐵甲威龍」搜索藍田後山，又派人埋伏阿怡男友住處，籍此捕獲司徒鈞昂。

窮途末路

司徒鈞昂當然無束手就擒，熱愛攀石嘅佢係最後日子都係同石頭形影不離。

原來司徒鈞昂係案發之後並無離境，佢係到朝早就坐街渡前往昔日經常用作訓練攀石之地—東龍島。司徒鈞昂藏匿係炮台遺址對上高１３０米山崖一處崖壁、一處需游降按近５０米嘅洞穴，據現場所得發現，佢係果度個洞到至少生活過兩星期，入面、食物包裝紙、飲用水、什至生火痕跡等。

而係司徒鈞昂「流亡」呢段期間，就有唔少人都見過佢，而大部分人對佢第一眼嘅感覺都好奇怪：有攀石教練係相片中一眼就認得出司徒鈞昂，當時佢係懸崖半腰小平台休息緊；行山發燒友岑生同屋企人參加本地旅行團，係途中見到司徒鈞昂坐左係大約３０米高嘅懸崖邊緣，心諗果度一定係靚景，就快步上去想拎位影相，但司徒鈞昂聽到相機聲即刻轉頭掃視，「覺得佢嘅警覺性好高。」岑生形容，後來司徒鈞昂係其他人都上黎無耐就起身快步離開，成個氣氛顯得好尷尬。

或者司徒鈞昂果下有輕生意念，但因為有其他人係到所以打消念頭嗎？

命喪絕境

終於係東龍島逗留左接近兩星期後，１１月２５號警方接到一對情侶報案，指係某處崖邊見到有遺留嘅背包以及繩索、懷疑有人墮崖，於是派員登島搜索，同日係附近海面撈起失去半邊頭嘅屍體，經DNA化驗證實係司徒鈞昂，不過就無法證實佢係自殺定係不慎墮崖致死。

而另一方面，據講係警方前往東龍島搜索當日，有唔少行山客見過有兩女一男係到周圍問人「有無見過我個仔」，各項特徵同司徒鈞昂一模一樣，反映司徒鈞昂親人明顯係知道佢行蹤，因此警方就懷疑有人涉嫌包庇窩藏疑犯，但伴隨著事件落幕都係不了了之。

或者呢個悲劇早就有跡可尋。教授過司徒鈞昂嘅攀山專家梁念豪形容司徒鈞昂十分主觀，容易鑽牛角尖：「佢身形不俗，攀爬技術唔錯，但為人好主觀、有啲自以為是，欠缺服從性，唔肯接受批評同意見。」；臨床身心行為學家李寶能分析，徒鈞昂極重感情，一旦展開左親密感，就會有共同體的感覺，佢重視人生感情上嘅完整性，會係自己中意嘅事物、強項去搵滿足感和安全感，山同石都係佢愛好，攀山攀石就係強項，所以就解釋到點解佢會去番東龍島。

因愛成恨嘅司徒鈞昂敵不過人生破裂同埋強烈嘅孤寂感，最終落下死無全屍嘅下場。

補圖：
前女友住所外牆環境

東龍島藏身之所

最後身影

卡雲尼(炒粉王) 2021-1-24 04:12:15 有啦

:^(

卡雲尼(炒粉王) 2021-1-24 04:12:55 出左了

:^(

:^(

:^(

太深業力的地球 2021-1-24 04:13:29

:^(

勇者哥哥。仁傑 2021-1-24 06:47:18 好睇！支持樓主寫多d！

DarthJarJar 2021-1-24 08:17:32 支持

:^(

白果 2021-1-24 14:01:27 想問鐵甲威龍係咩

卡雲尼(炒粉王) 2021-1-24 14:08:05
全副防衛裝備

:^(

卡雲尼(炒粉王) 2021-1-24 20:52:56 自推

勇者哥哥。仁傑 2021-1-24 20:56:09 等你岀稿！

:^(

下個case 係咩？

卡雲尼(炒粉王) 2021-1-25 01:03:26 再研究下

:^(

安安幼稚園單野比較難寫

肚腩大過個波 2021-1-25 11:29:40 推

:^(

睇左兩日終於追哂故
支持

Freshgrad無工翻 2021-1-25 12:59:27 即係搵唔到兇手？

鬆弛熊王 2021-1-25 14:11:20 此回覆已被刪除

卡雲尼(炒粉王) 2021-1-25 17:53:35 是 懸案

卡雲尼(炒粉王) 2021-1-25 19:42:20 提提各位巴打
覆文盡量唔好quote
因為太長 廢事影響閱讀性

:^(

Fin.Grasshopper 2021-1-26 13:34:18

:^(

:^(

:^(

:^(

卡雲尼(炒粉王) 2021-1-26 14:51:40 中菲藉婦人「驅魔」雙料殺童自殺案（上）

邪教呢家野相信大家係電視電影都睇唔少，入面經常會出現為做儀式而殺生殺人情節，其實現實香港幾十年前都發生過一單邪教殺人事件，不過殺人原因竟然係因為隻狗公仔，而且受害人只係個得１０歲嘅女童，兇手最後仲帶埋自己親生仔跳樓自殺。

坎坷婦人淪落風塵

１９８２年５月２３號傍晚，係銅鑼灣高士威道某幢大廈頂，有個外籍女人拖個細路著白色衫，以白色布綁住手拖手咁危站係２５樓天台，有途人見到擔心有危險於是趕忙報警，點知幾分鐘之後佢地就跳左落黎，衝擊力大到頭爆肢裂血肉橫飛，嚇暈一名女途人。

警方到場調查後，係天台一角發現有個膠袋內有四張身份證、一封寫係紙巾上俾「Father」嘅遺書同埋張留左個英文地址嘅卡片，女死者原來叫 Juanita Bernado—係大陸出世嘅３４歲中菲混血兒，早係１９６６年同過一個姓張從事海員嘅男人結婚仲生左兩個仔，不過最後係１９７６年就離婚收場；Juanita 之後帶埋兩個仔租住美孚新邨，學識唔多嘅佢只能靠外表妖豔一面係灣仔酒吧做陪酒。

初頭警方以為呢單係家庭悲劇或者經濟問題造成嘅殺子自殺雙料命案，但係搵到 Juanita 嘅屋企人、張姓前夫以及同性好友 Mary 後，逐漸摸清 Juanita 真實背景—

毒海浮生

根據 Juanita 留低嘅地址卡片，警方搵到就住係跳樓現場唔遠嘅 Juanita 一家，佢地神色不悅好唔耐煩，原來 Juanita 以前就經常係出面惹上麻煩，仲成日係屋企吸食毒品。

「如果你地係問佢出面做過咩好事吸毒藏毒，我地無可奉告乜都唔知，呢個衰女嘅野一早同我地無關！」

探員意料之內咁回應：「我今次黎係想講，你個女正話跳樓死左喇，佢以後都唔會再俾麻煩你地。」

「死左就最好啦！」應門嘅人毫不留情咁講。

Juanita 屋企人之所以放棄左呢個女源於毒癮問題，佢因為無錢交租而被逼離開美孚新邨寓所返番屋企住，雖然 Juanita 應承過會戒毒但最後都係難敵毒癮，案發前正正係因為佢又係屋企「開餐」所以被趕出門帶埋個細仔走。

欲求不滿

探員再搵到張姓前夫，發現 Juanita 有「派綠帽」疑雲。

「我係行船嘅，一年都無乜時間係香港，偏偏 Juanita 性欲旺盛...」張姓前夫面有難色咁講，「錢對佢黎講都唔係最重要，佢最緊要係可以解決性欲，我都已經隻眼開隻眼閉，由得佢成日夜晚出去灣仔玩。」

「咁你地最尾點解離婚？」同樣為男人嘅探員無奈咁問。

「我有次行完半年船返黎，Juanita 同我講佢有左喎，邊有可能姐！我覺得真係太過份於是就話要分居離婚。」張姓前夫不憤咁話，「我為大仔撫養權同佢打官司，法官話我係海員無時間照顧個仔，所以分開嘅話個仔就歸 Juanita ，咁我就盡人事等埋細仔出世先。」

探員追問：「係正式分居之後，你知唔知 Juanita 去向？」

「講真，分居之前我都唔知佢去邊滾喇；分居之後就更加唔清楚啦！或者你地去問下佢好姊妹 Mary 應該會知。」

睇黎 Juanita 離婚之後揀去灣仔酒吧做陪酒都係有原因。

遇人不淑

張姓前夫口中所講嘅 Mary 係 Juanita 某次出去維園時認識、做家傭嘅菲籍同鄉，咁岩佢之後轉去美孚新邨做，成日有時間見面相聚，所以佢應該係最清楚 Juanita 狀況嘅人。

Mary 聽到 Juanita 擕子自殺嘅消息後傷心到喊，要好一陣子平服情緒之後先將 Juanita 嘅遭遇娓娓道來：

「 Juanita 係同佢先生分居之後就去左灣仔某間酒吧做陪酒，當然呢行唔止陪飲咁簡單啦。」
Mary 抹一抹眼淚又繼續，「Juanita 仲會同酒客上床，佢除左本身呢方面需求大仲可以提供唔同特殊服務，所以搵埋搵埋好多錢。」

據講 Juanita 係短短一年之間就搵超過五萬元，係七八十年代香港簡直係筆天文數字。

「後來 Juanita 以為自己遇到真愛，姓李果個男人唔單止有錢仲係床上滿足到佢！」但其實果個男人只係空心老棺歡場玩家，「佢呃走 Juanita 筆積蓄就見左人，所以 Juanita 自此就癲癲狂狂，仲入埋咩『聖女教』。」

邪教

所謂聖女教係一個總部設係菲律賓蘇碧灣宗教組織，信徒多達十幾萬；係香港西貢有個秘密教庭。聖女教之所以係邪教，原因係佢地認為女性身體係邪惡嘅，要不斷同人做愛交合先可以洗淨罪惡，什至以女教徙擔當性服務者為榮；另一方面佢地又規定唔可以食牛肉，如果遇見「魔鬼」—係瞳孔中可以見到３個數字「６６６」嘅人或物，就要諗計消滅佢地。

Juanita 係入教之後思想諗法變得唔尋常，佢覺得自己係「救世主」、耶穌係佢阿哥；同時 Juanita 長期戒食肉菜什至米飯，只會食朱古力同埋飲奶，又憎恨所有食肉嘅人類同埋覺得狗就係魔鬼。

正常人可能會覺得 Juanita 只係單純宗教狂熱者，不過佢嘅其他行為舉止遠比大家想像中痴線—
佢係日記中提到「我經常向歡場姊妹宣教，在家中奉拜牛、貓及鷹為神 。 」；佢有時會係出面殺狗，仲帶返屋企用作供奉牛神，周不時煮埋狗肉比兩個仔食話係消滅魔鬼；大仔試過因為係補習時唔專心成日嗑眼訓，佢一怒之下斬走大仔尾指。

好明顯，當時人財兩失心靈受創再加上受吸毒禍害嘅 Juanita ，佢精神狀況已經出現問題，可悲嘅係現實中無人會理一個歡場女子身上發生嘅事，Juanita 就係咁逐步踏入「驅魔」殺人深淵...

卡雲尼(炒粉王) 2021-1-26 14:53:52 呢兩日有時間 所以打定左
但因為今次呢件事篇幅較長
剩係講前傳背景都超過平均一篇字數
所以要分上下兩集出
下集睇睇星期四前出唔到
如果有就出完 星期六再出篇新

:^(

鬆弛熊王 2021-1-26 15:27:09 此回覆已被刪除

卡雲尼(炒粉王) 2021-1-26 15:38:23 我自己寫都覺得幾驚喜
估唔到香港都有呢類案
不過講定先 個女仔真係超無辜
唔同之前果D 佢係比信任既人殺左

:^(

白果 2021-1-26 15:38:44 勁過玄天聖教