葉開葉開 2021-1-21 19:50:39 九十八點五


（譚梓淇視角）

見到熙熙響社際歌唱比賽對社長果番說話既反應，再加上諗返起尋日佢對我描述社長同副社長形象既反應…

我突然間好似明白左啲野…

或者…

根本真係由頭到尾熙熙在乎既…都唔係果位綠社果位師姐…

再諗真小小…

將所有點點滴滴既蛛絲馬跡一點一滴咁拼埋一齊…

從好耐之前已經係…個答案可能得一個…

而呢個答案，可能連熙熙自己都未發覺…

我個心一酸…

但係…我已經控制唔到自己唔去諗佢…

我唔會咁易放棄…

唔會…

絕對唔會…

只要可以響佢心目中有小小位置…

（待續）

9up的你凍嗎?? 2021-1-21 19:51:35 此回覆已被刪除

唔識奶奶成塊 2021-1-21 19:52:50 此回覆已被刪除

葉開葉開 2021-1-21 19:53:59 未架

但有啲野做緊，出住小小頂住先，夜小小再補返

:^(

葉開葉開 2021-1-21 19:54:49 諗起話想睇外傳，所以整住幾段淇淇獨白頂住先

:^(

即是咁 2021-1-21 19:57:19 愈睇愈心酸 希望比個good end比佢

:^(

:^(

Taeyeon_ss 2021-1-21 20:12:13 今日冇啦？

:^(

左膠必勝 2021-1-21 20:14:59 消失的文叔

:^(

左膠必勝 2021-1-21 20:15:41 沒 早啲瞓

華記(正撚樣) 2021-1-21 22:12:48 睇黎樓主下個故既主角要係文叔

支那追擊手 2021-1-21 22:18:06 正 g持

何2完 2021-1-21 22:40:05 又話遲屌屌嘅

:^(

:^(

:^(

:^(

9up的你凍嗎?? 2021-1-21 22:49:16 此回覆已被刪除

葉開葉開 2021-1-21 23:13:12 唔好意思，文來了

美玖 2021-1-21 23:13:43 文呢

:^(

:^(

葉開葉開 2021-1-21 23:14:13 九十九

其實我唔知淇淇估唔估到我心入面諗緊咩，但之後佢再冇響我面前提過有關社長同秋兒姐姐既事。

即使完左歌唱比賽之後，大家都議論紛紛，佢都再冇同我觸及呢個話題。

而毫無疑問，社長呢次表白，響學校引起左好大迴響，有無數社長既少女fans心都碎埋。

除此之外，亦有好多地下盤口開左出黎，賭究竟社長所表白既對象係邊個。

可惜，真正既答案，莊家可能永遠都唔撚會知。

大家係咪以為之後既故事會有好多曲折離奇既情節呢？

好可惜，件事意外地平靜落幕。

響反高潮既情況之下就咁落幕。

因為社長雖然表白左，但佢既對象似乎無動於衷。

而據聞社長因為呢件事比訓導主任捉撚左去訓斥屌柒左佢成粒鐘，仲記埋缺點。

表白事件叫做暫告一段落。

然後，放寒假過農曆新年了。

不過，放寒假既日子就咪撚提。

同老豆一齊係開心既，但去到親戚屋企拜年我依然係比表兄弟寸。

反而表姐對我都算唔錯，不過佢準備緊會考唔係好得閒。

之後既日子，社務逐漸少左，秋兒姐姐同社長單對單接觸既機會都少左。

我冇直接過問佢地既關係，因為正如Kitty姐姐所提醒我所講，我係應該唔知道呢件事既。

但秋兒姐姐又冇成日傾電話同出街，咁應該即係已經拒絕左社長？

總之，我就越黎越放心…

畢竟，我都唔想將家姐交比一個來路不明既男人。

只係…

咁啫。

秋兒姐姐少左機會要處理社務，變相就多左時間同我補習，我既學習進度都開始ok。

其他閒日放學既時間就係練波（球會同校隊）。

除左練波之外，有陣時星期六、日都會同Kitty姐姐出街（因為閒日真係太唔得閒）。除左間中扑野之外，都多左好多其他活動，例如睇戲、唱K咁。

我肯去既，當然係因為所有野都係Kitty姐姐出錢。

不過亦因為多左出街，我地之間好似親密左，唔止係炮友既關係，可能更加係…親密的砲友，哈哈。

而我同阿必因為要練青年軍，所以少左同文叔佢地踢波。

*

「以後我地就寂寞喇…」文叔嘆道：「真係變左名副其實既阿叔隊…」

「文叔！唔好講到我地就死咁喇！我地仲會返黎踢架嘛！」阿必講講用雙手幫文叔拉左個笑面出黎：「笑返先！」

文叔推開阿必雙手，笑罵：「死仔必，識你到而家都係咁撚柒戇鳩！」

老鼠嘆道：「識得熙熙你開始計都成四年喇…球會波唔撚柒鳩同街波，你地比心機喇。」

「小兒科喇屌。」我輕鳩鬆地回應。

*

寒假眨眼間就過去了。

除左校隊練波之外，連青年軍既比賽日都好快就到。

題外話，而家校隊練波既時候，總係有一堆女同學黎睇我，其實都幾撚煩。

有啲仲會厚顏無恥咁黎搵我傾計，但全部都比我無視。

講返青年軍場波。

今日係開學之既第一個星期五。

對手係百年老牌球會南○。當年既南○實行全華班，甲組隊既戰績好撚差，但青年軍黎講都有返咁上下實力，至少仲係中游隊伍。

「今日，我地踢四五一，Keeper，熊輝！」陳sir宣佈陣容。

哈，我大展身手既時刻好快就到！

「右閘，葉志華！中堅，楊舒達、胡之達！左閘，石永樑！」

「防守中場，梁榮邦、柏彼得！右翼，康達！左翼，牛志康！進攻中場，賈加華！」

噢，冇阿必…

我望一望佢，佢冇乜反應，反而一副唔志在既表情…

不過佢永遠都係我既配角，冇正選踢唔意外吖…

之後剩返一個正選前鋒未講，睇怕都非我莫屬。最近我覺得自己練習果陣表現好撚好，非隊賽既時候照扭可也～

即使加入左流○，但單對單既時候我依然永無敵手。

哈，講技術，盧家顧完全冇我一半…唔係，係連三份之一都冇。除左大份同頭鎚好，我完全睇唔出佢有咩咁勁。

所以，最後一個正選位，仲唔係我？

「前鋒，盧家顧！」陳sir最後宣佈：「就係以上十一個，你地去熱身先！」

好…去熱身先…

咦…

等等…

盧家顧係正選！？

條黑鳩有正選！？

唔係我？

（待續）

水卜.櫻空桃.乃木 2021-1-21 23:20:37 出書其實都冇咩錢賺架咋

:^(

葉開葉開 2021-1-21 23:22:39 比喻黎啫

:^(

出到書係講成就感，唔係講錢既

:^(

但我真心冇諗過要出書，我啲故咁多甜

:^(

水卜.櫻空桃.乃木 2021-1-21 23:29:58 陣間都照屌你浪費時間出書又嫌唔到錢

:^(

:^(

:^(

水卜.櫻空桃.乃木 2021-1-21 23:31:10 淇淇又話想熙熙鍾意自己但放假又唔約熙熙去街

:^(

:^(

:^(

山區兒童窩巴 2021-1-21 23:57:39

:^(

山區兒童窩巴 2021-1-21 23:57:51 推

何2完 2021-1-22 00:14:05 樓主有冇諗過同YouTube channel 整返個微電影

:^(

口牙 2021-1-22 01:38:56 表姐出場了

:^(

華記(正撚樣) 2021-1-22 05:15:27 佢會比Jenny屌鳩

:^(