緊張的腳趾 2020-12-3 00:38:30 [P牌一日開唔到兩個posts，借ac]

原po： https://lihkg.com/thread/2309055/page/1

我都有嘗試去咀嚼大家講既嘢，有啲係幾有point幾值得討論下既，有啲就真係比較難係同一個平台溝通。

有人話我係英皇PR、打手，我想講咁樣同講示威者收左錢有咩分別。不過點都好，其實筆者係邊一個真係冇咁重要，個focus應該落係啲內容度。

亦都有好多好多人攞另一個明星，想將佢地同張敬軒比較，我想講我依家就係想討論張敬軒應唔應該、值唔值得我地去支持都未定好，又攞另一個人黎比較邊個deserve反多啲定支持多啲，個平台真係好好好唔一樣，佢地既經歷、貢獻完全唔一樣既時候，我諗我都要用返一頭半個月先可以公允咁解答到大家既一句問題

:^(

有好多人唔係好睇到張敬軒既立場，我梳理出黎既結論係佢係黃，而且佢做緊既野係幫助緊黃圈本土意識既建立，而本土意識又係一種對於香港人黎講唔可以缺少既野，in which咁多年既港共做緊既就係想磨蝕我地本土意識，天星碼頭、囍帖街、棚仔。。。

:^(

只不過佢工作既公司英皇娛樂係藍。好多人因為咁就講話支持唔落張敬軒既作品，例如睇演唱會、買碟咁。我明，我真係明，而且我尊重你既價值判斷。

但係有一樣野我想帶出既係，張敬軒係呢間公司工作，唔足以令你要反張敬軒。呢一個人本質上係好值得去支持。簡單啲講，我支持張敬軒，不過我唔支持英皇。兩者之間其實唔多唔少現階段係有衝突既，咁條線我諗係由每一個係自己心目中去畫。就譬如我係奶既大學讀書，咁我交學費又應唔應該呢？太多太多呢啲問題其實都係取決於自己既價值判斷。

繼續歡迎大家留言討論

:^(

緊張的腳趾 2020-12-3 00:44:56 其實張敬軒比好多香港人都更愛香港。佢為香港付出既大家未必見到好清楚，所以眼下好多人都有好多關於張敬軒既爭論。咁不如我就拋磚引玉，為大家整理一啲資訊，希望幫助大家去再評價張敬軒。

1. 為香港文化貢獻

香港既本土文化，其實係構成香港人本土意識好重要既其中一部份。

文化，反映緊我地既歷史，而呢啲歷史有份塑造今日既自己，譬如我地既價值觀、待人處事、生活習慣等等。諗下鄰國同香港既分別，都好容易解釋點解文化咁重要。

當然另一方面，文化都係香港既軟實力既一種。

當我地認識多啲本土文化，除左可以認識多啲呢個社會同自己之外，都令自己更加識得去欣賞香港呢個地方既美妙，微觀令我更愛香港，宏觀令香港人既本土意識更壯大。


廣東歌始祖——地水南音

「語言是文化的基礎，又是文化的結晶」。廣東歌，承載既係我地既語言，而語言反映既係我地同環境互動出黎既生活習性。

「好啦，今日歌詞唱啊，不是古，又唔是今，唱出事情一切啦，就係我本人。」——杜煥

呢段係演唱會上都有播。係盛樂演唱會上，張敬軒向觀眾介紹左八晚杜煥先生唱既地水南音點由盛轉衰。然後用披星戴月一歌去向杜煥先生勞碌、奔波但傳奇豐盛既一生致敬。

我都係因為張敬軒，我先知道地水南音呢樣嘢，先認識佢係廣東歌既根源。

Intangible廣東歌傳承

「要將音樂傳承其實係要有決心既，譬如話，我初初，我以往每一隻廣東碟，我都會翻唱一隻一啲滄海遺珠、其他artist既一啲side track咁樣。公司係有反對既聲音既，因為覺得，第一，十首歌你佔左一首歌既quota，咁第二，有啲歌既版權係好貴既，咁仲有呢就係，你唱返之後都冇乜，冇乜反應啦有啲。直至後來到到我一路堅持左幾年，直至到有一年，咁我翻唱左許茹芸既《留低鎖匙》，係兩、三年之後呢，我見到好多參加超級巨星既個啲artist，包括胡鴻鈞佢地，佢地都比賽既時候會攞出黎唱，跟住有好多大專院校既歌唱比賽又會攞出黎唱，咁我就覺得，自己起到一個傳承既作用，咁所以我覺得，有好多歌都係要靠咁樣去翻唱，所以有時，我地唯一可以把握既就係一啲音樂會，因為音樂會係一個最好既平台去唱返一啲滄海遺珠，咁令到觀眾聽完：咦呢隻咩歌黎架？咁，又會上網去巢，咁巢完之後，亦都會聽返原唱啦，咁原唱同翻唱中間又會有一啲討論，網上面既討論。其實無論個conclusion係咩嘢都好，即係翻唱好啲呢，定原唱好啲，其實只要有呢啲討論，我地就成功左我覺得，即係你令到大家去講返呢啲歌，我覺得呢樣嘢係緊要既。

咁同埋，時代感。好多人覺得翻唱，或者覺得所謂一種音樂既傳承係冇乜…即係唔型呀、唔潮呀咁樣，咁無辦法有啲音樂係屬於個個時代既產物，正如八十年代，即係依家既人無辦法寫得出，即係我地呢一代既人，已經無辦法再寫出八十年代個種浪漫，因為我地依家社會冇左呢樣嘢，咁所以變左… 傳承其中一個觀念就係話唔好用一種改變既心態，譬如話我地唱尹光老師既作品一樣啦，即係你唔會去改佢啲編曲架嘛，一定會跟返原版咁樣，因為個個係一個味道黎架嘛，個種係一種文化黎。」——張敬軒

https://www.youtube.com/watch?v=-IEmM0DSCVY&ab_channel=WillberFatMui

製作自己既音樂既同時，佢都好想係承傳以往既廣東歌，而以前既時代既廣東歌承載既係一段歷史、一個時代、一種文化。

Danny首等、偏偏喜歡你我就話本身聽過。因為張敬軒，我係真係接觸多左舊時代既歌。

秋來秋去，係我係Youtube偶爾聽到張敬軒唱而聽既，其實成個感覺係好refreshing。首歌講既係好純、好真既愛，成個故事好立體，都感受到呢種愛係好難係呢個時代既愛。
https://www.youtube.com/watch?v=flp4lU-cH7k&ab_channel=HinsCheungInformation%E5%BC%B5%E6%95%AC%E8%BB%92%E8%B3%87%E8%A8%8A%E7%AB%99

無忘花，我係因為盛樂演唱會先認識既。個種張愛玲個愛到塵埃裏既痴情就已經好觸動到我。配合中樂真係好一流。
https://www.youtube.com/watch?v=62gWyjyKP20&ab_channel=WillberFatMui

軒叔，我諗你真係做到了。

Tangible廣東歌承傳——Avon 雅旺錄音室

若果張敬軒唔收留，間錄音室真係會冇左。

「係我自己既心目當中，呢一間房係香港流行樂壇既一個聖殿。咁係呢度錄過音既有哥哥Leslie啦、梅姐啦、王菲啦、Eason啦，華語有代表性既artist，佢地全部都企過係呢一度…哥哥張國榮《追》既母帶，咁係呢一盤母帶入面，有哥哥獨立既人聲，亦都有作者Dick Lee彈既另外一個key既版本。呢盒母帶既所有人其實係許願老師，佢好信得過avon，咁就寄存係呢度。咁佢每一盒母帶都會跟一張session sheet（音軌表），因為以前啲錄音機都係模擬錄音機啦，一部錄音機可以同時碌到二十四個聲軌，所以你會見到廿四格，你會見到哥哥既呢隻歌係呢個master有兩個key既，當我地做一首歌既時候，都會比個artist去試一個製作人想佢唱既key，同埋會試低半度既，咁所以你會見到一個C key，同埋有一個D key，第十八track呢就係哥哥既vocal，通過錄音機播返出黎，你solo聽既時候，你就會聽到好似哥哥仲係度唱歌咁…咁呢度係另外一盒既master，電影《金枝玉葉》既sound track，呢盒帶係1993年，都廿幾年前，一批好重要既音樂既遺產，但係去保存佢係需要花好多心機，我地唯一可以做既就係著返呢啲帶機，慢慢將啲模擬既帶，係佢未發霉或者未完全被破壞之前執返出黎做一個備份。可能係若干年後，可以重新將佢地既清唱既部分，重新加入新既音樂，去做一個新既版本。」——張敬軒
https://www.youtube.com/watch?v=1_FG6copTJE&ab_channel=HinsCheungInformation%E5%BC%B5%E6%95%AC%E8%BB%92%E8%B3%87%E8%A8%8A%E7%AB%99

更多介紹vintage古董發燒錄音設備：NEVE 8068、Fairchild 670 compressor 、開盤式多聲軌錄音機、好多用黎聽代表住唔同媒體上播出黎既聲音既喇叭。
https://www.youtube.com/watch?v=BsoAGmCTsyI&ab_channel=MrJanet0013

香港樂壇風靡海外既輝煌時期（八、九十年代）既巨星，好似羅文、陳百強、梅艷芳、張國榮都有去過Avon錄音。可見個歷史價值有幾大。


取自ig：@avonrecordingstudios

張敬軒真係好有心，可以見到佢真係一手一腳跨時代做緊成個華語樂壇既保育，同埋為依家廣東歌製作好有好有高質既歌製造左一定條件。

緊張的腳趾 2020-12-3 00:45:28 廣東歌本身

「今晚在硬碟中找到這段視頻的録音#壞習慣教材，心血來潮想做一些聲樂上的小分享。我近來認識了兩三個喜歡音樂的年青人，機緣巧合他們都有一個共通點，用他們的一句話來講，是聽我的歌長大的😅🙄 所以在他們演唱的時候，我聽見了很多自己的壞習慣在他們的唱歌方法之中。

唱歌這回事，對於聽眾來說，是一種感受，聽眾是否能在歌手的演繹當中得到感動從而產生欣賞，又或者是否能通過歌者的演繹喚起自己的記憶或者經歷，通過歌曲作為載體而寄托自己的情感從而產生共鳴。但對於歌手來說，卻是一次又一次的功課，如何能在技巧、情緒、Honesty 之中取得平衡，這種考驗永遠沒有完結的一天，直至到那位歌手在生命中停止呼吸的一刻才會劃上句號。

我個人有些反對這幾位朋友將我唱歌的方法就此植入到他們的歌唱當中，原因有以下幾點：

1. Phrasing, 中文或叫樂句劃分。我個人認為我們個人如何去處理一首歌曲的樂句（Phrase), 完全取決於個人審美，我的Phrasing方法主要來自於小時候傳統戲曲的訓練和接觸過的各種樂器，所以有某些我演繹過的作品會容易出「作狀」的情況，因為我當時對Phrasing 的處理選擇了以樂器為審美基礎，尤其當我近年更著重自己腔體共鳴和發聲位置的self awareness, 很容易會跌入「撚」歌的陷阱，這是壞習慣一。

2. 作品分析。歌詞拿在手上，就像演員的劇本一樣，先要透徹了解旋律和歌詞所建構出來的故事，歌者的身份是當事人還是旁觀的說書人，假如其時編曲（即伴奏音樂）已有，必須消化好編曲所營造出來的場景、光線、氛圍、味道，再把自己在歌曲當中所擔當的角色融入到音樂裏。一首氣氛緊張陰森的編曲假如配上賀年歌一般的唱腔（除非這是特別設計），那便不恰當了。然而每個人對編曲或者樂器的感受都不一樣，自然應該根據自己的感官反應去演繹作品。不應該不經過自己的感受就把某人的歌唱方法融入到作品當中，這樣會失去自己的個性。我個人編好較為感性的情緒，但這樣有時容易過火，可能歌曲本身並不只一種情緒表達的方式，又或者根本沒有這麼嚴重或沉重的情緒需要表達。這是壞習慣二。

3. 個人聲線的差別。我17歲開始行走江湖四處登台，當中不少的場合幾乎是音響災難，喊破喉嚨也不能聽見自己在唱什麼，加上入行已有一段日子，這麼多年下來，聲帶的肌肉自然有一定損耗，縱然我平日不煙不酒，但始終人聲肉造，現在的我已經不能再用十七、八歲時的下下High C、High D的那種力度唱高音了。為了讓自己能多唱幾年，我近年開始開發自己的頭腔及鼻腔共嗚的使用，所以我狠下決心，用盡各種方法 #黃雅信耳鼻喉專科醫生預約電話23682878 基本治好了自己的鼻敏感。現在聽回04-08年的錄音根本是災難，那時一入有冷氣的地方，鼻子就完全廢掉，所以只好靠用力讓自己上到高音，不科學的發聲方法會很快為聲帶帶來永久性的創傷，就算發聲技巧之高超和健康如女神Mariah Carey, 到今天都難復當年之勇。但我近日在這幾位年青人身上聽到他們在模仿我的發聲，每個人身體不同，身體狀況不同，發聲審美不同，實在不能用同一個發聲位置或者共鳴方法去唱歌，我個人認為這是十分不科學的，尤其用在流行音樂演唱技巧上。

4. 咬字。我是廣州人，廣州的廣東話本身就和香港的廣東話有一定區別，尤其很多以N和L為聲母的字，在發音習慣上有些許區別，再加上我是飲80年代香港的粵語流行曲的奶水長大的，哥哥、Danny、羅記的咬字方法對我有一定影響，但每個年代都有每個年代的審美標準，當年的字正腔圓到了今天可能要作出微調。我近年也開始注意自己的咬字要盡量放鬆，當然可能未盡如意，畢竟已經是多年的習慣，但我相信只要自己多加留意，一定還有改進的空間和方法。

所以我想要說的是，唱歌說到尾是講故事的一種方式，每個人都應該具備自己的風格和因應自身的先天條件去配合適當的歌唱技巧和方法。當然在啟蒙階段可以從臨摹開始，但不要被模仿回來的那些方法成為自己的牽絆，從而局限自己的演唱能力。說一個好聽的故事，真誠和感動就已經足夠。我從三年前開始對自己說，唱歌方法開始用減法，嘗試把年青時候練來的技巧先放在一邊，追求情緒上和狀態上的自然反而顯得更難。就像《過客別墅》當中，不加修飾，不用技巧。

在此祝願所有喜歡唱歌的朋友，都能夠掌握自己的聲音，隨心歌唱。 」——取自張敬軒ig

「我成日都講張敬軒真係香港樂壇既一塊寶玉。」——Calvin歌唱小教室

上面見到佢係一個好認真研習唱歌、真係識唱既歌手。一個對演繹得廣東歌咁有天賦、又咁用心既人，仲咁有心機去分享自己唱歌既心得。我覺得真係要好好珍惜。

張敬軒ig：
https://www.instagram.com/tv/B_uwXahjiVu/?utm_source=ig_web_copy_link

Calvin歌唱小教室：
https://www.youtube.com/watch?v=1wni2RS_Ji0&list=PL0iXKAOE48ZJhFPpzuSJBJ2d2SNdHxrsV&index=7&ab_channel=Calvin%E6%AD%8C%E5%94%B1%E5%B0%8F%E6%95%99%E5%AE%A4

我覺得學識點去欣賞張敬軒唱歌我覺得係有趣既

:^(

另外有一樣嘢，周不時都聽到有啲朋友講，廣東歌，講黎講去都係情情愛愛！其實單單用張敬軒一個歌手為例，佢既歌已經包含左好多唔同既主題元素。

過客別墅：講對間屋既感情
https://www.youtube.com/watch?v=_N9D8AR9Qxo&ab_channel=%E8%8B%B1%E7%9A%87%E5%A8%9B%E6%A8%82eegmusic

塵埃落定：一首好有禪意佛味既歌（夕爺既詞）
https://www.youtube.com/watch?v=yPNFWHoJHLo&ab_channel=universalmusichk


黃色大門：講對幻想同現實落差既失落
https://www.youtube.com/watch?v=DWEqVaXNYC8&ab_channel=%E5%BC%B5%E6%95%AC%E8%BB%92HinsCheung


羅賓：講對一直係背後支持自己既朋友
https://www.youtube.com/watch?v=ihCXYfS_Xe0&ab_channel=%E8%8B%B1%E7%9A%87%E5%A8%9B%E6%A8%82eegmusic

天才兒童1985 ：講半途而廢既感概
https://www.youtube.com/watch?v=ebaxoc1IG_U&ab_channel=%E5%BC%B5%E6%95%AC%E8%BB%92HinsCheung

青春常駐：講對時間流逝既無奈
https://www.youtube.com/watch?v=sFjLsF_oA3E&ab_channel=%E8%8B%B1%E7%9A%87%E5%A8%9B%E6%A8%82eegmusic

披星戴月：講我地勞勞碌碌生活既迷惘
https://www.youtube.com/watch?v=bKKqOB9hkb4&ab_channel=HinsLiveinPassion

缺：講香港政治
https://www.youtube.com/watch?v=FDi5TulrPG4&ab_channel=%E5%BC%B5%E6%95%AC%E8%BB%92HinsCheung

唔一一細數，等待大家發掘。

本地設計師——演唱會服飾

係盛樂演唱會上，張敬軒八場都有介紹由本地設計師設計既衫。本地設計既嘢又係代表承載住香港既文化，又係支持、認同緊本土設計師既能力。

第一套：本地時裝設計師Kit Wan Studio設計，每一粒珍珠都係人手釘上去，而布料都係透過好多3D打印技術整出黎，成件衫超過二百個鐘先整成。呢個造型既靈感來自於京劇《霸王別姬》，項羽回營見虞姬既時候，打仗唔係好順利，所以本身會有兩條雉雞尾，依家就得返一條。而京劇服飾上面嘅珍珠改繡喺成套衫上面，證明佢都係雖敗猶榮。


（取自ig: @saladd）

第二套：由本地時裝品牌Demo Fashion設計。而頭上二點五米長的假髮都係由本地既髮型師Ritz Lam設計。呢套服裝係想表達出《紅樓夢》裏面千絲萬縷既掛念，古人就係會留髮去寄託相思之情咁。

加多把口，我真係好鍾意呢種陰陽交錯、雌雄同體，模糊左性別界線既感覺。同哥哥張國榮係2000年熱情演唱會既造型有微妙既connection。


（取自ig: @saladd）

藝術對我黎講，就係一種令人可以有好多感覺既感覺，會令我諗起我既歷史、我既經歷、唔同既情感，令我諗起好多好多野，令我去反思過去，令我去諗依家，令我去諗將來。王家衛套《花樣年華》，隔住個mon睇哥哥2000年場熱情演唱會，同講真，今次去睇張敬軒盛樂演唱會，都令我有種係睇緊藝術既感覺。

張敬軒係一個藝術家，而佢既造詣係好高。

緊張的腳趾 2020-12-3 00:45:47 在意演藝行業存在既問題——不公平待遇

「其實我地呢一行呢，我覺得，編曲人，同埋填詞人，尤其係填詞人，其實一路都冇被善待既。我地可能花左好多時間去揀一首歌，可能花左好多時間去就artist既期去錄音，或者比左好多時間去等個編曲，但我地可能最尾係因為要錄音啦，所以先至俾一日、或者兩日既時間填詞人去填詞。 『喂，hello啊，首歌呢你收到未呀，可唔可以聽晚有詞呀？你可唔可以後日俾到我呢？』其實咁樣係好唔fair。即係莫講話由Wyman啊、林夕老師呢一個級數既填詞人，定係去到啲後輩，其實都係咁樣架。（都係好急趕既？）係呀，咁所以而每一首交到佢地手上既時候都係希望我依家俾你你最好五分鐘之後就俾到我，咁所以我地今次相對俾左一個長既時間，都有兩、三個禮拜。（原來兩、三個禮拜咋都係。）係呀，應該可以既話，我覺得可能有一個月時間，等佢地由draft，一路去到polish，佢地有足夠既時間。咁但係今次頭尾，即係去到錄音之前，咁都有兩、三個禮拜時間。你知唔知，交貨佢地最快，但係收錢收得最慢。因為填詞人既酬勞呢，除左可能有一啲高級啲既填詞人佢地會有一個所謂既advanced payment啦，咁唱片公司通常都係要等個product見左街先會找數既，咁但係更加實質既收入呢，就要等到首歌播放左啦，先至有版稅。（計播放率啦個啲就？）係啦，咁樣囉。咁所以佢地基本上係年結架，佢地唔係月結架佢地既錢。咁但係監製啊、樂手啊、或者係編曲人啊，咁就通常一個月內，最遲三個月內就會有payment。所以呢一個係填詞人既一個…要還填詞人一個公道。我派隻歌叫羅賓啦，我唔覺得羅賓係一個可憐既角色，我反而覺得佢係一個好重要既角色對於蝙蝠俠黎講，因為好多場口啦、好多令到蝙蝠俠個故事更加有趣都係要透過羅賓既烘托，咁但係我地通常對呢一啲所謂配角，我覺得待遇係好緊要。係我地呢一行入面，有邊啲職位係冇加過價既呢？譬如話，錄音師啦，錄音師既時薪係冇加過價既，結他手啦、鼓手啦，基本上所有樂手，佢地係過去呢十幾年都冇加過價既。你搭程車，依家，好似巴士咁，都加價啦，你飲杯野，個通脹已經唔同左，但係佢地仲係收緊十幾年前既價錢。仲有演唱會既dancers，因為我覺得係呢個行業入面，打鼓，係由細練到大既；結他，係由細練到大既，base，鋼琴，每一樣嘢都係真正既技藝，咁佢地每一位都真正既藝術家黎。反而我地呢啲坐係度，當然監製都係需要經驗既，或者我唱歌都係，但係即係我地付出既個個價錢對於佢地黎講都要係respect。點解要派羅賓呢首歌呢，就係希望大家有時可能停低諗一諗：啊，我身邊都好多羅賓，好多為左我會默默耕耘，或者一路…哪怕佢係有償既、收左人工但佢都係用心去幫我。咁樣我覺得即係當個人搵到更加感恩既point既時候，個人每一日既正能量都會多啲。」——張敬軒

有幾可一個歌手唔安分守己唱歌，而去在意自己個行業係咪發展得健康？起碼佢講出黎，我先初初接觸到原來呢個行業係有啲生態既，大家對於呢啲存在既不公既意識都會提高左。

https://www.youtube.com/watch?v=Qz9fzRGifRY&feature=share&fbclid=IwAR1CdsNBneH3EB6fadekos6WaJi4XN7YpcMlXy6HujxPzinRRe2TMOcd7fU&ab_channel=%E5%95%86%E6%A5%AD%E9%9B%BB%E5%8F%B0HongKongToolbar

在意演藝行業存在既問題——黃牛飛

因為香港係紅館睇show冇實名制，好多時間歌迷要焗住食炒價，變相助長左黃牛風氣。於是張敬軒就搞左HCFC。講真，我次次係城市售票網都㩒唔到飛，2019年盛樂演唱會公售都唔例外。但因為張敬軒搞左個歌迷會，就可以offer兩場既兩張飛（即係最多總共四張），慳返好多時間之餘，有得睇個下先正。講真，今次盛樂演唱會尾場，啲飛係就係賣光光，但有係紅館四個區都好，特定某好幾行（可能係內部飛）係好空，係網上既討論好似又見到啲黃牛賣唔出啲飛。咁所以我諗其實都幫到好多，起碼有心人有得睇，又唔洗去助長啲歪風。

「未開始買飛，已經見到黃牛。國際歌迷會的重組工作，由於人手及我個人的時間分配問題，一直斷斷續續進行。但我不想再因為演唱會的門票問題，而令到部份歌迷浪費金錢去買黃牛飛。」——取自張敬軒ig

「有陣時好怕開，因為呢，一開呢，你淨係門票啲嘢都煩到咩咁，次次呢依家慢慢呢啲黃牛壓力直程唔單止去到喔公司度，黎到個藝人自己既身上。啲fans成日有時即係會話：「如果你地唔幫我地fans買，我地呢就買黃牛架啦。」咁樣，好似一種…即係其實我地都幾難做。因為呢我地今次，尤其係今次，就係因為唔想get involved係啲錢銀上面，所以今次我地呢係唔設內部認購，我地自己公司啲同事呢，都要出去㩒，所以我自己啲飛呢，都係要出去㩒。所以同公司傾左好耐，好難保證到啲歌迷，因為我又冇歌迷會啦，一路都未搞。咁所以歌迷會又要領牌，又要搞核數啊咁樣，所以都幾捩棄（呢hea）呢件事。咁但係我始終都係以歌迷既利益為大前提，所以你問我，下次再開唔開演唱會，諗掂啲飛點搞先講。」——張敬軒

https://www.youtube.com/watch?v=HlslXuf_CFI&ab_channel=%E6%98%8E%E5%A0%B1Mingpao

扶持後輩——細心介紹

其中一樣都真係好欣賞張敬軒係佢每次都會好用心去介紹每一個同佢合作既藝術家，講下佢地發展動態，希望提升大家對佢地既關注。

就譬如話我記得佢今次演唱會介紹左一位係佢表演團隊裏面既小妹妹鍾楚翹，由幕後開始做幕前，希望可以留意下啦咁。又會記得有個樂手開左個Youtube channel 教音樂節既嘢有興趣可以subscribe下啦咁。

張敬軒真係唔會吝嗇自己一點既影響力去扶持後輩。佢自己都成日話，佢希望樂壇百花齊放。可見佢對成個演藝行業真係好有抱負。

演藝行業既搖籃——仙后餐廳

「我地既成本比較高，因為我地請既人好多，雖然我地每一晚得六個節目，但我係要養一隊team，即係我地養左一個團係度，包括導演、音響師、燈光師、舞台監督……好多人黎到講我地呢度啲歌手，都未見過既，我就係希望係音樂同埋娛樂呢個範疇入面，呢間餐廳可以成為一個搖籃，即係好似以前呢海洋皇宮大酒樓，或者係荔園咁樣，小鳳姐呀、咪咪姐呀，即係佢地年輕或者出道之前會有一個咁樣既地方去train佢地。」——張敬軒

連培養、比機會下一代既演藝人員既角色佢都希望係自己開既餐廳可以做到。我真係覺得真係好唔話得。

利個申，張敬軒早幾個月講自己唔再係股東，但我諗接手既，應該都係有心人。

https://www.youtube.com/watch?v=XaOuj2j49E4&ab_channel=%E9%A3%B2%E9%A3%9F%E7%94%B7%E5%A5%B3

香港樂壇——小結

順住上面個flow，可以見到張敬軒係為承傳、刻下、未來既樂壇都有用心用力去貢獻。

緊張的腳趾 2020-12-3 00:46:01 文化載體——古董

張敬軒會在意古董，鍾意古董，即使係唔係源自香港既古董都好，對於一啲手工、好有質感既嘢，都係一種好好既保留同承傳。

再講下仙后餐廳既設計。

「…當然個主題係懷舊啦，咁其實懷舊背後佢係好想係香港有返一個唱一啲有香港特色既、一啲集體回憶既歌既地方，希望配合返一個好好既環境，有一個好靚既鋼琴，有好好既音樂……呢部鋼琴係一個1903年既C. Bechstein，成部琴都係手繪既，好似呢類既藝術品其實唔應該收埋，應該同更加多既人分享，比大家見到佢、聽到佢。（介紹張bar台）呢個其實係一件Alabaster，即係透石膏。（介紹main area）首先有呢個圓拱，由接近四千件既彩繪玻璃去…人手鑲嵌咁造，中間既呢位女神就係我地餐廳個名啦，仙后 Junon，胸前既玫瑰花就代表住beautiful mind，即係話無論我地事業上，或者人生既路途上有幾成功都好，一定要保持一個善良美麗既心。（介紹舞台）係香港人既回憶入面，除左一啲經典既英文歌之外，其實最主要既係一批三、四十年代既老上海既jazz，咁我地都將佢重新編曲，咁每晚黑都有駐唱既歌手係度表演，所以呢度係一個真真正正去用音樂去懷舊既地方。（介紹支咪）咁呢一啲呢就係平時啲artist都會唱既，咁佢既所有spec（規格）都係搵返呢個係20年代啦，呢個係40年代既ribbon 即係鋁帶話筒，咁就係出到黎好厚實呀、好復古既tone黎既，我自己係度唱歌都覺得好大壓力既，因為真係好小既瑕疵都會聽到，所以係依度食飯既客人呢，就可以通過最好既音響啦、最好既食物啦、最靚既酒啦，去做到一個music, wine and food 呢個pairing。」——張敬軒

https://www.youtube.com/watch?v=3D_za9RndE8&ab_channel=WillberFatMui


張敬軒係一個會去睇好多歷史，同去發掘古董既人黎。八年前有佢朋友係佢屋企做既room tour，介紹左好多佢屋企既古董，介紹左好多，亦都好正，咁大個女都冇見過既嘢就係條片度見到，我就唔係度節錄，我覺得要親眼見到個樣嘢會更加震撼（好fun，當我聽到Adele 首Rolling in the Deep，我即刻碌落去睇係幾時既片，然後嚇左嚇，係2012既片） https://www.youtube.com/watch?v=8_DJV_iP9R4&ab_channel=BEAUTYQQ

香港人集體回憶

「送俾你地！係你地既青春呀！」——張敬軒
大家有冇一段一放學就衝返屋企玩跑online既時光？
https://www.youtube.com/watch?v=4E83hTyT9Wk&ab_channel=MooMooWang

仲記得我幼稚園既時候，聽到家姐係MP3播酷愛，好mk既r&b，大家有冇聽過？

還記得櫻花正開，還未懂跟你示愛？


香港歷史建築——薄扶林二級歷史建築物玫瑰村

「對住呢啲香港既老建築呢，其實都係一種好夾雜既心情，譬如話三級文化、或者二級咁樣，咁但係只要業主發展既方向有其他諗法既話呢，其實佢地係可以唔係好需要通過一啲公眾諮詢呢，就可以拆左佢，但係係自己既心態黎講呢，我希望自己利用自己工作既便利啦，可以宣傳下呢啲地方，就算自己有一日唔住呢度啦，但係起碼呢個地方多左人關注，或者多左人記住佢既話呢，可能係佢將來既保育價值啊、或者文物價值啊，會有更多既可能性。依家呢啲舊建築，譬如個個八角樓既頂，係以前城堡個啲頂黎既。係當年，1920、30年代，咁樣將一啲好傳統既愛德華式既建築，同埋啲好歌德式既建築起埋一齊，其實係一種好新穎既做法，係當年黎講係好反傳統既。咁當你了解左個背景既時候，你就會更加珍惜依家擁有緊既野，所以希望呢一種對歷史建築既情懷唔係單只我有，都希望通過我呢張唱片可以帶到呢個message比大家。」——張敬軒

張敬軒月租20萬住係有百年歷史既玫瑰村（Old Alberose）。佢為保育香港呢啲歷史建築真係身體力行，特登拍片介紹呢間大宅，等大家可以係建築既角度去認識呢段殖民地時代既香港。

張敬軒大宅介紹片段：
https://www.youtube.com/watch?v=8VhH1f2jTic&ab_channel=%E5%BC%B5%E6%95%AC%E8%BB%92HinsCheung


2. 天使一樣既性格

所為人知好具體既好人好事其實唔多。不過透過張敬軒一言一行，上面既事蹟，同散發出黎個種氣質，唔難發現佢好細心、好照顧人、好為人著想。


感恩的心


2014 Live in Passion 演唱會。


2018 Hinsideout演唱會。


2020 盛樂演唱會。

26號完show聽到有人講話呢個係王子下跪… anyways每次完show，張敬軒都會單膝跪四面台感謝粉絲，係好真誠個隻，2018 Hinsideout唱塵埃落定既時候佢真係一路多謝大家一路encore緊，有興趣可以睇下感受下呢種真誠。
https://www.youtube.com/watch?v=bfuinPy-TaM&ab_channel=HeiHei

我覺得呢樣嘢對於artist黎講係好重要既。有啲音樂人既音樂真係好好，不過你會感覺到佢地真係好似唔腳踏實地曉飛咁，簡單啲講有啲串。作為公眾人物，其實有呢種感恩既vibes散發著我覺得係好啲既，一個咁有光環既人有呢種感恩的心其實都係難得

:^(

完病患者心願

「我覺得自己好好彩既，因為我地可以係生命當中遇到各式各樣、唔同既人，有一啲，甚至乎係好可以啟發到我自己人生既朋友。係舊年，我認識左一位年青人，佢同我一樣，或者講佢同二十年前既我一樣，佢都好熱愛音樂，佢熱愛音樂既程度係自己會買左一套錄音既設備擺係屋企，每日去錄歌，好希望自己可以成為一個專業既歌手。但係當我同佢見面既時候係有啲遲，因為當我見到佢既時候，佢已經係患上骨癌既晚期，同埋已經截左肢，但係當我去到佢屋企既時候，我歌晚黑返到屋企， 我係好震撼既。因為我覺得係我好似佢咁既年紀既時候，我冇咁樣既毅力同咁樣既動力去追求自己既理想。佢每一日錄歌，每一日唱歌之前，佢都要食左嗎啡，去止痛，咁而錄音，同做音樂，係佢個日唯一係屋企既嗜好。我地相處既時間好短暫，係一、兩個月之後，佢就離開左我地。係佢走之前，我應承左佢，我話：『Tobey，我會將我同你錄既歌收錄係我既專輯入面，同埋我會帶你上紅館啊。』所以今晚，我想再一次咁去履行一個咁樣既承諾，帶Tobey黎到呢個舞台上。Tobey，我地上紅館啦。」——張敬軒

https://www.youtube.com/watch?v=jGL7yyIFGqY&ab_channel=ElsaChan

希望為大家帶黎快樂

「…我唔可以每一日擘大眼既時候都帶住呢一啲既傷痛，所以我就開始將我生活當中每一個一餐既早餐post上網，開頭其實冇乜意思…久而久之其實有好多inbox我都話：『其實我今日做嘢好唔開心架，不過睇完你呢個post，我覺得好左好多啊』咁。」——張敬軒

https://www.youtube.com/watch?v=oKLpYFU9mhk&ab_channel=%E6%96%B0%E8%81%9E

都係張敬軒既小小心思啦，post下啲自己嘢而唔係宣傳嘢去引大家一個莞爾。

3. 佢骨子裏真係黃

佢上年俾英皇係佢微博賀完國慶之後，唔洗諗梗係俾香港人屌到上天花板，之後自己出左個白底黑字post：「#抵D #D得好」咁。（fyr D係一個單字粗口）
其實見到佢係身不由己既。

其實大家可以睇返2014可以自己睇返，係Youtube可以睇下佢同黃秋生唱左咩歌，係Instagram去 @hinscheung 可以睇返2014佢post左咩。

大家可以知道下張敬軒一直以來，除左初出道個幾年個幾首之外，一路都係唱緊廣東歌。而大家有有幾何見到張敬軒返大陸發展，去上啲咩咩歌手節目呢。呢兩點已經同好多好多歌手唔同。

大家都可以知道下佢（嚴格啲講同陳鼎禮）用左五千幾萬係廣州起既錄音室因為中共一句收地就拆左。大家都可以知道佢係廣州黎既。佢自己對於中共既感覺我諗佢自己先清楚。不過既然佢揀得一直係香港發展，都可以估到咩料既咁。

緊張的腳趾 2020-12-3 00:46:11 總結

即使佢已經知名度算高，我都覺得大家有少少underrate左佢，可能只係停留於佢唱歌有幾好聽咁。張敬軒呢啲不被人所知既地方，係佢更加值得我地去欣賞既地方。

對於我自己黎講，除左係我好能量值好低既時候，聽一啲歌一啲詞好似會令我好似有共鳴、令我既情緒有出口，同埋聽軒斌唱情陷百老匯令我能量值狂飆之外，我覺得張敬軒帶俾我最大既得著，係教我點樣去善良，點樣去做一個小天使。

係，英皇係奶。張敬軒係一間奶既公司既員工。但我諗個問題在於大家條線點畫，係唔係只要一個做緊既嘢係關港共、中共既嘢就要全力反？係咪好多反共既人做緊嘢既地方都係黃？大家係唔係一間奶既大學讀緊書？大家會在意袁國勇係佢自己領域上既貢獻多啲，定佢彈出彈入多啲？

當然最好香港自己成為一個國家，就唔會有呢啲咁既爭論或者尷尬位，但我希望大家知道有一樣野叫循序漸進。當一個artist黃到出曬面，佢可能好多野都冇得做或者好難先做得到，可能會得不償失，到時香港人既文化承傳可以點？就算課金，又課到幾多次？物極必反。我諗張敬軒都係行緊自己既中庸之道，佢依然都係好努力為本土文化付出緊，而呢種付出既影響力係好巨大好巨大。

張敬軒，知道你會成日mon post，即使有千千萬萬人未明白你，希望你仲知道有人嘗試去明白你。

軒叔，多謝您。

by 00後

公民開智 2020-12-3 00:47:27 https://www.instagram.com/p/BHwuiNAhvlo/?igshid=c35i6vpn1vy3

坐關愛座廢青 2020-12-3 00:51:59 半個fans, 唔會買碟會聽吓演唱會
聽佢講嘢就知佢幾有風骨嘅人，藝術家性格
亦欣賞佢對音樂同藝術嘅堅持，覺得佢真係artist唔係singer
但由降兩度開始搞笑真係唔知做乜，有時覺得佢夾敢搞笑有啲變質煩膠，開始冇咁鍾意，但未於好似千女华咁嘅

:^(

立場就唔知黃唔黃，但個人感覺護旗單野佢冇得揀
佢其他事情冇再出過聲落井下都算了
講真普通人做中資公司逼你簽名支持國國安法當時好多人咪又簽，唔好雙重標準

坐關愛座廢青 2020-12-3 00:54:12 夾硬

:^(

生命有一種絕對 2020-12-3 01:17:01 過去幾年睇過三場演唱會
記得佢2014啲post亦記得佢喺演唱會入面大部分都係圍繞住香港文化/設計
作為一個嚟自內地嘅人佢已經做得好過好多香港偽人

:^(

真．遠呂智 2020-12-3 01:22:54 張敬軒因為反國教 雨革 比中共大陸封殺左幾年
加上佢差唔多十年冇出國語歌 對上一隻已經係11年只是太愛你

:^(

咁都可以比人屈到係奶共藍 網絡資訊泛濫時代真係睇得出好多人係冇腦

:^(

黃衛兵衰過藍絲

石臻善 2020-12-3 01:24:50 班狗做狗都冇得揀

呃嘥X 2020-12-3 01:25:15 呢啲頂多咪叫大中華膠
你咁講嘅話夕爺都係藍絲啦

:^(

記住係菠蘿油呀 2020-12-3 01:27:48 仲覆個條友 扑咗咪算

:^(

來來去去都係得呢張圖人哋啲point又搏唔到
唔知佢做乜膠

Vivi又名ViviTam 2020-12-3 01:57:19
原來佢都唔想cut

:^(

Vivi又名ViviTam 2020-12-3 01:58:18 真

快刀斷亂麻 2020-12-3 01:59:54 fku blue

追巴士的孩子 2020-12-3 02:00:14 此回覆已被刪除

紳士電車男 2020-12-3 02:09:45 此回覆已被刪除

弓長苟攵車干 2020-12-3 02:32:13 倪晨曦

:^(

:^(

山西布政司 2020-12-3 02:44:05 我諗個問題係藝人比間公司綁住左
歌迷好難做到支持o個位藝人而唔益左間公司
直接送錢比藍商有 d 人感覺良心上過唔去

庫山 2020-12-3 03:15:23 頂 樓上條友好好笑

:^(

d logic

:^(

公民開智 2020-12-3 07:26:16 林夕：「政治」在金馬獎台上影響了「藝術」那一刻，還坐在台下的大陸藝人就紛紛約定似的轉發「中國，一點都不能少」的老舊帖子，齊齊整整時間剛剛好，說沒有收到特別指令，也難以入信。

https://hk.appledaily.com/columnist/20181125/LEVRNGLUVGKJRLGY263IAQAO4A/

公民開智 2020-12-3 07:32:17 尊重台灣人同南海航行自由又叫搏唔到，盲粉

:^(

鯨魚體操 2020-12-3 12:30:36 唔係話佢唔黃唔抵支持 而係呢篇文講嘅野其實好多其他歌手某程度上都有做到 甚至做得比佢多