Ads
Ads
夕陽如丹，那彤紅色光芒所照耀的不只是在大坑東草地足球場上勤於練習的理善隊員們，還有在深水埗運動場與港超球隊深水埗嘉園一起操練的英理足球隊。
「其實初中嚟講呢班細路真係好唔錯架啦，特別U-13嗰個司徒俊緯，直頭超晒班，對住成班職業球員都無怯場。」說話的肥胖中年男人是深水埗嘉園的領隊張志庚，似乎對現在初中生的水平感到有點驚喜。「係你先會咁痴線帶班初中仔嚟同港甲隊跟操，雖然係得一兩節但真係太誇張啦，不過你教到隊波咁都輸畀嗰隊理善，真係難以理解。」
「唔好話你，我都覺得難以理解，不過只可以講……一山還有一山高，」蔡與榮笑道，雙眼觀察著那些跟在職業球員後面艱難地做著最後一段體能訓練的學生，當中只有司徒俊緯仍能保持良好姿勢。「對面有個好出色嘅王牌球員。」
「哦？真係未聽過喎？仲勁過司徒俊緯？」張志庚意外地看了他一眼，也透露出了想知道更多的興趣。
「毫無疑問。」蔡與榮不假思索地回答道。
「有趣有趣，咁理善下場會對邊隊？」
「良橋。」
「嘩咦，呢個戲碼，你咁講搞到我都想去睇下添。」
「一齊去囉，我就肯定去架啦。」
雖然口上說蕭智堯明顯要更為出色，但蔡與榮並沒有斷言日後他的成就肯定會比司徒俊緯高。後者雖然只有十二歲，但其職業態度已相當成熟，訓練時全力以赴，體能飲食鍛練全部都沒有一絲鬆懈，特別是在不敵理善之後，他的進步幅度更是旁人肉眼可見的巨大。
蕭智堯會否因為這次大捷而沾沾自喜呢？看著司徒俊緯奮力練習的背影，他不禁如此想道。
「但良橋都唔係一隊易『應付』嘅球隊，我聽講理善都仲係求其搵個體育阿Sir，趕鴨仔咁帶佢哋去比賽，贏就贏，輸就輸咁，佢哋真係搞得掂？」張志庚笑道。
「良橋係以純傳控滲透為武器嘅球隊，都係嘅，雖然喺職業比賽度呢種風格已經被證明唔係單純咁複製就可以成功……但對於整體實力比自己差嘅對手，佢始終都係最有效嘅戰術方式。」蔡與榮聳了聳肩。「不過……呢個世界上並無完美嘅戰術，各式各樣嘅排陣佈局互有相剋之處，重點都係睇你搵唔搵到對方嘅罩門所在。」
“下個禮拜三，真係急不及待啊，蕭智堯。”
_______________________
夕陽如丹，那彤紅色光芒所照耀的不只是在大坑東草地足球場上勤於練習的理善隊員們，還有在深水埗運動場與港超球隊深水埗嘉園一起操練的英理足球隊。
「其實初中嚟講呢班細路真係好唔錯架啦，特別U-13嗰個司徒俊緯，直頭超晒班，對住成班職業球員都無怯場。」說話的肥胖中年男人是深水埗嘉園的領隊張志庚，似乎對現在初中生的水平感到有點驚喜。「係你先會咁痴線帶班初中仔嚟同港甲隊跟操，雖然係得一兩節但真係太誇張啦，不過你教到隊波咁都輸畀嗰隊理善，真係難以理解。」
「唔好話你，我都覺得難以理解，不過只可以講……一山還有一山高，」蔡與榮笑道，雙眼觀察著那些跟在職業球員後面艱難地做著最後一段體能訓練的學生，當中只有司徒俊緯仍能保持良好姿勢。「對面有個好出色嘅王牌球員。」
「哦？真係未聽過喎？仲勁過司徒俊緯？」張志庚意外地看了他一眼，也透露出了想知道更多的興趣。
「毫無疑問。」蔡與榮不假思索地回答道。
「有趣有趣，咁理善下場會對邊隊？」
「良橋。」
「嘩咦，呢個戲碼，你咁講搞到我都想去睇下添。」
「一齊去囉，我就肯定去架啦。」
雖然口上說蕭智堯明顯要更為出色，但蔡與榮並沒有斷言日後他的成就肯定會比司徒俊緯高。後者雖然只有十二歲，但其職業態度已相當成熟，訓練時全力以赴，體能飲食鍛練全部都沒有一絲鬆懈，特別是在不敵理善之後，他的進步幅度更是旁人肉眼可見的巨大。
蕭智堯會否因為這次大捷而沾沾自喜呢？看著司徒俊緯奮力練習的背影，他不禁如此想道。
「但良橋都唔係一隊易『應付』嘅球隊，我聽講理善都仲係求其搵個體育阿Sir，趕鴨仔咁帶佢哋去比賽，贏就贏，輸就輸咁，佢哋真係搞得掂？」張志庚笑道。
「良橋係以純傳控滲透為武器嘅球隊，都係嘅，雖然喺職業比賽度呢種風格已經被證明唔係單純咁複製就可以成功……但對於整體實力比自己差嘅對手，佢始終都係最有效嘅戰術方式。」蔡與榮聳了聳肩。「不過……呢個世界上並無完美嘅戰術，各式各樣嘅排陣佈局互有相剋之處，重點都係睇你搵唔搵到對方嘅罩門所在。」
“下個禮拜三，真係急不及待啊，蕭智堯。”
_______________________
Ads
較早前的早上在走廊上碰到司徒俊緯，他看起來情緒並無異樣，但打完招呼的第一句卻是：「蔡Sir，我決定以後都唔踢十號位。」
關於這個問題其實賽後蔡與榮一直自己有所審視，雖然現在下定論仍言之尚早，但實際上他也一直認為司徒俊緯的踢法過於偏向控制，而十號位球員的風格應該要帶有強烈的「侵略性」，這洽巧是他所沒有的。
為他度身訂造的菱形3-4-3也因為他在中路受限而難以不斷製造威脅，更讓人沮喪的是，使他幾近被凍結的對手也同樣是兩名中一新人，但並不是港隊成員。
「你真係諗清楚？」蔡與榮側眼朝兩邊瞄了瞄，有不少路過的同學都在竊竊私語。「你唔係一直都想以施丹為目標架咩？」
「做人要有自知之明，缺點亦好，優點亦好……」司徒俊緯點了點頭，嘴上似是掛著一個很豁達的笑容。「我無做施丹嘅天份。」
「……」蔡與榮一時間不知該作何反應，想了兩秒後只好拍了拍他的肩膀。「我會考慮，但我認為你身為香港足球員嘅精英，唔應該因為一場波而氣餒，你自己好好再諗下。」
敬禮並目送蔡與榮離去後，司徒俊緯站在原地，身邊同學的閒話及笑聲一直鑽進他耳中，但他在意的，只是該如何快速找到自己的最佳定位。
他在意的，是自己與港隊的未來。