Ads
小霖係最好的 睇小涼反而對佢有種唔知點 硬住硬住既感覺:^( 其實我寫寫下都有呢個感覺:^(] 因為就正正好似現實咁，身邊可能有人同自己仲夾過戀人同自己，但係最啱自己嘅未必係自己最愛嘅。 小霖仲未放得低張廢約:^(
小霖係最好的 睇小涼反而對佢有種唔知點 硬住硬住既感覺:^( 其實我寫寫下都有呢個感覺:^(] 因為就正正好似現實咁，身邊可能有人同自己仲夾過戀人同自己，但係最啱自己嘅未必係自己最愛嘅。
小霖係最好的 睇小涼反而對佢有種唔知點 硬住硬住既感覺:^(
不如寫多個結局比小霖:^( 想佢幸福
不如寫多個結局比小霖:^( 想佢幸福 不如想多個故俾小霖:^(
再推 feel到真心話大冒險會出事:^(
「你又唔食嘢啊溫到？」小涼問我。今日我朝早9點就落咗去溫。
「哈哈，溫到唔記得咗添。」
「好彩我幫你買定三明治，快啲食啦，嘻。」真係貼心啊。
「小涼大人最好啊！」
「慢慢啦，小心濁親啊。」
「唔會..啦..咳咳咳咳。」
「係咪呢，話咗你架啦，成日都咁急。」點解次次濁親都佢見到..
「想快啲溫啊嘛..」
「阿楓..」
「你會唔會覺得好辛苦啊..」
「唔會啊，點解咁問？」
「我怕你因為要做到啲嘢比我爹哋睇而..」
「就算唔係因為你都要考好個試啦，冇嘢嘅。」
「係就好啦..」
「好啦，繼續啦，今晚仲要去阿晴個party架。」
「係喎，嘻嘻，加油加油。」有你一句加油，幾辛苦都值得啦。
.
.
.
「叮噹」、「叮噹」...
「阿楓、小涼，你地黎啦？」阿靜開門接我地。
「嘩，女主人咁款啦喎。」小涼講。
「咦，唔好笑我啦..入黎啦。」
我地去咗阿月屋企幫阿晴開生日party，貪果到夠大同多嘢玩。
「晴姐生日快樂！」
「多謝多謝！盡情玩！」阿晴答。
「喂喂喂，咁遲架！罰一杯先啦！」阿言講。
「遠架大佬！」
「阿豪同小霖都到啦！」
「好好好，咁我自隊囉，點啊玩緊咩？」
「十三張啊。」
「掂，我拿手。」我講。
「係咪啊？試下！」阿言講。今日佢好似特別意氣風發咁。
.
.
.
「小心啊你地！三條頭、花二度、四條尾門。」我講，坐埋去之後，我輸到底褲都冇咁制，難得揸到鋪靚嘅。
「食啦你，六pair半報到。」阿月講...what the fuck?!?!
「妖，出千咩！唔玩啦！」
「你一啲賭術細胞都遺傳唔到架！點做uncle個仔？」阿豪又喺到串我。
「啲女仔呢？去曬邊？」我問。
「整嘢食啊。」
「食得嘢啦！」佢地捧住一盤盤嘢食出黎，好似4個賢妻咁。
「嘩卡邦尼、黑椒雞肉飯、薯蓉，正呀！」吃貨阿豪見到就話。
「嘩..pizza hut買架炸？」我問。
「梗係唔係啦！我地煮架！」佢地異口同聲咁講。
之後我地就開始食，估唔到又真係幾好食，小涼嘅手勢我就試過，估唔到其餘幾個女仔都煮得兩手。
食完之後我地就一齊玩咗啲團體game，我地首先唱咗陣K，阿月屋企連K房都有，究竟係有錢到點..
「我最多 把軀殼 暫時就當不屬我..」阿星又開始高歌，簡直係災難。
「唱完啦，到邊個？」
個螢幕彈咗今生不再出黎，我同小涼對望，然後好有默契咁一齊拎起支咪。
「同渡過這盛世 隨手都採到星火的美麗
但我怎知道這份執迷 抱入來世 仍在你軀體
就趁那歌聲悠揚 玻璃倒影映了今生不再的幻象
天空正掛著今世最亮的月亮 蜚短流長未來將怎麼設想
恨這晚歌聲悠揚 當中多少秒鐘可跟最愛來分享
種種恩恩愛愛 可伸展多少世代仍在唱..」
「嘩..佢地唱得好好聽啊！」阿靜講。
我地好尷尬咁笑咗笑，不過總算完成咗我地合唱嘅機會，特別係呢首對我地咁有意義嘅歌。
「月月我地又揀番隻唱 ！！」
「好啦好啦..你揀啦唉。」
唱咗一輪之後，我地就開始玩真心話大冒險.......