【溫柔鄉】《病港II》(14)
上一頁
第 32 頁
下一頁
天要亡我
2020-10-29 23:59:12
推
Ads
夜行傘
2020-10-30 00:06:27
每日一推
謙受抑
2020-10-30 00:07:11
Keep pushing
屯門比卡超
2020-10-30 00:12:26
我成日覺得船長係個美少年 但佢又好似係個油頭大叔
:^(
:^(
:^(
還寢夢佳期
2020-10-30 00:14:46
隔離post係咁屌文真係好煩
:^(
老奉咁
春風願舞動人事
2020-10-30 00:16:32
嗰到好多大種乞丐
:^(
夜行傘
2020-10-30 00:19:11
我諗隔嚟班垃圾用半年都寫唔倒墨巴一日嘅文
白色的雲
2020-10-30 00:23:11
虔誠者好多角色都真係好經典
:^(
白色的雲
2020-10-30 00:23:29
課金仲未有文
:^(
黑椒牛丸河
2020-10-30 00:39:47
:^(
含撚曬
2020-10-30 00:42:49
所以好鍾意呢個世界觀
無論係邊個勢力
啲人物都刻畫得好深刻
傲家 古家 死靈飛盜 赤兵隊 狼族 0風 特攻部
全部都各有特色
Ads
墨說
2020-10-30 00:59:33
「病獵老師......」公仔沒想到少佐給出的,是如此重要的職位:「我夠資格咩?」
「呢個唔再聽到病者笑聲嘅大本營,就係你嘅實力證明。」少佐把貝雷帽托高,說:「我諗多得你,我哋宜五年外出嘅死亡風險先至大大減低,點?可以俾時間你決定。」
「都唔洗點決定。」公仔停下腳步,和少佐握手:「如果你係信得過我嘅話,我好樂意返嚟大本營。」
看到這個畫面,我有些感觸。
在六、七年前,公仔兩兄妹他們因為父母的緣故,是被大本營唾棄且不信任的人。
如今,卻得到了信任,亦沒再計較前塵往事。
彷彿這些的苦,都捱出了頭。
「啊,少佐你哋喺到啊?」在樓梯間,我們碰見工坊長愛紗。
「係,為你介紹,呢位係大本營嘅新病獵導師,叫做公仔。」少佐為兩位互相介紹:「宜位叫愛紗,係內政大臣。」
愛紗向公仔點點頭:「你好。」
「你好。」公仔回覆。
「我正好有啲嘢想同你講。」愛紗望向我和少佐兩人。
「係?」
「你哋之前話想做嗰一件生化衣,我研究咗好耐,我諗我哋係設計唔出。」愛紗面有難色。
「缺少材料?」我問。
「呢個其一,其二係我問過工坊嘅所有裁縫師,佢哋無能力、亦都無概念應該點樣設計製作出一套合政府標準嘅生化衣。」愛紗咬咬嘴唇,感到抱歉:「考慮到會關乎安全問題,我唔想隨便製作出一件生衣件最後係會害咗你哋,所以原諒我做唔到。」
「......明白。」看來回到港島之日,更遙遙無期。
「但我可以建議你哋搵一啲專家幫手。」愛紗豎起一隻手指。
「你已經係我哋大本營嘅生活百科,仲有比你更勁嘅專家?」少佐笑問。
「搵瓦禮啊,佢裁縫技術喺末世嚟講,應該係數一數二。」愛紗說。
瓦禮......
這名字好熟。
「你哋要搵瓦禮姐姐?佢有時會喺靈實醫院。」娃娃又轉念一想:「不過......滿天師傅唔喺到,佢應該返咗去艾寶琳。」
「好......仲有冇需要?」
「仲要搵個好熟化學知識嘅人,我諗直頭要係專家級別......」愛紗搖頭嘆氣,覺得很難成事:「因為得佢哋先知道,咩物料可以防到毒氣。」
「熟化學?大BOSS幫你!」娃娃像說出廣告台詞一樣。
「大BOSS......」我完全忘記了病者界,這位特別的存在。
「咁睇嚟娃娃你要陪我出一次差。」我說。
「好啊。」娃娃雙手放後,微微一笑。
總結一下流程:
找大BOSS設計生化衣草圖,再找瓦禮製作出成衣。
完。
墨說
2020-10-30 00:59:45
「唔該你,愛紗。」
「有咩再需要叫我。」
「事實上,的確仲有樣嘢想你幫手。」
「係?」
「你識唔識整噴火槍?」
愛紗回眸望我,漸漸揚起嘴角:「呢樣可以。」
落到地面的露天廣場,我們是時候解散了。
「公仔,你聽日八點,上嚟我七樓書房,同你講解下運作。」少佐交代。
「娃娃,你聽日八點,去大本營道鐵門等我,」我交代。
「知道。」他倆一同回答。
飯聚結束後,我和少佐用接下來的半天時間,處理一些昨日未完的事。
大本營A橦,二樓罪犯羈留室。
這裡,有不少大本營的維安人員站崗,他們手握標準的長矛,每當看見少佐經過便會作出敬禮的姿勢。
「少佐!」他們的腰骨都挺得很直。
「嗯,大舊喺邊?」少佐問一句。
「二一二號室。」
在二一二號室的羈留室內,發出了頻頻的打擊聲,像拳套打在沙包之上。
「呯呯!呯呯呯!呯呯呯!!呯呯呯!!!」
「嗚、嗚嗚啊!嗚啊!!呀──!嗚噫噫......!」走近一點,還能聽見捱打的喊聲。
少佐把門打開,便看見大舊把一名羈留人士雙手吊在半空,然後把他當作沙包一樣出拳暴打。
「大舊,今朝叫你做嘅事,你搞成點?」
大舊回望我們兩人,然後停下了手:「你叫我處理嘅監視者,全部都解決哂,但活捉到嘅得一個。」
「咁佢喺邊到?」
大舊把眼睛移動到那個被吊在半空的人:「就係佢,叫洪烈。」
「嘿......我唔會講......你哋點樣打我......都無用、放、放我走吧......嘿嘿哈哈哈......」洪江烈失神地苦笑:「你將我所有朋友扔哂落樓......你下場一定會慘烈一百倍!一千倍!!」
「我拷問咗佢好耐,但條友幾耐打,一隻字都唔肯講。」大舊打得全身滲汗了。
「馬克,交俾你。」少佐對我說。
「嗯,仲有另一個明駿喺邊?」我問。
「喺隔離房。」大舊說。
「帶埋佢嚟同一間房。」
幫洪江烈解下繩子後,將他固定到椅子上,然後找來一小鎚子,先在牆壁上敲一敲。
「咚、咚」很響亮。
原本仍在強顏歡笑的洪江烈,笑容漸漸收卻:「......」
「帶我去邊啊......我唔想死住......」大舊把雙腳已廢的明日駿,帶到來同一間羈留室。
同樣地,兩張椅子分別背向大家。
是時候再來一下,問情報的遊戲。
墨說
2020-10-30 00:59:55
「嗄呀!嗄噫噫呀──!!!!」明日駿在見到我和手上的小鎚子後,隨即陷入了瘋狂。
「坐好!!」有賴維安人員的幫忙,才把他綁到椅子上。
「駿!駿!唔洗驚啊,我喺到,犬學派嘅人唔會放棄我哋......」洪江烈小聲安慰他。
「哈哈......哈哈哈......哈哈哈哈......」明日駿還未受刑,就冒出了冷汗:「你、你唔明嫁喇......你唔明嫁!呀啊啊啊啊!!!!!」
「無事嫁!!頂住呀兄弟。」洪江烈擺出堅毅的表情。
「好......」我悠悠行到洪江烈面前,將小鎚子往他膝蓋上一敲:「第一條問題。」
「啊啊啊啊啊!!!!!!」
洪江烈的慘叫傳出走廊,外面站崗的維安人員都你眼望我眼,很想看看裡頭到底發生什麼回事。
一小時後。
羈留室內,經已毫無生氣。
兩個膝蓋紅腫的犬學派成員,沒精打采地垂頭。
我將紀錄好的情報,一一都寫上了筆記簿。
現在,就來重看一次。
布巴。犬學派的幹部,組織中的好鬥份子,稍為有暴力傾向,擅長使用阿拉伯刀,喜歡以犬決方式處決敵人。
攜帶犬隻品種為「比特鬥牛犬」,名為「貴婦」。該品種因為打鬥期間,睾丸的激素分泌速度會較快,而免去大量痛楚感覺。
鄭榮格。犬學派的副首領,組織中的穩重份子,對首領和組織都十分忠誠,擅長使用短彎刀。
攜帶犬隻品種為「藏獒」,名為「惡虎」。該品種生性兇殘,尚存野性,基本上不能把牠當作狗看待。
當然,他們還供出了其他犬學派幹部的名字,但因為未見過他們的樣子,所以知道也沒有。
「可以走未......」明日駿問。
「你走到?」我解下明日駿的繩子,反正他兩隻腳都斷了。
「嗄啊......」明日駿將身子傾前,狠狠地從椅子摔到地上:「我要返去......」
他用雙手努力地爬出門口,看見都可憐......
在他要爬出去之際,我一手把他衣領拉回來:「留喺到。」然後,我自己便行出去,並把羈留室的門鎖上。
「咔」
「......」明日駿這次沒叫、沒喊,只是低下了頭,如像接受自己的命運。
得到情報後,我把它轉介給大樓辦事處。
監視者的事情,叫做告一段落。
現階段,艾寶琳應該不敢再有大動作。
是夜,大本營又有一場例行的營火晚會。
老一輩的居民們圍在營火前,對酒當歌,甚是高興。
少佐給今日負責清除監視者的戰鬥人員們各一顆硬焦糖,這當然包括我在內。
「睇嚟你都老。」少佐走過來,派我一顆糖。
「我有多咗皺眉?」
「你睇下坐喺到嘅,都係咩人?」少佐說。
我掃視全場一眼,坐在營火前的居民,都是眼裡渴求安祥和平穩的人,他們不是上了年紀,就人到中年。
大家辛苦完一天後,就再沒氣力去玩耍,只想靜靜坐在這裡,感受這份安寧,
我抿嘴一笑:「或者係。」遠眺運動場和圖書館那邊,那可是源源不絕的語笑喧嘩,年輕的血液在大本營的某一處流動著。
「M,你有冇諗過未來?」少佐摘下貝雷帽子,坐到我旁邊。
「話題轉得咁快?」
「呢啲話題永遠唔嫌慢。」
白色的雲
2020-10-30 01:00:12
仲有成個世界觀連埋曬一齊
特工部呢頭打生打死,同一時間糖糖和樂仔可以喺符家bbq緊
:^(
狼王一方面可以刮緊張澄,另一方面冇嘢做又同廢晞鬥結他
:^(
江東小霸王
2020-10-30 01:04:16
果然是滿天
到底滿天是有多帥
能如此吸引亂世中的瓦禮。
墨說
2020-10-30 01:06:45
帶旺下故台
:^(
墨說
2020-10-30 01:07:14
船長個原形 我係用死亡筆記嘅 L
墨說
2020-10-30 01:08:25
係
:^(
小松應該五萬 - 六萬字左右 唔會太長 試寫番啲愛情小品
但如果好睇應該會出第二輯
白色的雲
2020-10-30 01:10:30
有第二輯嘅話咁呢個小松仲計唔計正傳?
:^(
墨說
2020-10-30 01:16:16
第二輯=第二集 其實基本上點都會寫埋
Ads
白色的雲
2020-10-30 01:17:58
要課金兩本書了
:^(
希望第二集唔會隔太耐先出
:^(
黑椒牛丸河
2020-10-30 01:21:00
:^(
白色的雲
2020-10-30 01:22:47
:^(
白色的雲
2020-10-30 01:23:57
:^(
上一頁
第 32 頁
下一頁