Imagiro 2020-10-24 09:01:18 此回覆已被刪除

牠只是個孩子! 2020-10-24 10:13:15 會唔會又係刑俊事件既翻版

:^(

:^(

啊M陣間又殺錯人

腦魔燒鬚 2020-10-24 10:24:38 青茶啲手下應該

:^(

Yesterdae 2020-10-24 12:27:05 推

唔係撚你架啦 2020-10-24 12:33:42 呢段真係好L正呀

:^(

結婚拍拖生子 2020-10-24 12:33:52 push

毒來毒往 2020-10-24 13:27:31

:^(

:^(

:^(

:^(

GUNGUN 2020-10-24 13:52:20 去到殺狗傷狗唔忍心睇

:^(

monster 扣分位

滿天的貝果 2020-10-24 13:53:50 真，我成段skip晒

:^(

笑一下 2020-10-24 14:00:23 有無食埋啲狗狗？唔好浪費

盧仔屌騾仔 2020-10-24 14:10:33 笑一下 我留意左你好耐
你真係好幽默

我自問都算個ok幽默既人 但係你幽默感比我真係高十幾二十倍

錯 應該係100倍先岩

估唔到我係呢個post竟然見識到你既威力

我真係笑到爆左肚 依家一路打字一路撿返d腸呀內臟呀腎呀

塞返落個肚到

你有冇諗過未來幾個月去紅館開棟篤笑?

笑一下 2020-10-24 15:05:36 大哥，末世嘅肉食好珍貴㗎

一理通百里香 2020-10-24 18:52:55

:^(

迷迷糊糊 2020-10-24 19:20:55 又岩喎

:^(

沙治·羅拔圖 2020-10-24 20:18:20 故事嚟姐 上面做咩連睇都唔敢睇

:^(

謙受抑 2020-10-24 20:25:40 Pushhhh

nozstual 2020-10-24 22:00:26 up

Imagiro 2020-10-24 22:15:08 此回覆已被刪除

夜行傘 2020-10-24 22:53:19 每日一推

Ching出於藍 2020-10-24 22:55:10 Push

下世想做貓 2020-10-24 23:00:43 烙印戰士 有feel幾似m

墨說 2020-10-24 23:27:51 「少佐，分開拷問，我哋再根據佢哋答覆，重整情報睇佢哋之間有冇人講大話。」我說。

「嗯。」

「呢個交俾我，佢比較口硬。」我推走明日駿的椅子，往第二個房間去：「面對佢唔想答嘅問題，你拎枝棒球棍對佢膝頭敲一敲就可以。」

「好。」少佐在我臨走前，又好奇一問：「呢招你喺邊到學返嚟？」

「......求其諗出嚟。」

接下來，長達兩小時的拷問開始。

大體上，我問了以下幾個問題：

他們來自哪裡？

隸屬什麼勢力？

勢力成員合共多少人？

武裝力量有多少？

監視行動目的？

在問出答案後，我會跟少佐回到走廊相討，再根據得到的新情報，作出針對性的題問。

第一輪很成功，我們得到了最基本的資料。

他們是來自艾寶琳倖存區，名為「犬學派」的勢力，隸屬於皇室的私人傭兵團，會替統治者處理各種骯髒的事情，例如暗殺區內可疑的貴族，進行區外任務等。

組織目為止約有五十四人，全部由「病獵學校」畢業。基本成員都配備一隻狗、短刀、短弩、暗器行動，標準的暗殺者配置。

監視行動目的，是為監察大本營的動向之餘，更要調查艾寶琳的反對派領袖「白月草」有沒有到大本營投靠。

我這才知道，當初提醒少佐有監視者的人，其名字叫「白月草」。

之後的問題，純粹是我私人好奇想問：「點解要為皇室做事？你好歹都係病獵，病獵係應該......為人類嘅自由而戰。」

明日駿只是苦淡地勾起嘴角，把眼睛放空了：「病獵......？我哋只係想守護......自己嘅家人......」

「自己嘅家人？」有親人給皇室挾持住嗎。

「......」明日駿深遠地望向我。

「講清楚我聽。」

之後，明日駿便把「犬學派」的成立全告訴我。

一切，都發生在某個平凡的一天。

艾寶琳，原本是一個人狗共處的地方。

在末世下，這些狗隻陪主人渡過了不少艱苦的年頭。

直至某天，一個名為董倫的知識份子加入皇政府體系，成為了艾氏第一任國王身邊的大臣，並隨即提出更改一個法案──《倖存區糧食養殖生產法案》。

條例中，原本只把雞、豬、魚等，列為國家法定糧食，不得私下自養。

但為了討好貴族區想嚐到珍味的達官貴人，滿足人類源源不絕的吃肉心態，董倫在法例上，加上了一隻「狗」字，使得狗隻成為了國家法定養殖的食糧之一。

儘管後來董倫這位大臣離開了艾寶琳，但其提出的政策都大受高官們所推崇，就連一些沒養狗的居民，都覺得這樣會大大增加倖存區肉品的存貨。

即使爭議不斷，這政策在之後的日子還是實施了。

艾寶琳的士兵逐家逐戶，把區內居民飼養的狗隻強行捉走，然後放到國營的養狗場進行大量繁殖，繼而生產出大量的狗肉。

墨說 2020-10-24 23:28:25 當中，犬學派全人就是政策之下的受害者。

他們追討無門，單薄的各人之力無法影響國家的政策決定，於是便真正成立了「犬學派」組織。

當時，組織有三位領頭人，分別是余顏慧、莫風和葉青茶。

最初，他們不過是想為狗隻爭取權益，不要淪為食物的替代品。

後來，組織中出現分歧。

那個名為葉青茶的少年，知道溫和的示威根本無法撼動到政權改變想法，於是產生出武裝的念頭。

「葉青茶？」明日駿說到這個人時，我刻意一問。

他好像，是意圖暗殺艾匡那個人。

「佢......係成件事最早......嘅受害者......」明日駿繼續低下頭，疲弱地說出：「甚至、連呢條政策都未推出嗰陣......自己隻狗就因......因為俾出巡嘅艾氏國王相中，做送俾公主嘅禮物，而埋下咗復仇嘅種子......」

「......」這就是，所謂可憐之人，必有可憐之處吧。

明日駿，繼續把故事說下去。

因為武裝勢力的念頭，葉青茶成為「犬學派」中的激進派，帶同了一些認同自己的成員離開，到唯一能有機會武裝自己的「病獵學校」受訓。

至於余顏慧則繼續以和平的方式抗議，莫風想要阻止葉青茶的激進行為，因為他做的事可能會讓犬學派被定性為恐怖組織，辛苦多時的行動亦付之流水。

為此，莫風特意加入了他們一行人，打算暗中阻撓或改變激進派成員們的想法。

葉青茶為了將激進派正名，又在病獵學校裡成立組織，吸引更多人加入。

直至，某個雨夜，葉青茶他們決定行動了，打算搗破皇室的養狗繁殖場。

但莫風認為，這樣做會使得皇室之後的反制手段加強，更甚是談判的餘地都沒有，而極力勸喻成員不要行動。

可是，因為沒任何一個人願意停下腳步，莫風只好會報通知給皇政府知道，將這個舉動視為和平犬學派的善意。

結果，葉青茶和多名成員在養狗繁殖場被當場拘捕，並送入到監獄去。

不過，道高一尺，魔高一丈。

能在皇政府旗下工作的政治家，當然不是蠢人。

他們了解到犬學派兩面的分歧，更知道皇政府親自動手解決手無寸鐵的和平犬學派，自然會招至人民的公憤，於是他們作出借力打力，讓葉青茶一行人釋放，並且成為皇室直屬的私人傭兵團，那麼作為報酬，他們每個成員可以在養狗繁殖場挑選一隻狗，作為行動時的同伴，相等於那隻狗不用再於永無天日的籠子裡，一世繁殖。

早被監獄囚禁磨得銳氣盡失的成員們，都同意了這個決定，有的更視為是皇政府的開恩，因為原本闖入皇室的繁殖場領域，就要被判處死刑。

墨說 2020-10-24 23:28:46 就算救不了全部，

都要救得一隻，得一隻。

事情過後，當日沒出席、更差點把全員害死送上絞刑台的莫風被視為叛徒，只被葉青茶驅逐到外面一個土匪組織當卧底。

「成件事，就係咁？所以你哋最後，都係被降服成皇室嘅走狗，就係因為要救其他狗。」我得出結論。

「無......」明日駿慢慢抬起頭來，對我說：「我哋成員可能係降伏哂，成為咗真正嘅皇犬......但青茶首領佢......我睇得出佢仲、懷住殺死所有皇室嘅心......只係差個機會......真正嘅走狗！其實應該係順應佢哋遊戲規則嘅人啊！和平係唔會有任何改變......」

「或者，對你哋而言係正確，但站喺我立場，你哋大本營不利，我都唔會放過。」

「嗚唔噫......」明日駿淚水又湧出。

我回到走廊，少佐亦都出來了。

「點？」少佐問。

「了解咗少少故事，不過無咩特別，唔會令我同情。」我說。

「殺定放。」

「唔係應該你決定？」我望向少佐，反問：「領導人。」

但實際上，

我自己都拿不著注意。

「汪！汪汪！汪汪汪──！」忽地，外面傳來不少狗吠聲。

nozstual 2020-10-24 23:38:08 墨b係咪post漏咗d文
點解少佐會無啦啦出現？