佢哋會驚嚇走人? 而家就噉下半身已經係成條 line 最貴嘅 product，依一下已經嚇走咗唔少人。再睇下佢依一年半載啲嘢點出法，性價比越嚟越差，越出越貴，越出越悶。將啲人想要嘅嘢拆開，然後夾硬加一大件豬頭骨落去再賣到貴一貴，DA-88 同 DA-92 就係一個好例子。
佢哋已經唔再理會由 Powered Suit 開始入坑嗰班人，佢哋只係諗緊點樣喺 cut line 前盡量吸多啲嗰班大花筒玩家嘅血，就算出到幾貴嗰班友都會照入幾隻。一日有依班友喺度，Takara Tomy 都會任性地出價。佢哋係驚會嚇走人嘅話就唔會現時條 line 最平嘅 product 都要五、六百先落到樓，根本就未驚過。條 line 頭兩三年嗰陣已經嚇走咗好多有意入坑嘅人，更何況係而家。
除非佢哋重會出埋要塞X，唔係嘅話依隻應該係 Final Boss 嚟。下半身已經係依個價，再諗清楚近年佢哋啲出乎意料嘅定價，今次重要係最後一鑊，個價真係不敢想像。之前有諗過如果$3500都重可能考慮下，而家應該諗都唔使諗，舊錢留嚟買部 Switch 好過。