我是痴線西 2022-7-2 15:50:06 最近Netflix 套flds係咪即係摩門教?

親愛寶貝蜜糖甜心 2022-7-2 16:22:44 唔係

感覺很安全 2022-7-4 11:06:15 巴打你好

:^(

親愛寶貝蜜糖甜心 2022-7-4 13:10:38 首先你要明白我哋相信有前生，呢個同佛教嘅輪迴唔同，我哋嘅前生係講緊全世界嘅人類都係神屬靈嘅親生仔女，人類唔單係神嘅創造物，而係神嘅後嗣。每個人都有成為一位神嘅潛能。
另外嘅人全世界嘅人前生都係喺天堂嚟，我哋相信基本上我哋每個人都互相認識同有關係，所以單純係呢個理念，已經令我哋會善待每一個人。
對人fd無咩目的，因為我哋相信每個人嚟到地球前已經好fd。

另外你講嘅教友如果係帶住黑牌嘅傳教士，咁佢哋嘅目的唔多唔少都一定係傳教士，唔主動傳教嘅原因都有好多嘅。例如我做傳教士就係呢類人，我知hard sell無用，仲好易令人反感，咁不如傾下計先，有個好印象之外仲可以練習同人溝通技巧。如果要講其他語言（例如香港啲外國傳教士要學廣東話），隨便搵人傾計就係最好嘅學習方法。

感覺很安全 2022-7-4 14:46:50

:^(

2015 2022-7-9 04:40:52 傳教士個post過嚟

上個回覆就講到傳教係自費
咁想知佢地有冇得揀去邊個國家?
佢地大概生活日程係點嫁?

親愛寶貝蜜糖甜心 2022-7-9 16:10:12 無得揀，我哋相信係教會啲領導藉住神嘅靈感去派我哋去任何一個地方。
但當然你隨時都可以選擇唔去，或者做到一半返屋企都得。

生活日程唔同國家地區有唔同做法，但大概係一早起身（6點半七點左右）食早餐做運動，之後就讀2個鐘左右聖經或者其他經文（所以傳教士好熟聖經），1個鐘語言學習（如有）。然後就係出門口搵人傾計，睇下有冇人有興趣聽福音。
有時會約咗人討論教會，有時會單純義工服務，中午食飯休息個時就自己決定，做到夜晚8～9點就返屋企計劃同準備聽日嚟行程。大概係咁

2015 2022-7-11 15:04:11 但係咪所有出外活動都要同同伴一齊? 所以要大家夾定?
出門其實有冇路線/地區定好要跟? 還是隨心行?
咁問係因為成日係某啲路線見到傳教士出現

親愛寶貝蜜糖甜心 2022-7-11 15:16:47 除咗用洗手間同沖涼之外基本上同同伴係形影不離，要見到同聽到對方。連訓覺都一定要同一間房但當然唔係同一張床。
陰謀論嘅人會覺得係為咗互相監視，我自己就覺得係互相保護同埋學習同人相處。

冇特定路線，但有特定地區。例如有傳教士係負責沙田區嘅，咁正常佢唔會去其他區。而傳教士出門前一般都係先祈禱問神，同埋計劃去邊到附近，我哋相信神會帶領我哋去搵到啲想聽福音嘅人。
而如果話某啲路線易啲見到傳教士，通常就係因為個條路線係傳教士屋企至最近教堂嘅路線。傳教士一般約人會盡量約喺教堂見面，因為最方便。另外會盡量自己煮嘢食，所以就會中午時間成日會由教堂返屋企煮嘢食。

2015 2022-7-11 17:32:36 都唔洗講到陰謀論
所有集體主義/行動都必定有互相監視成份
只係程度多少, 去自修室溫書都係互相監視既一種喇
重點係個人係自願加入,可以隨時退出
同退出係唔會被迫害

:^(

親愛寶貝蜜糖甜心 2022-8-2 18:14:44 我就唔多有分唔同主義，但重點係加入同離開都係自願。呢排都有個前教徒離開咗，仲係咁用假資訊攻擊教會添。

2015 2022-8-2 19:00:09 我仲以為講得太直, 成為咗話題終結者

:^(

親愛寶貝蜜糖甜心 2022-8-2 19:13:58 無，見你唔係有咩特別問題問，個結論又無問題，係唔同角度睇法啫，所以一忙一放低咗我就無咗回事

:^(

SKT.Faker 2022-12-12 22:47:33 ...我想問左先再追post 想問點解咁多鬼佬識講廣東話

:^(

親愛寶貝蜜糖甜心 2022-12-12 22:59:40 基本上全世界凡容許宗教自由嘅國家，教會都會派傳教士去。咁去到當地自己會學當地語言，所以嚟香港嘅傳教士幾乎都會學廣東話。
一般會喺美國猶太州嘅傳教士訓練中心到學當地語言，平均留大概9～12星期就會嚟香港。個段時間就學晒基本嘢令你足夠可以一邊傳教一邊自學。
傳教士每日都會最少花一個鐘時間專心自學廣東話，當然喺街到同人傾計都同時練埋

SKT.Faker 2022-12-12 23:15:25 咁佢地好勁wo
表達清晰又nice

:^(

親愛寶貝蜜糖甜心 2022-12-12 23:35:59 我都覺，最少我見好多香港傳教士嘅廣東話好過我嘅當地話好多

:^(

親愛寶貝蜜糖甜心 2023-2-11 00:11:06 試post睇下仲係咪active

不妨濛一點 2023-2-25 11:55:36 「耶穌復活不算什麼鐵證如山
我po條片個學者話當時被釘十字架嘅死者屍體會在十字架上腐爛
耶穌不會獲例外移送墓穴安葬
所以福音書的復活故事不是事實」

親巴，你地好似信耶穌復活去左美洲傳教，你點睇以上睇法？

親愛寶貝蜜糖甜心 2023-2-25 13:42:52 「耶穌復活不算什麼鐵證如山」呢句喺某程度上又的確係啱嘅，世上好多嘢都無法證明，特別係歷史事件，最多係對比個可信性高低。
「被釘十字架嘅死者屍體會在十字架上腐爛」亦係普遍羅馬會做嘅事，但根據新約記載耶穌係例外處理。

約翰福音:19:38 這些事以後，有亞利馬太人約瑟，是耶穌的門徒，只因怕猶太人，就暗暗的作門徒，他來求彼拉多，要把耶穌的身體領去，彼拉多允准，他就把耶穌的身體領去了。
約翰福音:19:39 又有尼哥底母，就是先前夜裡去見耶穌的，帶著沒藥，和沉香，約有一百斤前來。

當然你可能會話耶穌唔會獲得例外安排，但我自己對羅馬歷史係好有興趣，我知道羅馬歷史上所有法律或規定都有例外（例如法律上羅馬公民係唔會被釘十字架，但歷史上的確有羅馬公民被釘十字架）。
more on the subject:
https://youtu.be/BiQSvTFsw2g

當然我唔係聖經學者，我拎唔到一手source出嚟，但我睇過好多唔信耶穌嘅學者，佢哋都唔會否定空墓穴呢個講法。雖然墓穴係空證明唔到耶穌復活，但最少耶穌釘完十字架但不被安葬嘅講法更加唔合理。喺兩方都無確實一手證據前，我哋就會轉向second hand account。古代11使徒嘅轉變就係最好證子。假如耶穌不被安葬，屍首喺山上腐爛，呢個就會係最大嘅證據證明耶穌無復活到。咁嘅話都幾難相信啲使徒會去傳教同送命，更難相信羅馬公民保羅喺知情嘅情況下轉信基督教成為使徒。
反之墓穴係空嘅，但使徒偷咗佢嘅機會遠比耶穌不被安葬大好多好多。

另外我哋宗教唔係單靠聖經作係真理來源，即使喺另一個平行時空，基督教喺第一世紀就被消滅同無留下任何文獻，但1820年創教先知親眼見過復活後嘅耶穌對我哋嚟講都可以創教。就好似摩西再次將神帶畀人認識一樣。
另外1836年4月3日嘉德蘭聖殿耶穌都顯現過畀約瑟·斯密同奧利佛·考德里睇（喺我哋嘅標準經文之一嘅教義和聖約110篇），對我哋嚟講係應驗咗瑪拉基書嘅預言同應許滿足咗。
所以喺聖經對耶穌被釘十字架上嘅歷史證據是否100%充足對我哋嚟講影響不大。

咁耶穌復活後可以升天，又可以瞬間轉移咁，對我嚟講耶穌作為神，復活後去美洲見唔同嘅人好少事啫。

約翰福音:20:19 那日（就是七日的第一日）晚上，門徒所在的地方，因怕猶太人，門都關了，耶穌來站在當中，對他們說：願你們平安。

所以綜合上面提到古代同現代證人嘅證詞，佢哋人生嘅巨大轉變，同埋好多side evidence，我覺得耶穌復活咗嘅機會相對上比較大。

我希望你真係問問題而唔係想隔空拎我個回覆去答金巴啦

:^(

不妨濛一點 2023-2-25 13:47:47 為左論證邊個講法合理d，我正打算copy去邀請金巴一齊學習

親愛寶貝蜜糖甜心 2023-2-25 13:56:24 哥哥唔好咁痴線啦

:^(

原來呢啲就係基督徒嘅反省方式

:^(

用隔空方式法挑起事端

:^(

仲話人讀唔到你心，你一問就知你下一步想點啦

:^(

唔緊要你去copy，金巴都一早唔再覆我

:^(

:^(

:^(

不妨濛一點 2023-2-25 13:59:29 原來咁就叫挑起事端？
你地一個話耶穌冇復活
一個話耶穌復活左，仲去埋美洲
我只係想睇下你兩邊邊面講既野有說服力d，咁都唔得？
原來摩門教係咁面對外人問問題，見識了。

親愛寶貝蜜糖甜心 2023-2-25 14:01:03 你話唔係未唔係囉

:^(