我和鄰居大姐姐的故事
上一頁
第 6 頁
下一頁
葉開葉開
2020-10-14 09:06:39
thanks！
Ads
葉開葉開
2020-10-14 09:06:50
衝！！！
醫好都晒藥費
2020-10-14 09:11:52
依家天氣唔得啦 以前無咁熱
依家晏到下就都無人踢
得放晚先多d
葉開葉開
2020-10-14 09:19:07
以前都係放學踢到夜晚
:^(
而家出黎做野都會報石地聯賽玩
:^(
醫好都晒藥費
2020-10-14 09:20:09
:^(
仲踢到咪好
出左黎返工幾難約
葉開葉開
2020-10-14 13:07:39
而家都少左好多喇
:^(
越黎越難約
黑色熱浪
2020-10-14 18:37:19
推
葉開葉開
2020-10-14 19:31:44
多謝
:^(
葉開葉開
2020-10-14 19:31:55
十
入左中學之後我先知道中學入面係有一樣團體叫做「社」。
簡單啲講，就係將我地全校既學生分左四個單位（社），而呢四個社既學生會以「社」既名義黎參加唔同既活動或者比賽。
不過呢啲碎料大家其實就算唔駛我多講都應該知。
所有比賽加起黎最高分既就會係果個學年既社際總冠軍。
我學校既四個社以顏色黎命名，分別係紅、藍、黃同綠。
好撚普通。
但之後我就慢慢發覺，我學校既同學對社既歸屬感其實都幾高…唔係，係好高，高到痴撚線先啱！定其實間間學校都係咁呢？
舉個例，足球社際比賽就全校學生都會黎睇，仲會好落力咁為球員打氣，反而學界就毛都冇條。
而且人氣高既社員、社幹事直情好似明星咁受歡迎。
我就被分配到黃社，而阿必就係綠社。
咁秋兒姐姐呢？
原來佢唔單止係黃社既幹事，仲要係副社長，仲有好高人氣添。唔怪得開學果日咁多人同佢打招呼，而且尋日放學又要開會喇…
開學之後冇幾耐，我地就出席左每個社既開學講座，主要都係由社長同副社長講下今年既目標同抱負，之後再交比其他幹事自我介紹。
順帶一提，社長個名叫崔宏鋒，係中六6A班既一位師兄，高高大大，屬於陽光型男孩。
基本上，其他人講野既時候我都係恰緊眼訓（不過中一既我唔夠薑明張目膽咁訓…），都冇留意佢地up乜春，但到秋兒姐姐上台既時候，我好自然就坐直左個人聽佢講野。
響台上面演講既秋兒姐姐，好似有陣聖光響佢背後散發出黎咁…
我知道用「有型」黎形容女仔唔係好合適，但我呢一刻，真係覺得秋兒姐姐好有型。
仲好叻添。
讀書成績又好，又參加好多唔同既活動，好似中英文辯論同合唱團、校內sing con都難佢唔到，而家仲係黃社既副社長…而且人又外向，又多朋友…
更難得既係，佢完全可以讀書、課外活動、生活之間搵到平衡…
我呢個「家姐」真係好勁。
我以有個咁叻既家姐為榮的。
*
開學之後返左幾日學都尚算順利。
每日返學放學搵文叔佢地踢波已經成為左我指定動作。
我地學校所有中一既學生都必須要留響學校自己課室入面食飯，好多同學訂飯盒。
而作為窮撚既我唯有食麵包…
…
…
…
先至奇！
我通常每日食既都係秋兒姐姐親手整既愛心飯盒，一啖一溫暖呀，有錢都買唔到！
至於座位方面…我地個班主任屎sir懶到出閪汁，個座位表郁都冇撚郁過，我仲係同緊阿必坐，而我同阿必兩個都係啲不學無術既仆街，試過上堂無聊到玩井字過三關，後尾仲進化到過五關。
聽書？WFC？
而且我地坐最後角落頭，老師們都唔易發現我地響度玩緊。
而條仆街真係日日都跟我去踢波。
變撚左我跟班！
另外，我自從果次同左秋兒姐姐講過之後，我每次踢到夜晚五點幾左右就會自己閃人。（開學果日係因為放半晝，所以秋兒姐姐先expect我三點走。之後我都有同佢提到我放學之後都係踢一兩個鐘就返屋企。）
不過…平凡既開學日子好快就結束。
*
社際比賽黎講第一個大型既活動係水運會，響每年既九月尾舉行。
當日拎到總冠軍既社可以拎到好高既分數，所以四社既幹事們都好睇重呢個水運會。
果日主要係四社既運動員比賽，參加既會有參加分，而贏到冠亞季軍既都會另外再加分。
不過呢啲都唔係重點。
最戇鳩既係…呢間學校美其名話要提升入學新生既歸屬感，竟然強逼所有中一既新生去做啦啦隊，而且仲會特別有一個環節係啦啦隊表演比賽，大家鬥做埋啲戇鳩打氣舞同叫口號，而且仲要佔成個水運會25%既社際積分添。
我屌你老母，即係話我呢個中一新生咪要陪埋佢地一齊癲？
而且由於呢個啦啦隊表演比賽佔左成四分之一既分數，所以所有四社既幹事都好認真對待，仲有專人去做表演道具…
但最撚大鑊既…
係四個社都有專人響放學既時候捉晒所有既中一新生…
捉晒我地去禁室培慾啦啦隊表演呀屌你老母！
（待續）
大鳩
2020-10-14 20:34:06
真係睇到啲回憶返曬離
山區兒童窩巴
2020-10-15 03:36:30
live 推
Ads
葉開葉開
2020-10-15 08:50:32
thx，希望鍾意個故
:^(
葉開葉開
2020-10-15 08:50:43
多謝山區巴
:^(
日本火車
2020-10-15 09:10:17
小心Jenny 嬲
:^(
葉開葉開
2020-10-15 09:25:00
呢個post都仲玩緊
:^(
:^(
:^(
都唔會既，我另一半都唔會唔比我踢波
:^(
問題係要搵齊人踢有難度
:^(
日本火車
2020-10-15 09:38:19
你仲未解釋炸藥故阿冰係咪同Jason 一齊返
:^(
葉開葉開
2020-10-15 09:42:30
因為係另一個故既伏線
:^(
:^(
:^(
所以唔講住喇
:^(
雖然果個故到2046都唔知寫到未…
:^(
小狗搖尾巴
2020-10-15 10:41:50
我中學都係呢幾隻社色 (唔知係咪間間中學一樣)，但我唔是黃色。
不過氣氛唔係太熱烈，一係就下面有下面比賽，上面有上面傾偈，一係病假唔返。我就同同學係看台鳩玩玩一日
:^(
年少真好
:^(
遠坂·凜
2020-10-15 11:04:00
頑劣多好
葉開葉開
2020-10-15 14:06:26
我中學社其實唔係用顏色分
:^(
不過大部分應該都係跟顏色喇我估
:^(
我果陣間學校又ok既啲社際氣氛，但冇故仔入面咁痴線
:^(
反而預科果陣讀果間就偏向冷淡
葉開葉開
2020-10-15 14:09:24
真
細個既回憶係美好的
Ads
遠坂·凜
2020-10-15 14:52:10
一蚊積蓄足以快樂到
遠坂·凜
2020-10-15 14:52:25
廉價結他抒發我情操
吻頸之交
2020-10-15 15:35:36
G持樓主
:^(
小狗搖尾巴
2020-10-15 16:07:57
財富增長
上一頁
第 6 頁
下一頁