葉開葉開 2020-11-3 19:27:04 而家出

:^(

葉開葉開 2020-11-3 19:27:18 二十九

哦？

或者呢個時候係我八下我地黃社足球隊歷史同對手綠社實力既好機會。

John仔似係乜野都會講出黎比我聽既人。

「黃社…響四社入面黎講既實力如何？」我第一次主動問問題。

「哦？你問我？」John仔反問。

戇鳩，唔係問你問邊個？

我點點頭。

「哦哦！」John仔好似顯得有啲高興：「今年有左你應該會勁左好多，不過…」

「不過？」

「不過上年包尾…踢左三場一球都入唔到，失左十八球…」

「…」

「不過，佢地已經好比心機架喇！」John仔好似想急住澄清。

不過對於我黎講，佢好似越描越黑…

比心機踢都要平均每場輸六球係乜野玩法？

「咁綠社勁唔勁？」我都係轉一轉移話題。

「佢地好勁架，差唔多全部隊員都係校隊既主力黎！」John仔好似本百科全書咁回答。

不過，老實講，就算你係校隊又點？一定好勁？

黑熊夠係校隊喇，咪一樣比我數？

「我地有幾多個校隊？」不過呢樣野我都想知。

「…」John仔面露猶豫之色，半响之後先講：「…兩個。」

「嗯…」我沉思左一下：「一個係隊長，另一個係？」

「文哥。」

我爭啲成個人彈起身。

呢條面對面都傳左個衝力傳球既撚樣都係校隊？

咁我可唔可以推測其實果班所謂校隊其實都係好撚廢？

「不過得黑熊係正選。」John仔見到我個反應回答。

有個校隊正選守門員都可以失18球，係黑熊名過其實？定係後防太屎？定對面真係太勁？

「咁果個好囂張既乜春野曦呢？」我諗起MK曦，睇佢咁寸，仲以為佢好撚勁，但似乎佢連校隊都唔係。

「佢？佢得把口架咋，佢好似年年走去選拔但係都入選唔到校隊。打架佢就叻，佢好似響學校外面成日搞事架。」

…

屌。

仲以為佢好撚勁。

「唉。隊長話唔可以輸…」隔左半响之後John仔又嘆道：「水運會輸左比綠社已經好唔抵，但果陣都話其實我地係有機會贏。不過…要我地足球隊贏綠社，根本冇可能…」

真係廢柴。

垃圾。

未比賽已經諗住會輸，咁點會贏得到？

我冇再理佢，亦都唔撚想再理佢，自顧自咁望返出窗外。

John仔見我冇出聲，佢都冇再出聲。

一路到落車。

*

比賽之前果晚同文叔阿必佢地踢完波出左身汗之後返到屋企，發現秋兒姐姐煮左比平時更加多餸比我食。

「特登煮多啲比你食架。」仲著住校裙但又著住圍裙既秋兒姐姐微笑說：「聽日加油！」

「唓！淨係比賽先煮多啲餸比我食！」我扮下野咁講。

其實心底下好開心。

個心…仲有啲甜甜地。

「哈哈。」秋兒姐姐摸一摸我頭頂：「你去廳度坐下先喇，好快有得食。」

「唔駛我幫手？」

「你好好抖下準備聽日比賽喇。」秋兒姐姐推左我出廚房。

哦…

是旦喇。

我諗起上次我煮既地獄菜式…唔去幫手可能都係正確既決定。

*

開飯。

「聽日比賽架喇喎，熙熙你緊唔緊張？」秋兒姐姐一邊食飯一邊溫柔咁問我。

「唔撚張呀。」我含住啖飯口齒不清咁講。

與其講緊張，不如話擔心班豬隊友既表現好過。

「喂，你講粗口！」

「冇呀。」我吞左啖飯：「可能啱啱含住啖飯講得唔清楚啫。」

秋兒姐姐輕輕力拍左我個頭一下：「都唔準！」

「哦…」

隔左陣之後，我叫一叫左聲秋兒姐姐。

「嗯？」

我都係忍唔住想問一樣野：「其實…點解我識幾個黃社既同學都好似好憎綠社咁既？」

林必才係綠社。

但佢個人除左戇鳩啲之外都好好。

「點解你咁講呢？」秋兒姐姐雙眼望實我。

「唔…上次水運會見到社長聽到綠社最後爬過我地頭既時候既反應，已經有小小咁覺得。」上次社長係喊到收唔到聲，但比我果種感覺係好唔忿氣、好唔想輸咁：「呢幾日啲高form小小既足球隊隊友一講到聽日既比賽就好似咬牙切齒咁，話一定要贏。」

「唔…」秋兒姐姐微微一笑：「你唔駛理佢地，記住無論大家係邊一個社都好，其實都係同一間學校既同學，你既朋友入面必然會有其他社既同學仔。」

我諗起我既跟班阿必，點一點頭。

「Kitty姐姐都係綠社，但我同佢咪一樣咁好朋友？」秋兒姐姐起身開始執碗：「唔好諗咁多，聽日好好咁比賽，儘左力就得架喇。」

錯！

儘左力就梗係要贏喇！

「你快啲做埋功課好休息喇。」秋兒姐姐開始洗碗。

「嗯。」

我向大門口走去，但開門之前停低左腳步。

「秋兒姐姐。」

「嗯？」廚房入面傳黎秋兒姐姐既聲音。

「妳聽日會過黎睇我比賽？」雖然我估佢會黎，但我都想問問。

「梗係會喇。」秋兒姐姐好理所當然咁回答。

我心入面不其然湧出左一種好開心既感覺。

「我係副社長黎架嘛。」

（待續）

飛𨋢扭屎忽 2020-11-3 19:35:31 Kitty幾時同小 dee dee 玩

:^(

有心法事 2020-11-3 19:38:52 加速

:^(

格雷的五十條陰毛 2020-11-3 19:40:46 Kitty姐姐應該係痴女黎

:^(

有心法事 2020-11-3 20:03:12 踢完場波 全校都識熙仔

:^(

醫好都晒藥費 2020-11-3 20:25:10 搞撚錯呀

咁耐仲未出比賽

就黎想block左樓主佢

大鳩 2020-11-3 20:45:40 會唔會好似足球小將咁 踢一場波都要出十幾集

格雷的五十條陰毛 2020-11-3 20:48:21 啲女爭住含

:^(

格雷的五十條陰毛 2020-11-3 20:50:41 咪臭係，出左29篇，唔好話扑野，就連熙熙對秋兒姐姐既性幻想乜柒都冇

:^(

:^(

:^(

btw，我其實係黎支持樓主的

:^(

醫好都晒藥費 2020-11-3 20:53:54 無性幻想都起碼打個飛機呀

飛機都唔撚識打

一言驚醒夢中人 2020-11-3 21:16:48

:^(

:^(

迷失世界sigh 2020-11-3 21:26:51 新讀者lm 好好睇 加油

:^(

熙熙比賽會唔會受傷然後心疼死姐姐

:^(

講故台流浪漢 2020-11-3 21:46:09 加速 出多篇

:^(

:^(

至緊要快樂 2020-11-3 21:47:30 自己鐘意既女仔睇自己踢波會勁好多

:^(

好似唔識攰咁 但正路都輸喇 對面全校隊
多數寫到好熱血 輸一球咁 利申：鳩估

格雷的五十條陰毛 2020-11-3 22:17:44 黃社 VS 綠社

開盤
綠社讓一球

主客和 黃社贏4.90 和3.55 綠社贏1.57
半場主客和 黃社贏5.40 和2.12 綠社贏2.12
讓球主客和 黃社[+1]2.20 和3.2 綠社[-1]2.77
入球大細 [2.5] 大1.95 細1.75
半場入球大細 [1.5] 大2.92 細1.35

勤力得 2020-11-3 22:23:09 因為佢不舉點打姐

:^(

黑色熱浪 2020-11-3 22:26:54 半大
全大
半和

格雷的五十條陰毛 2020-11-3 22:28:22 利申，我代樓主出盤，錢就樓主賠

:^(

忽傾猜拿 2020-11-3 23:04:31 半大 100
讓球和 100

唔知咩料 2020-11-4 00:38:12 此回覆已被刪除

至緊要快樂 2020-11-4 01:49:40 大波 綠win冇得輸

山區兒童窩巴 2020-11-4 01:59:01 加速加速

:^(

:^(

r• 2020-11-4 07:03:34

:^(

M巴就MBra 2020-11-4 09:33:12

:^(