格雷的五十條陰毛 2020-10-31 20:24:07 推

:^(

葉開葉開 2020-10-31 21:14:42

「我唔係針對你，我係話成個社，都係垃圾」

呢句真係經典

:^(

葉開葉開 2020-10-31 21:15:20 笑左出黎

:^(

葉開葉開 2020-10-31 21:15:37 熙熙應該冇佢咁乞人憎

:^(

葉開葉開 2020-10-31 21:18:37 係既，不過齋淫都可以好興奮

:^(

葉開葉開 2020-10-31 21:18:57 多謝呀

:^(

葉開葉開 2020-10-31 21:19:08 咩料

:^(

葉開葉開 2020-10-31 21:19:31 多謝支持

:^(

葉開葉開 2020-10-31 21:22:01 老實講，太耐我冇記憶喇

:^(

但至少冇印象係覺得因為難食而唔想食

葉開葉開 2020-10-31 21:22:14 多謝

:^(

葉開葉開 2020-10-31 21:22:32 二十六

時間過得好快，兩個星期之後水運會眨眼間已經結束。

我地中一既學生作為啦啦隊，唔單止淨係響啦啦隊比賽既時候表演，其他游泳比賽進行緊果陣我地都有為佢地打氣。

其實即係戇鳩鳩咁嗌足成日。

黃社既游泳選手響呢間學校黎講叫做頗為出色，A grade無論男女都壟斷左全場總冠軍，而B grade 男女子都有冠亞軍，但C grade就包晒尾，所以拉平均響運動競技方面全場只得亞軍。

後尾我問秋兒姐姐有冇唔開心，佢就笑住咁答我話只要大家儘左力開心就可以了。

另外果日既重頭戲就係戇撚鳩鳩既啦啦隊表演。

響佔水運會比賽總成績75%既運動競技黃社得到全場亞軍，而唔知點解佔總成績25%咁撚多既水運啦啦隊就成為左我地可唔可以成為全場總冠軍既關鍵。

為左唔好比我出醜，最後班幹事都係妥協，將我放左響最後果排（雖然我矮）。

雖然個排列會冇咁靚，但至少唔會怕我玩野。

屌你咩，咁諗我架！

為左秋兒姐姐，我會玩野咩！

不過咁都好既，至少唔撚駛企響個當眼位柒。

「Y！E！L！L！O！W！Yellow！」大家落力咁大叫埋啲老土又戇鳩既口號。

為左秋兒姐姐，縱使我想鳩hea，但今日我都冇hea。

叫做出儘力喇吓。

不過出儘奶力又好，其他三個社既Form 1都好撚投入，我地最後得第三，而水運會總成績就只得第二。

綠社就獲得全場總冠軍。

宣佈完成績之後，社長同其他部分既幹事好頹咁坐左響度。

受佢地影響，部份中一既同學都一臉頹敗咁既樣。

另外都有啲幹事響度安慰緊中一既小朋友。

秋兒姐姐就負責安慰其他幹事同埋…社長。

屌你老味，社長你係唔撚係男人黎架？而且佢響呢個時刻真係毫無領袖風範架喎。

正如之前所講，呢間學校啲人都痴Q線，當正自己個社係神咁拜，我就坐左響度食住花生咁睇住班戇鳩仔喊苦喊忽。

話就係咁話，不過我發覺其實自己既視線離唔開秋兒姐姐。

…

嗯。

*

難得秋兒姐姐今日完左水運會之後叫我等埋佢等佢收拾好啲物資再同佢一齊返屋企。

「好呀！」為左早啲有得走我仲主動去幫埋手執野：「我黎幫手執喇，你地咁L慢，聽朝都未執完喇D！」

啲字母所代表既粗口我當然冇講出黎，因為我響秋兒姐姐眼中係個乖仔黎！

就係咁，我竟然開始幫班仆街幹事手執拾物資。

從班仆街既眼神中我可以感覺到，佢地以為我食錯左藥。

屌，是旦喇，係咪？

「我又幫手執！」估唔到淇淇見到我幫手執，佢又自告奮勇咁話要一齊執。

然後有幾隻狗公見到淇淇開始幫手執，佢地又幫手執…

然後搞下搞下…全部中一生都開始幫手執…

最戇鳩既，係阿必行過觀眾席見到我地執佢又走上黎執…

佢仲著住綠社既PE衫架…但佢依然無視眾人敵對既目光，厚顏無恥咁走上黎…

最後比幾個我地既中一生抬住手手腳腳咁抬左去出口…

睇住佢一路比人抬一路大叫個樣又幾撚好笑…

而社長同班幹事見到我地幫手執野，就好似好感動咁。

有幾位女幹事仲要特登走埋黎唔該我，但我冇理佢地。

我都唔係諗住幫你地。

我想快啲同秋兒姐姐返屋企啫。

再講…

我見到佢單對單咁安慰既社長個樣，唔知點解有啲嬲嬲地，個感覺非常唔舒服，都係快啲一齊走人算。

就係咁，因為大家既幫手，我地好快就搞掂晒，我同秋兒姐姐就可以返屋企。

*

「熙熙，你同唔同我地一齊走？」淇淇同埋鄭海欣同葉佩儀行過黎問。

「唔喇，我同副社長一齊走。」我回答。

我多數響同學面前會叫返秋兒姐姐做副社長，不過有少數例外。

「副社長？」淇淇有啲疑惑，又有啲驚訝：「乜你地…咁熟既咩？」

哎呀，好煩呀，妳想我點答妳呀。

秋兒姐姐呢個時候微笑咁代我回答：「其實係我住佢對面，由細睇到佢大，所以就當左佢係我細佬咁。」

「哦…」淇淇若有所思：「你果陣講果個家姐…原來係…」

呢個時候，我地已經慢慢咁行到出泳池既大門口。

阿必仲企左響度。

佢響度做乜鳩？

「你仲未走既？」葉佩儀好奇咁問佢。

「冇呀，等埋你地一齊走吖嘛！」佢講完之後有望一望我地。

當然包括我。

的確，自從我返左黎練啦啦隊之後，呢兩個星期都係我地五個人呢個組合放學。

雖然對我黎講只限於五分鐘到巴士站既路程。

「唔…你駛唔駛同你啲朋友仔一齊走先？」秋兒姐姐友善咁問我：「我自己返去先都冇問題。」說罷再向我展露出微笑。

我望一望阿必同淇淇，再搖一搖頭：「唔駛喇，我地一齊行喇。」

阿必見到秋兒姐姐就即刻兩眼發光：「妳好呀靚姐姐！點叫妳好呀？」

「我地見過架喇。」秋兒姐姐微笑道：「果次我去球場接熙熙既時候咪見過囉。」

「係喎！」阿必誇張咁拍左自己雙眼一下，好似陶○宇咁：「我竟然連咁靚既女仔都唔記得。」

唔知點解，我唔係好鍾意阿必用呢種語氣同秋兒姐姐講野

「哼，孤陋寡聞！黃社既副社長都唔識！」呢個時候，葉佩儀突然響毫無預警既情況下寸鳩阿必。

「冇計喇。」阿必聳聳肩：「唔通學妳咁成日記埋啲冇用既野咩？」

「喂！你話我記咩冇用既野呀？」

「成日睇埋啲八卦雜誌，仲唔係記住啲垃圾…？」

趁住佢地兩個響度鳩嘈緊，我拉一拉秋兒姐姐隻手：「不如我地走先。」

「嗯。」於是，秋兒姐姐轉身再向幾位同學道別：「拜拜喇，各位熙熙既朋友。」

然後，冇禮貌既我冇道別就咁頭也不回咁一枝箭走左去。

留低其他人企響原地繼續吵吵鬧鬧。

（待續）

格雷的五十條陰毛 2020-10-31 21:30:40 每次雖然好多字，但總係感覺進度好慢

:^(

:^(

:^(

至緊要快樂 2020-10-31 21:34:29 我懷疑緊我同樓主係咪讀同一間中學

:^(

格雷的五十條陰毛 2020-10-31 21:37:00 今日萬聖節，可唔可以出多一篇

:^(

一言驚醒夢中人 2020-10-31 23:38:58

:^(

:^(

:^(

:^(

嘩哈哈 2020-11-1 00:05:52 所以而家進度咪5%

:^(

:^(

power_off 2020-11-1 00:07:05

戲子 2020-11-1 07:07:34 等緊梁冰冰😠

巴膠都是on9的 2020-11-1 08:05:44 我想睇Kitty被無限中出個場面

:^(

(誤

最純粹既獨角獸 2020-11-1 12:48:26 點解我feel到會 sad end㗎

:^(

:^(

:^(

:^(

寂寞小毒撚 2020-11-1 14:30:07 好文留名

一言驚醒夢中人 2020-11-1 16:12:33 有文未

Taeyeon_ss 2020-11-1 17:14:54 支持樓主，頭先一次過追晒威仔個故事

Anders_ 2020-11-1 21:05:18 樓豬今日有冇文

:^(

葉開葉開 2020-11-1 21:35:30 其實都係

:^(

我想將啲過程打詳細啲，打打下又超晒字數咁又一集了

:^(