我和鄰居大姐姐的故事
上一頁
第 16 頁
下一頁
別讓憾事盡顯
2020-10-22 17:34:31
你話事咖喎
:^(
Ads
跳跳虎既好朋友
2020-10-22 17:38:00
睇完樓主上個故 除非平行世界 唔係大姐姐一定會離開咗佢
:^(
:^(
:^(
:^(
張若凡老公
2020-10-22 17:57:52
此回覆已被刪除
葉開葉開
2020-10-22 19:27:37
我寫到佢咁都好難返轉頭
:^(
不過可能有人鍾意佢咁多口呢
:^(
葉開葉開
2020-10-22 19:28:32
唔一定架
:^(
可能係或者唔係
:^(
我果陣特登留白左好多位
:^(
葉開葉開
2020-10-22 19:29:12
我果陣好多位留白左架
:^(
希望冇咁易比你地估到喇
葉開葉開
2020-10-22 19:29:24
十八
話咁快就放學。
我好似前幾日咁,一打鐘就一支箭咁衝出課室預備著草。
「喂,你咁急去練習咩?」坐我隔離既阿必向住我講。
練你老母。
不過我冇咁應佢。
我唔會再去啦啦隊練習。
水運會果日詐病算鳩數。
要逃避既就梗係要逃避到底。
你地可能會笑鳩我小事化大,但小學雞係咁架喇屌你。
睇唔到個問題就冇問題架喇。就好似政府咁。
*
返到屋企換件衫同褲,著埋對白飯魚,又係去球場踢波既時候。
與其做埋啲戇鳩練習,都係踢下波波最實際。
「喂,上次又話第二日黎既!」去到球場,文叔見到我即刻問我:「做咩隔多左日先黎呀?」
「屌,好撚忙架我!」我鳩up應佢。
「大忙人今日唔忙咩?」文叔再加多句:「唔駛跳老舞?」
「屌,忙都要踢波架!」其實,我冇咁神心。
我只係想逃避。
哈,成個小學雞咁。
「咁就開波喇!」大叔叫我加入佢地。
「我黎啦!」我離遠已經見到下場跟隊既對手係我地學校班廢柴師兄。
我要將所有不快發洩出黎!
屌!
射佢老母閪!
*
已經差唔多八點。
好耐冇試過踢到咁夜。
就咁計班騎呢阿叔起碼踢左六個鐘以上。
雖然話佢地踢法用腦唔駛鳩跑,但畢竟踢波都係要郁。
加埋我地響呢個場差唔多所向無敵,黎跟隊既對手差唔多全部輸晒(當然我地都有失手既時候,但極少),按照街場既規矩,贏左既就可以一直踢落去。
佢地簡直係鐵人。
「喂,矮仔,咁夜都唔駛返屋企既?」文叔見我咁夜都仲唔走問:「你個秋~兒~姐~姐~冇煮你飯咩?」
我唔想比佢地知道我同秋兒姐姐鬧架,於是求其應:「哦…佢話今日放學有野做會遲左返屋企,我而家踢多陣返去就差唔多開飯架啦!唔係,可能佢已經開定飯等緊我!」
我講大話。
尋日對秋兒姐姐講左咁過份既說話,佢仲邊會煮我飯?
我返去屎都冇撚得我食(除非自己屙比自己食)。
食西北風就有。
「係咩…」文叔望住我笑一笑:「我地通常都係呢個時間去食飯,仲諗住如果你冇飯食既話請埋你一齊食添!」
屌,好撚吸引。
啱啱踢緊波唔撚覺,一停左落黎我好似好撚肚餓。
中午我仲有秋兒姐姐既飯盒食,係因為佢響開飯之前已經一早整好比我。
我食完個飯盒之後真係冇食過野。
係飲過下水。
我諗起銀包果張唯一既廿蚊紙…屌,一陣真係食得屎。
好想跟文叔佢地食飯…
只係…我更加唔想比佢地知我同秋兒姐姐既事…
求其響附近七仔買個杯麵算。
呀,都係去超級市場,應該會平過七仔。
…
…
…
都係算,我不如而家去求下班大叔叫佢地請我食飯?
唔得,咁樣好撚柒。
「我地走先喇,如果有興致既我地一陣會返黎再踢架,不過你條柒頭應該走左啦?」今次到柒頭問我。
「嗯。」我雙目無神咁望住佢地:「聽日見。」
「哈,聽日你咪撚放鳩我地飛機呀!」炮叔道:「咪撚好似尋日咁。」
今次唔撚會喇…我唔諗住再去練啦啦隊。
我放學唯一既歸宿就只有呢個球場。
其他既野,我一無所有。
就連秋兒姐姐都唔會再理我…
「人地大忙人黎架!哈哈!」文叔加把口寸鳩我。
文叔望住我一陣,以為我會還拖寸返佢地。
我冇。
平時我聽到佢窒鳩我應該會還拖,但而家我諗到自己好撚慘咁都唔鳩想睬佢地。
文叔見我呆左,走過黎拍下我個頭:「講下啫,死仔你唔撚係嬲下嘛?」
我茫然咁搖一搖頭。
平時你走黎拍我個頭我已經屌左你老母。
而家我連屌你老母既心情都冇…
「我地去食野先喇,聽日見啦。」
「嗯。」我向佢地揮手。
我都無謂再留響球場。
我企起身,向超級市場方向走過去。
*
揸住個杯麵,個心空蕩蕩咁返屋企。
越行近屋企,越覺得有啲失落。
尋晚仲可以有秋兒姐姐親手煮既住家飯食,今日就淪落到自己一條友返屋企淥杯麵。
去到屋企門口,望住對面單位氣窗位,知道入面著左燈,秋兒姐姐應該已經返左去。
過去同佢say sorry?
唉。
或者我講既野真係好過份,但係我放唔低面子走入去同佢道歉。
我慢慢咁打開鐵閘,再打開門返入屋企…漫不經心咁打開左盞廳燈…
咦…
點解好似有陣飯香味既?
唔通係我太肚餓所以產生左錯覺?
我可能真係餓到傻閪左。
…
咦?
唔係喎…
真係有碗飯、有碟餸響我屋企既飯枱上面,比個飯罩蓋住左喎。
我行過去,再望清楚,唔止有飯餸,仲有個飯盒添…
係…秋兒姐姐整定比我既?
我連忙睇下飯枱附近有冇紙條之類既野留低,但乜都發現唔到…
我情不自禁咁望住已經關上既大門口,彷彿可以看穿度門望到秋兒姐姐響屋企大枱上面努力溫書做功課既樣…
老豆雖然識煮野食,但佢唔會咁早返…
而其他人得秋兒姐姐有我屋企鎖匙…
唔通…
真係秋兒姐姐煮既?
佢已經原諒左我?
(待續)
張若凡老公
2020-10-22 20:25:47
此回覆已被刪除
當你變黑了
2020-10-22 20:49:16
想問kitty姐姐係邊個?我喺前幾個留言見到有人講
十點半呻吟
2020-10-22 21:31:18
此回覆已被刪除
RachelLiang
2020-10-22 21:54:21
男主角同O CAMP威哥一樣咁爛口
:^(
Ads
歲月長衣裳薄
2020-10-23 00:01:59
正皮留個名先。
話說我係睇咗樓主呢個故,先追返O Camp個故,一睇真係一發不可收拾,結果用咗一日時間睇返晒O Camp 故嘅19萬字,真係好好睇,阿威、阿冰同Jenny嘅三角關係真係好精彩,阿威同阿冰嗰段甜真係好高質
:^(
好耐冇睇過咁入骨嘅愛情故事,亦冇諗過呢個故串串貢嘅熙熙原來幾年後升上大學會變咗一個咁唔同嘅人,所以好期待呢個故點寫阿熙一步一步轉變
:^(
雖然O Camp故寫咗阿熙之後係同秋兒分咗手,但阿熙同邊個結婚就留白,希望係秋兒啦!
樓主快加速,好想知阿熙同秋兒點一齊
黑色熱浪
2020-10-23 00:04:42
又live左
:^(
:^(
:^(
怪自己太心急
Reve
2020-10-23 00:26:31
𤋮𤋮快d氹返秋兒姐姐
:^(
待我相信愛是承受
2020-10-23 03:58:24
幾好睇
但係嗌交掃晒啲碟落地
唔係好合理
Forthehunt
2020-10-23 05:45:10
屌
:^(
咁快live 仲未到甜位
:^(
小熊圍爐
2020-10-23 08:52:12
lm
唔知咩料
2020-10-23 09:05:08
此回覆已被刪除
葉開葉開
2020-10-23 09:07:23
始終係小學雞,佢道個歉都咁婆媽
:^(
葉開葉開
2020-10-23 09:08:00
秋兒姐姐個好姐妹,開學果日見過阿熙架
:^(
葉開葉開
2020-10-23 09:08:14
:^(
:^(
:^(
Ads
葉開葉開
2020-10-23 09:08:30
阿熙應該爛口好多
:^(
葉開葉開
2020-10-23 09:09:56
多謝呀
:^(
呢個預計係長篇,所以劇情推進得比較慢,希望唔好介意
:^(
:^(
葉開葉開
2020-10-23 09:11:15
多謝keep住睇呀
:^(
你地既支持我既原動力黎
:^(
:^(
:^(
葉開葉開
2020-10-23 09:11:30
就唔多架喇
:^(
:^(
:^(
上一頁
第 16 頁
下一頁