歲月長衣裳薄 2020-9-28 10:28:51 如果家姐一定要畀人食，不如畀細佬食啦，唔好益外人喇

:^(

S.Vettel(又Spin) 2020-9-29 01:13:10 臨瞓之前又入嚟推下po

偏偏喜歡你 2020-9-29 02:18:23 感人

:^(

偏偏喜歡你 2020-9-29 02:19:02 或者，其實可能，佢從來都冇嚟過。

但係，我發現人嘅底線係會越擺越低。從一開始，我唔畀佢拖、唔畀佢錫，到後來，唔畀佢摸，唔畀佢渣，再後來，係唔畀佢摷。

輝成日都笑我：

「又話唔畀？」仿佛，我好似越嚟越背叛自己嘅初衷；但我嘅初衷又係咩？揾一個好男人拍拖？

同時，輝嘅手就會一邊唔安分咁游離。我慢慢覺得，橫掂都錫咗啦，再進一啲，都只會係佢。所以，就慢慢畀佢摸我身體更多更多嘅地方。

「咁你鍾唔鍾意啊。」我都開始大膽，回吻返佢。

因為我知道，輝遲啲都會係我男朋友，我唔應該帶住強烈嘅戒心去面對佢。

*

返學真係好悶呀——

但有朋友，同埋有女神喺埋同一班就唔同講法啦。

上上吓堂咁就一日。

Test、Quiz係煩少少囉，又要温；但冇呢啲嘢，其實又真係唔知每日返學做緊咩嘅，當係有嘢追逐緊囉。

家姐有日喺度埋頭打大學啲功課，可能做到躁躁哋，就用哀怨嘅眼神望住啱啱放學嘅我：

「好好珍惜剩低嘅中學生活啦，都冇幾多日子㗎啦。」

我答：「大學仲繽紛啦！唔會差過繽紛樂喎。」

家姐敷衍咁微笑：「我以前都係咁諗，但簡簡單單嘅真誠都係中學先易啲揾到。」

「咪講經啦。」我不耐煩。

「得，趁住呢啲日子媾掂阿婷啦。」家姐又繼續做功課。

其實，我覺得進度唔差㗎，至少，婷婷真係每一日都會飲我送嘅檸檬茶，仲飲得好滋味——我覺得囉……有次，我將包嘢飲袋咗落褲袋，婷婷睇唔到，就話：

「咦，我今日冇得飲啊？」表情係有少少失望。

「點會呢？講咗每日都買畀你㗎嘛。」

我即刻九秒九拎出嚟，畀包檸檬茶婷婷；見到佢即刻開心咁笑，我個心都覺得好甜。

係青春呀哈利！見到鍾意嘅人開心，我就會開心埋一份，有一份名狀嘅原因。

「多謝。」婷婷每日都真誠咁多謝我。

咁當然啦，佢有時都會買定魚蛋燒賣，擺喺我哋中間，一人篤一粒咁食。

我每次都mon住婷婷幾時去篤，然後去扮晒咁啱同佢一齊篤落去，個身就會即刻哄埋咗啲——嗱，唔好話我嘔心呀，咁都幾好吖，好似同佢好心有靈犀咁——所以話，緣分除咗天注定，都仲係自己製造㗎！

OK，可能得我係咁諗。但婷婷禮讓嘅樣，真係好得意。

每次剩返最後一粒，我都會同婷婷講：

「食埋佢啦，我要抌啦。」

「你食啦，你邊夠飽㗎，我仲有嘢可以飲吖嘛。」

「我夠啦，你唔食邊有力做數㗎。」

「喂，唔好再塞我食嘢啦！我最近肥咗好多，重咗啊。」

鬼咩，檸檬茶有咁多糖，好難唔肥；但婷婷根本唔肥，發育得好得宜，連家姐都話羨慕㗎，始終家姐又冇波又唔瘦，而婷婷瘦但又唔係骨感嗰隻。

「怕咩喎，咪都仲係咁靚女，冇變啊。」我當然係咁講。

「唔好講呢啲啦。」婷婷每次畀人讚，都係怕怕醜醜。

以上嘅對話不斷重複，最後通常係我食咗最後嗰粒，然後抌啲膠袋去廁所嘅垃圾桶。其實重複又重複，都無謂㗎，但講嘅人係婷婷，我就好享受啦。

「咁sweet呀你兩個？」

Winnie見到，就會嚟笑一笑我同婷婷share早餐，好似情侶喎；郭靖就當然係附和佢：

「係囉係囉。」

「唔好笑我哋啦，你哋都得㗎！」

我都會潤返郭靖同Winnie呢一對一齊唔到、關係奇怪嘅所謂朋友；然後，Winnie就會不屑咁講：

「我先唔要！」

郭靖反而講：「Good idea，聽日就咁啦！」

佢哋走開，留低覺得好笑嘅我同婷婷相視一笑；婷婷隔咗陣，就少少面紅咁同我講：

「你唔好介意Winnie話我哋有嘢……」

「唔會，我嘅榮幸。」

然後，婷婷似笑非笑咁繼續做數，隱隱約約咁彎起對眼。

我當然唔介意啦！最好，Winnie可以繼續講添，每次人哋寸我同婷婷好似幾close幾曖昧嘅時候，表面上，我都會好淡定咁叫人咪亂講嘢啦，但我心裏面就係希望——

拜托你哋講多啲，我真係好撚鍾意聽你哋話我同婷婷有嘢！最好講到似層層，真係諗起都開心。

數學堂大概就係最好呼聲嘅時候，因為都係得李sir會有多兩句。

「施洛婷，5B答案你計到咩？」

婷婷有時答唔到，我就會偷偷哋同佢講個答案，然後婷婷再讀出個答案。

李sir就會講：

「楊知俊，你叫施洛婷咩？做咩成日都代佢答㗎。你兩個一齊企起身，輪流答多兩題先答返低。」

我哋都會順順利利咁答到嘅，但呢個唔係重點；重點係，一定會有人起哄：

「哇！好襯呀！」

「又一齊答！幾時到我同女仔一齊呀？」呢個係郭靖，佢望一望Winnie。

「如果我唔識嘅話，俊仔會唔會幫我㗎？」

搞到婷婷又面紅——佢真係好容易怕醜。

而我，喺雲淡風輕嘅表情之下，埋藏住內心嘅一陣狂喜，喺人哋嘅起哄之中，仿佛婷婷都係對我有意思咁。對！畀我FF吓都好啦，平時讀書壓力咁大。

或者，其實鍾意一個人，就算只係人哋不經意咁連住讀我同佢個名，都係一種幸福感，非常簡單、容易滿足。

-
樓主ig: chingceciii
https://instagram.com/chingceciii?r=nametag

傻西瓜皮 2020-9-29 02:41:34 正，有文

DerrickRose_ 2020-9-29 02:58:38

但簡簡單單嘅真誠都係中學先易啲揾到。

嗰種真誠同簡單無論幾時都係咁懷念

:^(

靈魂在某天想要光 2020-9-29 03:06:48 中學溝女真係好多人助攻

:^(

勁易得米

拼命無恙 2020-9-29 03:28:40 助攻得唔好就叫助炒

:^(

偏偏喜歡你 2020-9-29 03:35:22 哇你哋做咩仲唔瞓？

偏偏喜歡你 2020-9-29 03:36:12 唔好捱咁多夜，傷身㗎

:^(

我愛牙櫻 2020-9-29 04:03:59 家姐頂住呀 唔好俾人黑隻豬呀！

:^(

我愛牙櫻 2020-9-29 04:04:16 呃*

拼命無恙 2020-9-29 04:08:03 傷身好過傷心

:^(

有心人 2020-9-29 04:34:06 家姐

:^(

:^(

西面蘭花 2020-9-29 05:00:55 啱啱中學畢業 睇到眼濕濕

:^(

花生友01 2020-9-29 07:33:47

:^(

:^(

S.Vettel(又Spin) 2020-9-29 08:01:38

:^(

新傳閪 2020-9-29 08:31:15

但係，我發現人嘅底線係會越擺越低。從一開始，我唔畀佢拖、唔畀佢錫，到後來，唔畀佢摸，唔畀佢渣，再後來，係唔畀佢摷。

輝成日都笑我：

「又話唔畀？」仿佛，我好似越嚟越背叛自己嘅初衷；但我嘅初衷又係咩？揾一個好男人拍拖？

以為我自己嚟

:^(

無用架家姐，就係阿輝俾完承諾，佢一樣會𡁻完鬆架

Fosu_Mensah 2020-9-29 08:35:04 好撚爽

:^(

:^(

忌廉燴飯 2020-9-29 08:37:50 中學無見身邊啲人助功過
自己都叫有半次
但因為係女追男所以有冇我都無關係

:^(

水梨寶寶 2020-9-29 08:44:11 新lm

:^(

:^(

:^(

洗衫板 2020-9-29 09:06:11 局中人永遠都係咁易俾人動搖

:^(

:^(

離家姐失豬日不遠了

靈魂在某天想要光 2020-9-29 12:35:27

:^(

男校都可以助攻

S.Vettel(又Spin) 2020-9-29 14:07:41

沙治·羅拔圖 2020-9-29 15:23:27 其實肯去玩joint school嘅function都唔少機會

:^(

利申 都係男校

:^(

但男女校日對夜對又真係正好多

:^(

睇到樓主篇故好撚青春呀

:^(

:^(