[逃生的選項] 太初之始,由入宿開變 (五)飛舞的皮鞭使我興奮又害怕
上一頁
第 35 頁
下一頁
我真係好撚想死
2020-11-27 00:53:13
同埋好多謝大家支持,我愛大家
:^(
:^(
:^(
Ads
我萬朱莎華呢
2020-11-27 01:48:41
期待之後日常番
想睇多d宿舍on9野
:^(
:^(
同埋儒道佛鬥法唔好無左件事
:^(
:^(
優之良品棉花糖
2020-11-27 03:34:14
放屁超能力
:^(
我真係好撚想死
2020-11-27 04:08:43
你選擇了「出家人不沾酒水」。
你牟尼一從小到大都不沾酒水,正所謂酒能亂性,在大學宿舍這個聲色犬馬之地,一不留神飲能醉咗,真是容不易純陽不保。畀光頭師傅知道咗一定切你何B仔送你去畀沙太監學葵花寶典,順便逼我學埋辟邪劍法,搶埋West勁飯碗。更何況飲醉酒真是不好,你想起當初飲大咗仆在你懷內的Alma。
你環視會場360,280,牟尼世界。並未看見Alma,反倒是Eve和Hedy在一角落舉杯戰鬥,過一陣就偷看你一眼,一定是在想陰你一鑊﹐以Eve的濕鳩主意和Hedy的戰鬥力,你一定會變成太監一。
佛曰:三十六計,走為上計。
老實說你並不習慣在熱鬧的場合,比起和大家一起哭笑,獨處的平靜才是你十八年歲月的寫照。你靜靜走出宿舍的活動室,來到宿舍外鄰近後山的一個小欄杆上,你憑着欄,看着平淡的月。明明一牆之隔,那熱切的歡愉被鎖在石屎堆砌的室中,外頭只有你一人。
好像又回到以前的日子,又好像從來沒有改變。如果藍染在你面前說你從什麼時候開始產生了我沒使用鏡花水月的錯覺,你想你會覺得一切都是幻覺吧。
「你係今晚嘅主角,做咩自己匿埋喺個角落頭阿?」
「你做咩過咗嚟嘅?」
「哩到淨係畀你嚟㗎咩?」
你和Alma相視一笑。
「你仲未答我喎。」
「我有啲攰,想一個人抖下。」
「咁我走?」
「又唔使,都過咗嚟。」
「明明贏咗,做咩咁唔開心咁阿?」
「冇阿。」
Alma來到你面前,直直的看着你的眼睛,「你再答多的一次?」
「⋯⋯」
Alma輕輕嘆了一口氣:「我仲有一個Sem就Grad,出面嘅世界係我一直未接觸過嘅,有人話比學校精彩,又有人話係人生嘅終站。
「我唔知畢咗業之後會點,你仲有四年,應該好難理解我講咩阿可?」
你擡頭看着Alma的眼,就像夜空的星星一樣明亮。
「有時我好想搵一個地方一個人坐下,咩都唔做,好似哩家咁。
「會搵到我嘅人就會搵到我。」你說,「明明匿埋就係唔想畀人搵到,但係唔知點解見到係過咗嚟,我又會好開心。」
Alma臉上泛起一絲紅霞,「你講咩阿。」
「冇,我成日都喺到諗,如果我一瞓着咗,聽日一掹大眼,世界唔再係我熟悉嘅世界會點呢?」
Alma沒回答,她大概知道現在只要聆聽就可以。
「之前一連串嘅事搞到我忙到冇時間諗三諗四,但一靜落嚟,原來佢哋又會喺你個腦到出返嚟。
「我好唔中意哩個強調記憶嘅年代,好似圖書館入而嘅事咁,我諗冇人會想帶住嗰啲記憶生存落去。但係偏偏忘記就好似一種特殊嘅隱喻,好似一個符號,一種語碼,
「代表住背叛。」
Alma伸手把你抱在懷中,「如果覺得痛苦就忘記咗佢,如果唔想記得,就Dump晒啲嘢佢,我唔明你講嘅咩隱喻咩符號,但係想一個人發下呆咪一個人走開囉,
「你只要記得無論之後點,都會有人等緊你返嚟。」
「我講緊窮Jay同West勁佢兩個。」Alma好像在掩飾甚麼的補充了這句話。
「多謝你,不過⋯⋯」你頓了頓,「女施主,正所謂色即是胸胸即是色,你咁樣唔是太多⋯⋯」
Alma聽完你說的話,鬆開了抱你的手,然後在你腰間捏了一把勁的。
「你哋做咩﹗」
「你倆個做咗咩嚟???!」
聲音的主人是
1. 噢,我的Eve和Hedy
2. 噢,我的Hedy和Eve
3. 噢,我的朋友很少,但修羅牆很多
我真係好撚想死
2020-11-27 04:11:36
1. 噢,我的Eve和Hedy
我真係好撚想死
2020-11-27 04:11:47
2. 噢,我的Hedy和Eve
我真係好撚想死
2020-11-27 04:12:00
3. 噢,我的朋友很少,但修羅牆很多
我真係好撚想死
2020-11-27 04:17:41
有道是:
牟尼遠遁後山邊,清月獨嘆憑欄前。
嬌顏欲滴三分言,眾星齊聚紫禁巔。
欲知後事如何,扯看⋯且看下回分曉。
施旻奇俠
2020-11-27 08:21:45
好撚kam
:^(
仇景
2020-11-27 08:40:20
4p
M記打手
2020-11-27 10:49:26
而為係碧藍之海嘅展開
:^(
Ads
引誓
2020-11-27 12:05:31
「我好唔中意哩個強調記憶嘅年代,好似圖書館入而嘅事咁,我諗冇人會想帶住嗰啲記憶生存落去。但係偏偏忘記就好似一種特殊嘅隱喻,好似一個符號,一種語碼, 「代表住背叛。」
記憶也許痛苦,但初心仍在,苦中總帶一點樂。人生百味,甜酸苦辣少不免。即使是困擾的第九味,仍能嚐到青蔥的同窗歲月。同樣催煙雖苦,君有百萬釜下之約,足矣。
要叫咩名好
2020-11-27 13:26:47
1同2有咩分別
:^(
jonny孔仲尼
2020-11-27 13:30:19
EVE 先
:^(
同 EVE 後
jonny孔仲尼
2020-11-27 13:30:43
噢! 我的EVE
:^(
所有的快樂說hihi
2020-11-27 14:18:34
扯看
:^(
太宰冶
2020-11-27 22:56:03
加速~
:^(
我真係好撚想死
2020-11-28 02:14:41
你選擇「噢,我的Eve和Hedy」。
Eve與Hedy二人歪歪扭扭的向你們走來,二女臉色熏紅,左右手各持一樽你讀不出名字的洋酒,顯然已飲到High High地了。
「講,你地係咪有嘢瞞住我地?」Hedy伸出嫩白的手指戳一戳你心口,口齒不清的說道。
「咩啊,我唔知你講咩。」你心虛的將視線移開。
「喂喂喂,今晚,今晚我地不醉無歸啊!」Eve高舉酒樽,搭在你的膊頭上。
「好好好,不醉無歸,不醉無歸。」你哭笑不得的往後縮了一縮,雙手抵在Eve的雙肩前,生怕她又發瘋亂幹些甚麼。
「飲啊!同我飲曬佢!」Eve將手中的另一瓶酒塞到你手上,大聲叫嚷道。
「好!我地飲啊!!!」Hedy仰首舉樽,倒頭就將酒不要命的猛灌進自己的嘴裡。
「你慢慢飲啦,冇人同你爭。」你見Hedy喝得成口一滴滴的樣子,覺得她好不健康,一手拉下她的酒樽。
「嗚……今日難得開心。」
「你飲咁急等等連路都行唔到啊。」你看到Hedy腳步虛浮,已經可預見她等等路都行唔到,趴在地上的未來。
「嘻嘻,有阿一你係到啊嘛。」Hedy對你傻傻的笑道,一雙狐眼嫵媚的注視著你。
「你會睇住我㗎嘛,係唔係啊?」她踏前一步,紅卜卜的臉幾乎貼在你的臉上,醉熏熏的雙眼半眯看著你。
「吓?」你呆了一呆,也反應不過來。
「嘻嘻嘻嘻,有你係到我就安心,安心啦……」Hedy越說越細聲,她原地轉了一圈後靠著梳化椅趴了上去,漸漸失去了意識。
「……?」你推了Hedy兩下,她完全沒有反應。
「哈哈,渣Ga。」你一旁的Eve指著Hedy恥笑說道。
「你地全褂都渣,渣Ga……嗚嗚嗚……嗚嗚嗚……」Eve自己說著說著,突然就蹲在地哭了起來。
「喂喂喂,你做咩喊啊?」你手足無措,Eve竟然話變臉就變臉。
喝醉的女生好可怕。
「嗚嗚嗚……我點算啊?」
「發生咩事啊?同我地講?」你與Alma雙視一眼,都不知Eve的煩惱是甚麼。
「我,我,我比人叫去玩,玩校園丘比特……」
「咩話!?」
「你要去同人配對?」你問。
Eve沒有立即回答你,她眨了眨淚汪汪的大眼睛,然後說:
「我……」
1.我比人叫去做「丘比特」嘅MC
2.我比人叫去參加丘比特配對
我真係好撚想死
2020-11-28 02:14:51
1.我比人叫去做「丘比特」嘅MC
我真係好撚想死
2020-11-28 02:15:01
2.我比人叫去參加丘比特配對
firen
2020-11-28 13:22:00
eve都做過mc 啦
:^(
Ads
我真係好撚想死
2020-11-29 01:18:57
寫唔切,明天再更
:^(
金色的戰士
2020-11-29 02:03:23
點解咁多人揀做MC
:^(
jonny孔仲尼
2020-11-29 18:24:14
呀一唔要佢就比其他人啦
:^(
仲尼門徒
2020-11-29 20:20:38
幾時有文
:^(
上一頁
第 35 頁
下一頁