Tor Browser先可以令所有正確使用佢嘅用家嘅 browser fingerprint一樣,令支共identify唔到你。Tor Browser係 open source software,大家可以當佢係個 decentralized 嘅 VPN,將你嘅 traffic 加密3次,send 去3個由volunteer run 嘅 servers。第1個 server 淨係知你係乜水,第2個 server 乜都唔知,第3個 server 淨係知有某個人想上某個網站,所以基本上無人可以知道你上網睇咗啲乜。所有網站用嘅servers都唔同,第2同第3個 server 每10分鐘就會轉一次,唔同網站嘅Cookies 會被隔離,每次閂Tor Browser 你嘅private data全部會被delete。