潘朵拉（沙迦） 2017-1-6 23:26:44

一路玩信長之野望 一路留名

:^(

戰國立志傳

:^(

莫作棟 2017-1-6 23:31:37 真田家 真係傳奇黎

:^(

非常後備 2017-1-7 03:40:26

一路玩信長之野望 一路留名

:^(

下克上 好難玩 信玄好難發圍 用北條仲好 起碼有座小田原城

:^(

奧菲斯 2017-1-7 03:46:49

一路玩信長之野望 一路留名

:^(

下克上 好難玩 信玄好難發圍 用北條仲好 起碼有座小田原城

:^(

一条家真係痴撚線

:^(

巴打得閒可以講講佢
雖然跟番個時間都差唔多滅亡

石田佐吉三成 2017-1-7 13:07:20 西國之雄毛利家，戰國初期發跡於西邊既安藝，以吉田郡山城為根據地，初期以國人（地主）身份夾雜於當時西國既兩大勢力 - 九州大內家 及 出雲尼子家中間。

1507年大內義興扶植足利義植上京，對抗東軍細川家，當時尼子、安藝武田、毛利家都參與，但尼子家不滿封賞歸國，對抗大內家，毛利興元聯合安藝國人、調停備後國人，支持大內家，但1516年因為對安藝宍戶家作戰失敗而性情大變，酗酒急死，終年25歲，繼任既係只有2歲既毛利幸松丸，由毛利元就及高橋久光負責大權。1523年鏡山城之戰，當時投靠尼子經久既毛利家參戰，據聞時年9歲既毛利幸松丸響首級檢定時嚇親，無幾耐就病死。

之後，毛利元就與由尼子經久背後支持既兄弟 - 相合元綱衝突，毛利元就於1524年4月夜襲船山城，相合元綱被殺，毛利元就奠定家督位置，並擴建吉田郡山城。

據聞擴建期間，發生多次石垣崩塌，毛利元就拒絕家臣用人柱（活祭品）拜祭既建議，寫低一句「百萬一心」，叫家臣刻上六尺大柱上作為根基，結果冇再崩塌。「百萬一心」用日本漢字寫法為「百万一心」，拆解為「一日一力一心」，意即「專注而同心協力，係冇解決唔到既事」


百萬一心石碑，於19世紀被發掘

1524年5月，大內義興決定奪回備後、安藝，8月毛利元就於佐東銀山城，提議將安藝國人分成五隊，於8月5日夜襲大內軍，大內軍陶興房立即反擊尼子軍本陣，但毛利元就早有準備，一個請君入甕擊潰大內軍，為「謀神」既成名戰，毛利元就以此做籌碼重投大內家，之後幾年幫大內四處攻伐。

1528年大內義興病死，1529年毛利元就趁機肅清安藝既敵對勢力，首先係再次叛投尼子、勢力強大既高橋家，毛利元就用兩年時間與大內合力肅清高橋，並與昔日敵人宍戶、熊谷和好。

1537年毛利元就派長子毛利隆元去大內家做人質，並一度攻打安藝武田；1540年尼子晴久攻打吉田郡山城，戰爭持續半年，響陶隆房、安藝宍戶家、 小早川家既救援下擊潰尼子家。大內、毛利再攻破佐東銀山城，消滅安藝武田，一個年幼既武田一門被送到安國寺為僧避難。

1542年，大內軍進攻尼子首府 - 月山富田城，但被安藝吉川家背叛，截斷糧道補給，毛利元就死戰得脫，大內軍慘敗，尼子晴久趁機收復失地。1545年將三子送往小早川家做養子，就係後來既小早川隆景。

1546年毛利元就將隱居做董事長，CEO由毛利隆元擔當，一年後將次子送去吉川家做養子，就係後來既吉川元春。後來吉川元春、小早川隆景相繼取得繼承權，毛利家正式統合安藝國人眾，是為「毛利兩川體制」

原先安藝係國人集團，只係慢慢推毛利做大佬，冇一套中央統率制度，1550年毛利元就殺死專橫既井上元兼一族，並要求所有人宣誓效忠，安藝國人眾正式升級為「安藝毛利集團」，有戰國大名既基礎。

1551年大內義隆被陶隆房殺死，擁立大內義長並獨攬大權，親陶隆房既毛利元就趁機打倒義隆派，奪取佐東銀山城、櫻尾城，又擊破入侵既尼子晴久，擴大勢力。

陶隆房開始忌憚坐大既毛利家，要求全權收購安藝毛利集團既所有股份，毛利元就拒絕，陶隆房就借國人反叛，不經毛利直接叫安藝國人出兵，毛利元就於是同陶隆房訣別，宣告獨立。

之後，陶晴賢（陶隆房）下令宮川房長領兵七千攻打毛利元就，毛利元就識破敵伏兵，於折敷畑殲滅750人。陶晴賢大怒，親率三萬大軍前往嚴島攻打毛利既宮尾城，奪取瀨戶內海權，登陸嚴島並截斷宮尾城水源。

石田佐吉三成 2017-1-7 13:07:36 毛利元就移師草津城，但村上、來島水軍未到，小早川隆景、乃美宗勝分別游說兩軍參戰，當水軍到達後，毛利元就下令全軍夜渡嚴島，唔準點火及舉旗，僅帶一日糧食。

呢個時候天降暴雨，毛利元就力排眾議，認為係進攻良機，下令全軍渡海，除左自己隻船點火，其他船隻都要藏身黑暗之中，當毛利軍登陸嚴島，立即下令駛離所有船隻，準備背水一戰。船隻返去草津後再度點火，製造毛利未渡海既假象。

另一邊，小早川隆景及乃美宗勝假稱自己係秋月家援軍，將船隊藏身大內水軍入邊，登陸嚴島大鳥居，並搵地方埋伏等候進攻。

10月1日早上6點，毛利元就突襲陶軍，小早川隆景、宮尾守軍夾擊，村上水軍亦殲滅陶晴賢水軍，陶軍大亂，爭相逃去搭船離開，結果落水溺死不少，陶晴賢無法逃生，最終響嚴島自殺身亡，大內家自此走向衰落，呢場嚴島之戰與桶狹間之戰、河越夜戰合稱「三大奇襲」，成就毛利、織田及北條既戰國地位。毛利元就趁機奪取周防、長門兩國，但期間響石見忍原敗給尼子家，失去石見銀山既控制權。


嚴島之戰

1557年，毛利元就打算正式退休，毛利隆元拒絕，毛利元就唯有繼續，並進攻石見銀山，點知響降露坂打輸左。1560年尼子晴久病逝，毛利元趁機進攻出雲，1563年攻破白鹿城，再於1565年進攻月山富田城，毛利軍圍城斷糧，城內甚至發生食人慘劇，尼子義久更被離間，殺死重臣，毛利元就改向月山富田城送粥誘降，大量軍民叛投毛利，最終1566年11月尼子義久投降，尼子家滅亡，山中幸盛就潛藏各地，籌劃尼子再興計劃，兩次都被毛利鎮壓。


出雲攻略，第二次月山富田城之戰

三年後，毛利為爭奪九州豐前立花山城，與大友軍交戰，首先戶次鑑連（立花道雪）聯合內應，三個月攻破立花山城；毛利於是聯合秋月家、龍造寺家圍攻大友，1569年進攻立花山城，兩軍於多多良濱多次交戰，最終毛利因為與立花山城斷絕聯系，加上尼子再興軍侵擾而撤退，大友完全掌控北九州。

1571年「謀神」毛利元就因食道癌病逝，終年75歲，以三矢訓托付毛利要上下一心，將家督交俾孫子毛利輝元。

石田佐吉三成 2017-1-7 13:16:34 毛利輝元時代、木津川口陣間再講

石田佐吉三成 2017-1-7 13:45:48
補多張毛利元就

石田佐吉三成 2017-1-7 15:06:24 本來毛利元就授意毛利隆元繼位，但隆元於1563年白鹿城之戰後急死，毛利元就改立其子毛利輝元繼任家督。毛利輝元就任家督後主張與大友家議和、掃蕩尼子再興軍，另外策反備前宇喜多直家。

1570年後，受織田信長支持既因幡大名山名祐豐聯合備前浦上家、尼子再興軍、大友家、美作三浦家等圍攻毛利。直到1572年足利義昭調停大友、浦上、毛利家，後來1573年由於浦上家暗結織田，加上足利義昭被放逐，備前宇喜多直家改投毛利家，一年後天神山城之戰更將備前、美作浦上、三浦家滅亡。

1575年三村元親被織田策反，加上大友軍來襲，小早川隆景率軍鎮壓，期間毛利與織田都係隔住其他小大名，相互打外交侵略戰。

1576年，毛利輝元派安國寺惠瓊迎接流亡各地既足利義昭，安置響備後既 鞆 重建幕府，史稱「鞆幕府」，足利義昭再度策劃全日本既大名圍攻織田信長，參與既有毛利、本願寺、上杉、丹波波多野家、但馬山名家等，被稱為「第三次信長包圍網」。同時，足利義昭調解越中、能登既一揆，為上杉謙信奠定進軍基礎。



第三次信長包圍網

毛利方面，促成織田包圍網後，聽聞本願寺被包圍而缺糧，為左保住盟友以對抗信長，西國之雄 - 毛利家於1576年5月，正式出擊！

話說織田軍響天王寺之戰後，安排佐久間信盛全權包圍石山本願寺，將該地區圍得水泄不通，同時織田信長安排明智光秀進攻丹波波多野家，將本願寺既聯絡阻斷。

7月，既然陸路被荒木村重、明智光秀阻擋，毛利輝元就下令由水路支援本願寺軍，派最強既村上水軍、小早川水軍出擊，八百艘大戰威武殺到大坂灣，織田軍勉強以三百艘船迎戰。

面對善於水上作戰既毛利軍，織田毫無勝算，毛利水軍以火箭及火瓶戰術，燒毀織田軍既戰船，織田水軍被悉數殲滅，毛利打出缺口之後，運糧俾本願寺軍，本願寺光頭黨有飯食，宣佈：「石山本願寺可再戰十年！」 是次木津川口之戰以毛利軍獲勝。



第一次木津川口之戰，村上水軍概念圖



日本戰國既大船 - 「安宅船」 概念圖

正當織田新敗，為毛利家既事煩惱時，越後既上杉謙信於1576年9月開始出擊，率領二萬大軍進攻親織田勢力畠山氏，攻打七尾城。七尾城係戰國聞名既五大山城之一，堅壁難攻，上杉謙信轉向攻打支城，將七尾城孤立，但半年後因為北條家進攻關東北部，上杉謙信只好暫時退兵。



日本五大山城 - 七尾城，位於北陸既越中國

話說安土城仍在築城，但信長依然先住為快，順便繼續監工。既然各地大名又有動作，織田信長就決定搵個目標落手，首當其衝既係曾經令自己食盡苦頭既對手 - 紀州雜賀眾。

次回
紀州攻伐
「越後之龍」上杉謙信出擊，進攻七尾城

文隼 2017-1-7 17:13:13 之後有時間我想補充一下巖島，呢場戰爭打得好出色

:^(

石田佐吉三成 2017-1-7 17:29:45

之後有時間我想補充一下巖島，呢場戰爭打得好出色

:^(

好出色既奇襲及殲滅戰，不負謀神之名

:^(

結衣bb老公 2017-1-7 18:18:03 毛利水軍係革新入面好勁

:^(

可以隨機直接打沉一部船

堺雅人 2017-1-7 21:24:54 毛利兩川都好影響關原既結果
第一下就比秀吉拆走小早川, 揾左條廢柴入主, 之後就係重要時刻變節輸埋
吉川廣家就想盡方法想保存主家, 唔比毛利主家參戰, 雖然毛利因為佢先無比德川滅左, 但反而比長州藩憎左好多年, 鬧佢叛徒

石田佐吉三成 2017-1-8 08:38:15

毛利兩川都好影響關原既結果
第一下就比秀吉拆走小早川, 揾左條廢柴入主, 之後就係重要時刻變節輸埋
吉川廣家就想盡方法想保存主家, 唔比毛利主家參戰, 雖然毛利因為佢先無比德川滅左, 但反而比長州藩憎左好多年, 鬧佢叛徒

其實吉川廣家係現實主義，首先佢知道西軍有唔少潛在既德川內應，亦預料到毛利輝元說服唔到秀賴上陣。但佢計漏一個因素：德川家康戰後反面唔認人

本身吉川廣家希望毛利可以維持大部分原領
但最後德川都係削去大半，再改易
後世對吉川廣家既評價太差，但忽略佢捨身成仁既偉大

石田佐吉三成 2017-1-8 09:02:47 http://nihonshi.blogspot.com/?m=1

順便推薦呢個blog, 作者專注研究毛利家歷史，而且有評價毛利家史料既可信性，雖然更新較慢，但可以先睇毛利家既發跡史，鍾意毛利家既可以睇睇

（現時更新到 1562-1563年 白鹿城之戰）

石田佐吉三成 2017-1-8 13:53:55 天正五年（1577年），第三次織田包圍網開始，毛利家援護石山本願寺、上杉一度出擊，今次織田信長依舊先發制人，就向南邊既紀州落手。紀州係著名鐵砲軍團雜賀眾、土橋眾既根據地，只要收拾雜賀，織田對本願寺既攻擊亦輕鬆得多。

首先織田響1576年就開始對紀州既離間工作，到1577年2月成功策反五組雜賀眾既其中三組（宮鄉、中鄉、南鄉），時機成熟既信長下令舉國出征，播磨別所長治及攝津荒木村重都有參與，北陸軍團因防範上杉而缺席。

2月13日，織田信長領兵十萬從京都出發，17日從和泉殺入雜賀前哨點，響根來眾及雜賀三鄉帶領下，織田軍響志立設置本陣，再分兵三萬入山手（內陸）及濱手（海邊）地區。

山手地區由根來眾及雜賀三眾響導，陣容包括佐久間信盛、羽柴秀吉、堀秀政、荒木村重、別所長治；濱手陣容有瀧川一益、明智光秀、細川藤孝、丹羽長秀、筒井順慶，以及織田信忠、信雄、信孝三兄弟。

濱手方向既織田軍於淡輪分三路突破雜賀防衛線，當中細川藤孝既表現出色，包圍重鎮中野城，織田信長將本陣推前至此。3月2日織田軍進攻雜賀孫市所在既和歌山城。

山手方向既織田軍渡過紀川，由東邊迫近雜賀眾防線，點知山手既織田軍發現似曾相識既事，雜賀眾竟然沿住成條雜賀川佈置防柵，並佈置兩重鐵砲部隊，織田軍心諗：「呢個咪我地響長篠之戰佈置既防線？」



1577年雜賀征伐 路線

織田軍堀秀政想測試實力，率領部隊突擊，當部隊渡河時，發現河上竟然放滿木桶、長木、瓶等障礙物，加上水深影響行軍速度，雜賀眾沿用絕技「釣瓶擊」，接連不斷射擊，堀秀政部隊損失慘重。

「呢個防衛陣，係你地設樂原既加強版」山手方面因為雜賀眾既「雜賀川絕對防衛線」而停滯不前，陷入僵持。打左一個月都冇成果，不過雜賀呢邊都疲憊不堪，就由雜賀孫市、土橋守重等勤說族人投降，織田信長立即出京都既朱印狀接受投降。

不過呢場投降響外界認為只係緩兵之計，織田信長一向急於成果，所以就借此草草了事，派織田信張築城監視雜賀，雜賀仍然暗中支持本願寺，足利義昭更借此事宣揚織田戰敗，請上杉及毛利出擊。果然到左8月，雜賀眾再度起事，清算雜賀三鄉既叛徒，佐久間信盛領兵八萬鎮壓失敗。

1577年5月，北陸既畠山家趁上杉歸國，立即修復失地，上杉謙信收到消息，剛好關東戰事解決，立即響7月率領大軍西征，再度殺向能登半島既七尾城。畠山家權臣長續連立即放棄所有支城，並強徵百姓入城，近二萬人死守。

上杉軍包圍七尾城，城內因為環境及人口擠迫，加上城內衛生場所處理不良，屎尿遍佈，臭氣熏天而爆發瘟疫，真係聽到都覺得好臭！城內大量軍民病死，甚至畠山家幼主都病死，家臣長連龍偽裝出城，向織田信長求救，織田派柴田勝家、羽柴秀吉領北陸軍團救援，而上杉謙信亦邀請加賀一揆阻擋織田。

8月，本來響石山本願寺參戰既松永久秀，突然撤離戰線，返去信貴山城向織田謀反，加入信長包圍網，其中一項原因係不滿信長將大和守護轉封俾筒井順慶，並聯絡毛利、上杉等人。



能登半島既戰火

返去七尾城，9月，上杉圍城兩個月，畠山軍就黎撐唔住，畠山家臣游佐續光甘願做上杉內應，並聯合溫井景隆、三宅長盛於9月15日起事，捕殺親織田既權臣長續連一家百幾人，並開門放上杉軍入城，「五大山城」七尾城陷落，上杉軍立即攻打加賀末森城。

響救援路上既柴田勝家未收到消息，討論進軍速度，羽柴秀吉認為要急行營救，而柴田勝家則堅持緩緩進軍，結果雙方發生爭執，通說更指柴田勝家嘲笑羽柴秀吉出身，以及靠刷鞋上位，遷怒秀吉拔營撤離，《信長公記》記載織田信長對秀吉臨陣逃脫感到震怒，但冇嚴懲，自己亦率領大軍前往北陸。

上杉謙信下令將長續連一家梟首，放在加賀國境道路上，柴田勝家終於知道七尾城陷落，上杉軍大軍壓境，織田該如何應對呢？



「越後之龍」 上杉謙信

次回
存在成疑既戰役 - 手取川之戰

蜘蛛之末日

上杉不識庵謙信 2017-1-8 17:21:56

天正五年（1577年），第三次織田包圍網開始，毛利家援護石山本願寺、上杉一度出擊，今次織田信長依舊先發制人，就向南邊既紀州落手。紀州係著名鐵砲軍團雜賀眾、土橋眾既根據地，只要收拾雜賀，織田對本願寺既攻擊亦輕鬆得多。

首先織田響1576年就開始對紀州既離間工作，到1577年2月成功策反五組雜賀眾既其中三組（宮鄉、中鄉、南鄉），時機成熟既信長下令舉國出征，播磨別所長治及攝津荒木村重都有參與，北陸軍團因防範上杉而缺席。

2月13日，織田信長領兵十萬從京都出發，17日從和泉殺入雜賀前哨點，響根來眾及雜賀三鄉帶領下，織田軍響志立設置本陣，再分兵三萬入山手（內陸）及濱手（海邊）地區。

山手地區由根來眾及雜賀三眾響導，陣容包括佐久間信盛、羽柴秀吉、堀秀政、荒木村重、別所長治；濱手陣容有瀧川一益、明智光秀、細川藤孝、丹羽長秀、筒井順慶，以及織田信忠、信雄、信孝三兄弟。

濱手方向既織田軍於淡輪分三路突破雜賀防衛線，當中細川藤孝既表現出色，包圍重鎮中野城，織田信長將本陣推前至此。3月2日織田軍進攻雜賀孫市所在既和歌山城。

山手方向既織田軍渡過紀川，由東邊迫近雜賀眾防線，點知山手既織田軍發現似曾相識既事，雜賀眾竟然沿住成條雜賀川佈置防柵，並佈置兩重鐵砲部隊，織田軍心諗：「呢個咪我地響長篠之戰佈置既防線？」

:^(

1577年雜賀征伐 路線

織田軍堀秀政想測試實力，率領部隊突擊，當部隊渡河時，發現河上竟然放滿木桶、長木、瓶等障礙物，加上水深影響行軍速度，雜賀眾沿用絕技「釣瓶擊」，接連不斷射擊，堀秀政部隊損失慘重。

「呢個防衛陣，係你地設樂原既加強版」山手方面因為雜賀眾既「雜賀川絕對防衛線」而停滯不前，陷入僵持。打左一個月都冇成果，不過雜賀呢邊都疲憊不堪，就由雜賀孫市、土橋守重等勤說族人投降，織田信長立即出京都既朱印狀接受投降。

不過呢場投降響外界認為只係緩兵之計，織田信長一向急於成果，所以就借此草草了事，派織田信張築城監視雜賀，雜賀仍然暗中支持本願寺，足利義昭更借此事宣揚織田戰敗，請上杉及毛利出擊。果然到左8月，雜賀眾再度起事，清算雜賀三鄉既叛徒，佐久間信盛領兵八萬鎮壓失敗。

1577年5月，北陸既畠山家趁上杉歸國，立即修復失地，上杉謙信收到消息，剛好關東戰事解決，立即響7月率領大軍西征，再度殺向能登半島既七尾城。畠山家權臣長續連立即放棄所有支城，並強徵百姓入城，近二萬人死守。

上杉軍包圍七尾城，城內因為環境及人口擠迫，加上城內衛生場所處理不良，屎尿遍佈，臭氣熏天而爆發瘟疫，真係聽到都覺得好臭！城內大量軍民病死，甚至畠山家幼主都病死，家臣長連龍偽裝出城，向織田信長求救，織田派柴田勝家、羽柴秀吉領北陸軍團救援，而上杉謙信亦邀請加賀一揆阻擋織田。

8月，本來響石山本願寺參戰既松永久秀，突然撤離戰線，返去信貴山城向織田謀反，加入信長包圍網，其中一項原因係不滿信長將大和守護轉封俾筒井順慶，並聯絡毛利、上杉等人。

:^(

能登半島既戰火

返去七尾城，9月，上杉圍城兩個月，畠山軍就黎撐唔住，畠山家臣游佐續光甘願做上杉內應，並聯合溫井景隆、三宅長盛於9月15日起事，捕殺親織田既權臣長續連一家百幾人，並開門放上杉軍入城，「五大山城」七尾城陷落，上杉軍立即攻打加賀末森城。

響救援路上既柴田勝家未收到消息，討論進軍速度，羽柴秀吉認為要急行營救，而柴田勝家則堅持緩緩進軍，結果雙方發生爭執，通說更指柴田勝家嘲笑羽柴秀吉出身，以及靠刷鞋上位，遷怒秀吉拔營撤離，《信長公記》記載織田信長對秀吉臨陣逃脫感到震怒，但冇嚴懲，自己亦率領大軍前往北陸。

上杉謙信下令將長續連一家梟首，放在加賀國境道路上，柴田勝家終於知道七尾城陷落，上杉軍大軍壓境，織田該如何應對呢？

:^(

「越後之龍」 上杉謙信

次回
存在成疑既戰役 - 手取川之戰

蜘蛛之末日

個像整到我咁樣衰

:^(

伊勢新九郎盛時 2017-1-8 19:09:49

毛利兩川都好影響關原既結果
第一下就比秀吉拆走小早川, 揾左條廢柴入主, 之後就係重要時刻變節輸埋
吉川廣家就想盡方法想保存主家, 唔比毛利主家參戰, 雖然毛利因為佢先無比德川滅左, 但反而比長州藩憎左好多年, 鬧佢叛徒

其實吉川廣家係現實主義，首先佢知道西軍有唔少潛在既德川內應，亦預料到毛利輝元說服唔到秀賴上陣。但佢計漏一個因素：德川家康戰後反面唔認人

本身吉川廣家希望毛利可以維持大部分原領
但最後德川都係削去大半，再改易
後世對吉川廣家既評價太差，但忽略佢捨身成仁既偉大

佢係捨身但成唔到仁
毛利搞到得番防長你都好難話對佢有好評價
關原仲要一個佢擋住N咁多西軍
想洗番白佢都真係好難

結衣bb老公 2017-1-8 19:25:13

毛利兩川都好影響關原既結果
第一下就比秀吉拆走小早川, 揾左條廢柴入主, 之後就係重要時刻變節輸埋
吉川廣家就想盡方法想保存主家, 唔比毛利主家參戰, 雖然毛利因為佢先無比德川滅左, 但反而比長州藩憎左好多年, 鬧佢叛徒

其實吉川廣家係現實主義，首先佢知道西軍有唔少潛在既德川內應，亦預料到毛利輝元說服唔到秀賴上陣。但佢計漏一個因素：德川家康戰後反面唔認人

本身吉川廣家希望毛利可以維持大部分原領
但最後德川都係削去大半，再改易
後世對吉川廣家既評價太差，但忽略佢捨身成仁既偉大

佢係捨身但成唔到仁
毛利搞到得番防長你都好難話對佢有好評價
關原仲要一個佢擋住N咁多西軍
想洗番白佢都真係好難

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

有性母愛 2017-1-8 19:34:21 信長恩師 平手政秀

:^(

石田佐吉三成 2017-1-8 22:20:22

其實吉川廣家係現實主義，首先佢知道西軍有唔少潛在既德川內應，亦預料到毛利輝元說服唔到秀賴上陣。但佢計漏一個因素：德川家康戰後反面唔認人

本身吉川廣家希望毛利可以維持大部分原領
但最後德川都係削去大半，再改易
後世對吉川廣家既評價太差，但忽略佢捨身成仁既偉大

佢係捨身但成唔到仁
毛利搞到得番防長你都好難話對佢有好評價
關原仲要一個佢擋住N咁多西軍
想洗番白佢都真係好難

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

咁吉川廣家真係判斷過西軍唔出力既

:^(

伊勢新九郎盛時 2017-1-8 23:27:15

其實吉川廣家係現實主義，首先佢知道西軍有唔少潛在既德川內應，亦預料到毛利輝元說服唔到秀賴上陣。但佢計漏一個因素：德川家康戰後反面唔認人

本身吉川廣家希望毛利可以維持大部分原領
但最後德川都係削去大半，再改易
後世對吉川廣家既評價太差，但忽略佢捨身成仁既偉大

佢係捨身但成唔到仁
毛利搞到得番防長你都好難話對佢有好評價
關原仲要一個佢擋住N咁多西軍
想洗番白佢都真係好難

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

咁吉川廣家真係判斷過西軍唔出力既

:^(

當然西軍勝敗唔係佢就決定到
事實上西軍唔少係出工唔出力
只係吉川廣家既所作所為
一句講哂忠臣誤國
政治方面同佢老豆一鳩樣
同佢阿叔冇得比

石田佐吉三成 2017-1-8 23:33:12

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

咁吉川廣家真係判斷過西軍唔出力既

:^(

當然西軍勝敗唔係佢就決定到
事實上西軍唔少係出工唔出力
只係吉川廣家既所作所為
一句講哂忠臣誤國
政治方面同佢老豆一鳩樣
同佢阿叔冇得比

只能講德川家康既戰後處理，將佢既政治才華完全發揮，令到外樣大名唔敢反擊

伊勢新九郎盛時 2017-1-8 23:41:39

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

咁吉川廣家真係判斷過西軍唔出力既

:^(

當然西軍勝敗唔係佢就決定到
事實上西軍唔少係出工唔出力
只係吉川廣家既所作所為
一句講哂忠臣誤國
政治方面同佢老豆一鳩樣
同佢阿叔冇得比

只能講德川家康既戰後處理，將佢既政治才華完全發揮，令到外樣大名唔敢反擊

外樣又點會反擊
唔少外樣都因為戰功加封唔少
就算個堆豐臣恩顧大名係關原後始終都仲係忠於豐臣家而非德川
不過佢地都受到加封又點會名正言順反德川呢個豐臣家大老
而且勢孤力弱都冇得反

Hog_Rider 2017-1-8 23:46:09

佢的確係好大程度影響關原戰局，令西軍戰敗
如果唔係佢拖住毛利部隊，西軍未必一定輸

:^(

咁吉川廣家真係判斷過西軍唔出力既

:^(

當然西軍勝敗唔係佢就決定到
事實上西軍唔少係出工唔出力
只係吉川廣家既所作所為
一句講哂忠臣誤國
政治方面同佢老豆一鳩樣
同佢阿叔冇得比

只能講德川家康既戰後處理，將佢既政治才華完全發揮，令到外樣大名唔敢反擊

咪又係炒秀吉打下既基礎
只不過係家康多左沒收自西軍既地
先可以將d外樣調去九州中國咁遠