Ads
今晚出完
Ads
上回講到西貢獻命光頭佬同仁慈匯報!
竟然仲有西貢獻命未死?!
聽個西貢獻命講,數以千計嘅SPIRIT行者入咗去屯門!
當中仲有唔少係先行者級數!
睇嚟大戰真係一觸即發!
仁慈吩咐班西貢獻命光頭佬繼續匿埋視察!
等到西貢獻命都匿埋後,仁慈就開車駛上小欖!
聽仁慈講返,原來守喺呢度嘅西貢獻命都係逆行者!
原來係鬼~
宋本木一早就吩咐仁慈叫班內鬼匿埋!避開尋日SPIRIT嘅大逃殺!
呢個宋本木真係無所有知...又知唔知ADAM俾SPIRIT收埋咗喺邊呢?
“吼!吼!吼...咔...吼吼!咔咔...吼...”架老爺車就上斜冇力咁...聲大但龜速上山...
『走過嚟呢邊嘅話...EVE...就喺山上面?』上山嘅斜路...真係幾斜...
「嗯~」仁慈再俾一俾油~再大大力咁踩行油~「乖乖地...俾啲力啦喂~」
竟然...係喺山上面...
小欖嘅山上...唔係應該係...監獄?
小欖嘅山上...係有一座監獄...
而座監獄...係監禁咗有精神病嘅犯人...
咁而家呢?而家仲係唔係?
係喎...飛揚一直都冇諗過呢點...
應該早喺特殊區成立之後...小欖上面嘅監獄...已經廢棄...
係估唔到...估唔到EVE會收喺上面...
除咗估唔到EVE會收喺山上面...更加估唔到嘅係...飛揚有種...有種熟悉嘅...感覺...
跟住嘅劇情發展又會係點呢?
準備出文
Ads
沿住小路行駛,係一條來回只有兩條行車線嘅上山路...
我哋係要...上山?
先唔好理呢一點...有一點更令我在意...
『頭先嗰班...係西貢獻命?』就係頭先嗰班人...
「嗯?」仁慈望一望倒後鏡中嘅我,再望返上路面,「可以話係...又可以話唔係啦~」
可以話係又可以話唔係...可唔可以唔好講到咁模棱兩可?
十足十宋本木咁...係唔係跟得佢多得濟...